ウェブサイトとは何ですか？

https://www.facebook.com/360115190764901/

Visit Saga HK 佐賀縣觀光物產情報

Q: 住所は？

佐賀県唐津市肥前町万賀里川373-39

ホーム
日本
Karatsu-shi, Saga
Visit Saga HK 佐賀縣觀光物產情報

為大家源源不絕送上佐賀縣的觀光美食・物產及好玩情報！
希望你也會愛上佐賀❤️

大家有聽過佐賀縣這個地方嗎?

佐賀縣位於九州的西北部，剛好在福岡縣與長崎縣之間。自古以來與亞州大陸的交往就很頻繁，以至保留著很多歷史遺跡。而且縣內自然景觀豐富，南部面臨有明海，北部有玄界灘，縣中部則為一望無際的佐賀平原。四處花草盛開，不同季節都可欣賞到漂亮的花。

佐賀縣是高級和牛「佐賀牛」、於日本全國質量稱冠的「佐賀海苔」的出產地。南北兩面臨海，海產豐盛。擁有清徹水源更令佐賀成為豐饒的稻米之鄉，盛產優質米及酒。

在佐賀這裡，你更可以找到全國聞名的溫泉，享受大自然的寧靜，將心情放輕鬆。同時，你又可以參加充滿特色、熱鬧壯觀的著名祭典活動!

希望大家有機會來佐賀玩個開心盡興!

18/08/2026

【 #好味佐賀】炎夏消暑！神埼素麵🍜創意「麵懷石」

去佐賀旅行，淨係知有佐賀牛同海鮮！？今次推介呢款夏天必食嘅美食—— #神埼素麵！🍜

講起 #神埼，呢度係日本機械製麵嘅發祥地。早喺1635年，有僧侶因病獲當地居民照顧😷，為報恩而將手延素麵製法流傳落嚟。憑藉當地得天獨厚嘅氣候、良水與小麥，出產嘅神埼素麵麥香濃郁、口感煙韌🤤，更成為日本首個被認定嘅地區品牌素麵🤩！

平時大家食素麵離不開冷麵或暖湯，但神埼嘅「 #神埼麵懷石」絕對會打破你嘅想像🫨！除了有創新的「素麵刺身🍣」，將唔同味道嘅素麵同刺身完美結合；仲有外脆內軟嘅「素麵饅頭🫓」，用碎素麵結合芋頭同雞肉炸成，外脆內軟、淋埋汁真係食到停唔到口😋！

小編推薦大家朝早先去 #吉野里歷史公園散步打卡，肚餓時車程約10分鐘即可到市內歎神埼麵懷石午餐！

📷 相片出處：佐賀縣觀光連盟

#味膳古雅味
📍 〒842-0002 佐賀県神埼市神埼町田道ケ里1575-6
🗾 https://maps.app.goo.gl/MJPxj73nRi7nRB8G8
⏰ 午餐 11:30-14:00，晚餐 17:30-21:30
🚗 從吉野里歷史公園乘的士約10分鐘/徒歩約20分鐘
🌐 https://ajizenkogami.gorp.jp/

15/08/2026

【 #佐賀精選住宿】逃離塵囂🏞️溫泉之旅♨️ 房間編🏡 #烏拉里武雄花園露台溫泉渡假村

呢間酒店全館套房嘅設計，將傳統日式旅館細心嘅待客之道💁 ，同現代酒店嘅舒適便利完美結合✨，打造出一個獨一無二嘅「溫泉療癒空間♨️」。

無論你係想追求極致奢華💫，定係想帶埋狗狗一齊去玩🐕，呢度都有啱你心水嘅選擇，其中兩個房型分別係：

1️⃣極致奢華：套房💫🏡
坐擁湖畔絕美靚景🏞️，呢度除咗係睇景嘅「皇座👑 」，仲有住客專屬嘅私人桑拿設施⏳。

2️⃣寵物友善：寵物同伴房 🐕🏡
房型設計好貼心咁規劃咗便利嘅路線，方便狗主隨時帶愛犬去戶外寵物公園玩🛝，等狗狗都可以喺大自然入面盡情放電🔋。

最正嘅係，所有房型都附設「 #武雄溫泉♨️ 」！無論你揀邊一種房，都唔使特登去公眾浴場，喺自己間房就可以隨時獨享呢個已經有1300年歷史嘅「美肌湯💆」，徹底洗走晒旅行嘅疲勞。

📷 相片出處：うらり武雄
#うらり武雄 #うらり武雄ガーデンテラススパリゾート
📍 〒843-0021 佐賀県武雄市武雄町大字永島15750-1
🗾 https://maps.app.goo.gl/UUsACR7wmYmZrEP68
🚗 從JR武雄溫泉站乘的士前往約8分鐘 / 渡假村亦提供往返於武雄溫泉站的免費接駁服務，需提前預約
🌐 https://uraritakeo.jp/

13/08/2026

【 #佐賀祭典】九州嵐山激罕✨黃金瀑布手筒花火🎆 川上峽花火大會

喺有 #九州嵐山美譽嘅風景名勝 #川上峽，9月12日將會舉行 #川上峽花火大會 🎆！屆時喺短短約40分鐘內，會有大約1,500發璀璨煙花照亮 #官人橋一帶嘅夜空🌃。

不過講到全晚最令人期待、令我睇到嘩嘩聲嘅🫨，絕對係九州非常罕見嘅 #手筒花火 💥 ！一班熱血壯丁💪🏻會親自上陣，佢哋雙手捧住裝滿火藥嘅筒形裝置🧨，由得火柱直沖半空，然後啲花火好似瀑布咁灑落嚟🎇 ！

望住班猛男毫不畏懼咁沐浴喺黃金火花之中，感覺就好似武林高手喺瀑布下修練咁🧘，嗰種強大氣勢同視覺震撼🤯，真係睇到人熱血沸騰❤️‍🔥！

提提大家，想霸靚位睇煙花同感受氣氛，記得下晝就要出發啦！手筒花火會喺 #與止日女神社東側嘅河畔上演，而大型煙花就會喺川上河濱發射。大家可以早啲去一邊食🎏，一邊等睇呢場充滿期待嘅花火大會！

📸 相片出處：佐賀市觀光協會
　
#川上峡花火大会
📆 9月12日 20:00～20:40（如遇雨天將順延至翌日）
📍 佐賀市大和町川上官人橋下流
🚗 於JR佐賀站巴士中心乘搭昭和巴士，於「大和公民館」站落車（當日巴士運行安排）
🌐 https://www.sagabai.com/main/?cont=event&eid=213703
🎆 佐賀縣花火大會情報：
https://www.asobo-saga.jp/articles/detail/214d2c32-ad21-447c-873a-149323557caf

11/08/2026

【 #佐賀活動】好睇又好影！沉浸式梵高展登陸佐賀🌻✨

鍾意睇展嘅朋友留意喇！如果鍾意梵高、又或者想睇啲特別啲嘅展，呢個展覽絕對要放入你嘅行程！今年夏天限定嘅「親愛的朋友，動起來梵高展」《親愛なる友フィンセント～動くゴッホ展》正式登陸喺佐賀縣立美術館！

唔係傳統死板、遠距離睇畫嘅展覽，而係一個將梵高名畫「動態化」嘅光影藝術展！究竟有咩咁特別？

1️⃣ 荷里活團隊操刀！名畫喺你面前「動起來」

由荷里活專業團隊 MDK Digital Pictures 打造，集結咗超過860幅梵高經典作品！利用各種特效，將《星夜》、《向日葵》、《羅納河上的星夜》等嘅名畫打造成巨型投影。睇住唔同嘅筆觸同星空喺牆上流動，配埋音樂，直頭好似入咗畫嘅世界咁呀。

2️⃣ 1:1 還原《亞爾的臥室》！「走」入去打卡 📸

實物1:1重現咗梵高最著名嘅作品之一——《亞爾的臥室》（The Bedroom in Arles）！可以直接行入去梵高嘅房間，影出極具復古感嘅相，打卡100分！

3️⃣ 打卡一流放心影相錄影 🎥

唔似傳統美術館咁多限制，呢度大部分區域都開放影相同拍片！可以隨心所欲捕捉光影流動嘅每一個瞬間。

💡最後提一提大家，展覽係一個電子光影體驗展，現場展示嘅係CG動畫嚟～無原稿真跡的喔！

相片出處：動くゴッホ展

親愛なる友フィンセント～動くゴッホ展
📅 即日起至9月6日（逢星期一休息）
⏰ 09:30～18:00（最後入場 17:30）
🎫 門票：成人1600日圓 / 中高生1100日圓 / 小童500日圓
📍 佐賀市城内1丁目15-23（佐賀縣立美術館）
🚗 從JR佐賀站乘搭巴士到「博物館前」，落車後即到
🌐 https://www.sagatv.co.jp/nx/gogh2026/

09/08/2026

【 #佐賀祭典】夜空＋海面雙重煙花爆發！太良町納涼夏祭 🌊🦀🎆

又到咗夏日祭典嘅季節啦！🍧今次推薦大家去佐賀最南端嘅海邊小鎮——太良町 📍，參加極具在地風情嘅「第35回太良町納涼夏祭 #太良町納涼夏まつり」！🏮✨

太良町面向有明海 🌊，係出名食竹崎蟹同竹崎蠔嘅海鮮勝地！🦀🦪 呢個夏日祭典唔單止有超靚嘅海邊煙花 🎆，仲充滿地道嘅日本祭典氣氛 🥁，啱晒一家大細或者同另一半去感受日本 Summer Vibe！🏖️🍻

下晝開始會場就會有超熱鬧嘅舞台表演！🎶 最出名嘅係當地居民齊齊跳嘅「太良索蘭舞 #太良ソーラン」同祭典名物「盆舞」💃🏻🕺🏻，節奏感十足，完全感受到漁港小鎮嘅熱情！🔥

而祭典尾聲壓軸登場嘅花火大會喺「道之驛太良」海邊發射 🌅。到時會有約1,000枚嘅煙花喺夜空綻放 🎆，同時倒影喺有明海嘅水面上 🌊✨！喺海風吹拂下近距離睇煙花爆開，場面極之浪漫 💖，打卡影相一流！📸📸

祭典當然唔少得屋台攤檔！🍧炒麵 🍜、章魚燒 🐙、刨冰 🍧 應有盡有！強烈建議晏晝先去附近嘅海鮮店歎餐「竹崎蟹」🦀，夜晚再拎住啤酒 🍺 同小食喺海邊睇煙花 🎆，Chill 爆～！💯🥰

相片出處：太良町納涼夏まつり

#第35回太良町納涼夏まつり
📅 2026年8月26日（星期六）
⏰ 祭典：17:00~20:30　煙花：20:00～20:30
📍 藤津郡太良町B＆G海洋センター運動広場
🚗 從JR肥前大浦站乘車約5分

08/08/2026

【 #佐賀精選住宿】逃離塵囂🏞️溫泉之旅♨️ 住宿體驗編✨ #烏拉里武雄花園露台溫泉渡假村

今次想介紹嘅住宿🏡，係隱身於 #武雄市嘅 #烏拉里武雄花園露台溫泉渡假村。呢間渡假村就好似一個被大自然包圍🌲嘅現代水療避世空間😌。全部房型都設有私人溫泉♨️，佈置又豪華又舒服，一入去就即刻可以徹底放鬆～

一定唔好錯過佢地嘅晚餐——用「佐賀頂級食材」炮製嘅懷石料理🍱。主菜可以揀 #佐賀牛🐮壽喜燒或者涮涮鍋🫕，牛肉喺個煲度輕輕一淥🥢，口中充滿濃郁嘅肉香夾埋鮮甜味🤤，真係成個旅程嘅highlight✨！

食完飽飽，當然要嘆返個溫泉♨️ 。呢度嘅溫泉屬於弱鹼性單純泉，觸感柔滑，浸完之後皮膚真係會變得好柔潤㗎✨👐🏻！6月至10月期間佢哋仲會調低溫泉水溫，就算係夏天，都可以舒舒服服咁浸溫泉，慢慢舒緩所有疲勞💆。

浸完溫泉，可「窩喺」住客專屬嘅貴賓室🧑‍💼，揀杯地道好酒🍶，靜靜咁享受呢份遠離市區嘅寧靜🌿 。

📷 相片出處：うらり武雄

#うらり武雄 #うらり武雄ガーデンテラススパリゾート
📍 〒843-0021 佐賀県武雄市武雄町大字永島15750-1
🗾 https://maps.app.goo.gl/UUsACR7wmYmZrEP68
🚗 從JR武雄溫泉站乘的士前往約8分鐘 / 渡假村亦提供往返於武雄溫泉站的免費接駁服務，需提前預約
🌐 https://uraritakeo.jp/

07/08/2026

【】佐賀莓小姐🍓 × 東京三大刨冰聯乘！🍧✨

去東京食日式刨冰 🍧，今個夏天又有期間限定嘅新選擇啦！😍 大家最鍾意嘅「佐賀莓小姐（いちごさん）」🍓 聯同東京3間刨冰店🏆，推出超奢侈嘅期間限定企劃——「佐賀莓小姐刨冰2026」！🎉

今次合作嘅人氣刨冰店分別係 Sakanoue Cafe（サカノウエカフェ）、廚 Kurogi（廚くろぎ）同埋 Kurogi 甘味研究所（くろぎ甘味研究所）。等小編為大家簡單介紹一下呢三款刨冰啦🍧👇

💗 「心動、佐賀莓小姐。」（いちごさん、きゅん。）｜ Sakanoue Cafe🌸

好似法式蛋糕咁靚嘅刨冰🎂✨！主角佐賀莓小姐以士多啤梨醬同保留咗果肉口感嘅糖漬🍓，兩種型態完美呈現，鎖住士多啤梨最純粹嘅鮮甜😋。搭配雲呢拿 Cream🍦帶嚟好似食緊蛋糕咁嘅綿密感覺🤤。最後仲可以淋焙茶醬🍵，烘焙茶香瞬間將甜膩感平衡返 ⚖️，由第一啖到最後一啖都充滿唔同層次變化！🌈

🍮 「佐賀莓小姐牛奶布丁」（いちごさんミルクぷりん）｜廚 Kurogi🔥

主廚重新調整獨家配方👨‍🍳✨，打造專為呢款士多啤梨而出世嘅布丁刨冰🍧！絲滑且帶有乳香感嘅士多啤梨醬🍓🥛，同帶著懷舊氣息嘅古早味布丁🍮完美結合！此外，仲融入濃郁 Cheese Cream🧀 同日式靈魂白豆沙🫘，加上酥脆餅乾🍪增加口感，最後以微苦焦糖提味🍮，包保你食到最後一匙都充滿驚喜！💥

🍡 「佐賀莓小姐奶油大福」（いちごさんクリーム大福）｜ Kurogi 甘味研究所 🤤

刨冰直接化身為奢華嘅「士多啤梨大福」！🍡🍓主廚運用多年嘅修業經驗👨‍🍳，特別調配出軟嫩綿密嘅日式軟麻糬（求肥）🍥，結合酸甜嘅士多啤梨醬🍓、粒粒紅豆餡🫘、香濃嘅黃豆粉奶油🌾、核桃碎🥜 同 Cheese Cream🧀！麻糬嘅黏韌同刨冰嘅細緻綿密喺口中交融👄，宛如食緊會融化嘅高級大人版士多啤梨大福啊！🫠✨

職人們將佐賀莓小姐清甜果香同飽滿果汁💦，發揮到極致💯，將刨冰提升至精緻甜品🍰甚至和菓子🍡嘅藝術境界！

各位準備暑假去東京嘅「冰友」🍧✈️，記得喺呢個夏天去試晒呢三款限定刨冰呀🏃‍♂️💨，錯過咗唔知幾時再有機會㗎啦！

佐賀莓小姐刨冰2026 #いちごさんかき氷2026

サカノウエカフェ (Sakanoue)
📆 提供期間：即日起至８月15日（無休息日）
⏰ 9:00～19:00
📍 東京都文京区湯島2-22-14
🌐 https://www.instagram.com/sakanouecafe

廚くろぎ (Kurogi)
📆 提供期間：即日起至８月15日（無休息日）
⏰ 10:00～21:00
📍 東京都台東区上野3丁目24－6　PARCO_ya上野１F
🌐 https://www.instagram.com/kuriya.otona

(Kurogi) くろぎ甘味研究所
📆 提供期間：8月18日至9月15日（無休息日）
⏰ 10:00～20:00
📍 東京都港区芝公園１-７-16 GRANDLUXE芝大門１階
🌐 https://www.instagram.com/kurogi_kanmi

06/08/2026

【 #佐賀祭典】沉浸式帶你玩 #鹽田夏祭花火大會 🎆🏮✨

嬉野一年一度嘅「鹽田夏祭花火大會 #塩田夏祭り花火大会」！又返嚟啦 🥳🎉，等小編今次同大家一齊預習一次有咩玩喇！🏃‍♂️💨

16:00 🕓 入場先掃街食嘢！

朝早同晏晝可以去嬉野其他地方行下街、買下嘢、食下嘢～🛍️♨️ 但下晝 4 點左右就要去「社會文化會館」📍，因為會場開始變得熱鬧啦！

變身成美食天堂 🚚✨，好多出名嘅餐車全部開晒過嚟～例如有日式炸雞 🍗、屋台炒麵 🍜、必食刨冰 🍧，美食應有盡有！仲有超復古嘅夏日遊戲攤位 🎯🪀 同埋露天家庭電影院 🎬🍿，氣氛溫馨又 Cute 💖，完全係日劇入面嘅其中一幕咁啊！🎬✨

19:00 🕖 交通管制＋搵定靚位！ 🛑🚗

周邊開始會有車輛管制 🚧，記得提前搵返個好位置 🪑，食飽咁等睇煙花啦！🍻🍢

20:00 🕗 重頭戲嚟啦！ 💥🎆🌟

一到夜晚八點 🌙，全場燈光就會變暗 🕯️，全晚第一下煙花直衝上天——「砰！！！」🎆✨ 呢度嘅花火真係最瘋狂嘅位喺觀賞距離 🎯！因為真係超級近 😳，好似啲璀璨嘅煙花雨直接要落喺你面上咁！1,200 發煙花喺頭頂完美綻放 🎇，重低音爆破聲直接喺胸口共鳴 💓，嗰種視覺同聽覺嘅雙重衝擊 👁️👂✨，真係會令人忍不住叫出聲「哇太正啦！」😭✨🙌

30分鐘後 🕤，本年度嘅鹽田夏祭花火大會就完滿結束啦 🌌🎇。離開時記得收返自己嘅垃圾 🚮♻️，跟指示安全搭車返酒店呀 🚌～祝大家喺佐賀有一個最浪漫、最難忘嘅夏日祭典啦！🥰🎌🎆

相片出處：塩田夏まつり

第53屆鹽田夏祭 #塩田夏まつり
📆 2026年8月16日(日)
⏰ 20:00〜20:30
📍 嬉野市塩田町五町田甲628-4他
🚗 從JR肥前鹿島站乘巴士到嬉野市役所前停留所下車，徒步約2分鐘

05/08/2026

【體驗佐賀】🍵💚佐賀名茶——嬉野茶，品味日本茶嘅真正魅力✨

講到日本茶，大家可能第一時間會諗起宇治🍃或者靜岡🌱，其實佐賀縣嘅「嬉野茶」都係日本代表性名茶之一🥰

嬉野茶擁有超過500年歷史，以甘甜醇厚嘅茶香同柔和順滑嘅口感聞名。特別係採用「蒸青玉綠茶」製法，茶葉呈天然捲曲狀，沖泡後散發清新茶香，入口甘甜回甘，深受日本茶愛好者喜愛🍵✨

位於嬉野溫泉嘅德永製茶，係當地非常有名嘅老字號茶商💚除咗設有直營店之外，仲將嬉野茶出口到歐洲等海外市場，多年來更榮獲多項國內外獎項，品質備受肯定🌍✨🏆亦曾於英國最具權威嘅食品評鑑「Great Taste Awards」榮獲最高評價⭐⭐⭐三星獎，品質獲世界認可！

店內售賣多款嬉野茶，包括經典玉綠茶🍃、抹茶🍵、焙茶、和紅茶等，亦有茶包、禮盒等產品，無論送禮定自己慢慢享受都非常適合🎁💕

另外，店內亦有販售茶具同茶器。如果想將日本茶文化帶返屋企，或者挑選一份充滿佐賀特色嘅伴手禮，都可以喺呢度慢慢揀✨

去嬉野溫泉浸完溫泉♨️，不妨順道去德永製茶，品味嬉野茶嘅魅力，再帶返一份世界認可嘅佐賀茶香返屋企🍃💚

📍 843-0301佐賀県嬉野市嬉野町下宿乙1938
🗺️ https://maps.app.goo.gl/PcXjywW3UBJKiAsi6?g_st=ic
🚗 從JR嬉野溫泉站駕車約7分鐘
🌐 https://japaneseteashop.com/

25/07/2026

【 #體驗佐賀】🌊💙唐津必去絕景—— #波戶岬✨

嚟到佐賀唐津旅行，真心推薦一定要嚟「波戶岬」🥹💕

呢度位於玄界灘最北端，被譽為唐津代表性嘅絕景之一🌊✨放眼望去就係一望無際嘅大海，天氣好嘅時候，海天連成一線，景色靚到令人唔想離開💙

沿住海邊慢慢散步🍃，吹住海風、聽住海浪聲，真係超級療癒😌✨

波戶岬最出名嘅打卡位，就係巨型白色❤️Heart雕塑🤍💕面向大海影相超級靚，無論情侶、朋友定一家大細都一定要打卡📸✨

🌊除咗絕美海景之外，仲有一個必睇景點—— #海中展望塔🤍✨

展望塔透過一條長約86米嘅棧橋連接岸邊，直達海中央🌊最特別嘅係，可以落到水深約7米嘅海中展望室👀🐠，透過24扇觀景窗近距離欣賞玄界灘嘅海底世界。

由於呢度係暖流同寒流交匯嘅海域，可以睇到各種魚群悠游同海藻隨波飄動🌿🐟運氣好嘅話，仲有機會睇到色彩鮮艷嘅熱帶魚，唔使潛水都可以探索海底世界，感覺就好似置身小型水族館一樣🥹💙

海邊附近嘅停車場有小食店，可以品嚐唐津名物炭燒角螺（サザエ）🐚，仲有呼子名物魷魚🦑✨，一次過享受玄界灘豐富嘅海鮮滋味😋💕

如果你嚟唐津，記得留返d時間嚟波戶岬，感受佐賀最迷人嘅海景，同埋探索玄界灘嘅海底世界💙

📍 847-0404 佐賀県唐津市鎮西町波戸947
🗺️ https://maps.app.goo.gl/GDCphhSeF63gnhWEA?g_st=ic
🚗 從JR唐津站駕車約30分鐘
🌐 https://www.karatsu-kankou.jp/spots/detail/49/

住所

佐賀県唐津市肥前町万賀里川373-39
Karatsu-shi, Saga

ウェブサイト

facebook.com

アラート

Visit Saga HK 佐賀縣觀光物產情報がニュースとプロモを投稿した時に最初に知って当社にメールを送信する最初の人になりましょう。あなたのメールアドレスはその他の目的には使用されず、いつでもサブスクリプションを解除することができます。

あなたの団体を公務員のトップリストKaratsu-shiにしたいですか?