Pamahalaan Panlalawigan ng Shizuoka

28/08/2026

𝐁𝐚𝐛𝐚𝐥𝐚 𝐬𝐚 𝐦𝐠𝐚 𝐚𝐤𝐬𝐢𝐝𝐞𝐧𝐭𝐞 𝐬𝐚 𝐭𝐮𝐛𝐢𝐠!

Dumarami ang mga kaso ng aksidente sa tubig tuwing papalapit ang tag-init. Iwasan natin ang mga aksidenteng ito sa pamamagitan ng pagsasaisip ng mga sumusunod:
① Huwag pumunta sa delikadong lugar.
② Huwag pumasok sa tubig nang naka-inom, kulang sa tulog, o pagod.
③ Palaging bantayan ang mga bata
④ Tiyakin ang lagay ng panahon. Huwag pumunta sa katubigan kung masama ang panahon.
⑤ Magsuot ng life jacket tuwing mangingisda o sasakay sa sasakyang pandagat.

28/08/2026

17/08/2026

𝗕𝗮𝗯𝗮𝗹𝗮! 𝗠𝗮𝗴-𝗶𝗻𝗴𝗮𝘁 𝘀𝗮 𝗺𝗴𝗮 𝗽𝗲𝗸𝗲𝗻𝗴 𝗸𝗼𝗻𝘀𝘂𝗹𝘁𝗮𝘀𝘆𝗼𝗻!

May naitalang scammer sa ibang lalawigan na nagpapanggap bilang tauhan ng opisyal na sentro ng pangkalahatang konsultasyon. Ito ay nakabiktima na ng isang dayuhang residente at nakakuha ng pera at kagamitan mula sa kanya.

Ang Sentro para sa Multikultural na Pangkalahatang Konsultasyon sa Lalawigan ng Shizuoka o Camellia ay kailanmang hindi tumatanggap ng pera para sa mga konsultasyong ginagawa nito. Bagamat maaring ma-contact ang Camellia gamit ang email o social media, tandaan na libre lamang po ang pag-konsulta sa Camellia.

Mag-ingat at huwag basta-bastang maniniwala sa mga nagsasabi ng ganito.

13/08/2026

Paunawa mula sa Immigration Services Agency tungkol sa naganap na lindol sa Kumamoto

Ito ay isang paunawa para sa mga taong hindi makapagsumite (o nakapagsumite) ng aplikasyon sa Regional Immigration Services Bureau (Immigration Office) sa loob ng itinakdang panahon o ayon sa karaniwang mga proseso, dahil sa epekto ng "Lindol sa Kumamoto sa taong 2026."

Immigration Services Agency official website: https://www.moj.go.jp/isa/support/portal/01_00612.html

31/07/2026

24/07/2026

𝐌𝐚𝐠-𝐢𝐧𝐠𝐚𝐭 𝐭𝐚𝐲𝐨 𝐬𝐚 𝐡𝐞𝐚𝐭𝐬𝐭𝐫𝐨𝐤𝐞!

Patuloy ang mainit na panahon sa bansang Hapon at maraming nakakaranas ng pagsama ng pakiramdam dahil sa mataas na temperatura.Tinatawag itong heatstroke.

Mag-ingat tayo sa heatstroke!

Maaaring mangyari ang heatstroke sa loob at labas ng bahay. Mangyraing tingnan ang mga larawan at gawin ang naaangkop na paghahanda laban sa heatstroke.

Pinagmulan: Website ng impormasyon at mga materyales para maiwasan ang heatstroke (Ministry of Health, Labour and Welfare)
（https://www.mhlw.go.jp/seisakunitsuite/bunya/kenkou_iryou/kenkou/nettyuu/nettyuu_taisaku/index.html）

Kung hindi na makainom ng tubig mag-isa o hindi na tumutugon nang maayos, huwag mag-atubiling tumawag ng ambulasya sa 119!
Narito ang gabay sa pagtawag ng ambulansya na makikita sa iba't-ibang wika:
https://www.fdma.go.jp/publication/portal/post1.html

22/07/2026

𝗟𝗶𝗯𝗿𝗲𝗻𝗴 𝗞𝗼𝗻𝘀𝘂𝗹𝘁𝗮𝘀𝘆𝗼𝗻 𝘀𝗮 𝗔𝗯𝗼𝗴𝗮𝗱𝗼 𝗽𝗮𝗿𝗮 𝘀𝗮 𝗺𝗴𝗮 𝗗𝗮𝘆𝘂𝗵𝗮𝗻 - 𝗛𝗮𝗺𝗮𝗺𝗮𝘁𝘀𝘂

Maglulunsad ng libreng konsultasyon sa abogado. Mayroong translator para samga nahihirapan sa wikang Hapon.
Magparehistro lamang kung nais kumunsulta. Mangyaring tumawag sa opisina hanggang 3 araw bago ang konsultasyon.

【Kailan】
Ika-29 ng Hulyo 2026 (Sabado) 13:00〜16:00

【Saan】
Hamamatsu Intercultural Center
4F, 2-1 Hayauma-cho, Chuo-ku, Hamamatsu

【Magkano】
Walang bayad

【Bilang ng Matutugunan】
4 na tao lamang

【Mga Wika】
Ingles, Portuges, Filipino, Vietnamese, Indonesian, Tsino, at Espanyol
Mangyaring magtanong para sa mga wika maliban dito.

【Para sa mga Katanungan】
Hamamatsu Foundation for International Communication and Exchange (HICE)
☎053-458-2170

22/07/2026

𝗟𝗶𝗯𝗿𝗲𝗻𝗴 𝗞𝗼𝗻𝘀𝘂𝗹𝘁𝗮𝘀𝘆𝗼𝗻 𝘀𝗮 𝗟𝗲𝗴𝗮𝗹 𝗦𝗽𝗲𝗰𝗶𝗮𝗹𝗶𝘀𝘁 𝗽𝗮𝗿𝗮 𝘀𝗮 𝗺𝗴𝗮 𝗗𝗮𝘆𝘂𝗵𝗮𝗻

Maglulunsad ng libreng konsultasyon sa legal specialist at maaaring ikonsulta ang mga bagay gaya ng permiso sa pamamalagi sa Japan (zairyu shikaku), pakikipagdibursyo, at iba pa.

Mayroong tutulong magsalin ng inyong hinaing kung nahihirapan sa wikang Hapon. Mangyari lamang na magparehistro ang mga nais kumunsulta.

Kontakin ang Sentro para sa Multikultural na Pangkalahatang Konsultasyon sa Lalawigan ng Shizuoka (CAMELLIA) para makapag-register, at muling magpadala ng mensahe isang araw bago ang konsultasyon. Mahalagang ipagbigay-alam kung sakaling hindi na makapupunta sa iskedyul. Tatanggap lamang ng rehistrasyon sa mismong araw kung may bakante.

Maaring hindi matugunan ang lahat ng nais magpakonsulta kung marami nang nakapagpatala kaya naman magparehistro na nang maaga.

【Kailan】
Ika-29 ng Hulyo 2026（Miyerkules）10:00〜12:00

【Saan】
Opisina ng Samahang Pang-internasyonal ng Shizuoka
2F Mizunomori Bldg, 14-1 Minami-cho-Suruga-ku, Shizuoka-shi

【Sinu-sino】
Mga dayuhan o kanilang representative, mga Hapon na may kinalaman sa mga dayuhan

【Paraan ng Konsultasyon】
Video Call, Tawag sa Telepono, o Pagpunta sa Opisina

【Mga Wikang Matutugunan】
Ingles, Portuges, Filipino, Vietnamese, Indonesian, Espanyol, at Tsino

【Magkano】
Walang bayad

【Bilang ng Matutugunan】
2 tao lamang

【Para sa Mga Katanungan】
Sentro para sa Multikultural na Pangkalahatang Konsultasyon sa Lalawigan ng Shizuoka (CAMELLIA)
☎ 054-204-2000
📧 [email protected]
FB/Messenger Adviser Shizuoka