21/10/2026
🌟 HADITHI YA MAFANIKIO YA DJC | KUTOKA DIANI HADI DUNIANI! ⚽🇰🇪
Ndoto zingine huanzia kwenye uwanja wa mpira, na katika Diani Junior Cup, tunajivunia kuwa sehemu ya kuzifanya ndoto hizo kuwa kweli!
Leila Bakari Mwanakombo alishiriki katika toleo la 3 la Diani Junior Cup, akiwakilisha Simba Soccer Academy. Kipaji chake kilimvutia mmoja wa waandaaji wa DJC, Bw. Dominic Kirimi, ambaye alimunganisha na kocha mkuu wa timu ya taifa.
Leila aliitwa kwa majaribio, akatumia fursa hiyo vizuri na kufaulu. Safari yake imeendelea kupiga hatua kubwa, kwani amepata ufadhili kamili wa masomo katika Spire Academy nchini Marekani! 🇺🇸🎓⚽
Pia tunajivunia kumwona akiiwakilisha Kenya kupitia Harambee Junior Starlets katika Kombe la Dunia la FIFA la Wasichana chini ya umri wa miaka 17! 🇰🇪🏆
Hii ndiyo maana ya Diani Junior Cup: kufungua milango, kuibua vipaji na kuwapa vijana kutoka Kaunti ya Kwale jukwaa wanalostahili ili kuonyesha uwezo wao, kupata elimu bora na kutimiza ndoto zao hata nje ya mipaka ya nchi.
Kutoka Simba Soccer Academy, kupitia Diani Junior Cup, hadi Spire Academy nchini Marekani — safari ya Leila ni msukumo kwa kila kijana mwenye ndoto ya kufanikiwa kupitia soka!
DJC, tunajivunia kuwa sehemu ya safari hii. ❤️💚💙
🔥 TOLEO LA 6 LINAKUJA HIVI KARIBUNI!
Toleo jingine. Fursa nyingine. Kizazi kingine cha vijana wenye ndoto zinazongojea kutimia!
