SBUBB

11/06/2026

វីដេអូដំណើរការចុះត្រួតពិនិត្យទិដ្ឋភាពសិក្សាធិការ................................
ថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦ ព្រះ

10/06/2026

កិច្ចប្រជុំសំណេះសំណាល និងប្រគល់ប័ណ្ណសរសើរ
………………………………………………….
នៅរសៀលថ្ងៃទី៩ ខែមិថុនា ឆ្នាំ២០២៦ នេះ ព្រះវិន័យសរណរង្សី ប៉ុក ពាន់ អនុប្រធានសាខា តំណាងដ៏ខ្ពង់ខ្ពស់ ព្រះយសបញ្ញាបណ្ឌិត វី សុវិជ្ជា ព្រះប្រធានសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង បាននិមន្តដឹកនាំកិច្ចប្រជុំសំណេះសំណាលជាមួយសមណនិស្សិត និងនិស្សិត ដែលជាប្រធាន-អនុប្រធានថ្នាក់។
កិច្ចប្រជុំនេះធ្វើឡើងក្នុងគោលបំណងដើម្បីសួរសុខទុក្ខ និងបើកឱកាសឱ្យតំណាងថ្នាក់នីមួយៗ លើកឡើងពីបញ្ហាប្រឈមផ្សេងៗ ដើម្បីរួមគ្នាស្វែងរកដំណោះស្រាយ។ ជាមួយគ្នានោះដែរ គណៈគ្រប់គ្រងសាលាក៏បាន ប្រគល់ប័ណ្ណសរសើរ ជូនដល់ប្រធាន និងអនុប្រធានថ្នាក់គ្រប់រូប ដើម្បីជាការលើកទឹកចិត្តចំពោះការខិតខំប្រឹងប្រែងជួយសម្របសម្រួល និងដឹកនាំការងារតាមថ្នាក់រៀននាពេលកន្លងមក។

10/06/2026

សិក្ខាសាលាស្តីពីការយល់ដឹងពីទំនាស់
-----------------------------------
ថ្ងៃអង្គារ ៩រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែមិថុនា ឆ្នាំ២០២៦ អង្គការវេទិកាសេវាសន្តិភាពស៊ីវិល-កម្ពូជា PRO-PEACE សហការជាមួយសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង ដឹកនាំដោយព្រះមហា ហែម វណ្ណដា ប្រធានការិយាល័យទំនាក់ទំនង និង សហប្រតិបត្តិការ បានរៀបចំវគ្គបណ្តុះបណ្តាលមួយស្តីពីការយល់ដឹងពីទំនាស់ ដល់សមណ និស្សិត និស្សិត ចំនួន ១៥ រូប ដែលសម្របសម្រួលដោយនិស្សិតគ្រូបង្គោល ស្ម័គ្រចិត្តមួយនាក់ ក្រោមគម្រោងអប់រំសន្តិភាព ដែលដឹកនាំដោយលោក គា រដ្ឋា មន្រ្តីគម្រោងអង្គការ។

10/06/2026

កិច្ចប្រជុំជាមួយបុគ្គលិកស្ម័គ្រចិត្តតាមការិយាល័យ
…………………………………………….
នាថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦ នេះ លោកគ្រូ ភុំឈន់ តុលា ប្រធានការិយាល័យរដ្ឋបាល និងជាតំណាងដ៏ខ្ពង់ខ្ពស់របស់ ព្រះយសបញ្ញាបណ្ឌិត វី សុវិជ្ជា ព្រះប្រធានសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង បានដឹកនាំកិច្ចប្រជុំជួបសំណេះសំណាលជាមួយបុគ្គលិកស្ម័គ្រចិត្តតាមបណ្តាការិយាល័យនានា កិច្ចប្រជុំនេះធ្វើឡើងក្នុងគោលបំណងដើម្បីសាកសួរសុខទុក្ខ ស្វែងយល់ពីស្ថានភាពការងារ ក៏ដូចជាពិភាក្សាលើបញ្ហាប្រឈមមួយចំនួន ដើម្បីស្វែងរកដំណោះស្រាយរួម ដើម្បីពង្រឹងប្រសិទ្ធភាពការងារ។

10/06/2026

ជូនអាហារថ្ងៃត្រង់ដល់ក្រុមជាងសាងសង់អគារអន្តេវាសិកដ្ឋាន
………………………………………………………………..
នាថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦ នេះ ព្រះយសបញ្ញាបណ្ឌិត វី សុវិជ្ជា ព្រះប្រធានសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង បាននិមន្តនាំយកអាហារថ្ងៃត្រង់ទៅចែកជូនដល់ក្រុមជាង ដែលកំពុងបំពេញការងារសាងសង់អគារអន្តេវាសិកដ្ឋាន។

10/06/2026

នាព្រឹកថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦ លោកសាស្រ្តាចារ្យ សេង រ៉ាស៊ីន ដែលទទួលបន្ទុកបង្រៀនមុខវិជ្ជារដ្ឋបាលអប់រំ បានដឹកនាំសមណនិស្សិត និងនិស្សិតឯកទេសរដ្ឋបាលអប់រំ ឆ្នាំទី៣ ឆមាសទី១ ជំនាន់ទី១៦ នៃពុទ្ធិកសាកលវិទ្យាល័យព្រះសីហនុរាជ សាខាខេត្តបាត់ដំបង ចុះអនុវត្តផ្ទាល់អំពីរបៀបរៀបចំដំណើរការកិច្ចប្រជុំសិក្ខាសាលា និងការចាត់ចែងកិច្ចការរដ្ឋបាលនៅក្នុងអង្គប្រជុំ។

09/06/2026

សាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង
សូមថ្លែងអំណរព្រះគុណយ៉ាងជ្រាលជ្រៅ ចំពោះព្រះមហា សោណត្ថេរោ ស៊ុន សុប្រាថ្នា សមណនិស្សិតនៃសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង ដែលមានសទ្ធាជ្រះថ្លាដ៏មុតមាំ បានចូលរួមចាប់មហាកុសលជាបច្ច័យ ចំនួន ២០០,០០០ រៀល (ម្ភៃម៉ឺនរៀល) ដោយបែងចែកជាពីរគឺ៖
🙏១០០,០០០ រៀល (ដប់ម៉ឺនរៀល) សម្រាប់ចូលរួមកសាងអគារស្នាក់នៅរបស់គ្រូបង្រៀន
🙏១០០,០០0 រៀល (ដប់ម៉ឺនរៀល) សម្រាប់ចូលរួមកសាងអគារអន្តេវាសិកដ្ឋានភ្លោះ
សូមបួងសួងដល់គុណព្រះរតនត្រ័យ និងអំណាចនៃមហាកុសលនេះ ជួយប្រទានពរជ័យថ្វាយព្រះមហា សូមជួបប្រទះតែនឹងពុទ្ធពរទាំង ៤ ប្រការ គឺ អាយុ វណ្ណៈ សុខៈ និងពលៈ ជានិច្ចនិរន្តរ៍ កុំបីឃ្លៀងឃ្លាតក្លាយជាប្រការដទៃឡើយ។
ថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦

08/06/2026

ព្រះយសបញ្ញា បណ្ឌិត វី សុវិជ្ជា ព្រះប្រធានសាខា បាននិមន្តចូលរួមប្រជុំពិភាក្សាក្រោមអធីបតី ឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនាអំពីបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែង នៅតាមរចនាសម្ព័ន្ធរបស់ក្រសួងធម្មការនិងសាសនា លើវិស័យពុទ្ធិកសិក្សា។
កិច្ចប្រជុំនេះមានការយាង និមន្ត និងអញ្ជើញចូលរួមពីសំណាក់សម្តេចព្រះពោធិវ័ង្ស កិត្តិបណ្ឌិត ណយ ច្រឹក សម្តេចព្រះសង្ឃនាយករងទី១ ជាព្រះអគ្គាធិការងពុទ្ធិកសិក្សា ព្រះរាជតំណាងដ៏ខ្ពង់ខ្ពស់ សម្តេចព្រះមហាសុមេធាធិបតី កិត្ដិបណ្ឌិត អំ លីមហេង សម្តេចព្រះសង្ឃនាយក គណៈមហានិកាយនៃព្រះរាជាណាចក្រកម្ពុជា និងជាព្រះអគ្គាធិការនៃអគ្គាធិការដ្ឋានពុទ្ធិកសិក្សាជាតិ សម្តេច ព្រះរាជាគណៈ ព្រះមន្រ្តីសង្ឃ ឯកឧត្តម លោកជំទាវ រដ្ឋលេខាធិការ ឯកឧត្តម លោកជំទាវ អនុរដ្ឋលេខាធិការ លោក លោកស្រី និងមន្ត្រីរាជការជាច្រើនរូប នៅសាលផ្ការំដួល ទីស្តីការក្រសួង។
………………………
ថ្ងៃចន្ទ ៨រោច ខែជេស្ឋ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី៨ ខែ មិថុនា ឆ្នាំ២០២៦

ប្រភពរូបភាព: ក្រសួងធម្មការនិងសាសនា

08/06/2026

អគារគ្រូបង្រៀនសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង។
………………….
ព្រះថេរានុត្ថេរៈ ញាតិញោម លោក អ្នកសប្យុរស សូមចូលរួមកសាងតាមកម្លាំងសទ្ធាជ្រះថ្លា!

08/06/2026