មន្ទីរវប្បធម៌ និងវិចិត្រសិល្បៈខេត្តកំពង់ស្ពឺ

24/08/2026

“កិច្ចប្រជុំត្រួតពិនិត្យ ផ្គូផ្គង និងវាយតម្លៃការរៀបចំបញ្ជីសារពើភណ្ឌទ្រព្យសម្បត្តិរដ្ឋ”

ព្រឹក ថ្ងៃចន្ទ ទី២៤ ខែសីហាឆ្នាំ២០២៦ លោក ស៊ុនមានជ័យ ប្រធានមន្ទីរវប្បធម៌ និងវិចិត្រសិល្បៈខេត្តកំពង់ស្ពឺ បានចាត់ លោក សេង សៅដារ៉ា ប្រធានការិយាល័យរដ្ឋបាល បុគ្គលិក និងលោក ហ៊ីម សុភិន្ទ អនុប្រធានការិយាល័យ ចូលរួមក្នុងកិច្ចប្រជុំត្រួតពិនិត្យ ផ្គូផ្គង និងវាយតម្លៃលើការរៀបចំបញ្ជីសារពើភណ្ឌទ្រព្យសម្បត្តិរដ្ឋ (តារាងកើនឡើង ថយចុះនូវទ្រព្យសម្បត្តិប្រចាំឆ្នាំ២០២៥) និងជំរុញការធ្វើបណ្ណកម្មសិទ្ធិដីរដ្ឋ របស់រដ្ឋបាលខេត្ត ក្រុង ស្រុក ឃុំ សង្កាត់ និងមន្ទីរអង្គភាពជុំវិញខេត្ត ក្រោមអធិបតីភាព ឯកឧត្តម ហន ភក្ដី អភិបាលរងខេត្ត តំណាងដ៏ខ្ពង់ខ្ពស់ ឯកឧត្ដមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ត និងមានការចូលរួមពី លោក ផាន់ មករា ប្រធាននាយកដ្ឋានទ្រព្យសម្បត្តិរដ្ឋ នៃអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ មានអ្នកចូលសរុបចំនួន ២៣៦រូប។

24/08/2026

ថ្ងៃចន្ទ ១១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែសីហា ឆ្នាំ២០២៦
———————*——————
👉មន្ត្រីរាជការនៃមន្ទីរវប្បធម៌និងវិចិត្រសិល្បៈខេត្តកំពង់ស្ពឺ បានគោរពទង់ជាតិ នៃព្រះរាជាណាចក្រកម្ពុជា ។

23/08/2026

សាលាមធ្យមវិចិត្រសិល្បៈសូមជូនដំណឹងដល់ មាតា បិតា អ្នកអាណាព្យាល និងសិស្សានុសិស្សទាំងអស់ជ្រាបថា សាលាមធ្យមវិចិត្រសិល្បៈនឹងជ្រើសរើសសិស្សចូលរៀនដោយឥតបង់ថ្លៃ សម្រាប់ឆ្នាំសិក្សា២០២៦-២០២៧ ដែលចាប់ផ្ដើមចែកពាក្យនិងទទួលពាក្យចាប់ពីថ្ងៃជូនដំណឹងនេះរហូតដល់ថ្ងៃ២៤ ខែកញ្ញា ឆ្នាំ២០២៦ កាលបរិច្ឆេទប្រឡងនៅថ្ងៃទី២ ខែតុលា ឆ្នាំ២០២៦។
👉 សម្រាប់ព័ត៌មានបន្ថែមសូមទាក់ទងការិយាល័យសិក្សានៃសាលាមធ្យមវិចិត្រសិល្បៈ(បឹងបាយ៉ាប)
👉🏻 អាសយដ្ឋាន៖ វិថីបណ្ឌិតម៉ុងឬទ្ធី (១៩២៨) ភូមិឧកញ៉ាវាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ
👉🏻 Map => https://goo.gl/maps/pjvzqiFRK9qLUSo17
👉🏻 លេខទូរស័ព្ទ៖
- ០៨៩ ២៥៥ ៣៨៨ (តេឡេក្រាម)
- ០៩៦ ៥៦៨ ៣៤៥២

21/08/2026

ថ្ងៃសុក្រ ទី២១ ខែសីហា ឆ្នាំ២០២៦
—————————
លោក ឃឹម សុខន អនុប្រធានមន្ទីរ តំណាងលោក ស៊ុន មានជ័យ ប្រធានមន្ទីរវប្បធម៌ និង វិចិត្រសិល្បៈខេត្ដកំពង់ស្ពឺ
ខ្ញុំបាទចូលរួមសិក្ខាសាលាផ្សព្វផ្សាយស្តីពី ច្បាប់ជាតិ អន្តរជាតិ ពាក់ព័ន្ធឧក្រិដ្ឋកម្មឆ្លងដែន និងលិខិតបទដ្ឋានគតិយុត្តនានាអពើជួញដូរមនុស្ស ក្រោមអធិបតីភាព លោកជំទាវ ឡងឌី សាន់ណារ៉ា រដ្ឋលេខាធិការ ជាប្រធានក្រុមការងារ មានការអញ្ជើញចូលរួមឯកឧត្តម លោកជំទាវ និងលោក លោកស្រី ប្រធាន អនុប្រធាន មន្រ្តី នាយកដ្ឋានសិល្បៈទស្សនីយភាព លោក លោកស្រីតំណាងមន្ទីរទាំង ២៥ រាជធានី ខេត្ត សរុប ១០០ នាក់ នាយកដ្ឋានសិល្បៈទស្សនីយភាព រាជធានីភ្នំពេញ ។
✍️គោលបំណង៖ បញ្ជ្រាបចំណេះដឹងដល់មន្ត្រីរាជការ និងជួយផ្សព្វផ្សាយអោយបានទូលំទូលាយដល់សាធារណៈជនអំពីបញ្ហាជួញដូរមនុស្ស។

21/08/2026

ថ្ងៃសុក្រ ទី២១ ខែសីហា ឆ្នាំ២០២៦
—————————
លោកស្រី ប៊ូ នារី អនុប្រធានមន្ទីរ តំណាងលោក ស៊ុន មានជ័យ ប្រធានមន្ទីរវប្បធម៌ និងវិចិត្រសិល្បៈខេត្ដ បានអញ្ជើញចូលរួមកិច្ចសហកាជាមួយមន្ទីរប្រៃសណីយ៍ និងទូរគនាគមន៍ខេត្ដកំពង់ស្ពឺ ផ្សព្វផ្សាយកម្មវិធី DG SUPREAPP ដើម្បីផ្ទៀងគណនីធនាគារ/គណនីទូទាត់ ជាមួយអត្តសញ្ញាណអ្នកប្រើប្រាស់ស៊ីមកាតគណនីធនាគារ ដោយមានការអញ្ជើញចូលរួមពី លោកស្រី ប៉ោក កែវសុម៉ានី ប្រធានមន្ទីរស្ដីទី និងសហការី នៃមន្ទីរប្រៃសណីយ៍ និងទូរគមនាគមន៍ខេត្ដកំពង់ស្ពឺ នៅសាលប្រជុំហាត់របាំមន្ទីរវប្បធម៌។

21/08/2026

19/08/2026

នៅថ្ងៃទី១៩ ខែសីហា ឆ្នាំ២០២៦
----------------------
លោក ស៊ុន មានជ័យ ប្រធានមន្ទីរវប្បធម៌និងវិចិត្រសិល្បៈខេត្តកំពង់ស្ពឺ បានចាត់លោកលោក ទូច សន អនុប្រធានមន្ទីរ ដឹកនាំសហការី ចំនួន៧រូប ដោយមានកិច្ចសហការពីមន្ត្រីការិយាល័យសង្គមកិច្ច និងសុខុមាលភាពសង្គមស្រុក អាជ្ញាធរឃុំព្រៃញាតិ មេភូមិត្រពាំងកន្ថោរ អនុភូមិហោង និងប្រជាពលរដ្ឋមានដីជុំវិញអង្គ បានបោះបង្គោលព្រំការពារបុរាណដ្ឋាន ចំនួន ៣ទីតាំង គឺ÷
១.ភូមិត្រពាំងកន្ថោរ ១ទីតាំង:
-អង្គកំណប់
២.ភូមិហោង ២ទីតាំង:
-អង្គមាស
-អង្គសំរោង។
#មន្ទីរវប្បធម៌និងវិចិត្រសិល្បៈខេត្តកំពង់ស្ពឺ

#កិច្ចការពារបេតិកភណ្ឌ
#ការពារមរតកដូនតា
#វប្បធម៌ខ្មែរ

18/08/2026

«ការប្រារព្ធខួបលើកទី២៧ នៃទិវាអន្តរជាតិ សម្រាប់យុវជន ១២ សីហា ឆ្នាំ២០២៦»
ថ្ងៃទី១៨ ខែសីហា ឆ្នាំ២០២៦
—————————
លោក ឃឹម សុខន អនុប្រធានមន្ទីរ តំណាងលោក ស៊ុន មានជ័យ ប្រធានមន្ទីរវប្បធម៌ និងវិចិត្រសិល្បៈខេត្ដ បានអញ្ជើញចូលរួម ការប្រារព្ធខួបលើកទី២៧ នៃទិវាអន្តរជាតិ សម្រាប់យុវជន ១២ សីហា ឆ្នាំ២០២៦ ក្រោមអធិបតីភាព លោកស្រី គា សុភូ អភិបាលរង នៃគណៈអភិបាលខេត្តកំពង់ស្ពឺ ដោយមានការអញ្ជើញចូលរួមពីលោក លោក លោកស្រី ប្រធាន អនុប្រធានមន្ទីរ អង្គភាពពាក់ព័ន្ធ កងកម្លាំងទាំង៣ លោកគ្រូ អ្នកគ្រូ និងសិស្សានុសិស្ស ប្រារព្វនៅបណ្ណាល័យកំពង់ស្ពឺ។

17/08/2026

នៅព្រឹក ថ្ងៃចន្ទ ទី១៧ ខែសីហា ឆ្នាំ២០២៦ លោក ស៊ុន មានជ័យ ប្រធានមន្ទីរវប្បធម៌ និងវិចិត្រសិល្បៈខេត្តកំពង់ស្ពឺ បានចាត់ លោក ឈៀង សុខគា ប្រធានការិយាល័យសារមន្ទីរ ដឹកនាំក្រុមការងារចំនួន ៤រូប ចុះសម្របសម្រួលដល់លោកគ្រូ អ្នកគ្រូ និងសិស្សានុសិស្សមកពី សាលាអាស៊ានកម្ពុជា សាខាខេត្តកណ្ដាល និងរាជធានីភ្នំពេញ ចំនួន ១៣៦នាក់ ស្រី ៧៨នាក់ មកទស្សនាវត្ថុសិល្បៈនៅសារមន្ទីរនរបុរី ដែលមានទីតាំងស្ថិតនៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ។

17/08/2026

ថ្ងៃចន្ទ ៤កើត ខែ ស្រាពណ៍ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែសីហា ឆ្នាំ២០២៦
———————*——————
👉មន្ត្រីរាជការនៃមន្ទីរវប្បធម៌និងវិចិត្រសិល្បៈខេត្តកំពង់ស្ពឺ បានគោរពទង់ជាតិ នៃព្រះរាជាណាចក្រកម្ពុជា ។