មន្ទីរអធិការកិច្ច ខេត្តកំពង់ចាម/Department of Inspection of Kampong Cham Pr

03/08/2026

ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យានៃមន្ទីរអធិការកិច្ចខេត្តកំពង់ចាម បានគោរពទង់ជាតិនៃព្រះរាជាណាចក្រកម្ពុជា នាព្រឹកថ្ងៃទី៣ ខែ សីហា ឆ្នាំ២០២៦​ ក្នុងបរិវេណមន្ទីរអធិការកិច្ចខេត្តកំពង់ចាម​។

31/07/2026

លោក អុិន ម៉េងថា អនុប្រធានមន្ទីរ បានដឹកនាំក្រុមការងារលទ្ធកម្មមន្ទីរអធិការកិច្ចខេត្តកំពង់ចាមចំនួន ៣ រូប ចូលរួមសិក្ខាសាលាការផ្សព្វផ្សាយយុទ្ធសាស្ត្រនៃការកែទម្រង់ប្រព័ន្ធលទ្ធកម្មសាធារណៈបច្ចុប្បន្នកម្ម ឆ្នាំ២០២៥-២០២៨ និងលិខិតបទដ្ឋានគតិយុត្តិពាក់ព័ន្ធលទ្ធកម្មសាធារណៈ តាមប្រព័ន្ធវីដេអូ (ZOOM) របស់ក្រសួងសេដ្ឋកិច្ចនិងហិរញ្ញវត្ថុ ក្រោមអធិបតីភាពឯកឧត្តមបណ្ឌិត ហ៊ីវ សុវណ្ណ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ នៅសាលប្រជុំវីដេអូមន្ទីរអធិការកិច្ចខេត្តកំពង់ចាម។
~~~~
កំពង់ចាម ថ្ងៃទី៣១ ខែ កក្កដា ឆ្នាំ២០២៦

30/07/2026

លោក អុិន ម៉េងថា អនុប្រធានមន្ទីរអធិការកិច្ចខេត្តកំពង់ចាម បានចូលរួមប្រគេនទៀនចាំព្រះវស្សាដល់វត្តចំនួន ៤ ក្នុងក្រុងកំពង់ចាម ក្រោមអធិបតីភាពឯកឧត្តម អ៊ុន ចាន់ដា អភិបាលនៃគណៈអភិបាលខេត្ត និងឯកឧត្តមខ្លូត ផន ប្រធានក្រុមប្រឹក្សាខេត្ត នៅវត្ត ខេមវ័ន( វត្តបឹងស្នាយ) សង្កាត់សំបូរមាស ក្រុងកំពង់ចាមខេត្តកំពង់ចាម។
~~
កំពង់ចាម ថ្ងៃទី៣០ ខែ កក្កដា ឆ្នាំ២០២៦

29/07/2026

29/07/2026

លោក ឆាយ សុវណ្ណ អនុប្រធានមន្ទីរ និងមន្ត្រីរាជការ១រូប នៃអធិការកិច្ចខេត្តកំពង់ចាម បានចូលរួមពិធីប្រកាសផ្សព្វផ្សាយលទ្ធផលគណនេយ្យជាតិខេត្តកំពង់ចាម ក្រោមអធិបតីភាព ឯកឧត្តម រិន វិរ: រដ្ឋលេខាធិការក្រសួងផែនការ និងឯកឧត្តម អ៊ុន ចាន់ដាអភិបាលនៃគណៈអភិបាលខេត្ត នៅសាលប្រជុំមន្ទីរផែនការខេត្តកំពង់ចាម។
~~~~~~
កំពង់ចាម ថ្ងៃទី២៩ ខែ កក្កដា ឆ្នាំ២០២៦

27/07/2026

លោកស្រី​ ឆាន​ ច័ន្ទធីតា​ ប្រធានមន្ទីរអធិការកិច្ចខេត្តកំពង់ចាម​ និងជាអនុប្រធានសាខាសមាគមនារីកម្ពុជាដេីម្បីសន្តិភាពនិងអភិវឌ្ឍន៍ខេត្ត​ បានចូលរួមកិច្ចប្រជុំបូកសរុបលទ្ធផលការងារប្រចាំឆមាសទី១​ ឆ្នាំ២០២៦​ និងទិសដៅបន្ត​ និងផ្សព្វផ្សាយសេចក្តីសម្រេចផែនការសកម្មភាពរបស់គណៈចលនាស្ត្រីនៃគណៈចលនាមហាជនគណៈកម្មាធិការកណ្តាលដេីម្បីចូលរួមការបោះឆ្នោតជ្រេីសរេីសក្រុមប្រឹក្សាឃុំសង្កាត់​ អាណត្តិទី៧​ ឆ្នាំ២០២៧​ ក្រោមអធិបតីភាពដ៏ខ្ពង់ខ្ពស់​ សម្តេចកិត្តិសង្គហបណ្ឌិត​ ម៉ែន​ សំអន​ ឧត្តមប្រឹក្សាផ្ទាល់ព្រះមហាក្សត្រ​ ប្រធានគណៈចលនាមហាជន​ និងជាប្រធានសមាគមនារីកម្ពុជាដេីម្បីសន្តិភាព​និងអភិវឌ្ឍន៍​ តាមរយៈប្រព័ន្ធវីដេអូZoom នៅសាលាខេត្តកំពង់ចាម
នៅព្រឹកថ្ងៃទី២៧​ ខែកក្កដា​ ឆ្នាំ២០២៦

27/07/2026

នៅព្រឹកថ្ងៃទី២៧ ខែកក្កដា ឆ្នាំ២០២៦ លោក​ ឆាយ​ សុវណ្ណ​ អនុប្រធានមន្ទីរអធិការកិច្ចខេត្តកំពង់ចាម​ តំណាងលោកស្រី​ ឆាន​ ច័ន្ទធីតា​ ប្រធានមន្ទីរ​ បានដឹកនាំមន្រ្តីរាជការនៃមន្ទីរអធិការកិច្ចខេត្ត​ ចូលរួមពិធីគោរពវិញ្ញាណក្ខន្ធសពលោក ម៉េង ហ៊ាង ប្រធានក្រុមប្រឹក្សាស្រុកកំពង់សៀម ដែលបានទទួលមរណភាព នៅថ្ងៃសៅរ៍ ១១កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែកក្កដា ឆ្នាំ២០២៦ វេលាម៉ោង ០២:៤១នាទីរសៀល ក្នុងជន្មាយុ ៧២ឆ្នាំ ដោយរោគាពាធ នៅវត្តនគរបាជ័យក្នុង ឃុំអំពិល​ ស្រុកកំពង់សៀម​ ខេត្តកំពង់ចាម។

27/07/2026

ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យានៃមន្ទីរអធិការកិច្ចខេត្តកំពង់ចាម​ បានគោរពទង់ជាតិព្រះរាជាណាចក្រកម្ពុជា នៅព្រឹកថ្ងៃចន្ទ ១៣កេីត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧​ ខែកក្កដា ឆ្នាំ២០២៦​ ក្នុងបរិវេណមន្ទីរអធិការកិច្ចខេត្តកំពង់ចាម។

23/07/2026

លោកស្រី ឆាន ច័ន្ទធីតា ប្រធានមន្ទីរ​អធិការកិច្ច​ខេត្តកំពង់ចាម​ បានដឹកនាំប្រជុំបូកសរុបលទ្ធផលការងារប្រចាំខែកក្កដា និងលើកទិសដៅខែសីហា ឆ្នាំ២០២៦​ របស់មន្ទីរ​អធិការកិច្ចខេត្តកំពង់ចាម​ និងផ្សព្វផ្សាយប្រកាសលេខ ០៣៨/២៦ អ.ធ.ក.ប្រក ចុះថ្ងៃទី១៧ ខែកក្កដា ឆ្នាំ២០២៦ ស្តីពីក្រមសីលធម៌ មន្ត្រីនៃក្រសួងអធិការកិច្ច។

កិច្ចប្រជុំ មានរបៀបវារៈ ដូចខាងក្រោម៖

១.បើកអង្គប្រជុំ
២.ផ្សព្វផ្សាយប្រកាសលេខ ០៣៨/២៦ អ.ធ.ក.ប្រក ចុះថ្ងៃទី១៧ ខែកក្កដា ឆ្នាំ២០២៦ ស្តីពីក្រមសីលធម៌ មន្ត្រីនៃក្រសួងអធិការកិច្ច
៣.ពិនិត្យរបាយការណ៍ប្រចាំខែកក្កដា និងលើកទិសដៅខែសីហា ឆ្នាំ២០២៦
៤.សេចក្តីរាយការណ៍របស់លោក​ លោកស្រីប្រធានការិយាល័យជំនាញទាំងបី
៥.មតិចូលរួមរបស់លោកអនុប្រធានមន្ទីរ និងសមាជិក សមាជិកាអង្គប្រជុំ
៦.បញ្ហាផ្សេងៗ
៧.បិទអង្គប្រជុំ

កិច្ចប្រជុំនេះ​ មានការអញ្ជេីញចូលរួមពីលោកអនុប្រធានមន្ទីរ​ លោក​ លោកស្រីប្រធាន-អនុប្រធានការិយាល័យ​និងមន្ត្រីរាជការ​ មន្រ្តីជាប់កិច្ចសន្យានៃមន្ទីរអធិការកិច្ចខេត្តកំពង់ចាម​ នៅសាលប្រជុំមន្ទីរអធិការកិច្ចខេត្តកំពង់ចាម​ នាព្រឹកថ្ងៃព្រហស្បតិ៍​ ៩កេីត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែកក្កដា ឆ្នាំ២០២៦។

20/07/2026

លោក អុិន ម៉េងថា អនុប្រធានមន្ទីរអធិការកិច្ចខេត្តកំពង់ចាម បានចូលរួមយុទ្ធនាការចាក់ថ្នាំវ៉ាក់សាំងការពារជំងឺគោ ក្របី ជូនដល់ប្រជាកសិករ ឃុំរកាអា ស្រុកកងមាស ក្រោមអធិបតីភាព ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត នៅវត្តមុន្នីវ័នស្វាយស្រណោះ ភូមិស្វាយស្រណោះទី២ ឃុំរកាអា ស្រុកកងមាស ខេត្តកំពង់ចាម

កំពង់ចាម ព្រឹកថ្ងៃ២០ ខែកក្កដា ឆ្នាំ២០២៦
~~~~