សេង ចាន់ណា-Seng Channa

សេង ចាន់ណា-Seng Channa Breaking and Reliable News ដើម្បីទទួលបានព័ត៌មានថ្មីៗជាតិ-អន្តរជាតិ និងព័ត៌មានទាន់ហេតុការណ៍

08/08/2026

លោកឧត្តមសេនីយ៍ទោ ហេង សុផល ដៃម្ខាងដឹកនាំកងកម្លាំងថែរក្សាសន្តិសុខ និងដៃម្ខាងទៀតដឹកនាំកសាងអភិវឌ្ឍអង្គភាព

08/08/2026

លោក ថាំង វីយុទ្ធដា ដឹកនាំក្រុមការងារជួបសំណេះសំណាលជាមួយសិស្សត្រៀមប្រឡងបាក់ឌុប និងឧបត្ថម្ភគ្រួសារទីទ័លក្រ នៅឃុំបន្ទាយស្ទោង

08/08/2026

ប្រធានក្រុមការងារចុះមូលដ្ឋានភូមិជន្លូស ដឹកនាំកិច្ចប្រជុំធ្វើបច្ចុប្បន្នភាពបញ្ជីសមាជិកគណបក្សប្រជាជនកម្ពុជា

08/08/2026

លោក សាយ គឹមឡម ប្រគល់ថវិកាបេឡាមរណសង្គ្រោះជូនគ្រួសារសពសមាជិកសមាគមអតីតយុទ្ធជន និងនិវត្តជនកម្ពុជា នៅឃុំពពក

លោក ឈុន ឆាត តំណាងឯកឧត្តម ជីវ ស៊ុនហេង និងលោកជំទាវ ឧបត្ថម្ភថវិកាលើកទឹកចិត្តដល់សិស្សត្រៀមប្រឡងបាក់ឌុបចំនួន ៦៣នាក់(កំពង់ធំ)៖...
08/08/2026

លោក ឈុន ឆាត តំណាងឯកឧត្តម ជីវ ស៊ុនហេង និងលោកជំទាវ ឧបត្ថម្ភថវិកាលើកទឹកចិត្តដល់សិស្សត្រៀមប្រឡងបាក់ឌុបចំនួន ៦៣នាក់

(កំពង់ធំ)៖ នៅថ្ងៃទី៨ ខែសីហា ឆ្នាំ២០២៦ លោក ឈុន ឆាត ប្រធានគណបក្សប្រជាជនកម្ពុជាឃុំកំពង់ចិនជើង ស្រុកស្ទោង តំណាងដ៏ខ្ពង់ខ្ពស់ឯកឧត្តម ជីវ ស៊ុនហេង រដ្ឋលេខាធិការក្រសួងធនធានទឹក និងឧតុនិយម និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំកំពង់ចិនជើង និងលោកជំទាវ បានឧបត្ថម្ភថវិកាលើកទឹកចិត្តដល់សិស្សានុសិស្សចំនួន ៦៣នាក់ ដែលរស់នៅក្នុងឃុំកំពង់ចិនជើង និងត្រៀមចូលរួមប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី១០ ខែសីហា ខាងមុខនេះ។

ការឧបត្ថម្ភនេះបង្ហាញពីការយកចិត្តទុកដាក់ដ៏ខ្ពង់ខ្ពស់របស់ឯកឧត្តម និងលោកជំទាវ ព្រមទាំងក្រុមការងារ ក្នុងការគាំទ្រវិស័យអប់រំ និងលើកទឹកចិត្តដល់សិស្សានុសិស្សឱ្យខិតខំប្រឹងប្រែងប្រឡងប្រកបដោយទំនុកចិត្ត ដើម្បីទទួលបានលទ្ធផលល្អប្រសើរ។

ក្នុងឱកាសនេះ សិស្សានុសិស្ស និងអាណាព្យាបាលទាំងអស់ សូមគោរពថ្លែងអំណរគុណយ៉ាងជ្រាលជ្រៅចំពោះឯកឧត្តម ជីវ ស៊ុនហេង និងលោកជំទាវ ព្រមទាំងក្រុមការងារទាំងអស់ និងសូមគោរពជូនពរឯកឧត្តម និងលោកជំទាវ ឱ្យជួបប្រទះតែពុទ្ធពរទាំងបួនប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។ 👏❤️

07/08/2026

កាកបាទក្រហមខេត្តកំពង់ធំ ចុះដល់ខ្នងផ្ទះកម្ចាត់ជម្រកមូសខ្លា និងដាស់តឿនពលរដ្ឋប្រុងប្រយ័ត្នជំងឺគ្រុនឈាម–ជំងឺមិនឆ្លង

សម្តេចធិបតី ហ៊ុន ម៉ាណែត បញ្ចប់មុខតំណែងលោក អ៊ូច ទូច និងប្រគល់ភារកិច្ចជូនលោក គង់ ចន្ទថុល្ល ជាប្រធានមន្ទីរធម្មការ និងសាសនា ...
07/08/2026

សម្តេចធិបតី ហ៊ុន ម៉ាណែត បញ្ចប់មុខតំណែងលោក អ៊ូច ទូច និងប្រគល់ភារកិច្ចជូនលោក គង់ ចន្ទថុល្ល ជាប្រធានមន្ទីរធម្មការ និងសាសនា ខេត្តកោះកុង

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចេញអនុក្រឹត្យបញ្ចប់មុខតំណែងលោក អ៊ូច ទូច ពីប្រធានមន្ទីរធម្មការ និងសាសនា ខេត្តកោះកុង នៃក្រសួងធម្មការ និងសាសនា ដើម្បីទៅទទួលភារកិច្ចថ្មី។

យោងតាមអនុក្រឹត្យរបស់សម្តេចធិបតី ហ៊ុន ម៉ាណែត ដែលត្រូវបានផ្សព្វផ្សាយនៅថ្ងៃទី៧ ខែសីហា ឆ្នាំ២០២៦ រាជរដ្ឋាភិបាលបានសម្រេចប្រគល់ភារកិច្ចជូនលោក គង់ ចន្ទថុល្ល ឱ្យបំពេញមុខងារជាប្រធានមន្ទីរធម្មការ និងសាសនា ខេត្តកោះកុង ជំនួសលោក អ៊ូច ទូច។

ការតែងតាំង និងប្រគល់ភារកិច្ចនេះ ត្រូវអនុវត្តចាប់ពីថ្ងៃចុះហត្ថលេខាតទៅ ដោយរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រីក្រសួងធម្មការ និងសាសនា រដ្ឋមន្ត្រីក្រសួងមុខងារសាធារណៈ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ រដ្ឋមន្ត្រី និងប្រធានស្ថាប័នពាក់ព័ន្ធ ព្រមទាំងសាមីខ្លួន ត្រូវទទួលបន្ទុកអនុវត្តអនុក្រឹត្យនេះតាមភារកិច្ចរៀងៗខ្លួន៕

07/08/2026

ឯកឧត្តម ថោ ជេដ្ឋា បើកសិក្ខាសាលាថ្នាក់ជាតិ ជំរុញការកសាងផែនការមេអាងទន្លេប្រកបដោយភាពធន់ ដើម្បីធានាសន្តិសុខទឹកនៅកម្ពុជា

07/08/2026

កងរាជអាវុធហត្ថខេត្តកំពង់ធំ ត្រៀមកម្លាំងការពារសន្តិសុខ និងសម្រួលចរាចរណ៍នៅតាមមណ្ឌលប្រឡងបាក់ឌុប

ទឹកចិត្តមេភូមិ គឺជាកម្លាំងចិត្តកូនចៅ! លោក សោម សារឿន និងភរិយា ឧបត្ថម្ភថវិកាផ្ទាល់ខ្លួនដល់ក្មួយៗត្រៀមប្រឡងបាក់ឌុប(ឃុំកំពង់...
07/08/2026

ទឹកចិត្តមេភូមិ គឺជាកម្លាំងចិត្តកូនចៅ! លោក សោម សារឿន និងភរិយា ឧបត្ថម្ភថវិកាផ្ទាល់ខ្លួនដល់ក្មួយៗត្រៀមប្រឡងបាក់ឌុប

(ឃុំកំពង់ចិនត្បូង ស្រុកស្ទោង)៖ ដោយក្តីស្រឡាញ់ និងយកចិត្តទុកដាក់ចំពោះវិស័យអប់រំ លោក សោម សារឿន មេភូមិកំពង់ចិន និងភរិយា បានចំណាយថវិកាផ្ទាល់ខ្លួនឧបត្ថម្ភដល់ក្មួយៗសិស្សានុសិស្ស ដែលត្រៀមចូលរួមប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី១០ ខាងមុខនេះ។

ថវិកាដែលលោកមេភូមិ និងភរិយាបានប្រគល់ជូន ទោះមានចំនួនច្រើនឬតិចក្តី ប៉ុន្តែបានបង្កប់នូវអត្ថន័យយ៉ាងធំធេង។ នេះមិនមែនគ្រាន់តែជាជំនួយផ្នែកសម្ភារៈប៉ុណ្ណោះទេ ប៉ុន្តែជាកម្លាំងចិត្ត ជាក្តីសង្ឃឹម និងជាសារមួយប្រាប់ក្មួយៗថា៖ «ការខិតខំរបស់ក្មួយៗ មិននៅឯកោឡើយ ពុកម៉ែ អាណាព្យាបាល លោកគ្រូ អ្នកគ្រូ និងថ្នាក់ដឹកនាំមូលដ្ឋាន តែងនៅក្បែរ និងគាំទ្រក្មួយៗជានិច្ច»។

សកម្មភាពដ៏ប្រពៃនេះ បានបង្ហាញឱ្យឃើញថា លោក សោម សារឿន មិនត្រឹមតែជាមេភូមិដែលនៅជិតស្និទ្ធជាមួយប្រជាពលរដ្ឋប៉ុណ្ណោះទេ ប៉ុន្តែលោក និងភរិយា ក៏បានយកចិត្តទុកដាក់យ៉ាងខ្លាំងចំពោះការសិក្សា និងអនាគតរបស់យុវជនក្នុងមូលដ្ឋានផងដែរ។

ការឧបត្ថម្ភនៅមុនថ្ងៃប្រឡងនេះ បាននាំមកនូវភាពកក់ក្តៅ កាត់បន្ថយក្តីបារម្ភ និងជំរុញឱ្យក្មួយៗមានទំនុកចិត្តបន្ថែមទៀត ក្នុងការបញ្ចេញសមត្ថភាពរបស់ខ្លួននៅក្នុងបន្ទប់ប្រឡង។

ក្នុងឱកាសនោះ លោក សោម សារឿន និងភរិយា បានផ្តាំផ្ញើដល់ក្មួយៗទាំងអស់ ឱ្យខិតខំរំលឹកមេរៀន ថែរក្សាសុខភាព រៀបចំសម្ភារៈប្រឡងឱ្យបានគ្រប់គ្រាន់ គោរពបទបញ្ជានៃការប្រឡង និងធ្វើវិញ្ញាសាដោយភាពស្មោះត្រង់។ លោក និងភរិយា ក៏បានជូនពរឱ្យក្មួយៗមានស្មារតីរឹងមាំ ប្រាជ្ញាឈ្លាសវៃ និងទទួលបានលទ្ធផលល្អគ្រប់ៗគ្នា។

អំពើល្អមួយ អាចមិនផ្លាស់ប្តូរពិភពលោកទាំងមូល ប៉ុន្តែអាចផ្លាស់ប្តូរកម្លាំងចិត្ត និងអនាគតរបស់ក្មេងម្នាក់បាន។ ទឹកចិត្តសប្បុរសរបស់លោក សោម សារឿន និងភរិយា នៅពេលនេះ នឹងក្លាយជាអនុស្សាវរីយ៍ដ៏មានតម្លៃ និងជាកម្លាំងជំរុញឱ្យក្មួយៗបន្តខិតខំរៀនសូត្រ ដើម្បីក្លាយជាធនធានមនុស្សដ៏ល្អសម្រាប់គ្រួសារ សហគមន៍ និងសង្គមជាតិ។

សូមកោតសរសើរចំពោះទឹកចិត្តដ៏ថ្លៃថ្លារបស់លោក សោម សារឿន មេភូមិកំពង់ចិន និងភរិយា និងសូមជូនពរក្មួយៗបេក្ខជនប្រឡងបាក់ឌុបទាំងអស់ ឱ្យប្រឡងជាប់ ទទួលបាននិទ្ទេសល្អ និងសម្រេចក្តីសុបិនរបស់ខ្លួនគ្រប់ៗគ្នា!

Address

Komongthom
Kampot
06305

Website

Alerts

Be the first to know and let us send you an email when សេង ចាន់ណា-Seng Channa posts news and promotions. Your email address will not be used for any other purpose, and you can unsubscribe at any time.

Shortcuts

Share