04/08/2026
យោងតាមអនុសាសន៏ដឹកនាំដ៏ខ្ពង់ខ្ពស់របស់ ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្ត្រីក្រសួង ដ.ន.ស.ថ្ងៃទី ៣០/មេសា/២០២៦។
ឯកឧត្តម ហង្ស សុតសំភារ រដ្ឋលេខាធិការ និងជាអគ្គលេខានៃអគ្គលេខាដ្ឋានគណៈស្ថាបត្យករកម្ពុជា ឯកឧត្តម សូ ខនឬទ្ធីគុណ រដ្ឋលេខាធិការ ជាប្រធានក្រុមការងាររាជរដ្ឋាភិបាលចុះមូលដ្ឋានស្រុកព្រៃនប់ និង ឯកឧត្តម ឡៅ ទិព្វសីហា រដ្ឋលេខាធិការ ជាប្រធានក្រុមការងាររាជរដ្ឋាភិបាលចុះមូលដ្ឋានក្រុងកំពង់សោម បានដឹកនាំក្រុមការងារបច្ចេកទេសចូលរួមក្នុងកិច្ចប្រជុំពិភាក្សា ដើម្បីប្រមូលធាតុចូល ពីអាជ្ញាធរដែនដី និងអង្គភាពពាក់ពន្ធ័ ដោយធ្វើបទបង្ហាញស្ដីពី ការរៀបចំប្លង់គោល ផែនការប្រើប្រាស់ដី និងការកែលម្អទីប្រជុំជន (ស្មាច់ដែង) ក្រុងកំពង់សោម និងទីប្រជុំជនស្រុកព្រៃនប់និងសួនច្បារក្នុងសាលាស្រុក ខេត្តព្រះសីហនុ រួមមាន៖
១/ ស្រុកព្រៃនប់ : មានសមាសភាពចូលរួមពី លោក អុី ធារិន អភិបាល នៃគណៈអភិបាលស្រុកព្រៃនប់ មេឃុំ និងការិ.ដ.ន.ស.ភ ស្រុកព្រៃនប់(វាលរេញ) មន្ទី ដ.ន.ស.ស. អង្គភាពពាក់ពន្ធ័ គណៈស្ថាបត្យករកម្ពុជា សមាគមអតីតនិស្សិតខ្មែរ ផ្នែកវិស្វកម្ម និងស្ថាបត្យកម្មពីប្រទេសចិន និង សមាគមអ្នកវិនិយោគ អ្នកសាងសង់ និងស្ថាបត្យករកម្ពុជា ដែលជាអ្នកសិក្សានិងធ្វើបទបង្ហាញ។
២/ ក្រុងកំពង់សោម : មានសមាសភាពចូលរួមពី លោក នួន ប៊ុនថុល អភិបាលនៃគណៈអភិបាលក្រុង ចៅសង្កាត់ និងការិ.ដ.ន.ស.ភ. ក្រុងកំពង់សោម មន្ទី ដ.ន.ស.ស. អង្គភាពពាក់ពន្ធ័ គណៈស្ថាបត្យករកម្ពុជា សមាគមស្ថាបត្យករខ្មែរដែលជាអ្នកសិក្សានិងធ្វើបទបង្ហាញ ។
ការពិភាក្សានេះផ្តោតលើ ៖
- ការរៀបចំប្លង់គោល ក្រុង-ស្រុក ផែនការប្រើប្រាស់ដី ឃុំ-សង្កាត់
- ការរៀបចំកែលម្អទីប្រជុំជនក្រុង-ស្រុក ដែលស្ថិតនៅតាមបណ្ដោយផ្លូវជាតិលេខ៤ ។
ក្នុងគោលបំណងនិងគោលដៅប្រែក្លាយទីក្រុងនិងទីប្រជុំជនប្រកបដោយស្ថាបត្យកម្មនិងនគរូបនីយកម្មសហសម័យកម្ពុជា។
ថ្ងៃទី៣ ខែសីហា ឆ្នាំ២០២៦
#គណៈស្ថាបត្យករកម្ពុជា
