12/08/2026
នាព្រឹកថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែ សីហា គ.ស២០២៦
នៅសាលប្រជុំមន្ទីរសេដ្ឋកិច្ច និងហិរញ្ញវត្ថុខេត្តកំពត ក្រុមការងារគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (អ.គ.ហ)នៃក្រសួងសេដ្ឋកិច្ច និងហិរញ្ញវត្ថុ បានរៀបចំកិច្ចប្រជុំពិភាក្សា និងសម្រាប់ការរៀបចំក្របខ័ណ្ឌវាយតម្លៃប្រព័ន្ធហិរញ្ញវត្ថុសាធារណៈ ប្រមូលធាតុចូល របស់រដ្ឋបាលរាជធានី-ខេត្តក្រោមអធិបតីភាព ឯកឧត្ដម សេន សាប៊ីល អភិបាលរងនៃគណៈអភិបាលខេត្ត អមដោយលោក អាន ម៉ារ៉ាដា ប្រធានមន្ទីរសេដ្ឋកិច្ចនិងហិរញ្ញវត្ថុខេត្តកំពត និងលោក អ៊ូច សោភ័ណ មន្រ្តីជំនាញជាន់ខ្ពស់ផ្នែកត្រួតពិនិត្យនិងវាយតម្លៃគម្រោង នៃក្រសួងសេដ្ឋកិច្ចនិងហិរញ្ញវត្ថុនិងសហការី និងលោក លោកស្រីតំណាងរតនាគារខេត្ត សាខាពន្ធដារខេត្ត និងមន្ត្រីជំនាញនៃរដ្ឋបាលខេត្តកំពត ព្រមទាំងមន្រ្តីនៃរដ្ឋបាលក្រុងកំពត និងរដ្ឋបាលស្រុកកំពង់ត្រាច និងលោក លោកស្រី ស្មៀនឃុំ សង្កាត់ មួយចំនួន នៃរដ្ឋបាលក្រុងកំពត និងស្រុកកំពង់ត្រាច។
