មន្ទីរពេទ្យកាល់ម៉ែត - Calmette Hospital

មន្ទីរពេទ្យកាល់ម៉ែត - Calmette Hospital CALMETTE Hospital is a tertiary hospital.

CALMETTE Hospital is a tertiary hospital with the three principal missions: quality of care, health professional education and research. Hospital offers varied specialized services related to emergency care, interventional and surgical cardiology, neurosurgery, orthopedics, urology, cancer surgery, maternity with neonate intensive care and general medicine including hepato-gastro-enterology, cance

r, neurology, pulmonary diseases, diabetes- endocrinology, nephrology- hemodialysis, infectious diseases, and rehabilitation.

តើសញ្ញាណាមួយខាងក្រោម ជាសញ្ញាអាសន្ននៃការហើមជើងកំឡុងមានផ្ទៃពោះ ដែលស្ត្រីគ្រប់រូបត្រូវយកចិត្តទុកដាក់? ១) លើសសម្ពាធឈាម ២...
23/08/2026

តើសញ្ញាណាមួយខាងក្រោម ជាសញ្ញាអាសន្ននៃការហើមជើងកំឡុងមានផ្ទៃពោះ ដែលស្ត្រីគ្រប់រូបត្រូវយកចិត្តទុកដាក់?

១) លើសសម្ពាធឈាម
២) ហត់ដង្ហក់ ទឹកនោមតិច
៣) ជើងឡើងក្រហម ហើយឈឺ
៤) សញ្ញាទាំងអស់ខាងលើ

សូមបងប្អូនចូលរួមឆ្លើយទាំងអស់គ្នាតាមរយៈ Comment ដោយជ្រើសរើសចម្លើយណាមួយដែលគិតថាត្រឹមត្រូវ។
Please Like & Share!

#មន្ទីរពេទ្យកាល់ម៉ែត

តើ “ក្អកឈាម” បណ្តាលមកពីអ្វី?ក្អកឈាមជារោគសញ្ញាមួយ គួរឲ្យបារម្មណ៍ ព្រោះថាវាអាចបណ្តាលអោយគ្រោះថ្នាក់បាត់បង់ជីវិត បើពុំមានការ...
22/08/2026

តើ “ក្អកឈាម” បណ្តាលមកពីអ្វី?

ក្អកឈាមជារោគសញ្ញាមួយ គួរឲ្យបារម្មណ៍ ព្រោះថាវាអាចបណ្តាលអោយគ្រោះថ្នាក់បាត់បង់ជីវិត បើពុំមានការព្យាបាលទាន់ពេល។

ក្អកឈាមមានមូលហេតុផ្សេងៗជាច្រើនដែលជាទូទៅវាបង្កឡើងដោយការឆ្លងរោគដូចជា៖
១- ជំងឺរបេង៖ ភាគច្រើនអ្នកជំងឺស្រកគីឡូ ក្តៅខ្លួនរ៉ាំរ៉ៃ
២- ជំងឺរីកទងសួត៖ ច្រើនកើតលើអ្នកជំងឺដែលមានប្រវត្តិកើតជំងឺរបេងពីមុន ហើយស្តែងចេញជារោគសញ្ញាក្អករ៉ាំរ៉ៃ និងមានកំហាកជាប្រចាំ
៣- ជំងឺរលាកទងសួត ឬរលាកសួត៖ ដែលរោគសញ្ញាស្ដែងចេញជាក្អកហត់ និងក្តៅខ្លួន
៤- ជំងឺមហារីកសួត៖ ភាគច្រើនកើតលើអ្នកពិសាបារី ដែលមានវ័យចំណាស់លើសពី៤០ឆ្នាំ
៥- ជំងឺបេះដូងត្បៀតប្រើសមីត្រាល់៖ អ្នកជំងឺជាទូទៅមានប្រវត្តិជំងឺបេះដូង និងមានរោគសញ្ញាឆាប់ហត់
៦- ជំងឺស្ទះសរសៃឈាមក្នុងសួត៖ ដែលមានរោគសញ្ញាហត់ចុកទ្រូងដែលច្រើនកើតចំពោះអ្នកដែលមានកត្តាប្រឈម ដូចជាសំរាកពេទ្យយូរពុំសូវធ្វើចលនា ជំងឺមហារីក មានប្រវត្តិវះកាត់ថ្មីៗ ទើបឆ្លងទន្លេ ឬការប្រើប្រាស់ថ្នាំពន្យាកំណើតជាដើម។

ករណីក្អកឈាម តើត្រូវមកជួបពេទ្យជាបន្ទាន់ ឬយ៉ាងណា? ថ្វីត្បិតក្អកឈាមជួនកាលគ្រាន់តែជាសរសៃឈាមដែលលាយមកជាមួយនឹងស្លេសតែប៉ុណ្ណោះ តែទោះជាយ៉ាងណាក៏ដោយ ក៏វាអាចជាសញ្ញាអាសន្នមួយបញ្ជាក់ពីភាពគ្រោះថ្នាក់នឹងមកដល់។

“ដូច្នេះបើមានរោគសញ្ញាក្អកធ្លាក់ឈាម សូមប្រញាប់មកជួបពិគ្រោះជាមួយក្រុមគ្រូពេទ្យជំនាញនៅមន្ទីរពេទ្យកាល់ម៉ែតជាបន្ទាន់ ដើម្បីធ្វើរោគវិនិច្ឆ័យ អោយបានត្រឹមត្រូវ និងទទួលការព្យាបាលទាន់ពេលវេលា។”

#មន្ទីរពេទ្យកាល់ម៉ែត

ស្វែងយល់អំពីការឈ្លក់ទឹកដោះរបស់ទារក!ការបំបៅដោះគឺជាមធ្យោបាយផ្តល់អាហារតែមួយគត់ចំពោះទារក។ ទារកទើបនឹងកើតអាចប្រឈមនឹងការឈ្លក់ប្...
21/08/2026

ស្វែងយល់អំពីការឈ្លក់ទឹកដោះរបស់ទារក!

ការបំបៅដោះគឺជាមធ្យោបាយផ្តល់អាហារតែមួយគត់ចំពោះទារក។ ទារកទើបនឹងកើតអាចប្រឈមនឹងការឈ្លក់ប្រសិនបើការបំបៅមិនបានត្រឹមត្រូវ។

១) អ្វីទៅជាការឈ្លក់ទឹកដោះ?
ជាការលេបចូលទឹកដោះដោយចៃដន្យទៅក្នុងសួត។ ការឈ្លក់នេះទៀតសោតអាចបង្កអោយមានផលប៉ះពាល់ដល់សុខភាពទារកយ៉ាងខ្លាំង។

២) កត្តាអ្វីខ្លះដែលធ្វើអោយទារកឈ្លក់?
ទារកដែលប្រឈមនឹងការឈ្លក់អាចជា៖
- ទារកដែលកើតមិនគ្រប់ខែ ឬទំងន់មិនគ្រប់
- ទារកដែលមានបញ្ហាបេះដូង
- ទារកដែលមានភាពមិនប្រក្រតីពីកំណើតដូចជាឆែបមាត់ ឬក្រអូមមាត់
- ទារកដែលក្អែរញឹកញាប់
- ក្រៅពីនេះក៏មានការរៀបចំស្ថានភាពទារកអោយបៅ ឬការបំបៅមិនបានត្រឹមត្រូវ

៣) តើមានផលវិបាកអ្វីខ្លះ ប្រសិនបើទារកឈ្លក់ទឹកដោះ?
- អាចបង្កអោយមានរលាកផ្លូវដង្ហើម ឬរលាកសាច់សួតពីស្រាលដល់ធ្ងន់ធ្ងរ រហូតដល់បាត់បង់ជីវិតក៏មាន
- ទារកអាចមានបញ្ហាកង្វះជាតិទឹក ឬអាហារូបត្ថម្ភ
- ទារកអាចនឹងមិនសូវឡើងទំងន់

៤) តើមានសញ្ញាអ្វីខ្លះ ដែលបញ្ជាក់ថាទារកមានឈ្លក់ទឹកដោះ?
ជាទូទៅរោគសញ្ញាស្តែងចេញ ទៅតាមភាពញឹកញាប់នៃការឈ្លក់ និងបរិមាណឬប្រភេទទឹកដោះដែលបានឈ្លក់។

រោគសញ្ញាអាចមាន៖
- លែងចង់បៅ ឬងាកចេញ
- ប្តូរពណ៌សំបុរពីក្រហម ទៅជាស្វាយ ឬខ្មៅ
- ពិបាកដកដង្ហើម ដង្ហក់ ឬឈប់ដកដង្ហើម
- ក្អក ពេលកំពុងបៅ ឬក្រោយបៅ
- ក្រៅពីនេះអាចមានជារលាកសួតរ៉ាំរ៉ៃ ឬញឹកញាប់

៥) តើធ្វើដូចម្តេចកុំអោយទារកឈ្លក់ទឹកដោះ?
ការឈ្លក់ដែលប្រឈមនឹងគ្រោះថ្នាក់ គឺភាគច្រើនដោយការបំបៅទឹកដោះគោ។
- ត្រូវបំបៅទារកដោយដាក់មាត់ទារកអោយស៊ប់នឹងក្បាលដោះ។
- រៀបចំស្ថានភាពទារកអោយបានត្រឹមត្រូវដោយ លើកទារកបញ្ឆិតអោយបានប្រហែល ៣០ដឺក្រេពីផ្ទៃរាប រាល់ពេលបំបៅ។
- ក្រោយពេលបំបៅលើកទារកផ្អោបលើខ្លួន និងស្មា ដោយអង្អែលខ្នងតិចៗអោយបានយ៉ាងតិច៣០ ទៅ៦០នាទី មុននឹងដាក់អោយទារកគេងលើផ្ទៃរាបស្មើវិញ។
- ប្រសិនបើទារកក្អែរញឹកញាប់ សូមព្យាយាមបំបៅទារកតិចៗ តែញយដង។

សូមអញ្ជើញមកពិគ្រោះជាមួយគ្រូពេទ្យជំនាញនៃមន្ទីរពេទ្យកាល់ម៉ែត ប្រសិនបើកូនលោកអ្នកនៅតែមានអាការៈឈ្លក់ញឹកញាប់។ សូមចងចាំថា “ទឹកដោះម្តាយគឺជាជំរើសអាហារដ៏មានសុវត្ថិភាពតែមួយគត់ចំពោះទារកដែលទើបនឹងកើត”។

#មន្ទីរពេទ្យកាល់ម៉ែត

តើជំងឺរលាកថ្លើមប្រភេទ B ស្រួចស្រាវ មានរោគសញ្ញាដូចម្តេច?រោគសញ្ញារួមមាន៖ - ភ្នែក និងស្បែកឡើងលឿង - ទឹកនោមពណ៌ចាស់ (ដូចទឹ...
20/08/2026

តើជំងឺរលាកថ្លើមប្រភេទ B ស្រួចស្រាវ មានរោគសញ្ញាដូចម្តេច?

រោគសញ្ញារួមមាន៖
- ភ្នែក និងស្បែកឡើងលឿង
- ទឹកនោមពណ៌ចាស់ (ដូចទឹកតែ)
- ឈឺពោះផ្នែកខាងស្តាំ
- អស់កម្លាំងខ្លាំង និងចង្អោរ

⚠️ ចំណាំ៖ អ្នកផ្ទុកខ្លះ គ្មានរោគសញ្ញាទេ។ សូមធ្វើតេស្តឈាមដើម្បីបញ្ជាក់ឱ្យច្បាស់!
#មន្ទីរពេទ្យកាល់ម៉ែត

តើរោគសញ្ញានៃជំងឺគ្រោះថ្នាក់សរសៃឈាមខួរក្បាល ( Stroke)មានអ្វីខ្លះ?រោគសញ្ញាសំខាន់ៗមាន៖ - ពិបាកនិយាយភ្លាមៗ ឬនិយាយមិនបាន - ទ...
19/08/2026

តើរោគសញ្ញានៃជំងឺគ្រោះថ្នាក់សរសៃឈាមខួរក្បាល ( Stroke)មានអ្វីខ្លះ?

រោគសញ្ញាសំខាន់ៗមាន៖
- ពិបាកនិយាយភ្លាមៗ ឬនិយាយមិនបាន
- ទន់ដៃ ជើង មួយចំហៀងភ្លាមៗ (ពាក្យខ្មែរយើងថាស្លាប់មួយចំហៀងខ្លួន)
- វៀចមុខភ្លាមៗ

សូមបញ្ជូនអ្នកជំងឺមកកាន់មន្ទីរពេទ្យអោយបានលឿនភ្លាមៗ( ក្រោម ៤ ម៉ោង) ដើម្បីទទួលការព្យាបាលទំនើបចុងក្រោយ ដែលអាចជួយអោយអត្រាជាសះស្បើយមានកំរិតខ្ពស់ ពិសេសករណីស្ទះសរសៃឈាមខួរក្បាល។
ថ្នាក់សរសៃរឈាមខួរក្បាលបំផ្លាញអនាគតអ្នក ឬក៏ក្រុមគ្រួសារអ្នក។

#មន្ទីរពេទ្យកាល់ម៉ែត

តើជំងឺបូសអន្ទង់មានរោគសញ្ញាដូចម្តេច?រោគសញ្ញាដែលអាចកើតមានដូចជា៖- មានដុំពកហើម និងឈឺនៅតំបន់បាតដែលទើបតែកើតមានថ្មីៗ- ឈឺចាប់នៅខ...
18/08/2026

តើជំងឺបូសអន្ទង់មានរោគសញ្ញាដូចម្តេច?

រោគសញ្ញាដែលអាចកើតមានដូចជា៖
- មានដុំពកហើម និងឈឺនៅតំបន់បាតដែលទើបតែកើតមានថ្មីៗ
- ឈឺចាប់នៅខាងក្នុងបាតដែលទើបតែកើតមានថ្មីៗ
- មានហូរខ្ទុះនៅបាត
- មានអារម្មណ៍ថាសើមជាប់ជាប្រចាំនៅបាត
- រមាស់នៅបាត

“ប្រសិនបើលោកអ្នកមានបញ្ហា ឬរោគសញ្ញាដូចដែលបានរៀបរាប់ខាងលើ សូមមេត្តាប្រញាប់មកពិគ្រោះជាមួយក្រុមគ្រូពេទ្យឯកទេសនៃមន្ទីពេទ្យកាល់ម៉ែត ដើម្បីទទួលបាននូវរោគវិនិច្ឆ័យ និងវិធីសាស្ត្រព្យាបាល ទាន់ពេលវេលា និងប្រកបដោយប្រសិទ្ធភាពខ្ពស់។”

កង្វះវីតាមីនD និងផលប៉ះពាល់ទៅលើខួរក្បាល និងប្រព័ន្ធប្រសាទ!វីតាមីនD មានតួនាទីសំខាន់ណាស់នៅក្នុងការលូតលាស់ និងដំណើរការរបស់ប្...
17/08/2026

កង្វះវីតាមីនD និងផលប៉ះពាល់ទៅលើខួរក្បាល និងប្រព័ន្ធប្រសាទ!

វីតាមីនD មានតួនាទីសំខាន់ណាស់នៅក្នុងការលូតលាស់ និងដំណើរការរបស់ប្រព័ន្ធប្រសាទ។ នេះបើតាមការបង្ហាញលើការសិក្សាស្រាវជ្រាវជាច្រើនកន្លងមក វីតាមីនD គឺជា secosteroid ដែលបានមកពីការបំលែងរបស់ 7-dehydrocholesterol នៅក្រោមស្រទាប់ស្បែកអេពីដែម ក្រោមឥទ្ធិពលរបស់កាំរស្មីអ៊ុលត្រាវីយ៉ូឡេ B(UVB)។ ការផ្លាស់ប្តូរបរិស្ថានសង្គមដែលកាត់បន្ថយការប៉ះត្រូវកាំរស្មីព្រះអាទិត្យ ជីវិតក្នុងទីក្រុង ការបំពុលបរិយាកាស របៀបស្លៀកពាក់ បាននាំឲ្យមានកង្វះវីតាមីន D ទោះបីជាយើងរស់នៅតំបន់ត្រូពិចដែលចែងចាំងទៅដោយរស្មីព្រះសុរិយាក៏ដោយ។ កាលណានិយាយពីវីតាមីន D មជ្ឈដ្ឋានទូទៅនឹងគិតភ្លាមដល់ជំងឺពុកឆ្អឹង (Osteoporosis) និងមិនបានដឹងថាវីតាមីន D នៅមានតួនាទីច្រើនទៀតសម្រាប់សារពាង្គកាយយើង។

ក) តើជំងឺប្រព័ន្ធប្រសាទកណ្តាលអ្វីខ្លះដែលអាចណ្តាលមកពីកង្វះវីតាមីនD?
1) ប្រព័ន្ធប្រសាទ កណ្ដាល(Central Nervous System)
- មានការថយចុះទំហំរបស់ខួរក្បាល
- ជំងឺក្រិនប្រព័ន្ធប្រសាទ (Multiple Sclerosis)
- ជំងឺរលាកសរសៃភ្នែក
- ជំងឺអេពីឡឹបស៊ី
- ការប៉ះពាល់ដល់សរសៃឈាមខួរក្បាល និងការស្ទះសរសៃឈាម
- ជំងឺប៉ាកគិនសុន ( Parkinson)
- ជំងឺស្វិតប្រព័ន្ធសាច់ដុំបញ្ជា (Amyotrophic lateral sclerosis)
- អាចប៉ះពាល់ដល់ការចងចាំ និងជំងឺ Alzheimer
2) ប្រព័ន្ធប្រសាទខាងក្រៅ (Peripheral Nervous System)
- ប៉ះពាល់ដល់សាច់ដុំ (ឈឺចុកចាប់ ខ្សោយ)
- ប៉ះពាល់ដល់សរសៃប្រព័ន្ធប្រសាទ

ខ) តើវីតាមីន D មាននៅក្នុងអ្វីខ្លះ?
- អាហារប្រភេទសាច់ (ខ្លាញ់ ថ្លើមត្រី ស៊ុតក្រហម ថ្លើមសត្វ ប័រ…)
- អាហារប្រភេទរុក្ខជាតិ (ផ្សិត គ្រាប់ធញ្ញជាតិ បន្លែបៃតងឆៅ ប្រេងបន្លែ…)
ការដែលមិនបានត្រូវពន្លឺថ្ងៃគ្រប់គ្រាន់ កង្វះការទទួលទានអាហារដែលមានវីតាមីន D គឺជាមូលហេតុសំខាន់ដែលនាំឲ្យខ្វះវីតាមីន D

គ)តើធ្វើយ៉ាងណាទើបដឹងថាយើងខ្វះវីតាមីន D ?
សូមទៅជួបពិគ្រោះជាមួយគ្រូពេទ្យជំនាញបើអ្នកមានរោគសញ្ញាដែលសង្ស័យដូចបានរៀបរាប់ជូនខាងលើ។ គ្រូពេទ្យជំនាញនៃមន្ទីរពេទ្យកាល់ម៉ែតនឹងស្នើសុំការពិនិត្យឈាមមើលកម្រិតវីតាមីន D នៅក្នុងឈាមរបស់យើង ព្រមជាមួយវិធីសាស្ត្រព្យាបាលដែលត្រឹមត្រូវ និងមានប្រសិទ្ធភាព។

#មន្ទីរពេទ្យកាល់ម៉ែត​

នៅពេលមានពស់ចឹក តើការជួយសង្គ្រោះដោយប្រើមាត់បឹតពិសបែបនេះ ត្រឹមត្រូវដែរឬទេ?ក. ត្រឹមត្រូវខ. មិនត្រឹមត្រូវទេសូមបងប្អូនចូលរួមឆ...
16/08/2026

នៅពេលមានពស់ចឹក តើការជួយសង្គ្រោះដោយប្រើមាត់បឹតពិសបែបនេះ ត្រឹមត្រូវដែរឬទេ?

ក. ត្រឹមត្រូវ
ខ. មិនត្រឹមត្រូវទេ

សូមបងប្អូនចូលរួមឆ្លើយទាំងអស់គ្នាតាមរយៈ Comment ដោយជ្រើសរើសចម្លើយណាមួយដែលគិតថាត្រឹមត្រូវ។
Please Like & Share!

តើជំងឺស្ទះផ្លូវដង្ហើមរ៉ាំរ៉ៃ (COPD) មានរោគសញ្ញាដូចម្តេច?រោគសញ្ញានៃជំងឺស្ទះផ្លូវដង្ហើមរុំារ៉ៃរួមមាន១). ក្អករុំារ៉ៃ ២). មា...
15/08/2026

តើជំងឺស្ទះផ្លូវដង្ហើមរ៉ាំរ៉ៃ (COPD) មានរោគសញ្ញាដូចម្តេច?

រោគសញ្ញានៃជំងឺស្ទះផ្លូវដង្ហើមរុំារ៉ៃរួមមាន
១). ក្អករុំារ៉ៃ
២). មានស្លេសជាប្រចាំជាពិសេសនៅពេលក្រោកពីដំណេកពេលព្រលឹម
៣). ហត់ ឬពិបាកដកដង្ហើម រុំារ៉ៃ។ ឧទាហរណ៍នៅពេលដើរ ឬធ្វើអ្វីមួយយើងមានអារម្មណ៍ថាឆាប់ហត់ជាងអ្នកដទៃ

សូមមកពិគ្រោះជាមួយវេជ្ជបណ្ឌិតជំនាញនៃមន្ទីរពេទ្យកាល់ម៉ែត ដើម្បីធ្វើរោគវិនិច្ឆ័យជំងឺស្ទះផ្លូវដង្ហើមរ៉ាំរ៉ៃឱ្យបានច្បាស់លាស់ និងទទួលបាននូវការព្យាបាល ត្រឹមត្រូវប្រកបដោយប្រសិទ្ធភាព។

#មន្ទីរពេទ្យកាល់ម៉ែត​

សារលិខិតជូនពរសម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា នៅក្នុងឱកាសខួបចម...
14/08/2026

សារលិខិតជូនពរ
សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា នៅក្នុងឱកាសខួបចម្រើនជន្មាយុ។

សូមសម្តេចមានសុខភាពល្អបរិបូរណ៍ កំលាំងពលំមាំមួន បញ្ញាភ្លឺថ្លា និងជន្មាយុយឺនយូរ ដើម្បីចូលរួមដឹកនាំកសាងប្រទេសជាតិឱ្យទទួលបាននូវសន្តិភាព សេរីភាព ជូនជាតិមាតុភូមិ និងប្រជាជនទាំងមូល។

សូមគោរពជូនពរពីយើងខ្ញុំជាថ្នាក់ដឹកនាំ មន្ត្រីរាជការ បុគ្គលិកទាំងអស់ នៃមន្ទីរពេទ្យកាល់ម៉ែត។

#មន្ទីរពេទ្យកាល់ម៉ែត

Address

No. 3, Monivong Bvld, Sangkat Sras Chok, Khan Daun Penh, Kingdom Of Cambodia
Phnom Penh
120210

Website

,

Alerts

Be the first to know and let us send you an email when មន្ទីរពេទ្យកាល់ម៉ែត - Calmette Hospital posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to មន្ទីរពេទ្យកាល់ម៉ែត - Calmette Hospital:

Shortcuts

Share

Category