31/07/2026
នាព្រឹកថ្ងៃសុក្រ ទី៣១ ខែកក្កដា ឆ្នាំ២០២៦ ឧត្តមសេនីយ៍ឯក ខេង សៅវិបុត្ត ប្រធានលេខាធិការដ្ឋានកិច្ចការទីប្រឹក្សា និងជំនួយការ និងលោកជំទាវ និងអនុប្រធានទី១ក្រុមការងារឃុំ ព្រមទាំងឯកឧត្តម លោកជំទាវ ទីប្រឹក្សា ក្រុមការងារ រួមនិងសប្បុរសជន បានរៀបចំពិធីដង្ហែរទៀនព្រះវស្សា ទៅវេប្រគេនព្រះសង្ឃ ដែលគង់ចាំព្រះវស្សានៅទីអារាមទាំង៥វត្ត ក្នុងឃុំពាមមន្ទារ។
ថ្លែងក្នុងពិធីនេះដែរ ឯកឧត្តម ប្រធានលេខាធិការដ្ឋាន បានមានមតិសំណេះសំណាលជាមួយក្រុមការងារ និងបងប្អូនប្រជាពលរដ្ឋ ដែលបានចូលរួមថា ជារៀងរាល់ឆ្នាំអង្គភាពលេខាធិការដ្ឋាន រួមជាមួយឯកឧត្តម លោកជំទាវ ទីប្រឹក្សាក្រសួងមហាផ្ទៃ រួមនិងក្រុមការងារ បានចូលរួមជាបច្ច័យ និងទេយ្យវត្ថុ ដើម្បីដង្ហែទៀនព្រះវស្សាទៅកាន់វត្តទាំង៥ ក្នុងឃុំពាមមន្ទារ ប្រកបដោយឆន្ទៈដ៏បរិសុទ្ធ ចូលរួមក្នុងការថែរក្សា និងគោរពប្រតិបត្តិតាមបាវចនា "ជាតិ សាសនា ព្រះមហាក្សត្រ"។ ឯកឧត្តមបានលើកឡើងថា ព្រះពុទ្ធសាសនា ជាសាសនារបស់រដ្ឋ និងជាទីគោរពសក្ការៈរបស់ប្រជាជនកម្ពុជា ទីវត្តអារាមគឺជាគ្រឹះដើមអក្សរសាស្រ្តខ្មែរ ជាជង្រុកនៃសម្បត្តិវប្បធម៌ជាតិ ជាថ្នាលបណ្តុះបណ្តាលធនធានមនុស្ស ទាំងវិស័យពុទ្ធចក្រ និងអាណាចក្រ ជាទីឋានអប់រំឱ្យមនុស្សឱ្យមានគុណធម៌ដ៏ត្រជាក់ មានមេត្តាធម៌ ករុណាធម៌ មានសាមគ្គីល្អ ចេះជួយគ្នាក្នុងគ្រាលំបាក។
ទេយ្យទាន និងបច្ច័យដែលក្រុមការងារនាំយកប្រគេនជូនទាំង ៥វត្ត រួមមាន ទៀនព្រះវស្សា សាដក គ្រឿងឧបភោគបរិភោគ និងបច្ច័យប្រគេនព្រះចៅអធិការវត្ត បច្ច័យកសាងវត្ត ភិក្ខុ សាមណេ តាអាចារ្យ តាជី យាយជី។
ថវិកាចំណាយក្នុងពិធីខាងលើ÷
- ទេយ្យទានទាំង៥វត្ត ៨.២៣០.០០០៛
- បច្ច័យកសាងវត្តទាំង៥ និងប្រគេនព្រះសង្ឃ ៥.៩០០.០០០៛
-បច្ច័យកសាងព្រះពុទ្ធបដិមាស្ពាន់ ២.៨៣០.០០០៛
-ឧបត្ថម្ភថវិកា ដល់ប្រជាពលរដ្ឋចូលរួម ប្រជាការពារ ក្រុមប្រឹក្សាឃុំ-ភូមិ ១.៩០០.០០០៛
-ឧបត្ថម្ភប្រជាពលរដ្ឋរងគ្រោះដោយអគ្គិសភ័យភ្លើងឆេះផ្ទះ ៦១០.០០០៛
-បច្ច័យចូលរួមបុណ្យសព៦សព ៦០០.០០០៛
-ចំណាយជួសជុលផ្លូវលំភូមិអង្គរអង់ ១.៥០០.០០០៛
-រៀបចំអាហារថ្ងៃត្រង់ ១.៥០០.០០០៛
-ចំណាយផ្សេងៗ ១.០៣០.០០០៛
-ចំណាយសរុបក្នុងពិធីខាងលើ ២៤.១០០.០០០រៀល
