រដ្ឋបាលសង្កាត់កោះដាច់

23/08/2026

នៅថ្ងៃទី២៣ ខែសីហា ឆ្នាំ២០២៦
លោក ប៉ិច ចាម ចៅសង្កាត់កោះដាច់ បានដឹកនាំមន្ត្រីភូមិ ប្រជាការពារភូមិ និងមានការចូលរួមពីលោកតាៗជាប្រជាពលរដ្ឋបានចុះសំអាតបរិស្ថាន និងកាប់ឆ្ការព្រៃតាមសងខាងផ្លូវបេតុងភូមិរនះ ក្នុងមូលដ្ឋានសង្កាត់កោះដាច់ ខណ្ឌជ្រោយចង្វារ ក្នុងនោះលោកចៅសង្កាត់បានឧបត្ថម្ភថវិកាចំនួន ៣០០,០០០រៀល ដល់កំលាំងដែលបានចូលរួមសំអាតផងដែរ។

23/08/2026

នៅថ្ងៃទី២៣ ខែសីហា ឆ្នាំ២០២៦
លោក ប៉ិច ចាម ចៅសង្កាត់កោះដាច់ លោក សាម សុផល មេភូមិល្វា និងមានការចូលរួមពីសប្បុរសជន បានអញ្ជើញចុះជួបសំណេះសំណាលជាមួយប្រជាពលរដ្ឋដែលមានជីវភាពខ្វះខាតចំនួន ៣១គ្រួសារ ស្ថិតក្នុងភូមិល្វា សង្កាត់កោះដាច់ ខណ្ឌជ្រោយចង្វារ ក្នុងឱកាសនោះផងដែរសប្បុរសជនឈ្មោះ គុណ ហេង និងក្រុមគ្រួសារ បាននាំយកគ្រឿងឧបភោគបរិភោគ និងថវិកាឧបត្ថម្ភដល់គ្រួសារទាំង ៣១គ្រួសារ ដោយក្នុងគ្រួសារនីមួយទទួលបាន៖ អង្ករ ១០គីឡូ ,មី ១៥កញ្ចប់ , ប៊ីចេង ១កញ្ចប់តូច , ទឹកត្រី ៣ដប , ទឹកស៊ីអ៊ីវ ៣ដប , អំបិល ១គីឡូ , ស្ករស ០,៥គីឡូ និងថវិកា ១០,០០០រៀល។

22/08/2026

នៅព្រឹកថ្ងៃទី២២ ខែសីហា ឆ្នាំ២០២៦
លោកជំទាវ អ៊ួង សុផល្លា ភរិយាឯកឧត្តម ឃ្លាំង ហួត និង លោកជំទាវ កែវ ច័ន្ទស៊ុនណារី ជំនួយការសម្តេចមហាបវរធិបតី ហ៊ុន ម៉ាណែត បាននាំយកអំណោយ និងថវិកា របស់ ឯកឧត្តម ឃ្លាំង ហួត ទីប្រឹក្សាសម្តេចតេជោ ហ៊ុន សែន ប្រធានព្រឹទ្ធសភា , អភិបាលរង រាជធានីភ្នំពេញ និងជាអនុប្រធានគណៈកម្មាធិការ គណបក្សប្រជាជនរាជធានីភ្នំពេញ-អនុប្រធានទី១ក្រុមការងារគណបក្សចុះជួយខណ្ឌជ្រោយចង្វារ ផ្តល់ជូនរដ្ឋបាលសង្កាត់កោះដាច់ ដើម្បីធ្វើការងារមនុស្សធម៌ និងសម្រាប់ផ្តល់ជូនគ្រួសារដែលមានជីវភាពខ្វះខាតជួបការលំបាក ក្នុងមូលដ្ឋានសង្កាត់កោះដាច់ ដោយមានសំភារៈ និងថវិការួមមាន៖ អង្ករចំនួន ០២បាវ ស្មើនឹង៥០គីឡូក្រាម , មី០២កេស ,សារុង ចំនួន០២, ក្រមា ០២ , ទឹកត្រី ០២យួរ , ទឹកស៊ីអ៊ីវ ០២យួរ និងថវិកា ១០០,០០០រៀល ។

18/08/2026

នៅល្ងាចថ្ងៃទី១៨ ខែសីហា ឆ្នាំ២០២៦
លោក ប៉ិច ចាម ចៅសង្កាត់កោះដាច់ និងក្រុមប្រឹក្សាសង្កាត់ បានជួបសួរសុខទុក្ខគ្រួសារចាស់ជរា និងស្រ្តីក្រីក្រខ្វះខាត ចំនួន ២០គ្រួសារ នៅភូមិក្បាលកោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ ។

18/08/2026

18/08/2026

នៅព្រឹកថ្ងៃទី១៨ ខែសីហា ឆ្នាំ២០២៦
លោក ប៉ិច ចាម ចៅសង្កាត់កោះដាច់ ក្រុមប្រឹក្សាសង្កាត់ និងមន្ត្រីភូមិ បានចុះពិនិត្យ និងវាស់វែងកំណត់ទំហំផ្លូវ ដើម្បីស្ថាបនាផ្លូវបេតុងមួយខ្សែរប្រវែង ៥៨៥ម៉ែត្រ នៅចំណុចផ្លូវបេតុងផ្លូវកាត់ទទឹង ដល់ សាលាបឋមសិក្សាក្បាលកោះ ស្ថិតក្នុងភូមិក្បាលកោះ សង្កាត់កោះដាច់ ខណ្ឌជ្រោយចង្វារ។

17/08/2026

នៅថ្ងៃទី១៧ ខែសីហា ឆ្នាំ២០២៦
លោក ប៉ិច ចាម ចៅសង្កាត់កោះដាច់ ក្រុមប្រឹក្សាសង្កាត់ និងមន្ត្រីភូមិ បាននាំយកគ្រឿងចក្រធ្វើការឈូសឆាយបើកផ្លូវបណ្តោះអាសន្នមួយខ្សែរប្រវែង ១០០ម៉ែត្រ ជូនប្រជាពលរដ្ឋដែលមិនមានផ្លូវចេញចូលផ្ទះ នៅចំណុចអូរក្រៅ ស្ថិតក្នុងភូមិកោះដាច់ សង្កាត់កោះដាច់ ខណ្ឌជ្រោយចង្វារ។

16/08/2026

នៅវេលាម៉ោង២:៣០នាទីរសៀលថ្ងៃទី១៦ ខែសីហា ឆ្នាំ២០២៦

លោក ប៉ិច ចាម ចៅសង្កាត់កោះដាច់ បានអញ្ជើញជាអធិបតីភាពក្នុងកម្មវិធីបើកដំណើរការប្រកួតពាន់រង្វាន់បាល់ទាត់មិត្តភាពសង្កាត់កោះដាច់លើកទី២ ឆ្នាំ២០២៦ នៅទីលានបាល់ទាត់វិទ្យាល័យ ប៊ុន រ៉ានី ហ៊ុន សែន កោះដាច់ សង្កាត់កោះដាច់។ក្នុងឱកាសនោះផងដែរលោកចៅសង្កាត់ និងសប្បុរសជនបានឧបត្ថម្ភទឹកសុទ្ធ និងថវិកាដល់គណៈកម្មការរៀបចំការប្រកួត និងក្រុមកីឡាការរួមមាន:
-លោក ប៉ិច ចាម ទឹកសុទ្ធ ៤២០យួរ និងថវិកា ៩០០,០០០រៀល
-លោក ប៊ិន វិន ទឹកសុទ្ធ ៨០យួរ ស្មើនឹងថវិកា ២០០,០០០រៀល
-លោក ភិន ភារ៉ា ទឹកសុទ្ធ ២០យួរ
-លោក ជា ឆាន ថវិកា ៤០,០០០រៀល
-លោក ឌុក សំអឿន ថវិកា ៤០,០០០រៀល
-លោក សាម សុផល ទឹកសុទ្ធ ១០យួរ
-លោក ប៉ុង សំអេង ថវិកា ២០០,០០០រៀល។

15/08/2026

ផ្លូវថ្មីមួយខ្សែរមានប្រវែង ១៣៨៧ម៉ែត្រ ដែលជាសមិទ្ធផលថ្មីនៅលើទឹកដីភូមិរនះ សង្កាត់កោះដាច់ ចាប់ផ្តើមចេញរូបរាង ហើយនិងគ្រោងស្ថាបនាបញ្ចប់នៅចុងឆ្នាំ២០២៦នេះ ជាគម្រោងប្រើប្រាស់ថវិកាមូលនិធិរដ្ឋបាលសង្កាត់ ឆ្នាំ២០២៦។ ផ្លូវមួយខ្សែរនេះតភ្ជាប់ពីភូមិរនះ និងភូមិចុងកោះ ដែលជួយសម្រួលការធ្វើដំណើររបស់ប្រជាពលរដ្ឋក្នុងមូលដ្ឋានកាន់តែងាយ និងឆាប់រហ័ស។