គណបក្សប្រជាធិបតេយ្យជឿនលឿន-Democratic Progressive Party

“សង្គមមានច្បាប់ សង្គមមានសន្តិភាព”
• “សាមគ្គីគឺជាកម្លាំង”
• “អភិវឌ្ឍសម្រាប់អនាគតកម្ពុជារបស់យើង”
• “យុវជនជាចលករក្នុងការកសាងវឌ្ឍនភាព”
• “ប្រជាធិបតេយ្យជឿនលឿន សម្រាប់កម្ពុជា”
• “ពន្លឺភ្លើងសេរីភាព បំភ្លឺសម្រាប់ជាតិ”

កសាងសង្គមជឿនលឿនថ្លៃថ្នូរ! គណបក្សប្រជាធិបតេយ្យជឿនលឿន មាន៖
+ ទស្សនវិស័យ៖ កសាងប្រទេសកម្ពុជាឲ្យក្លាយជាសង្គមប្រជាធិបតេយ្យពេញលេញ ដែលមាន ច្បាប់គ្រប់គ្រងនិងយុត្តិធម៌(ស្មើគ្នាចំពោះមុខច្បាប់) មា

នសាមគ្គីភាពជាតិ និងប្រជាពលរដ្ឋ ទទួលបានវឌ្ឍនភាពជីវភាព គឺឱកាសដូចគ្នា ដោយផ្អែកលើ "នីតិរដ្ឋ ជាមូលដ្ឋាន ភាតរភាព ជាកម្លាំង និង វឌ្ឍនភាព ជាគោលដៅ" ។
១. នីតិរដ្ឋ ៖ បង្កើតប្រព័ន្ធគ្រប់គ្រងប្រទេសដោយផ្អែកលើច្បាប់ សមធម៌ និងសិទ្ធិសេរីភាពរបស់ពលរដ្ឋ។ ធានាថា ច្បាប់ជាច្បាប់សម្រាប់គ្រប់គ្នា ធានាអំពើភាពត្រឹមត្រូវ និងទំនួលខុសត្រូវរបស់អំណាចគ្រប់ថ្នាក់។
២. ភាតរភាព ៖ ដឹកនាំដោយគោលគំនិតសាមគ្គីជាតិ ការគោរពនិងទទួលស្គាល់ភាពខុសគ្នា រួមទាំងជំនឿ សាសនា ភេទ វណ្ណៈ និងជំនាន់។ ភាតរភាពគឺជាមូលដ្ឋានសម្រាប់ការរួមរស់ដូចជាបងប្អូន និងការចូលរួមសកម្មរបស់ពលរដ្ឋគ្រប់រូបក្នុងការកសាងប្រទេសជាតិ។
៣. វឌ្ឍនភាព ៖ ប្តេជ្ញាផ្តល់អាទិភាពដល់ការអភិវឌ្ឍសេដ្ឋកិច្ច កសិកម្ម អប់រំ សុខាភិបាល សង្គមវប្បធម៌ បច្ចេកវិទ្យា និងបរិស្ថាន ដើម្បីធានាថាជីវភាពប្រជាជនប្រសើរឡើង និងប្រទេសជាតិរីកចម្រើន។ វឌ្ឍនភាពដែលគណបក្សស្វែងរក គឺការរីកចម្រើនដ៏ចីរភាព និងមានសុវត្ថិភាព។

+ បេសកកម្ម៖ គឺធ្វើឲ្យកម្ពុជាក្លាយជារដ្ឋប្រជាធិបតេយ្យពេញលេញ ដែលច្បាប់គ្រប់គ្រង សាមគ្គីភាពជាតិរឹងមាំ និងជីវភាពប្រជាជនរីកចម្រើន និងតាមរយៈ៖

១. បង្កើតនីតិរដ្ឋគង់វង្ស
- ផ្សព្វផ្សាយ និងអនុវត្តគោលការណ៍នៃប្រជាធិបតេយ្យ និងសិទ្ធិមនុស្ស។
- ធានាថា មន្ត្រី និងស្ថាប័នរដ្ឋទាំងអស់ ប្រតិបត្តិការងារដោយគោរពច្បាប់ និងទទួលខុសត្រូវចំពោះសង្គម។
២. អភិវឌ្ឍភាតរភាពជាតិ
- ផ្សព្វផ្សាយស្មារតីសាមគ្គីភាព ការគោរព និងទទួលស្គាល់ភាពខុសគ្នារបស់ប្រជាពលរដ្ឋគ្រប់រូប។
- បង្កើតវេទិកាដើម្បីអោយយុវជន ស្ត្រី កសិករ កម្មករ និងពលរដ្ឋទូទៅ ចូលរួមសកម្មក្នុងដំណើរការអភិវឌ្ឍប្រទេសជាតិ។
៣. ជំរុញវឌ្ឍនភាពសង្គមសេដ្ឋកិច្ច
- ផ្តល់អាទិភាពដល់អប់រំ សុខាភិបាល កសិកម្ម និងបច្ចេកវិទ្យា ដើម្បីកែលម្អជីវភាពប្រជាជន។
- ជំរុញការរីកចម្រើនសេដ្ឋកិច្ចដ៏ចីរភាព ដែលផ្តោតលើឱកាសការងារស្មើភាព និងការថែរក្សាបរិស្ថាន។
៤. ធានាការគ្រប់គ្រងល្អ និងភាពថ្លៃថ្នូរ
- បង្កើតវប្បធម៌នៃការទទួលខុសត្រូវ ការគ្រប់គ្រងថវិកាដោយថ្លៃថ្នូរ និងការប្រយុទ្ធប្រឆាំងអំពើពុករលួយ។
- ធ្វើឲ្យរដ្ឋក្លាយជារដ្ឋសម្រាប់ប្រជាជន មិនមែនសម្រាប់ក្រុមអំណាចនិងផលប្រយោជន៍ខ្លួនឯង។