និយ័តករសន្តិសុខសង្គម - Social Security Regulator

  • Home
  • Cambodia
  • Phnom Penh
  • និយ័តករសន្តិសុខសង្គម - Social Security Regulator

និយ័តករសន្តិសុខសង្គម - Social Security Regulator ទំព័រហ្វេសប៊ុកផ្លូវការរបស់ "និយ័តករសន្តិសុខសង្គម" នៃអាជ្ញាធរសេវាហិរញ្ញវត្ថុមិនមែនធនាគារ

07/08/2026

តើស្ថាប័នណាមានតួនាទីក្នុងការធ្វើនិយ័តកម្ម និងត្រួតពិនិត្យរាល់ប្រតិបត្តិការ នៃរបបសន្តិសុខសង្គមនៅកម្ពុជា❓
———-
និយ័តករសន្តិសុខសង្គម (ន.ស.ស.) ត្រូវបានបង្កើតឡើងជាសេនាធិការរបស់អាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) មានតួនាទី៖

⚖️ តាមដាន និងត្រួតពិនិត្យរាល់ប្រតិបត្តិការនៃរបបសន្តិសុខសង្គម ដើម្បីធានាថាប្រតិបត្តិការនៃការគ្រប់គ្រង និងចាត់ចែងរបបសន្តិសុខសង្គម ប្រព្រឹត្តទៅប្រកបដោយប្រសិទ្ធភាព តម្លាភាព និងគណនេយ្យភាព ព្រមទាំងមានភាពរឹងមាំផ្នែកហិរញ្ញវត្ថុ។

# និយ័តករសន្តិសុខសង្គម #នសស # ប្រព័ន្ធគាំពារសង្គមកម្ពុជា # អភិបាលកិច្ច # កម្ពុជា

រាជធានីភ្នំពេញថ្ងៃទី៤ ខែសីហា ឆ្នាំ២០២៦វេទិកា “បរធនបាលកិច្ច ឆ្នាំ២០២៦”ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិ...
06/08/2026

រាជធានីភ្នំពេញ
ថ្ងៃទី៤ ខែសីហា ឆ្នាំ២០២៦

វេទិកា “បរធនបាលកិច្ច ឆ្នាំ២០២៦”

ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គនាយកនៃនិយ័តករសន្តិសុខសង្គម បានអញ្ជើញចូលរួមវេទិកា “បរធនបាលកិច្ច ឆ្នាំ២០២៦” ក្រោមមូលបទ “បរធនបាលកិច្ចក្នុងជវភាពនៃប្រព័ន្ធតួអង្គតែមួយ និងសមិទ្ធផលក្នុងរយៈពេល ៥ ឆ្នាំ” ក្រោមអធិបតីភាពដ៏ខ្ពង់ខ្ពស់របស់ ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ។

វេទិកានេះ រៀបចំឡើងក្នុងគោលបំណងប្រមូលផ្ដុំថ្នាក់ដឹកនាំ តំណាងក្រសួង-ស្ថាប័ន អ្នកជំនាញជាតិ និងអន្តរជាតិ ប្រតិបត្តិករ និងតួអង្គពាក់ព័ន្ធក្នុងវិស័យបរធនបាលកិច្ច ដើម្បីភ្ជាប់បណ្ដាញទំនាក់ទំនង ផ្លាស់ប្ដូរទស្សនៈ ចំណេះដឹង និងបទពិសោធន៍អនុវត្ត ព្រមទាំងរួមគ្នាកំណត់ទិសដៅសម្រាប់បន្តអភិវឌ្ឍវិស័យបរធនបាលកិច្ចនៅកម្ពុជា ប្រកបដោយទំនុកចិត្ត អនុលោមភាព នវានុវត្តន៍ និងចីរភាព។

# និយ័តករសន្តិសុខសង្គម

រាជធានីភ្នំពេញថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ត្រូវនឹងថ្ងៃទី២៩ ខែកក្កដា ឆ្នាំ២០២៦=======នៅព្រឹកថ្ងៃពុ...
30/07/2026

រាជធានីភ្នំពេញ
ថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី២៩ ខែកក្កដា ឆ្នាំ២០២៦
=======

នៅព្រឹកថ្ងៃពុធ ទី២៩ ខែកក្កដា ឆ្នាំ២០២៦ និយ័តករសន្តិសុខសង្គម (ន.ស.ស.) និងអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានចូលរួមបើកសិក្ខាសាលាបណ្ដុះបណ្ដាលស្តីពី «ជំនាញសម្រុះសម្រួលដោះស្រាយវិវាទ» ។ សិក្ខាសាលានេះសហការរៀបចំឡើងដោយ ន.ស.ស. ជាមួយ អ.ដ.ក.​ដោយមានការគាំទ្រពី Deutsche Gesellschaft für Internationale Zusammenarbeit (GIZ) GmbH ដែលមានគោលបំណងពង្រឹងសមត្ថភាពលើជំនាញគន្លឹះចាំបាច់ក្នុងការដោះស្រាយវិវាទរួមមាន៖ ការយល់ដឹងពីវិវាទ ជំនាញចរចា ជំនាញវិភាគលើសំណុំរឿង និងជំនាញទំនាក់ទំនងនិងស្តាប់សកម្ម ជាដើម ជូនដល់មន្ត្រីជំនាញមកពី អគ្គលេខាធិការដ្ឋានក្រុមប្រឹក្សាជាតិគាំពារសង្គម និយ័តករសន្តិសុខសង្គម ប្រតិបត្តិករសន្តិសុខសង្គម (ប.ស.ស. ម.ជ.ជ. ទ.ជ.ប.) អគ្គលេខាធិការដ្ឋាន អ.ស.ហ., និយ័តករ និងអង្គភាពក្រោមឱវាទ អ.ស.ហ. ដែលជាស្ថាប័នមានតួនាទីក្នុងការដោះស្រាយវិវាទ។ សិក្ខាសាលានេះមានរយៈពេល ៣ថ្ងៃ ចាប់ពីថ្ងៃទី២៩ ដល់ទី៣១ ខែកក្កដា ឆ្នាំ២០២៦។




🔈 បណ្តាញសង្គមរបស់ ន​.ស.ស.
👤 ទំព័រហ្វេសប៊ុកផ្លូវការ ន.ស.ស. (https://www.facebook.com/SSRCambodia.gov)
🚀 Telegram ផ្លូវការរបស់ ន.ស.ស (https://t.me/socialsecurityregulator).
🌐 គេហទំព័រផ្លូវការ របស់ ន.ស.ស (https://ssr.gov.kh/).

រាជធានីភ្នំពេញថ្ងៃទី២៨ ខែកក្កដា ឆ្នាំ២០២៦សិក្ខាសាលាផ្សព្វផ្សាយស្តីពី “ការពង្រឹងតម្លាភាព គណនេយ្យភាព និងការទទួលបានសេវាសុខា...
29/07/2026

រាជធានីភ្នំពេញ
ថ្ងៃទី២៨ ខែកក្កដា ឆ្នាំ២០២៦

សិក្ខាសាលាផ្សព្វផ្សាយស្តីពី “ការពង្រឹងតម្លាភាព គណនេយ្យភាព និងការទទួលបានសេវាសុខាភិបាលក្នុងក្របខណ្ឌប្រព័ន្ធសន្តិសុខសង្គមនៅកម្ពុជា"
——————————————————
និយ័តករសន្តិសុខសង្គម (ន.ស.ស.) បានរៀបចំសិក្ខាសាលាផ្សព្វផ្សាយស្តីពី “ការពង្រឹងតម្លាភាព គណនេយ្យភាព និងការទទួលបានសេវាសុខាភិបាលក្នុងក្របខណ្ឌប្រព័ន្ធសន្តិសុខសង្គមនៅកម្ពុជា” ដោយមានការចូលរួមពីភាគីពាក់ព័ន្ធរួមមាន៖ បេឡាជាតិសន្តិសុខសង្គម (ប.ស.ស.),តំណាងអង្គភាពក្រោមឱវាទអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.),តំណាងដៃគូអភិវឌ្ឍន៍, អង្គការសង្គមស៊ីវិល, តំណាងមូលដ្ឋានសុខាភិបាលឯកជនជាដៃគូ ប.ស.ស. និងក្រសួង-ស្ថាប័ននានា ប្រមាណជាង ២០០ នាក់។

ការរៀបចំសិក្ខាសាលានេះ ធ្វើឡើងក្នុងគោលបំណងពង្រឹង និងលើកកម្ពស់ការយល់ដឹងរបស់សាធារណជន និងតួអង្គពាក់ព័ន្ធឱ្យកាន់តែទូលំទូលាយអំពីការអនុវត្តកិច្ចព្រមព្រៀង និងប្រើប្រាស់សេវាសុខាភិបាលឱ្យបានខ្ជាប់ខ្ជួន និងម៉ឺងម៉ាត់ ដែលរួមចំណែកដល់ការផ្តល់សេវាសុខាភិបាលប្រកបដោយគុណភាព ក្រមសីលធម៌វិជ្ជាជីវៈ សមធម៌ និងគ្មានការរើសអើង ជូនសមាជិក ប.ស.ស.។

# និយ័តករសន្តិសុខសង្គម

21/07/2026

🔍 តើអ្នកដឹងទេថា ប្រព័ន្ធគាំពារសង្គមកម្ពុជាមានរចនាសម្ព័ន្ធអភិបាលកិច្ចដូចម្ដេច?

រចនាសម្ព័ន្ធអភិបាលកិច្ចនៃប្រព័ន្ធគាំពារសង្គមនៅកម្ពុជា ត្រូវបានបែងចែកជា ៣ កម្រិត រួមមាន៖

🏛 ១. កម្រិតគោលនយោបាយ៖ មានក្រុមប្រឹក្សាជាតិគាំពារសង្គមជាអ្នកដឹកនាំ សម្របសម្រួល និងតម្រង់ទិសជាយុទ្ធសាស្រ្ដរួមសម្រាប់ការអភិវឌ្ឍប្រព័ន្ធគាំពារសង្គមទាំងមូល។

⚖️ ២. កម្រិតនិយ័តករ៖ មាននិយ័តករសន្តិសុខសង្គមជាអ្នកតាមដាន និងត្រួតពិនិត្យប្រតិបត្តិការនៃរបបសន្តិសុខសង្គម ដើម្បីធានាថាប្រតិបត្ដិការគ្រប់គ្រង និងចាត់ចែងរបបសន្ដិសុខសង្គម ប្រព្រឹត្ដទៅប្រកបដោយប្រសិទ្ធភាព តម្លាភាព និងគណនេយ្យភាព។

⚙️ ៣. កម្រិតប្រតិបត្តិករ៖ មាន (១) បេឡាជាតិសន្តិសុខសង្គម ជាស្ថាប័នគ្រប់គ្រង និងចាត់ចែងដំណើរការនៃរបបសន្តិសុខសង្គម, (២) មូលនិធិជាតិជំនួយសង្គមជាស្ថាប័នទទួលបន្ទុកចាត់ចែង និងគ្រប់គ្រងកម្មវិធីជាតិជំនួយសង្គម និងជាស្ថាប័នបើកផ្តល់ប្រាក់ឧបត្ថម្ភរបស់រាជរដ្ឋាភិបាលជូនពលរដ្ឋគោលដៅ, (៣) មានទីភ្នាក់ងារជាតិបញ្ជាក់ចំណាយ ដែលជាស្ថាប័នទទួលបន្ទុកបញ្ជាក់ភាពត្រឹមត្រូវលើរាល់ការស្នើសុំចំណាយរបស់មូលនិធិសមធម៌សុខាភិបាល, របបសន្ដិសុខសង្គមផ្នែកថែទាំសុខភាព និងរបបសន្ដិសុខសង្គមផ្នែកហានិភ័យការងារ, (៤) ក្រសួង-ស្ថាប័នផ្សេងទៀតដែលចូលរួមអនុវត្តកម្មវិធីជាតិជំនួយសង្គម និង (៥) រដ្ឋបាលថ្នាក់ក្រោមជាតិ ដែលជាប្រតិបត្តិករអនុវត្តការងារផ្ទាល់នៅមូលដ្ឋាន។

💡 ការបែងចែកភារកិច្ចទាំង ៣កម្រិតនេះ មានគោលបំណងធានាបាននូវ «ប្រតិតុល្យការ» រវាងអ្នករៀបចំគោលនយោបាយ អ្នកត្រួតពិនិត្យ និងអ្នកអនុវត្តជាក់ស្ដែង ឆ្ពោះទៅបម្រើឧត្ដមប្រយោជន៍ពលរដ្ឋគោលដៅប្រកបដោយប្រសិទ្ធភាព និងតម្លាភាព!

#ប្រព័ន្ធគាំពារសង្គមកម្ពុជា #អភិបាលកិច្ច #គាំពារសង្គម **c

សិក្ខាសាលាផ្សព្វផ្សាយស្តីពីប្រព័ន្ធគាំពារសង្គម ជូនមន្ត្រីរាជការក្រសួងសេដ្ឋកិច្ច និងហិរញ្ញវត្ថុនិយ័តករសន្តិសុខសង្គម (ន.ស....
15/07/2026

សិក្ខាសាលាផ្សព្វផ្សាយស្តីពីប្រព័ន្ធគាំពារសង្គម ជូនមន្ត្រីរាជការក្រសួងសេដ្ឋកិច្ច និងហិរញ្ញវត្ថុ

និយ័តករសន្តិសុខសង្គម (ន.ស.ស.) បានចូលរួម «សិក្ខាសាលាផ្សព្វផ្សាយស្តីពីប្រព័ន្ធគាំពារសង្គម» ដែលសហការរៀបចំដោយអគ្គលេខាធិការដ្ឋានក្រុមប្រឹក្សាជាតិគាំពារសង្គម និងក្រុមការងារយេនឌ័រនៃក្រសួងសេដ្ឋកិច្ច និងហិរញ្ញវត្ថុ ក្រោមសហអធិបតីភាព លោកជំទាវ កែវ ចរិយា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារយេនឌ័រ នៃក្រសួងសេដ្ឋកិច្ច និងហិរញ្ញវត្ថុ និង លោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការប្រតិបត្តិនៃក្រុមប្រឹក្សាជាតិគាំពារសង្គម នាព្រឹកថ្ងៃទី១៥ ខែកក្កដា ឆ្នាំ២០២៦ នៅមន្ទីរសេដ្ឋកិច្ចនិងហិរញ្ញវត្ថុរាជធានីភ្នំពេញ ។

គោលបំណងនៃសិក្ខាសាលានេះ គឺដើម្បីបញ្ជ្រាបការយល់ដឹង និងផ្តល់ព័ត៌មានច្បាស់លាស់អំពីអត្ថប្រយោជន៍នៃប្រព័ន្ធគាំពារសង្គមជូនដល់មន្ត្រីរាជការ។ ក្នុងនាមជាស្ថាប័នគ្រប់គ្រងវិស័យសន្តិសុខសង្គម ការចូលរួមរបស់ ន.ស.ស. គឺដើម្បីរួមចំណែកជំរុញការអនុវត្តគោលនយោបាយជាតិ ធានាតម្លាភាព និងលើកកម្ពស់សុខុមាលភាព ព្រមទាំងសន្តិសុខប្រាក់ចំណូលរបស់មន្ត្រីរាជការគ្រប់រូបទាំងក្នុង និងក្រោយពេលចូលនិវត្តន៍។



រាជធានីភ្នំពេញថ្ងៃទី១៣ ខែកក្កដា ឆ្នាំ២០២៦=================លោកស្រី ថន កេណ្ណារ័ត្ន អគ្គនាយករងនៃនិយ័តករសន្តិសុខសង្គម (ន.ស.ស...
14/07/2026

រាជធានីភ្នំពេញ
ថ្ងៃទី១៣ ខែកក្កដា ឆ្នាំ២០២៦
=================
លោកស្រី ថន កេណ្ណារ័ត្ន អគ្គនាយករងនៃនិយ័តករសន្តិសុខសង្គម (ន.ស.ស.) តំណាងដ៏ខ្ពង់ខ្ពស់របស់ឯកឧត្ដមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអគ្គនាយកនៃនិយ័តករសន្តិសុខសង្គម បានដឹកនាំក្រុមការងារចូលរួមកិច្ចប្រជុំបច្ចេកទេសកម្រិតអគ្គនាយកនៃអង្គភាពក្រោមឱវាទអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) ក្រោមការដឹកនាំដ៏ខ្ពង់ខ្ពស់របស់ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអនុប្រធានក្រុមប្រឹក្សា អ.ស.ហ. ដើម្បីដាក់ឆ្លងសេចក្តីព្រាងឯកសារសំខាន់ចំនួន២ រួមមាន៖

១. សេចក្តីព្រាងក្របខណ្ឌគ្រប់គ្រងហានិភ័យក្នុងប្រតិបត្តិការរបបសន្តិសុខសង្គម
២. សេចក្តីព្រាងប្រកាសស្តីពីលក្ខខណ្ឌវិនិច្ឆ័យភាពរឹងមាំផ្នែកហិរញ្ញវត្ថុនៃមូលនិធិសន្តិសុខសង្គម

ការរៀបចំសេចក្តីព្រាងឯកសារទាំង ២ នេះ មានគោលបំណងពង្រឹងការធ្វើនិយ័តកម្មប្រព័ន្ធសន្តិសុខសង្គមនៅកម្ពុជា ដើម្បីធានាបាននូវតម្លាភាព គណនេយ្យភាព ភាពរឹងមាំ និងចីរភាពនៃមូលនិធិសន្តិសុខសង្គម ដែលរួមចំណែកធានាឱ្យបាននូវសិទ្ធិ និងអត្ថប្រយោជន៍របស់សមាជិកក្នុងរយៈពេលមធ្យម និងវែង។

ការផ្សះផ្សាត្រូវ បានផ្អាក ឬបង្អង់ ក្នុងករណីដូចខាងក្រោម៖១. ការដកខ្លួន ការផ្លាស់ប្តូរ ការបាត់បង់សមត្ថភាព ឬមរណភាពរបស់អ្នកផ្...
11/07/2026

ការផ្សះផ្សាត្រូវ បានផ្អាក ឬបង្អង់ ក្នុងករណីដូចខាងក្រោម៖
១. ការដកខ្លួន ការផ្លាស់ប្តូរ ការបាត់បង់សមត្ថភាព ឬមរណភាពរបស់អ្នកផ្សះផ្សា លើកលែងតែមានអ្នកផ្សះផ្សាចំនួនច្រើន ហើយអាចបន្តការផ្សះផ្សាបាន
២. ការបាត់បង់សមត្ថភាព ឬលទ្ធភាពក្នុងការចូលរួមការផ្សះផ្សា ឬមរណភាពរបស់ភាគីវិវាទ
៣. ករណីប្រធានសក្តិ
៤. ករណីផ្សេងទៀតដែល ន.ស.ស. យល់ថាប៉ះពាល់ដល់ការផ្សះផ្សា។

#នសស




🔈 បណ្តាញសង្គមរបស់ ន​.ស.ស.
👤 ទំព័រហ្វេសប៊ុកផ្លូវការ ន.ស.ស.
🚀 Telegram ផ្លូវការរបស់ ន.ស.ស.
🌐 គេហទំព័រផ្លូវការ របស់ ន.ស.ស.

ក្រុមការងារនៃនិយ័តករសន្តិសុខសង្គម (ន.ស.ស.) បានចុះពិនិត្យដោយផ្ទាល់ដល់ទីកន្លែងរបស់មូលដ្ឋានសុខាភិបាលសាធារណៈ និងឯកជន ជាដៃគូប...
11/07/2026

ក្រុមការងារនៃនិយ័តករសន្តិសុខសង្គម (ន.ស.ស.) បានចុះពិនិត្យដោយផ្ទាល់ដល់ទីកន្លែងរបស់មូលដ្ឋានសុខាភិបាលសាធារណៈ និងឯកជន ជាដៃគូបេឡាជាតិសន្តិសុខសង្គម (ប.ស.ស.) ចំនួន ៨ទីតាំង ដើម្បីពិនិត្យ និងតាមដានការអនុវត្តកិច្ចព្រមព្រៀងប្រើប្រាស់ និងផ្ដល់សេវាសុខាភិបាល និងបញ្ហាប្រឈម។ ទន្ទឹមនេះ ក្រុមការងារក៏បានជួបពិភាក្សាជាមួយសាខា ប.ស.ស. ដើម្បីស្វែងយល់អំពីការអនុវត្តប្រតិបត្តិការរបបសន្ដិសុខសង្គមនៅតាមបណ្តាសាខាខេត្តចំនួន២ រួមមាន៖ ខេត្តស្វាយរៀង និងខេត្តកំពង់ចាម។

សិក្ខាសាលាពិគ្រោះយោបល់បឋមស្តីពី «ការប្រមូលធាតុចូលក្នុងការរៀបចំបទប្បញ្ញត្តិស្តីពីកិច្ចការពារអ្នកទទួលផលក្នុងរបបសន្តិសុខសង្...
07/07/2026

សិក្ខាសាលាពិគ្រោះយោបល់បឋមស្តីពី
«ការប្រមូលធាតុចូលក្នុងការរៀបចំបទប្បញ្ញត្តិស្តីពីកិច្ចការពារអ្នកទទួលផល
ក្នុងរបបសន្តិសុខសង្គមនៅកម្ពុជា»

==========

រាជធានីភ្នំពេញ៖ នាព្រឹកថ្ងៃអង្គារ ៨រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែកក្កដា ឆ្នាំ២០២៦, និយ័តករសន្តិសុខសង្គម បានរៀបចំសិក្ខាសាលាពិគ្រោះយោបល់បឋមស្តីពី «ការប្រមូលធាតុចូលក្នុងការរៀបចំបទប្បញ្ញត្តិស្តីពីកិច្ចការពារអ្នកទទួលផលក្នុងរបបសន្តិសុខសង្គមនៅកម្ពុជា» នៅសណ្ឋាគារកាំបូឌីយ៉ាណា រាជធានីភ្នំពេញ ដោយមានការគាំទ្រពី Deutsche Gesellschaft für Internationale Zusammenarbeit (GIZ) GmbH និងមានការចូលរួមពីតំណាងនិយោជក និងតំណាងកម្មករនិយោជិតដែលជាអ្នកទទួលផលផ្ទាល់ក្នុងរបបសន្តិសុខសង្គម និងក៏មានការចែករំលែកពីបទពិសោធនៃការរៀបចំ និងខ្លឹមសារដែលមានក្នុងប្រកាសស្ដីពី "កិច្ចការពារអ្នកប្រើប្រាស់សេវាធានារ៉ាប់រង" ដោយតំណាងមកពីនិយ័តករធានារ៉ាប់រងកម្ពុជាផងដែរ។

សិក្ខាសាលានេះរៀបចំឡើងជាជំហានដំបូងក្នុងគោលបំណងស្វែងយល់អំពីទស្សនៈរបស់អ្នកទទួលផលក្នុងរបបសន្ដិសុខសង្គម ដើម្បីទទួលបានធាតុចូលសម្រាប់ការគិតគូររៀបចំ និងតាក់តែងបទប្បញ្ញត្តិពាក់ព័ន្ធនឹង
កិច្ចការពារអ្នកទទួលផលក្នុងរបបសន្តិសុខសង្គម។

#នសស

🔈 បណ្តាញសង្គមរបស់ ន​.ស.ស.
👤 ទំព័រហ្វេសប៊ុកផ្លូវការ ន.ស.ស. (https://www.facebook.com/SSRCambodia.gov)
🚀 Telegram ផ្លូវការរបស់ ន.ស.ស. (https://t.me/socialsecurityregulator)
🌐 គេហទំព័រផ្លូវការ របស់ ន.ស.ស. (https://ssr.gov.kh/)

Address

Khan Daun Penh
Phnom Penh
120201

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Website

Alerts

Be the first to know and let us send you an email when និយ័តករសន្តិសុខសង្គម - Social Security Regulator posts news and promotions. Your email address will not be used for any other purpose, and you can unsubscribe at any time.

Shortcuts

Share

Category