ក្រុមការងារយេនឌ័ររបស់ក្រសួងពាណិជ្ជកម្ម

15/08/2026

🙏🙏🙏

13/08/2026

«កុមារជាទំពាំងស្នងឫស្សី និងជាអនាគតសេដ្ឋកិច្ចជាតិ! ការគាំទ្រការរៀនសូត្រ ការលេងកម្សាន្តប្រកបដោយភាពច្នៃប្រឌិត និងការថែរក្សាសុខភាពតាមរយៈការលាងសម្អាតដៃ គឺជាគ្រឹះដ៏រឹងមាំក្នុងការបណ្តុះធនធានមនុស្សប្រកបដោយសក្តានុពល។ យើងទាំងអស់គ្នាជឿជាក់ថា ស្នាមញញឹម ភាពឆ្លាតវៃ និងសុខភាពល្អរបស់កុមារនៅថ្ងៃនេះ គឺជាកម្លាំងចលករនៃវឌ្ឍនភាពសង្គម-សេដ្ឋកិច្ចនៅថ្ងៃស្អែក!»
❤️❤️❤️💐💐

17/07/2026

23/06/2026

ដើម្បីសម្រួលការលំបាករបស់មន្រ្តីរាជការ ទើបសម្រាលមាតុភាព និងមន្រ្តីរាជការមានកូនតូចៗ ក្រសួងពាណិជ្ជកម្ម បានរៀបចំឱ្យមានកុមារដ្ឋាន នៅក្នុងបរិវេណក្រសួង។កុមារដ្ឋាននេះ នឹងជួយកាត់បន្ថយការលំបាក និងការចំណាយរបស់មន្រ្តី ដែលមិនមានអ្នកជួយមើលថែទាំកូនតូចៗ ជាពិសេសជួយដល់អារម្មណ៍របស់ ឪពុក ម្ដាយនៅពេលកូននៅជិតខ្លួន ឱ្យកាន់តែមានភាពកក់ក្ដៅ។ការរៀបចំឱ្យមានកុមារដ្ឋាននេះ ត្រូវបានធ្វើឡើង សំដៅជួយសម្រាលបន្ទុកក្នុងការថែទាំកូនតូចៗ ធានាសុវត្ថិភាព និងសុខមាលភាពរបស់កុមារ។ កុមារដ្ឋាននេះ មានមន្រ្តីជំនាញចាំថែទាំដល់កុមារ និងទារកផងដែរ។
សូមជូនកម្រងរូបភាពប្រចាំថ្ងៃនៃកុមារដ្ឋាន នៅក្នុងបរិវេណក្រសួងពាណិជ្ជកម្ម

05/06/2026

នៅរសៀលថ្ងៃទី ៣ ខែមិថុនា ឆ្នាំ២០២៦ ក្រុមការងារយេនឌ័រក្រសួងពាណិជ្ជកម្ម បានរៀបចំកិច្ចប្រជុំស្តីពី “ វឌ្ឍនភាពការងារ នៃក្រុមការងារយេនឌ័រក្រសួងពាណិជ្ជកម្ម “ ក្រោមអធិបតីភាព លោកជំទាវ សេរី បូរាពេជ្រ រដ្ឋលេខាធិការ និងជាប្រធានក្រុមការងារយេនឌ័ររបស់ក្រសួងពាណិជ្ជកម្ម ដោយមានការចូលរួមពីលោកជំទាវ អនុរដ្ឋលេខាធិការ លោក លោកស្រីសមាជិក សមាជិកាក្រុមការងារយេនឌ័រក្នុងទីស្តីការក្រសួង និងមន្រ្តីបង្គោលយេនឌ័រ តាមមន្ទីរពាណិជ្ជកម្មរាជធានី ខេត្តទាំង ២៥។

16/05/2026

14/05/2026

ខ្ញុំម្ចាស់ សូមព្រះបរមរាជានុញ្ញាតលំឱនកាយវាចាចិត្ត ក្រាបបង្គំថ្វាយនូវព្រះរាជសព្ទសាធុការពរជ័យ បវរសួស្តី សិរីមង្គល វិបុលសុខ មហាប្រសើរគ្រប់ប្រការថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងវរោកាសដ៏នក្ខត្តឫក្សថ្លៃថ្លានៃព្រះរាជពិធីចម្រើនព្រះជន្ម គម្រប់ ៧៣ យាងចូល ៧៤ ព្រះវស្សា។

ខ្ញុំម្ចាស់ និងក្រុមគ្រួសារ សូមលើកហត្ថប្រណម្យបួងសួង​ដល់គុណ​បុណ្យ​ព្រះរតនត្រ័យ និងវត្ថុស័ក្តិសិទ្ធិក្នុងលោក សូមតាមជួយថែរក្សាការពារអភិបាល ប្រោះព្រំ គ្រងរក្សានូវព្រះសព្ទសាធុការពរ​ជ័យគ្រប់ប្រការ​ថ្វាយចំពោះ ព្រះករុណា ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់​ខ្ពស់​បំផុត សូមព្រះអង្គទ្រង់ប្រកបដោយព្រះរាជសុខភាពល្អបរិបូណ៍ ព្រះកាយពលមាំមួន ព្រះបញ្ញាញាណភ្លឺថ្លា ព្រះជន្មាយុយឺន​យូរជាង​រយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំសុខដុមរមនាដល់ជាតិមាតុភូមិកម្ពុជា និងប្រជានុរាស្ត្រ ជាកូន ជាចៅ ចៅទួតរបស់ព្រះអង្គជានិច្ចនិរន្តរ៍តរៀងទៅ។..
ភ្ជាប់ទំនាក់ទំនងមកកាន់៖
- Telegram Channel: https://t.me/CHAMNimul
- X Account (Twitter): https://twitter.com/c_nimul

14/04/2026

14/04/2026

ក្នុងឱកាសអបអរសាទរឆ្នាំថ្មី ប្រពៃណីជាតិខ្មែរ
ឆ្នាំមមី អដ្ឋស័ក ព.ស. ២៥៦៩ គ.ស. ២០២៦
……
យើងខ្ញុំមន្ត្រីរាជការទាំងអស់នៃក្រុមការងារយេនឌ័ររបស់ក្រសួងពាណិជ្ជកម្ម សូមបួងសួងព្រះរតនត្រ័យ វត្ថុស័ក្ដិសិទ្ធទាំងឡាយក្នុងលោក សូមប្រសិទ្ធិពរជ័យមហាប្រសើរជូន លោកជំទាវរដ្ឋលេខាធិការ សូមប្រកបដោយពុទ្ធពរទាំងឡាយបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

13/04/2026

ក្នុងឱកាសអបអរសាទរឆ្នាំថ្មី ប្រពៃណីជាតិខ្មែរ
ឆ្នាំមមី អដ្ឋស័ក ព.ស. ២៥៦៩គ.ស. ២០២៦
……
យើងខ្ញុំជាមន្ត្រីរាជការទាំងអស់នៃក្រុមការងារយេនឌ័ររបស់ក្រសួងពាណិជ្ជកម្ម សូមបួងសួងព្រះរតន:ត្រ័យ វត្ថុស័ក្ដិសិទ្ធទាំងឡាយក្នុងលោក សូមប្រសិទ្ធិពរជ័យមហាប្រសើរជូន លោកជំទាវរដ្ឋមន្ត្រី ព្រមទាំងក្រុមគ្រួសារ សូមប្រកបដោយពុទ្ធពរទាំងឡាយបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

ដោយក្ដីគោរពដ៏ខ្ពង់ខ្ពស់បំផុត🙏🙏🙏