នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department

  • Home
  • Cambodia
  • Phnom Penh
  • នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department

នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department Our obligation is to keep Cambodian people safe from cybercrime, and make Cambodia safer from Cyber perspectives.
(11)

Join us via Telegram https://t.me/ACCD_OFFICIAL នាយកដ្ឋានប្រឆាំងបទល្មើសបច្ចេកវិទ្យា មានតួនាទីធ្វើជាសេនាធិការសិក្សារៀបចំគោលការណ៍ គោលនយោបាយ យុទ្ធសាស្ត្រ ផែនការសកម្មភាពលើការងារ ទប់ស្កាត់ សំដៅរួមចំណែកការពារ សន្តិសុខជាតិ រក្សា សណ្តាប់ធ្នាប់សាធារណៈ សុវត្ថិភាពសង្គម ដែលមានភារកិច្ចដូចខាងក្រោម៖
សិក្សារៀបចំគោលការណ៍ វិធានការ យុទ្ធសាស្ត្រ និងផែនការសកម្មភាពលើការបង្ការ ទប់ស្កាត់ស្រាវជ្រាវ ស៊ើបអង្កេត និងបង្ក្រាប

បទល្មើសបច្ចេកវិទ្យា
សហការជាមួយបណ្តាស្ថាប័នរដ្ឋ និងឯកជន ដែលផ្គត់ផ្គង់សេវាបច្ចេកវិទ្យា និងទូរគមនាគមន៍គ្រប់ប្រភេទដើម្បីគ្រប់គ្រងលិខិតបទដ្ឋានជួលជាវសេវាទូរគមនាគមន៍បម្រើឲ្យការស្រាវជ្រាវ ស៊ើបអង្កេតប្រមូលភស្តុតាង និងបង្ក្រាបបទល្មើសតាមប្រព័ន្ធបច្ចេកវិទ្យា ដែលធ្វើឲ្យប៉ះពាល់ដល់សន្តិសុខសណ្តាប់ធ្នាប់សាធារណៈ និងសុវត្ថិភាពសង្គម
សហការជាមួយបណ្តាស្ថាប័នរដ្ឋ និងឯកជន ដែលពាក់ព័ន្ធដើម្បីផ្លាស់ប្តូរបទពិសោធន៍ និងការងារបណ្តុះបណ្តាលដើម្បីលើកកម្ពស់សមត្ថភាពចំណេះដឹងលើកិច្ចប្រតិបត្តិការ ប្រយុទ្ធប្រឆាំងបទល្មើសបច្ចេកវិទ្យា
ប្រមូល និងវិភាគទិន្នន័យប្រព័ន្ធទូរគមនាគមន៍ សំដៅរកឲ្យឃើញបទល្មើស និងការគំរាមកំហែង ដល់សន្តិសុខជាតិ ដើម្បីចាត់វិធានការតាមច្បាប់
ស៊ើបអង្កេត និងចាត់វិធានការតាមច្បាប់ចំពោះសកម្មភាពញុះញ៉ង់ ជេរប្រមាថ រើសអើងពូជសាសន៍បង្កចលាចលក្នុងសង្គម តាមប្រព័ន្ធអ៊ីនធើណេត
ស្រាវជ្រាវ ស៊ើបអង្កេត និងបង្ក្រាបការជ្រៀតជ្រែកចូល និងបំផ្លិចបំផ្លាញប្រព័ន្ធព័ត៌មានវិទ្យា ការបង្កើតមេរោគកុំព្យូទ័របំផ្លាញឯកសារ ឬបង្កការរំខានដល់ដំណើរការប្រព័ន្ធបច្ចេកវិទ្យា និងការធ្វើចារកម្មទិន្នន័យ
ស្រាវជ្រាវស៊ើបអង្កេត និងបង្ក្រាបការបើកល្បែងស៊ីសងខុសច្បាប់ តាមប្រព័ន្ធបំផ្លិចបំផ្លាញ នៅក្នុងព្រះរាជាណាចក្រកម្ពុជា
ស្រាវជ្រាវស៊ើបអង្កេត និងបង្ក្រាបបទល្មើសក្លែងបន្លំលួចប្រាក់តាមប្រព័ន្ធធនាគារ
ស្រាវជ្រាវធ្វើកោសល្យវិច្ច័យ និងវិភាគទិន្នន័យក្នុងឧបករណ៍បច្ចេកទេស សំដៅរកឃើញភស្តុតាងសម្រាប់បម្រើផ្លូវច្បាប់
សហការផ្តល់ជំនួយផ្នែកបច្ចេកទេសកោសល្យវិច្ច័យបច្ចេកវិទ្យាដល់ស្ថាប័ន ដែលមានសមត្ថកិច្ចពាក់ព័ន្ធសម្រាប់បម្រើនីតិវិធីច្បាប់
សហប្រតិបត្តិការជាមួយស្ថាប័នជាតិ និងអន្តរជាតិដែលពាក់ព័ន្ធដើម្បីផ្លាស់ប្តូរព័ត៌មានចារកម្មសំដៅមានវិធានការទាន់ពេលវេលា
ធ្វើការងាររដ្ឋបាល បុគ្គលិក បណ្តុះបណ្តាល និងការងារភស្តុតាង គណនេយ្យរបស់នាយដ្ឋាន
ធ្វើរបាយការណ៍បូកសរុបលទ្ធផលការងារ និងទិសដៅបន្តរបស់នាយកដ្ឋានប្រឆាំងបទល្មើសបច្ចេកវិទ្យាតាមការកំណត់
ទទួលអនុវត្តភារកិច្ច និងសិទ្ធិផ្សេងៗទៀតដែលប្រធាននាយដ្ឋានកណ្តាលសន្តិសុខប្រគល់ឲ្យនាយដ្ឋានប្រឆាំងបទល្មើសបច្ចេវិទ្យា ដឹកនាំដោយប្រធានមួយរូប និងមានអនុប្រធានមួយចំនួនតាមការកំណត់។

ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នាថ្ងៃចន្ទ ១២រោច ខែទុតិយាសាឍ ឆ្នា...
11/08/2026

ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នាថ្ងៃចន្ទ ១២រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦
ឯកឧត្តម ឧត្តមសេនីយ៍ឯក ជា ពៅ អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ អមដំណើរដោយ លោកឧត្តមសេនីយ៍ទោ សុខ នីត្យា ប្រធាននាយកដ្ឋានប្រឆាំងបទល្មើសបច្ចេកវិទ្យា និង លោកឧត្តមសេនីយ៍ទោ ស៊ីវ ឈាន់ អនុប្រធាននាយកដ្ឋានប្រឆាំងបទល្មើសបច្ចេកវិទ្យា បានអញ្ជើញចូលរួមកិច្ចប្រជុំក្រុមការងារអន្តរក្រសួង ទទួលបន្ទុករៀបចំតាក់តែងសេចក្តីព្រាងច្បាប់ស្តីពី ការគ្រប់គ្រងទ្រព្យសកម្មនិម្មិតទ្រព្យឌីជីថល និងលិខិតបទដ្ឋានគតិយុត្តពាក់ព័ន្ធ។

កិច្ចប្រជុំនេះបានប្រព្រឹត្តទៅនៅទីស្តីការអាជ្ញាធរសេវាហិរញ្ញវត្ថុមិនមែនធនាគារ ជាន់ទី១២ ក្រោមអធិបតីភាព ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ អនុប្រធានក្រុមប្រឹក្សា អ.ស.ហ និងជាសហប្រធានក្រុមការងារ៕

🌐 នាយកដ្ឋានប្រឆាំងបទល្មើសបច្ចេកវិទ្យា
🌐 Anti-Cyber Crime Department


ពាក់ព័ន្ធនឹងករណីការបង្ហោះលើបណ្ដាញសង្គមខាងលើនេះ នាយកដ្ឋានប្រឆាំងបទល្មើសបច្ចេកវិទ្យា បានពិនិត្យឃើញ និងបានទាក់ទងទៅកាន់ជនរងគ...
10/08/2026

ពាក់ព័ន្ធនឹងករណីការបង្ហោះលើបណ្ដាញសង្គមខាងលើនេះ នាយកដ្ឋានប្រឆាំងបទល្មើសបច្ចេកវិទ្យា បានពិនិត្យឃើញ និងបានទាក់ទងទៅកាន់ជនរងគ្រោះ ដើម្បីអញ្ជើញមកបំភ្លឺ និងដាក់ពាក្យបណ្ដឹងផ្លូវការ ក្នុងកិច្ចបើកការស្រាវជ្រាវចាត់ការតាមនីតិវិធីច្បាប់។

«សូមចូលរួមប្រយុទ្ធប្រឆាំងបទល្មើសបច្ចេកវិទ្យាទាំងអស់គ្នា»

🌐 នាយកដ្ឋានប្រឆាំងបទល្មើសបច្ចេកវិទ្យា
🌐 Anti-Cyber Crime Department


08/08/2026

🚨 [វីដេអូណែនាំ]
ប្រុងប្រយ័ត្នល្បិចបោកប្រាស់ទិញ-លក់ទំនិញតាមអនឡាញ! ❌ 🛍️
សូមអញ្ជើញស្តាប់ការណែនាំពីមន្ត្រីជំនាញនៃនាយកដ្ឋានប្រឆាំងបទល្មើសបច្ចេកវិទ្យា អំពីល្បិចកលរបស់ក្រុមជនឆបោក ដែលបានបង្កើត Page ក្លែងក្លាយ ដើម្បីបោកបញ្ឆោតប្រជាពលរដ្ឋឱ្យវេរប្រាក់ថ្លៃទំនិញ រួចមិនប្រគល់ទំនិញឱ្យ ឬគេចវេះមិនទទួលខុសត្រូវ។

គន្លឹះប្រុងប្រយ័ត្នមុនទិញទំនិញអនឡាញ៖
❌ កុំប្រញាប់វេរប្រាក់៖ ប្រសិនបើមិនទាន់បានផ្ទៀងផ្ទាត់អត្តសញ្ញាណអ្នកលក់ និង Page ឱ្យបានច្បាស់លាស់។
❌ កុំជឿលើការបញ្ចុះតម្លៃខុសប្រក្រតី៖ តម្លៃថោកខុសពីទីផ្សារខ្លាំង ភាគច្រើនជាល្បិចទាក់ទាញ។
✅ ត្រូវពិនិត្យប្រវត្តិ Page៖ ពិនិត្យមើល Page Transparency, កាលបរិច្ឆេទបង្កើត Page និងមតិយោបល់ (Comment) របស់អតិថិជនមុនៗ។

📢 សូមជួយ Share ចែករំលែកព័ត៌មាននេះបន្ត៖ ទៅកាន់ក្រុមគ្រួសារ និងមិត្តភក្តិ ដើម្បីការពារពួកគាត់ឱ្យជៀសផុតពីការឆបោក!

«សូមចូលរួមប្រយុទ្ធប្រឆាំងបទល្មើសបច្ចេកវិទ្យាទាំងអស់គ្នា»

🌐 នាយកដ្ឋានប្រឆាំងបទល្មើសបច្ចេកវិទ្យា
🌐 Anti-Cyber Crime Department


💰 ប្រយ័ត្ន! កម្ចីអនឡាញ (Online Loan Scam)⚠️ កុំឱ្យការខ្ចីប្រាក់ក្លាយជាការបាត់បង់ទ្រព្យសម្បត្តិ!ជនឆបោកតែងប្រើល្បិចដូចជា៖📱...
06/08/2026

💰 ប្រយ័ត្ន! កម្ចីអនឡាញ (Online Loan Scam)
⚠️ កុំឱ្យការខ្ចីប្រាក់ក្លាយជាការបាត់បង់ទ្រព្យសម្បត្តិ!

ជនឆបោកតែងប្រើល្បិចដូចជា៖

📱 ផ្សព្វផ្សាយកម្ចីអនុម័តរហ័ស មិនត្រូវការឯកសារ
💸 តម្រូវឱ្យបង់ “ថ្លៃសេវា” ឬ “ប្រាក់ធានា” ជាមុន
🔗 ផ្ញើតំណភ្ជាប់ (Link) ឱ្យចុច ឬដំឡើងកម្មវិធីមិនស្គាល់ប្រភព
🔐 ស្នើសុំលេខសម្ងាត់ (OTP) ឬព័ត៌មានគណនីធនាគារ
🪪 ទាមទាររូបថតអត្តសញ្ញាណបណ្ណ និងព័ត៌មានផ្ទាល់ខ្លួន។
🚫 សូមកុំ
- បង់ប្រាក់ជាមុន ដើម្បីទទួលបានកម្ចី
- ចែករំលែក OTP ឬលេខសម្ងាត់គណនី
- ចុចតំណភ្ជាប់ ឬដំឡើង App ពីប្រភពមិនគួរឱ្យទុកចិត្ត
- ផ្ញើឯកសារផ្ទាល់ខ្លួនទៅអ្នកមិនស្គាល់។
✅ សូមធ្វើ
- ពិនិត្យឱ្យបានច្បាស់ថា គ្រឹះស្ថានផ្តល់កម្ចីមានអាជ្ញាប័ណ្ណស្របច្បាប់
- អានលក្ខខណ្ឌ និងអត្រាការប្រាក់ឱ្យបានច្បាស់
- សាកសួរព័ត៌មានពីប្រភពផ្លូវការមុនសម្រេចចិត្ត
- រាយការណ៍ទៅអាជ្ញាធរពាក់ព័ន្ធ ប្រសិនបើសង្ស័យថាជាការឆបោក។

📢 ចងចាំ៖ កម្ចីស្របច្បាប់ មិនតម្រូវឱ្យអ្នកបង់ថ្លៃសេវាជាមុន ដើម្បីអនុម័តកម្ចីនោះទេ៕

«សូមចូលរួមប្រយុទ្ធប្រឆាំងបទល្មើសបច្ចេកវិទ្យាទាំងអស់គ្នា»

🌐 នាយកដ្ឋានប្រឆាំងបទល្មើសបច្ចេកវិទ្យា
🌐 Anti-Cyber Crime Department


វិធីការពារខ្លួន មុនពេលបញ្ជាទិញទំនិញអនឡាញ! 🛡️📦ដើម្បីជៀសវាងការចាញ់បោកអាជីវកម្មក្លែងក្លាយ ឬហាងទំនិញបោកប្រាស់តាមអនឡាញ នាយកដ្...
05/08/2026

វិធីការពារខ្លួន មុនពេលបញ្ជាទិញទំនិញអនឡាញ! 🛡️📦

ដើម្បីជៀសវាងការចាញ់បោកអាជីវកម្មក្លែងក្លាយ ឬហាងទំនិញបោកប្រាស់តាមអនឡាញ នាយកដ្ឋានប្រឆាំងបទល្មើសបច្ចេកវិទ្យា សូមណែនាំនូវ ៥ ចំណុចសំខាន់ៗ ដែលត្រូវពិនិត្យ មុនពេលបញ្ជាទិញ និងផ្ទេរប្រាក់៖

១. ពិនិត្យ Page Transparency៖ ពិនិត្យកាលបរិច្ឆេទបង្កើត Page, ប្រវត្តិ Page និងទីតាំងរបស់អ្នកគ្រប់គ្រង។

២. ពិនិត្យ Reviews និង Comments៖ អានមតិយោបល់របស់អ្នកទិញមុនៗ។ បើឃើញមានការបិទ Comment ឬមាន Comment ដូចៗគ្នា (Bot) ត្រូវប្រុងប្រយ័ត្ន!

៣. ប្រៀបធៀបតម្លៃជាមួយទីផ្សារ៖ ប្រសិនបើតម្លៃថោកជាងទីផ្សារ ៥០% ទៅ ៧០% គួរតែប្រុងប្រយ័ត្ន។

៤. ជ្រើសរើសការទូទាត់ពេលទទួលបានទំនិញ (Cash on Delivery)៖ ទូទាត់ប្រាក់នៅពេលទទួលបានទំនិញ និងបានពិនិត្យត្រឹមត្រូវរួចរាល់។

៥. ផ្ទៀងផ្ទាត់ឈ្មោះគណនីធនាគារឱ្យត្រឹមត្រូវ៖ គណនីធនាគារត្រូវតែត្រូវគ្នា និងឈ្មោះហាង ឬក្រុមហ៊ុនផ្លូវការ មិនមែនជាឈ្មោះបុគ្គលឡើយ។

🛡️ ចងចាំ៖ «បើទំនិញតម្លៃថោកពេក រហូតមិនគួរឱ្យជឿ នោះភាគច្រើនជាការឆបោក»

📢 សូមជួយ Share ចែករំលែកព័ត៌មាននេះបន្តទៅកាន់ក្រុមគ្រួសារ និងសាច់ញាតិ!

«សូមចូលរួមប្រយុទ្ធប្រឆាំងបទល្មើសបច្ចេកវិទ្យាទាំងអស់គ្នា»

🌐 នាយកដ្ឋានប្រឆាំងបទល្មើសបច្ចេកវិទ្យា
🌐 Anti-Cyber Crime Department


05/08/2026

លោកឧត្តមសេនីយ៍ទោ ហេង សំណាង លើកឡើងអំពី​​​ ឯកសារ និងភស្តុតាង ដែលត្រូវត្រៀមសម្រាប់ដាក់ពាក្យបណ្តឹង ពេលជនល្មើសលួចកុងធនាគារ ក្នុងឱកាសអញ្ជើញជាវាគ្មិនក្នុងកម្មវិធី «សន្តិសុខសាយប័រ» របស់អង្គភាពសារព័ត៌មាន Fresh News
🎬 សូមបងប្អូនប្រជាពលរដ្ឋ ចូលរួមទស្សនាវីដេអូនេះទាំងអស់គ្នា


ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នាថ្ងៃចន្ទ ៥រោច ខែទុតិយាសាឍ ឆ្នាំ...
04/08/2026

ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នាថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ នៅខេត្តព្រះសីហនុ នាយកដ្ឋានប្រឆាំងបទល្មើសបច្ចេកវិទ្យា បានចាត់លោកវរសេនីយ៍ទោ ថោង ពេជ្រពន្លឺ តំណាង លោកឧត្តមសេនីយ៍ទោ សុខ នីត្យា ប្រធាននាយកដ្ឋានប្រឆាំងបទល្មើសបច្ចេកវិទ្យា ធ្វើបទបង្ហាញចែករំលែកអំពីប្រភេទនៃការឆបោកតាមប្រព័ន្ធបច្ចេកវិទ្យា។

កម្មវិធីនេះធ្វើឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន ម ក ឯកឧត្តម ណុប ហេង សមាជិកក្រុមប្រឹក្សាខេត្ត តំណាង ឯកឧត្តម វង្ស ផាណាត ប្រធានក្រុមប្រឹក្សាខេត្តនិងលោក ឯម ភាព អភិបាលរងខេត្ត តំណាង ឯកឧត្តម ម៉ាង ស៊ីណេត អភិបាលខេត្តព្រះសីហនុ។

សិក្ខាសាលានេះមានការចូលរួមពីថ្នាក់ដឹកនាំខេត្ត តំណាងតុលាការ អាជ្ញាធរដែនដី កងកម្លាំងប្រដាប់អាវុធ មន្ត្រីរាជការ និងតំណាងធនាគារ គ្រឹះស្ថានមីក្រូហិរញ្ញវត្ថុ សរុបចំនួន ៨០រូប៕

🌐 នាយកដ្ឋានប្រឆាំងបទល្មើសបច្ចេកវិទ្យា
🌐 Anti-Cyber Crime Department


03/08/2026

លោកឧត្តមសេនីយ៍ទោ ហេង សំណាង លើកអំពីវិធីសាស្រ្តការពារខ្លួនពីការឆបោកតាមប្រព័ន្ធបច្ចេកវិទ្យា ក្រោមរូបភាពជនខិលខូចបន្លំជាបុគ្គលិកធនាគារ ពិសេសការលួចគណនី ក្នុងឱកាសអញ្ជើញជាវាគ្មិនក្នុងកម្មវិធី «សន្តិសុខសាយប័រ» របស់អង្គភាពសារព័ត៌មាន Fresh News
🎬 សូមបងប្អូនប្រជាពលរដ្ឋ ចូលរួមទស្សនាវីដេអូអប់រំនេះទាំងអស់គ្នា ដើម្បីយល់ដឹងពីល្បិចឆបោក និងរបៀបការពារគណនីធនាគាររបស់អ្នកឱ្យមានសុវត្ថិភាព!



សូមប្រុងប្រយ័ត្ន! កុំឱ្យក្លាយជាជនរងគ្រោះ ដោយសារកលល្បិច Live លក់ឆ្នោតកោសឈ្នះរង្វាន់ធំ តាម Facebookដើម្បីសុវត្ថិភាពហិរញ្ញវ...
03/08/2026

សូមប្រុងប្រយ័ត្ន! កុំឱ្យក្លាយជាជនរងគ្រោះ ដោយសារកលល្បិច Live លក់ឆ្នោតកោសឈ្នះរង្វាន់ធំ តាម Facebook
ដើម្បីសុវត្ថិភាពហិរញ្ញវត្ថុ និងជៀសវាងការចាញ់បោកក្រុមឧក្រិដ្ឋជនអនឡាញ នាយកដ្ឋានប្រឆាំងបទល្មើសបច្ចេកវិទ្យា សូមណែនាំនូវចំណុច «កុំធ្វើ» និង «គួរធ្វើ» ដូចខាងក្រោម៖

❌ កុំធ្វើដូចនេះ៖
- កុំជឿការផ្សាយផ្ទាល់ (Live) ដែលអះអាងថាសន្យាអាចឈ្នះរង្វាន់ធំ
- កុំផ្ទេរប្រាក់ទៅគណនីដែលមិនបានផ្ទៀងផ្ទាត់
- កុំជឿលើការបង្ហាញមូលប្បទានបត្រក្លែងក្លាយ និងរូបភាពផ្ទេរប្រាក់
- កុំបង់ប្រាក់ ដើម្បីយករង្វាន់ធំ ឬដោះស្រាយបញ្ហាផ្សេងៗ

✅ គួរធ្វើដូចនេះ៖
- ពិនិត្យប្រភពព័ត៌មានឱ្យបានច្បាស់លាស់
- ពិគ្រោះជាមួយមិត្តភក្តិ ឬគ្រួសារ មុននឹងសម្រេចចិត្ត
- រាយការណ៍ទៅសមត្ថកិច្ច ប្រសិនបើមានការសង្ស័យ
ចែករំលែកព័ត៌មាននេះ ដើម្បីការពារដល់អ្នកដទៃ

«សូមចូលរួមប្រយុទ្ធប្រឆាំងបទល្មើសបច្ចេកវិទ្យាទាំងអស់គ្នា»

🌐 នាយកដ្ឋានប្រឆាំងបទល្មើសបច្ចេកវិទ្យា
🌐 Anti-Cyber Crime Department


យោងតាមបញ្ជាដឹកនាំពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលណែនាំពី ឯកឧត្តម ឧត្តមសេនីយ៍ឯក អគ្គស្ន...
02/08/2026

យោងតាមបញ្ជាដឹកនាំពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលណែនាំពី ឯកឧត្តម ឧត្តមសេនីយ៍ឯក អគ្គស្នងការរងនគរបាលជាតិ កាលពីថ្ងៃទី២៩ ខែកក្កដា ឆ្នាំ២០២៦ នាយកដ្ឋានប្រឆាំងបទល្មើសបច្ចេកវិទ្យា ដោយមានការសម្របសម្រួលពីអយ្យការអមសាលាដំបូងខេត្តកណ្តាល បានស្រាវជ្រាវ និងឃាត់ខ្លួនជនសង្ស័យចំនួន ០១រូប ឈ្មោះ ច.ស.ក ភេទប្រុស ជនជាតិខ្មែរ។

ជនសង្ស័យបានយកគណនីធនាគាររបស់ខ្លួនទៅឱ្យជនអនាមិកជួល ឬប្រើប្រាស់ជាថ្នូរនឹងប្រាក់កម្រៃ ហើយជនអនាមិកនោះបានយកគណនីនេះទៅប្រើប្រាស់ក្នុងការលួចគ្រប់គ្រងក្លែងបន្លំ Telegram ដើម្បីឆបោកប្រាក់ពីជនរងគ្រោះតាមប្រព័ន្ធធនាគារ។

នាយកដ្ឋានសូមដាស់តឿនដល់សាធារណជន និងសិស្ស-និស្សិត ឱ្យមានការប្រុងប្រយ័ត្នខ្ពស់ចំពោះការផ្សាយពាណិជ្ជកម្មផ្ដល់ការងារតាមបណ្ដាញសង្គមគ្មានប្រភពច្បាស់លាស់ និងហាមដាច់ខាតការឱ្យខ្ចី ជួល ឬលក់គណនីធនាគារ និងអត្តសញ្ញាណបណ្ណផ្ទាល់ខ្លួនទៅឱ្យអ្នកដទៃ ដែលអាចនាំឱ្យក្លាយជាឧបករណ៍ល្មើសច្បាប់ និងត្រូវទទួលទោសទណ្ឌតាមផ្លូវច្បាប់៕

«សូមចូលរួមប្រយុទ្ធប្រឆាំងបទល្មើសបច្ចេកវិទ្យាទាំងអស់គ្នា»

🌐 នាយកដ្ឋានប្រឆាំងបទល្មើសបច្ចេកវិទ្យា
🌐 Anti-Cyber Crime Department


Address

Norodom Boulevard
Phnom Penh
12200

Website

,

Alerts

Be the first to know and let us send you an email when នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department:

Shortcuts

Share

Category