លេខាធិការដ្ឋាន គជអប - NCDDS

លេខាធិការដ្ឋាន គជអប - NCDDS គ.ជ.អ.ប គឺ​ជា​យន្តការ​អន្តរ​ក្រសួង​សម្រាប់​ការលើក​កម្ពស់​ការអភិវឌ្ឍ​តាម​បែប​ប្រជាធិបតេយ្យ​តាមរយៈ​កំណែ​ទម្រង់វិមជ្ឈការ និង វិសហមជ្ឈការ​នៅ​កម្ពុជា។

06/08/2026

តើអ្នកបានដឹងអំពីសិទ្ធិរបស់អ្នក នៅពេលទៅទទួលសេវាពីមណ្ឌលសុខភាពហើយឬនៅ?
------
ប្រជាពលរដ្ឋគ្រប់រូបមានសិទ្ធិទទួលបានសេវាថែទាំសុខភាពប្រកបដោយ គុណភាព សមធម៌ សុវត្ថិភាព តម្លាភាព និងការគោរពសេចក្តីថ្លៃថ្នូរ។

សូមទស្សនាវីដេអូគំនូរជីវចលនេះ ដើម្បីស្វែងយល់អំពី៖
✅ សិទ្ធិរបស់ប្រជាពលរដ្ឋក្នុងការទទួលសេវានៅមណ្ឌលសុខភាព
✅ ស្តង់ដាសេវាដែលមណ្ឌលសុខភាពត្រូវអនុវត្ត
✅ ការចូលរួមរបស់ប្រជាពលរដ្ឋក្នុងការលើកកម្ពស់គុណភាពសេវាសុខាភិបាល

ការយល់ដឹងពីសិទ្ធិ និងស្តង់ដាសេវា គឺជាជំហានដ៏សំខាន់ក្នុងការលើកកម្ពស់គុណភាព តម្លាភាព គណនេយ្យភាព និងការផ្តល់សេវាសុខាភិបាលឱ្យកាន់តែមានប្រសិទ្ធភាព។

🎬 សូមទស្សនា ចែករំលែក និងផ្សព្វផ្សាយវីដេអូនេះ ដើម្បីរួមចំណែកលើកកម្ពស់ការយល់ដឹង និងការទទួលបានសេវាសុខាភិបាលប្រកបដោយគុណភាពសម្រាប់ប្រជាពលរដ្ឋគ្រប់រូប។
#សិទ្ធិប្រជាពលរដ្ឋ #ស្តង់ដាសេវា #មណ្ឌលសុខភាព #គណនេយ្យភាពសង្គម #សេវាសុខាភិបាល

កិច្ចប្រជុំពិនិត្យ និងផ្តល់យោបល់លើសេចក្តីព្រាងឯកសារទស្សនាទានរួមស្តីពីការកំណត់តួនាទី និងភារកិច្ចរបស់ រដ្ឋបាលថ្នាក់ក្រោមជ...
04/08/2026

កិច្ចប្រជុំពិនិត្យ និងផ្តល់យោបល់លើសេចក្តីព្រាងឯកសារទស្សនាទានរួមស្តីពីការកំណត់តួនាទី និងភារកិច្ចរបស់ រដ្ឋបាលថ្នាក់ក្រោមជាតិក្នុងការផ្តល់សេវាគាំពារសង្គមដែលឆ្លើយតបយេនឌ័រ និងភាពធន់នឹងការប្រែប្រួលអាកាសធាតុ
--------------
ទីស្តីការក្រសួងមហាផ្ទៃ ៖ នាព្រឹកថ្ងៃអង្គារ ៦រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី០៤ ខែកក្កដា ឆ្នាំ២០២៦ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញដឹកនាំកិច្ចប្រជុំពិនិត្យ និងផ្តល់យោបល់លើសេចក្តីព្រាងឯកសារទស្សនាទានរួមស្តីពី ការកំណត់តួនាទី និងភារកិច្ចរបស់រដ្ឋបាលថ្នាក់ក្រោមជាតិក្នុងការផ្តល់សេវាគាំពារសង្គម ដែលឆ្លើយតបយេនឌ័រ និងភាពធន់នឹងការប្រែប្រួលអាកាសធាតុ។

ក្នុងពិធីបើកកិច្ចប្រជុំ ឯកឧត្តមប្រធានលេខាធិការដ្ឋាន គ.ជ.អ.ប. បានគូសបញ្ជាក់អំពីតួនាទីសំខាន់ៗរបស់រដ្ឋបាលថ្នាក់ក្រោមជាតិពាក់ព័ន្ធនឹងកិច្ចគាំពារសង្គម ដោយផ្តោតលើចំណុចគន្លឹះមួយចំនួន រួមមាន៖១).ការសម្របសម្រួលជាមួយក្រសួង ស្ថាប័នថ្នាក់ជាតិ ២). ការអនុវត្ត ៣).ការតាមដាន ត្រួទពិនិត្យ និងវាយតម្លៃ និង ៤).ការផ្សារភ្ជាប់ទៅនឹងដៃគូអភិវឌ្ឍន៍ និងអង្គការសង្គមស៊ីវិល។ ជាមួយគ្ននេះ ឯកឧត្តម បន្ថែមទៀតថា ដើម្បីឱ្យរដ្ឋបាលថ្នាក់ក្រោមជាតិអនុវត្តប្រកបដោយប្រសិទ្ធភាព ត្រូវរៀបចំ៖១).លិខិតបទដ្ឋានគតិយុត្តជាក់លាក់ និងពិនិត្យមើលការងារពាក់ព័ន្ធកិច្ចគាំពារសង្គម ស្ថិតក្នុងមុខងារជាជម្រើស ឬ មុខងារឃជាកាតព្វកិច្ច ។ កិច្ចប្រជុំនេះ មានការអញ្ជើញចូលរួមពីឯកឧត្តម លោកជំទាវ លោក លោកស្រី និងក្រុមការងារនៃលេខាធិការដ្ឋាន គ.ជ.អ.ប. សរុបចំនួនប្រមាណ ២៤រូប (ស្រ្តី៤រូប) ។

កិច្ចប្រជុំនេះមានគោលបំណងដើម្បី៖១). ពិនិត្យ និងផ្តល់យោបល់លើសេចក្តីព្រាងឯកសារទស្សនាទានរួមស្តីពី ការកំណត់តួនាទី និងភារកិច្ចរបស់រដ្ឋបាលថ្នាក់ក្រោមជាតិក្នុងការផ្តល់សេវាគាំពារសង្គម ដែលឆ្លើយតបយេនឌ័រ និងភាពធន់នឹងការប្រែប្រួលអាកាសធាតុ និង ២). ទទួលយកនូវការណែនាំតម្រង់ទិសពីឯកឧត្តមប្រធានលេខាធិការដ្ឋាន គ.ជ.អ.ប. និងថ្នាក់ដឹកនាំនៃលេខាធិការដ្ឋាន គ.ជ.អ.ប. ក្នុងការរៀបចំឯកសារទស្សនាទានរួម ឱ្យមានលក្ខណៈគ្រប់ជ្រុងជ្រោយ និងអាចយកទៅអនុវត្តបានប្រកបដោយប្រសិទ្ធភាព។

លទ្ធផលនៃកិច្ចប្រជុំនេះ រួមមាន៖
១).ទទួលបានការគាំទ្រពីឯកឧត្តមប្រធានលេខាធិការដ្ឋាន គ.ជ.អ.ប. និងថ្នាក់ដឹកនាំ នៃលេខាធិការដ្ឋាន គ.ជ.អ.ប. លើខ្លឹមសារឯកសារទស្សនាទានរួម។
២). បានផ្តល់ការណែនាំតម្រង់ទិសឱ្យកែសម្រួលអំពីចំណុចខ្វះខាតមួយចំនួននៃឯកសារទស្សនាទានរួម។
៣). បានណែនាំ និងដាក់ទិសដៅឱ្យរៀបចំផែនការយុទ្ធសាស្រ្តស្តីពីការលើកកម្ពស់កិច្ចគាំពារសង្គមដែលឆ្លើយតបយេនឌ័រ បរិយាបន្ន និងភាពធន់នឹងការប្រែប្រួលអាកាសធាតុនៅរដ្ឋបាលថ្នាក់ក្រោមជាតិ។
៤). រៀបចំលិខិតបទដ្ឋានគតិយុត្ត និងក្រមនីតិវិធីប្រតិបត្តិសម្រាប់អនុវត្តមុខងារកិច្ចគាំពារសង្គមនៅរដ្ឋបាលថ្នាក់ក្រោមជាតិ៕

សិក្ខាសាលាបិទបញ្ចប់ការសិក្សាសមិទ្ធិលទ្ធភាពគម្រោង «ហេដ្ឋារចនាសម្ព័ន្ធជនបទ និងការវិនិយោគសម្រាប់ការអភិវឌ្ឍ Rural Infrastruc...
31/07/2026

សិក្ខាសាលាបិទបញ្ចប់ការសិក្សាសមិទ្ធិលទ្ធភាពគម្រោង «ហេដ្ឋារចនាសម្ព័ន្ធជនបទ និងការវិនិយោគសម្រាប់ការអភិវឌ្ឍ Rural Infrastructure and Investment for Sustainable Growth (RISING)..................................
សៀមរាប៖ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ឯកឧត្តម ចាន់ សុធា រដ្ឋលេខាធិការ ក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញជាអធិបតីក្នុងពិធីបើកសិក្ខាសាលាបិទបញ្ចប់ការសិក្សាសមិទ្ធិលទ្ធភាពគម្រោង RISINGនិងក្រោមអធិបតីភាព ឯកឧត្តម នី គីមសាន អនុរដ្ឋលេខាធិការក្រសួងមហាផ្ទៃ និងជាអនុប្រធានលេខាធិការដ្ឋានគ.ជ.អ.ប. ក្នុងពិធីបិទដោយមានការចូលរួមពីតំណាងក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ តំណាងធនាគារវិនិយោគហេដ្ឋារចនាសម្ព័ន្ធអាស៊ី (AIIB) និងក្រុមទីប្រឹក្សាគម្រោង សរុបប្រមាណ៧៩ រូប(ស្រី២១រូប)។

គោលបំណងនៃសិក្ខាសាលា គឺដើម្បីពិនិត្យ ពិភាក្សា និងប្រមូលមតិយោបល់លើឯកសារសិក្សាសមិទ្ធិលទ្ធភាព មុននឹងបញ្ចប់ឯកសារគម្រោងសម្រាប់ដាក់ជូន AIIB ពិនិត្យ និងឈានទៅដំណាក់កាលវាយតម្លៃ និងអនុម័ត។

អង្គសិក្ខាសាលាបានពិនិត្យ និងពិភាក្សាលើខ្លឹមសារសំខាន់ៗ រួមមាន៖ គោលបំណង និងវិសាលភាពគម្រោង តំបន់គោលដៅនិងអ្នកទទួលផល សមាសភាគនិងលទ្ធផលសំខាន់ៗទាំង៤របស់គម្រោង ផែនការអនុវត្តនិងការរៀបចំក្រុមការងារគ្រប់គ្រងគម្រោង ព្រមទាំងផែនការហិរញ្ញប្បទាននិងការចូលរួមបដិភាគរបស់រាជរដ្ឋាភិបាលកម្ពុជា។

ជាលទ្ធផល អង្គសិក្ខាសាលាបានគាំទ្រជារួមលើឯកសារសិក្សាសមិទ្ធិលទ្ធភាព និងបានផ្តល់មតិយោបល់ ព្រមទាំងអនុសាសន៍មួយចំនួន ដើម្បីកែលម្អឯកសារឱ្យកាន់តែមានភាពគ្រប់ជ្រុងជ្រោយ ស្របតាមបរិបទជាក់ស្តែង និងងាយស្រួលក្នុងការអនុវត្ត។ លេខាធិការដ្ឋាន គ.ជ.អ.ប. នឹងសហការជាមួយក្រុមបេសកកម្ម AIIB និងក្រុមទីប្រឹក្សា ដើម្បីបញ្ចូលធាតុចូលទាំងនេះទៅក្នុងឯកសារចុងក្រោយ មុនដាក់ជូន AIIB តាមនីតិវិធី។

បន្ទាប់ពីការអនុម័ត គម្រោងគ្រោងនឹងចាប់ផ្តើមអនុវត្តនៅឆ្នាំ២០២៧ ដោយមានរយៈពេល ៥ឆ្នាំ និងផ្តោតលើការអភិវឌ្ឍហេដ្ឋារចនាសម្ព័ន្ធជនបទ ការលើកកម្ពស់ជីវភាពរស់នៅ ការពង្រឹងសមត្ថភាពរដ្ឋបាលថ្នាក់ក្រោមជាតិ និងការលើកកម្ពស់ភាពធន់នឹងការប្រែប្រួលអាកាសធាតុ ក្នុងខេត្តគោលដៅចំនួន ៧។

សិក្ខាសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់...
31/07/2026

សិក្ខាសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់ក្រោមជាតិ ថ្ងៃទី២
--------------------------
រាជធានីភ្នំពេញ ៖ ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ លោក ម៉ន ប៊ុនថារិទ្ធ អនុប្រធានអង្គភាពត្រួតពិនិត្យ វាយតម្លៃ និងព័ត៌មាននៃលេខាធិការដ្ឋានគ.ជ.អ.ប. តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញជាអធិបតីភាពបើកសិក្ខសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់ក្រោមជាតិ នៅថ្ងៃទី២។

នាឱកាសនៃសិក្ខាសាលានេះ លោក ម៉ន ប៊ុនថារិទ្ធ បានពាំនាំនូវមតិផ្ដាំផ្ញើពីសំណាក់ឯកឧត្តមប្រធានលេខាធិការដ្ឋាន គ.ជ.អ.ប. និងថ្លែអំណរគុណចំពោះវត្តមានដ៏ថ្លៃថ្លារបស់លោក លោកស្រី តំណាងរដ្ឋបាលរាជធានីភ្នំពេញ ខេត្តស្វាយរៀង ខេត្តបន្ទាយមានជ័យ ខេត្តកោះកុង និងខេត្តរតនគិរី ព្រមទាំងអ្នកស្ម័គ្រចិត្តសម្របសម្រួលគណនេយ្យភាពសហគមន៍មកពីខេត្តតាកែវ និងខេត្តកំពង់ស្ពឺ ដែលបានចំណាយពេលវេលាដ៏មានតម្លៃអញ្ជើញចូលរួមក្នុងសិក្ខាសាលាពិគ្រោះយោបល់នាថ្ងៃនេះ។

គួរបញ្ជាក់ផងដែរថា ក្រោយពីបានដាក់ឱ្យនូវយុទ្ធសាស្ត្រស្ដីពីការប្រាស្រ័យទាក់ទង ក៏ដូជាការអនុវត្តយុទ្ធសាស្រ្តនេះ និងយោងតាមលទ្ធផលនៃការវាយតម្លៃកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដំណាក់កាលទី១ (២០១០–២០២០) បានបង្ហាញថា បើទោះបីជាយុទ្ធសាស្ត្រស្តីពីការប្រាស្រ័យទាក់ទង និងសេចក្តីណែនាំស្តីពីការផ្សព្វផ្សាយព័ត៌មាននានា ត្រូវបានរៀបចំ និងដាក់ឱ្យអនុវត្តតាំងពីដំណាក់កាលដំបូងនៃការអនុវត្តកម្មវិធីជាតិក៏ដោយ ក៏ការយល់ដឹងរបស់ក្រសួង ស្ថាប័ន រដ្ឋបាលថ្នាក់ក្រោមជាតិ សាធារណជន និងអ្នកពាក់ព័ន្ធ អំពីចក្ខុវិស័យ គោលបំណង និងដំណើរការកំណែទម្រង់វិមជ្ឈការ និងវិសហមជ្ឈការ នៅមានកម្រិតនៅឡើយ ដូចនេះការកែលម្អ ការពង្រឹង និងការអនុវត្តយុទ្ធសាស្រ្តស្ដីពីការប្រាស្រ័យទាក់ទងប្រកបដោយប្រសិទ្ធភាព គឺជាសកម្មភាពអាទិភាពដែលត្រូវបន្តអនុវត្តនៅក្នុងកម្មវិធីជាតិដំណាក់កាលទី២ ដើម្បីធានាឱ្យការផ្សព្វផ្សាយកាន់តែទូលំទូលាយ អំពីចក្ខុវិស័យ គោលបំណង គោលដៅ និងសមិទ្ធផលនានា នៃកំណែទម្រង់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ សំដៅបង្កើនការយល់ដឹង និងការគាំទ្រដោយក្រសួង ស្ថាប័ន រដ្ឋបាលថ្នាក់ក្រោមជាតិ ប្រជាពលរដ្ឋ និងអ្នកពាក់ព័ន្ធនានា។

ជាមួយគ្នានេះផងដែរ លោកក៏បានថ្លែងអំណរគុណដល់កិច្ចសហប្រតិបត្តិការអន្តរជាតិអាល្លឺម៉ង់ (GIZ) ដែលបានដឹកនាំ និងសម្របសម្រួលការពិនិត្យឡើងវិញ និងកែសម្រួលយុទ្ធសាស្រ្តប្រាស្រ័យទាក់ទងសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដើម្បីឆ្លើយតបទៅនឹងតម្រូវការជាក់ស្តែង បញ្ហាប្រឈម និងស្របទៅតាមការវិវឌ្ឍនៃប្រព័ន្ធបច្ចេកវិទ្យាឌីជីថល ដែលធានាឱ្យការពង្រឹង និងកែលម្អវិធីសាស្រ្តនានានៃការប្រាស្រ័យទាក់ទងឱ្យកាន់តែមានប្រសិទ្ធភាព និងប្រសិទ្ធផល។

នាឱកាសនៃសិក្ខាសាលានេះផងដែរ ក៏មានមតិចំណាប់អារម្មណ៍ពីដៃគូអភិវឌ្ឍ តំណាងដោយលោក ម៉ែន គុណរ័ត្ន ប្រធានក្រុមការងារវិមជ្ឈការនៃកម្មវិធីធ្វើឱ្យប្រសើរឡើងដល់ការផ្តល់សេវាជូនប្រជាពលរដ្ឋនៅប្រទេសកម្ពុជាដំណាក់កាលទី២ (GIZ-ISDII) ដោយលោកបានធ្វើការគូសបញ្ជាក់ពីសារៈសំខាន់នៃការប្រាស្រ័យទាក់ទងគ្នាជាប្រចាំ នឹងនាំឱ្យភាគីពាក់ព័ន្ធនីមួយៗអាចទទួលបានព័ត៌មានច្បាស់លាស់ និងទាន់ពេលវេលាអំពីដំណើរការ ឫជំហាននានាដែលខ្លួនត្រូវអនុវត្ត ឬត្រូវចូលរួម។ ជាការពិតណាស់ ការប្រាស្រ័យទាក់ទងគ្នាជាប្រចាំប្រកបដោយប្រសិទ្ធភាពជាការលើកកម្ពស់ដល់ការចូលរួម ហើយការចូលរួមលើកកម្ពស់ដល់ការងារអភិបាលកិច្ច ពិសេសលើជ្រុងនៃតម្លាភាព និងគណនេយ្យភាព ព្រមទាំងអាចជំរុញដល់កិច្ចសហការរវាងក្រសួងស្ថាប័ន រដ្ឋបាលថ្នាក់ក្រោមជាតិ ដៃគូអភិវឌ្ឍន៍ អង្គការសង្គមស៊ីវិល វិស័យឯកជន និងប្រជាពលរដ្ឋ នៅក្នុងការអភិវឌ្ឍមូលដ្ឋានប្រកបដោយនិរន្តភាពផងដែរ។

គួររំលឹកផងដែរថាសិក្ខាសាលានេះរៀបចំឡើង ចំនួន ០២ថ្ងៃ គឺនៅថ្ងៃទី៣០-៣១ ខែកក្កដា ឆ្នាំ២០២៧ ដោយនៅថ្ងៃទី១ នៃសិក្ខាសាលាគឺមានការអញ្ជើញចូលរួមពីតំណាងក្រសួង ស្ថាប័ន និងដៃគូអភិវឌ្ឍ រីឯនៅថ្ងៃទី២ នឹងមានការអញ្ជើញចូលរួមពីតំណាងរដ្ឋបាលថ្នាក់ក្រោមជាតិ ដែលការរៀបចំឡើងចំនួន២ថ្ងៃនេះក្នុងគោលបំណង ដើម្បីពិនិត្យ និងពិគ្រោះទៅលើសេចក្ដីព្រាងយុទ្ធសាស្ត្រប្រាស្រ័យទាក់ទង ក៏ដូចជាប្រមូលធាតុចូលបន្ថែមទៀតដើម្បីធ្វើយ៉ាងណាឱ្យការរៀបចំសេចក្ដីព្រាងនេះដែលរៀបចំដោយក្រុមការងារបច្ចេកទេសនៃលេខាធិការដ្ឋានគ.ជ.អ.ប. មានលក្ខណៈល្អប្រសើរ និងមានការចូលរួមពីគ្រប់ភាគីពាក់ព័ន្ធ ដែលនឹងធ្វើឱ្យយុទ្ធសាស្ត្រប្រាស្រ័យទាក់ទងដែលរៀបចំឡើងនេះ ក្លាយជាឯកសារគោលបម្រើដល់ការផ្សព្វផ្សាយលើការងារកំណែទម្រង់វិមជ្ឈការ និងវិសហមជ្ឈការ បានលឿនរហ័ស ប្រកបដោយប្រសិទ្ធភាព តម្លាភាព គណនេយ្យភាព បរិយាបន្ន និងសមធម៌សង្គម

ជារួមរាល់មតិយោបល់ សំណើ សំណូមពរ របស់តំណាងរដ្ឋបាលថ្នាក់ក្រោមជាតិ និងអ្នកពាក់ព័ន្ធដែលបានលើកឡើងនៅក្នុងសិក្ខាសាលានាថ្ងៃនេះ និងត្រូវប្រមូលជាធាតុចូលដើម្បីរួមផ្សំជាមួយនឹងមតិយោបល់ដែលបានពិគ្រោះពិភាក្សាជាមួយតំណាងក្រសួង ស្ថាប័ន ដៃគូអភិវឌ្ឍ និងអ្នកពាក់ព័ន្ធបន្ថែមទៀត ដើម្បីឱ្យសេចក្តីព្រាងយុទ្ធសាស្ត្រស្ដីពីការប្រាស្រ័យទាក់ទងដែលរៀបចំឡើងនាពេលនេះអាចអនុវត្តបានប្រកបដោយប្រសិទ្ធភាព និងអាចទទួលយកបានពីគ្រប់ភាគីពាក់ព័ន្ធ។

សិក្ខាសាលាពិគ្រោះយោបល់នេះក៏មានកាអញ្ជើញចូលរួមពីលោក លោកស្រី អភិបាលរងនៃគណៈអភិបាលរាជធានីភ្នំពេញ ខេត្តស្វាយរៀង ខេត្តបន្ទាយមានជ័យខេត្តកោះកុង និងខេត្តរតនគិរី ព្រមទាំងមន្ត្រីទទួលបន្ទុកទំនាក់ទំនង និងផ្សព្វផ្សាយព័ត៌មាន និងអ្នកពាក់ព័ន្ធសរុបចំនួន ៣៥រូប ស្រី៣រូប៕

សិក្ខាសាលា ស្ដីពីការរៀបចំសំណើជំនួយបច្ចេកទេសរបស់កម្ពុជា ទៅកាន់បណ្ដាញសាន់ទីអាហ្គោស្ដីពីការបាត់បង់និងការខូចខាត…………..រាជធានី...
31/07/2026

សិក្ខាសាលា ស្ដីពីការរៀបចំសំណើជំនួយបច្ចេកទេសរបស់កម្ពុជា ទៅកាន់បណ្ដាញសាន់ទីអាហ្គោស្ដីពីការបាត់បង់និងការខូចខាត
…………..
រាជធានីភ្នំពេញ៖ នាថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានដឹកនាំមន្ត្រីបច្ចេកទេស ចូលរួមជាគណៈអធិបតីក្នុង «សិក្ខាសាលា ស្ដីពីការរៀបចំសំណើជំនួយបច្ចេកទេសរបស់កម្ពុជា ទៅកាន់បណ្ដាញសាន់ទីអាហ្គោស្ដីពីការបាត់បង់និងការខូចខាត»។

សិក្ខាសាលានេះ មានគោលបំណង ពង្រឹងសមត្ថភាពរបស់កម្ពុជាក្នុងការអភិវឌ្ឍសំណើគម្រោងទៅកាន់មូលនិធិសម្រាប់ឆ្លើយតបទៅនឹងការបាត់បង់ និងការខូចខាត (FRLD) ក្រោមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ។ ជាមួយគ្នានេះដែរ លេខាធិការដ្ឋាន គ.ជ.អ.ប. គឺជាស្ថាប័នដែលទទួលបានហិរញ្ញប្បទានផ្ទាល់ពីមូលនិធិអាកាសធាតុបៃតង និងត្រូវបានទទួលស្គាល់ពីមូលនិធិសម្រាប់ឆ្លើយតបទៅនឹងការបាត់បង់ និងការខូចខាត (FRLD) ។ សិក្ខាសាលានេះ ត្រូវបានសម្របសម្រួលឡើងដោយក្រសួងបរិស្ថាន សហការជាមួយអង្គការ GIZ ដោយមានសមាសភាពចូលរួមពីតំណាងក្រសួង-ស្ថាប័ន ដៃគូអភិវឌ្ឍន៍ និងអង្គការសង្គមស៊ីវិល សរុបចំនួន ៩៨ រូប។

ពិធីប្រកាសការផ្តល់ហិរញ្ញប្បទានបន្ថែមរបស់រដ្ឋាភិបាលអូស្រ្តាលីគាំទ្រដល់ប្រព័ន្ធគាំពារសង្គមនៅកម្ពុជា .........................
30/07/2026

ពិធីប្រកាសការផ្តល់ហិរញ្ញប្បទានបន្ថែមរបស់រដ្ឋាភិបាលអូស្រ្តាលីគាំទ្រដល់ប្រព័ន្ធគាំពារសង្គមនៅកម្ពុជា
.........................................................

រាជធានីភ្នំពេញ៖ នារសៀលថ្ងៃទី៣០ ខែកក្កដា ឆ្នាំ២០២៦ ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញចូលរួមក្នុងពិធីប្រកាសការផ្តល់ហិរញ្ញប្បទានបន្ថែមរបស់រដ្ឋាភិបាលអូស្រ្តាលីគាំទ្រដល់ប្រព័ន្ធគាំពារសង្គមនៅកម្ពុជា នៅមន្ទីរពេទ្យកុមារជាតិ រាជធានីភ្នំពេញ។

កម្មវិធីនេះ បានប្រព្រឹត្តិទៅក្រោមសហធិបតី លោកជំទាវបណ្ឌិត Anne Aly រដ្ឋមន្ត្រីក្រសួងអភិវឌ្ឍន៍អន្តរជាតិ រដ្ឋមន្ត្រីក្រសួងកិច្ចការពហុវប្បធម៌ និងជារដ្ឋមន្រ្តីក្រសួងអាជីវកម្មខ្នាតតូចនៃប្រទេសអូស្រ្តាលី និងលោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ព្រមជាមួយគ្នានេះក៏មានការអញ្ជើញចូលរួមពីឯកឧត្តមអគ្គរដ្ឋទូតអូស្រ្តាលីប្រចាំប្រទេសកម្ពុជា តំណាងទូតសហព័ន្ធអាល្លឺម៉ង់ មន្រ្តីរាជរដ្ឋាភិបាលពីបណ្តាក្រសួង ស្ថាប័ន លេខាធិការដ្ឋាន គ.ជ.អ.ប. ដៃគូអភិវឌ្ឍន៍ រួមជាមួយអ្នកពាក់ព័ន្ធនានា ប្រមាណជា៤០រូប។

រាជរដ្ឋាភិបាលកម្ពុជា បានទទួលអនុវត្តគម្រោងធ្វើឱ្យប្រសើរឡើងនូវកិច្ចគាំពារសង្គម និងសុខភាព ដំណាក់កាលទី២ (Operational Plan 2025 on Improving Social Protection and Health II - ISPH II) ក្រោមការគាំទ្រភាពជាដៃគូរវាងប្រទេសអូស្រ្តាលី និងសហព័ន្ធអាល្លឺម៉ង់ ដើម្បីអនុវត្តការងារពង្រឹងប្រព័ន្ធគាំពារសង្គម ប.ស.ស. និង IDPoor នៅកម្ពុជា ចាប់ពីឆ្នាំ២០២៤ ដល់ឆ្នាំ២០២៧។ តាមរយៈគម្រោងខាងលើ កម្មវិធីកែលម្អការងារគាំពារសង្គម និងសុខភាព II (ISPH 2) គឺជាសកម្មភាពអាទិភាពសំខាន់ក្នុងវិស័យអាទិភាពគន្លិះទាំង៥ ដែលរាជរដ្ឋាភិបាលបានកំណត់ក្នុងយុទ្ធសាស្រ្តបញ្ចកោណ ដំណាក់កាលទី១។ ស្របទៅនឹងទិសដៅនៃកិច្ចសហប្រតិបត្តិការ និងដើម្បីចូលរួមគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការពង្រឹងប្រព័ន្ធគាំពារសង្គម និងជួយគ្រួសារងាយរងគ្រោះដែលកំពុងប្រឈមមុខនឹងសម្ពាធសេដ្ឋកិច្ច និងវិបត្តិនានា ប្រទេសអូស្ត្រាលីបានផ្តល់ជំនួយបន្ថែមចំនួន ៣ លានដុល្លារអូស្ត្រាលី ក្នុងគោលបំណងការគាំពារ និងជួយកសាងប្រព័ន្ធគាំពារសង្គមដែលមានលក្ខណៈរួមបញ្ចូលភាពធន់ និងការឆ្លើយតបទៅនឹងផលប៉ះពាល់កាន់តែច្រើន៕

សិក្ខាសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់...
30/07/2026

សិក្ខាសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់ក្រោមជាតិ
--------------------------
រាជធានីភ្នំពេញ ៖ ថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ឯកឧត្តម ឆឹម សំអ៊ែល ប្រធានអង្គភាពត្រួតពិនិត្យ វាយតម្លៃ និងព័ត៌មាន តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញជាអធិបតីភាពបើកសិក្ខសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់ក្រោមជាតិ។

ថ្លែងក្នុងឱកាសនៃសិក្ខាសាលានេះ ឯកឧត្តម ឆឹម សំអ៊ែល បានសម្ដែងនូវការកោតសរសើរ និងវាយតម្លៃខ្ពស់ចំពោះការខិតខំរបស់ឯកឧត្ដម លោកជំទាវ លោក លោកស្រីទាំងអស់ដែលបានចូលរួមគាំទ្រ អនុវត្ត និងផ្សព្វផ្សាយអំពីកម្មវិធីកំណែទម្រង់វិមជ្ឈការ និងវិសហមជ្ឈការ ដើម្បីធានាក្នុងការលើកកម្ពស់អភិបាលកិច្ចនៅមូលដ្ឋាន ស្របទៅតាមចក្ខុវិស័យកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដំណាក់កាលទី២។ ជាមួយគ្នានេះផងដែរ ឯកឧត្តមក៏បានថ្លែងអំណរគុណដល់កិច្ចសហប្រតិបត្តិការអន្តរជាតិអាល្លឺម៉ង់ (GIZ) ដែលបានដឹកនាំ និងសម្របសម្រួលការពិនិត្យឡើងវិញ និងកែសម្រួលយុទ្ធសាស្រ្តប្រាស្រ័យទាក់ទងសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដើម្បីឆ្លើយតបទៅនឹងតម្រូវការជាក់ស្តែង បញ្ហាប្រឈម និងស្របទៅតាមការវិវឌ្ឍនៃប្រព័ន្ធបច្ចេកវិទ្យាឌីជីថល ដែលធានាឱ្យការពង្រឹង និងកែលម្អវិធីសាស្រ្តនានានៃការប្រាស្រ័យទាក់ទងឱ្យកាន់តែមានប្រសិទ្ធភាព និងប្រសិទ្ធផល។

នាឱកាសនៃសិក្ខាសាលានេះផងដែរ ក៏មានមតិចំណាប់អារម្មណ៍ពីដៃគូអភិវឌ្ឍ តំណាងដោយលោក ម៉ែន គុណរ័ត្ន ប្រធានក្រុមការងារវិមជ្ឈការនៃកម្មវិធីធ្វើឱ្យប្រសើរឡើងដល់ការផ្តល់សេវាជូនប្រជាពលរដ្ឋនៅប្រទេសកម្ពុជាដំណាក់កាលទី២ (GIZ-ISDII) ដោយលោកបានធ្វើការគូសបញ្ជាក់ពីសារៈសំខាន់នៃការប្រាស្រ័យទាក់ទងគ្នាជាប្រចាំ នឹងនាំឱ្យភាគីពាក់ព័ន្ធនីមួយៗអាចទទួលបានព័ត៌មានច្បាស់លាស់ និងទាន់ពេលវេលាអំពីដំណើរការ ឫជំហាននានាដែលខ្លួនត្រូវអនុវត្ត ឬត្រូវចូលរួម។ ជាការពិតណាស់ ការប្រាស្រ័យទាក់ទងគ្នាជាប្រចាំប្រកបដោយប្រសិទ្ធភាពជាការលើកកម្ពស់ដល់ការចូលរួម ហើយការចូលរួមលើកកម្ពស់ដល់ការងារអភិបាលកិច្ច ពិសេសលើជ្រុងនៃតម្លាភាព និងគណនេយ្យភាព ព្រមទាំងអាចជំរុញដល់កិច្ចសហការរវាងក្រសួងស្ថាប័ន រដ្ឋបាលថ្នាក់ក្រោមជាតិ ដៃគូអភិវឌ្ឍន៍ អង្គការសង្គមស៊ីវិល វិស័យឯកជន និងប្រជាពលរដ្ឋ នៅក្នុងការអភិវឌ្ឍមូលដ្ឋានប្រកបដោយនិរន្តភាពផងដែរ។

សិក្ខាសាលានេះរៀបចំឡើង ចំនួន ០២ថ្ងៃ គឺនៅថ្ងៃទី៣០-៣១ ខែកក្កដា ឆ្នាំ២០២៧ ដោយនៅថ្ងៃទី១ នៃសិក្ខាសាលាគឺមានការអញ្ជើញចូលរួមពីតំណាងក្រសួង ស្ថាប័ន និងដៃគូអភិវឌ្ឍ រីឯនៅថ្ងៃទី២ នឹងមានការអញ្ជើញចូលរួមពីតំណាងរដ្ឋបាលថ្នាក់ក្រោមជាតិ ដែលការរៀបចំឡើងចំនួន២ថ្ងៃនេះក្នុងគោលបំណង ដើម្បីពិនិត្យ និងពិគ្រោះទៅលើសេចក្ដីព្រាងយុទ្ធសាស្ត្រប្រាស្រ័យទាក់ទង ក៏ដូចជាប្រមូលធាតុចូលបន្ថែមទៀតដើម្បីធ្វើយ៉ាងណាឱ្យការរៀបចំសេចក្ដីព្រាងនេះដែលរៀបចំដោយក្រុមការងារបច្ចេកទេសនៃលេខាធិការដ្ឋានគ.ជ.អ.ប. មានលក្ខណៈល្អប្រសើរ និងមានការចូលរួមពីគ្រប់ភាគីពាក់ព័ន្ធ ដែលនឹងធ្វើឱ្យយុទ្ធសាស្ត្រប្រាស្រ័យទាក់ទងដែលរៀបចំឡើងនេះ ក្លាយជាឯកសារគោលបម្រើដល់ការផ្សព្វផ្សាយលើការងារកំណែទម្រង់វិមជ្ឈការ និងវិសហមជ្ឈការ បានលឿនរហ័ស ប្រកបដោយប្រសិទ្ធភាព តម្លាភាព គណនេយ្យភាព បរិយាបន្ន និងសមធម៌សង្គម។

គួរជម្រាបជូនផងដែរថា គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ធ្លាប់បានរៀបចំយុទ្ធសាស្ត្រប្រាស្រ័យទាក់ទងរួចមកហើយនៅឆ្នាំ២០១៧ ដោយមានការគាំទ្របច្ចេកទេសពីដៃគូអភិវឌ្ឍនាពេលកន្លងមក។ ការកែសម្រួលយុទ្ធសាស្ត្រប្រាស្រ័យទាក់ទងថ្មីនាពេលនេះគឺជាការធ្វើទំនើបកម្មទៅលើយុទ្ធសាស្ត្រសំខាន់ៗមួយចំនួនដើម្បីឆ្លើយតបទៅនឹងការវិវឌ្ឍយ៉ាងឆាប់រហ័សនៃបច្ចេកវិទ្យានាពេលបច្ចុប្បន្ន។
សិក្ខាសាលាពិគ្រោះយោបល់នេះក៏មានកាអញ្ជើញចូលរួមពីឯកឧត្តម លោក លោកស្រី តំណាងក្រសួងស្ថាប័ន ដៃគូអភិវឌ្ឍ និងអ្នកពាក់ព័ន្ធសរុបចំនួន ៣២រូប ស្ត្រី ៣រូប។

កិច្ចប្រជុំគាំទ្របច្ចេកទេស និងការរៀបចំកំណត់មុខតំណែងវិជ្ជាជីវៈ ព្រមទាំងការពិពណ៌នាមុខតំណែងនានាក្នុងរចនាសម្ព័ន្ធរដ្ឋបាលស្រុ...
30/07/2026

កិច្ចប្រជុំគាំទ្របច្ចេកទេស និងការរៀបចំកំណត់មុខតំណែងវិជ្ជាជីវៈ ព្រមទាំងការពិពណ៌នាមុខតំណែងនានាក្នុងរចនាសម្ព័ន្ធរដ្ឋបាលស្រុកសូទ្រនិគម...................................
សាលាស្រុកសូទ្រនិគម៖ នាថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ឯកឧត្តម ជ័យ សម្បត្តិផល្លា ប្រធានអង្គភាពវិភាគ និងអភិវឌ្ឍន៍គោលនយោបាយ និងជាតំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញដឹកនាំកិច្ចប្រជុំគាំទ្រ តាមដាន និងត្រួតពិនិត្យការរៀបចំកំណត់មុខតំណែងវិជ្ជាជីវៈ និងការពិពណ៌នាមុខតំណែង ក្នុងរចនាសម្ព័ន្ធគ្រប់គ្រងរបស់រដ្ឋបាលស្រុកសូទ្រនិគម ។

កិច្ចប្រជុំនេះរៀបចំឡើងក្នុងគោលបំណងផ្តល់ការគាំទ្រ និងពិភាក្សាលម្អិតជាមួយការិយាល័យជំនាញទាំង១៤ នៃរដ្ឋបាលស្រុកសូទ្រនិគម ដើម្បីបង្កើតជាមូលដ្ឋានគំរូសម្រាប់រដ្ឋបាលក្រុង ស្រុក និងខណ្ឌផ្សេងទៀត ក្នុងការជំរុញ និងពង្រឹងការរៀបចំកំណត់មុខតំណែងវិជ្ជាជីវៈ ព្រមទាំងការពិពណ៌នាមុខតំណែងនានារបស់រដ្ឋបាលថ្នាក់ក្រោមជាតិឱ្យបានទាន់ពេលវេលា និងប្រកបដោយប្រសិទ្ធភាព ស្របតាមអនុក្រឹត្យលេខ ៧៦ អនក្រ.បក ចុះថ្ងៃទី២០ ខែមេសា ឆ្នាំ២០២៣។

កិច្ចប្រជុំនេះមានការអញ្ជើញចូលរួមពី តំណាងក្រសួងមុខងារសាធារណៈ តំណាងអគ្គនាយកដ្ឋានរដ្ឋបាលនៃក្រសួងមហាផ្ទៃ អភិបាល អភិបាលរងទទួលបន្ទុក លោក-លោកស្រីក្រុមការងារវិភាគមុខងារតាមការិយាល័យ តំណាងការិយាល័យ និងអង្គភាពចំណុះទាំង១៤ មន្ត្រីបច្ចេកទេសពាក់ព័ន្ធនៃរដ្ឋបាលស្រុកសូទ្រនិគម និងក្រុមការងារនៃលេខាធិការដ្ឋាន គ.ជ.អ.ប. សរុបចំនួន ៤១រូប (ស្ត្រី ១០រូប)។

ជាទិសដៅអនុវត្តបន្ត ក្រុមការងារបច្ចេកទេសអន្តរក្រសួងនឹងចុះគាំទ្រផ្ទាល់ដល់រដ្ឋបាលក្រុង និងស្រុកគោលដៅមួយចំនួនទៀតនាពេលខាងមុខ៕

កិច្ចប្រជុំពិភាក្សារវាងឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ. ជ. អ. ប ជាមួយអង្គការលំនៅឋានមនុស្សជាតិអន្តរជាតិកម្ពុ...
29/07/2026

កិច្ចប្រជុំពិភាក្សារវាងឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ. ជ. អ. ប ជាមួយអង្គការលំនៅឋានមនុស្សជាតិអន្តរជាតិកម្ពុជា (Habitat for Humanity International in Cambodia) ស្តីពីការស្វែងរកលទ្ធភាពភាពជាដៃគូសម្រាប់កិច្ចសហការគ្នារវាងអង្គការលំនៅឋានមនុស្សជាតិអន្តរជាតិកម្ពុជា និងលេខាធិការដ្ឋាន គ.ជ.អ.ប. ក្នុងក្របខណ្ឌកំណែទម្រង់វិមជ្ឈការ និងវិសហមជ្ឈការ។
----------------------------
លេខាធិការដ្ឋាន គ.ជ.អ.ប.៖ នាព្រឹកថ្ងៃពុធ ១៥កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ. ជ. អ. ប និងលោក ផល វ៉ាន់ឌី នាយកប្រចាំប្រទេស បានអញ្ជើញដឹកនាំកិច្ចប្រជុំពិភាក្សារវាងលេខាធិការដ្ឋាន គ.ជ.អ.ប. ជាមួយអង្គការលំនៅឋានមនុស្សជាតិអន្តរជាតិកម្ពុជា (Habitat for Humanity International in Cambodia) ស្តីពីការស្វែងរកលទ្ធភាពភាពជាដៃគូសម្រាប់កិច្ចសហការគ្នារវាងអង្គការលំនៅឋានមនុស្សជាតិអន្តរជាតិកម្ពុជា និងលេខាធិការដ្ឋាន គ.ជ.អ.ប. ក្នុងក្របខណ្ឌកំណែទម្រង់វិមជ្ឈការ និងវិសហមជ្ឈការ។

ដោយមានការចូលរួមពីក្រុមការងារអង្គការលំនៅឋានមនុស្សជាតិអន្តរជាតិកម្ពុជា និងក្រុមការងារ នៃលេខាធិការដ្ឋាន គ.ជ.អ.ប. សរុបប្រមាណ ១១រូប (ស្រ្តី៣រូប)។

កិច្ចប្រជុំមានគោលបំណងពិភាក្សា ដើម្បីស្វែងរកទិសដៅក្នុងការបន្ស៊ីសកម្មភាពរបស់អង្គការលំនៅឋានមនុស្សជាតិអន្តរជាតិកម្ពុជាទៅក្នុងសកម្មភាពរបស់កម្មវិធីជាតិ ដំណាក់កាលទី២ (២០២១-២០៣០) និងផែនការអនុវត្តរយៈពេល៥ឆ្នាំ ដំណាក់កាលទី២ (២០២៦-២០៣០) ដែលមាននៅក្នុងសមាសភាគទី២ពាក់ព័ន្ធរចនាសម្ព័ន្ធ និងប្រព័ន្ធគ្រប់គ្រងរដ្ឋបាលថ្នាក់ក្រោមជាតិ ក្នងវិស័យការរៀបចំដែនដី នគរូបនីយកម្មនៅថ្នាក់ក្រោមជាតិ និងផ្សារភ្ជាប់ទៅនឹងការលើកម្ពស់ការរៀបចំលំនៅឋានសង្គម និងលំនៅឋានសហគមន៍ដែលឆ្លើយតបទៅនឹងការប្រែប្រួលអាកាសធាតុ និងគោលនយោបាយគាំពារសង្គមរបស់រដ្ឋបាលថ្នាក់ក្រោមជាតិ៕

វគ្គបណ្តុះបណ្តាលស្តីពីដំណើរការប្រព័ន្ធ និងការអនុវត្តសាកល្បងការប្រើប្រាស់ប័ណ្ណដាក់ពិន្ទុគណនេយ្យភាពសង្គមតាមប្រព័ន្ធឌីជីថលដ...
28/07/2026

វគ្គបណ្តុះបណ្តាលស្តីពីដំណើរការប្រព័ន្ធ និងការអនុវត្តសាកល្បងការប្រើប្រាស់ប័ណ្ណដាក់ពិន្ទុគណនេយ្យភាពសង្គមតាមប្រព័ន្ធឌីជីថលដល់រដ្ឋបាលថ្នាក់ក្រោមជាតិ និងអ្នកពាក់ព័ន្ធ
-----
ក្រសួងមហាផ្ទៃ៖ នាព្រឹកថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ លោក សុខ ជឿន អនុប្រធានអង្គភាពត្រួតពិនិត្យ វាយតម្លៃ និងព័ត៌មាន នៃលេខាធិការដ្ឋាន គ.ជ.អ.ប. បានអញ្ជើញជាអធិបតីក្នុងពិធីបើកវគ្គបណ្តុះបណ្តាលស្តីពី «ដំណើរការប្រព័ន្ធ និងការអនុវត្តសាកល្បងការប្រើប្រាស់ប័ណ្ណដាក់ពិន្ទុគណនេយ្យភាពសង្គមតាមប្រព័ន្ធឌីជីថល»។

ថ្លែងក្នុងពិធីបើកវគ្គបណ្តុះបណ្តាល លោក សុខ ជឿន បានសម្ដែងនូវការសាទរ និងថ្លែងអំណរគុណចំពោះកិច្ចសហការល្អរវាងក្រសួង ស្ថាប័នពាក់ព័ន្ធ និងអង្គការសង្គមស៊ីវិល ដែលបានចូលរួមផ្តល់ធាតុចូលយ៉ាងសំខាន់ដល់ក្រុមការងារបច្ចេកទេស ក្នុងការអភិវឌ្ឍ និងកែលម្អប្រព័ន្ធឱ្យកាន់តែមានប្រសិទ្ធភាព និងឆ្លើយតបនឹងតម្រូវការនៃការអនុវត្តជាក់ស្តែងនាពេលកន្លងមក។

លោកសុខ ជឿន ក៏បានគូសបញ្ជាក់ផងដែរថា ការអនុវត្តការងារគណនេយ្យភាពសង្គមនាពេលកន្លងមកនៅមានបញ្ហាប្រឈមមួយចំនួនដូចជា ការប្រមូលទិន្នន័យមានភាពយឺតយ៉ាវ ការបូកសរុបលទ្ធផល ការរៀបចំផែនការសកម្មភាពរួមស្តីពីការងារគណនេយ្យភាពសង្គម (JAAP) ព្រមទាំងការតាមដាន និងត្រួតពិនិត្យការអនុវត្តផែនការសកម្មភាពនៅមានកម្រិត ទើបលេខាធិការដ្ឋាន គ.ជ.អ.ប. បានផ្តួចផ្តើមអភិវឌ្ឍប្រព័ន្ធឌីជីថល ដោយបម្លែងការងារដាក់ពិន្ទុសហគមន៍ពីបែបប្រពៃណីទៅជាប្រព័ន្ធទំនើប ដើម្បីធ្វើឱ្យការប្រមូលទិន្នន័យ ការគ្រប់គ្រង ការតាមដាន និងការវិភាគទិន្នន័យកាន់តែងាយស្រួល រហ័ស ត្រឹមត្រូវ និងមានប្រសិទ្ធភាពខ្ពស់ ដោយមានការគាំទ្រពីរាជរដ្ឋាភិបាលអូស្រ្តាលី តាមរយៈធនាគារពិភពលោក។

បន្ថែមពីលើនេះ ការបណ្តុះបណ្តាលនេះគឺជាជំហានដំបូងនៃការអនុវត្តសាកល្បងប្រព័ន្ធ ដែលមានគោលបំណងសិក្សាអំពីដំណើរការបច្ចេកទេស លំហូរការងារ និងការប្រើប្រាស់ប្រព័ន្ធជាក់ស្តែង ដើម្បីប្រមូលមតិយោបល់ និងអនុសាសន៍ពីអ្នកប្រើប្រាស់ សម្រាប់បន្តកែលម្អប្រព័ន្ធឱ្យកាន់តែមានភាពពេញលេញ។

វគ្គបណ្តុះបណ្តាលនេះមានគោលបំណងណែនាំអំពីដំណើរការរបស់ប្រព័ន្ធឌីជីថល របៀបប្រើប្រាស់ប្រព័ន្ធ និងការអនុវត្តសាកល្បងការប្រើប្រាស់ប័ណ្ណដាក់ពិន្ទុគណនេយ្យភាពសង្គមតាមប្រព័ន្ធឌីជីថល ដើម្បីលើកកម្ពស់សមត្ថភាពដល់ផ្នែកផ្គត់ផ្គង់ និងផ្នែកតម្រូវការ និងធានាឱ្យការអនុវត្តប្រព័ន្ធប្រព្រឹត្តទៅដោយមានប្រសិទ្ធភាព។

ជាមួយគ្នានេះ លោកបានស្នើឱ្យសិក្ខាកាមទាំងអស់ចូលរួមអនុវត្តសាកល្បងប្រព័ន្ធដោយយកចិត្តទុកដាក់ ស្វែងយល់ពីដំណើរការប្រើប្រាស់ និងផ្តល់មតិយោបល់កែលម្អប្រព័ន្ធឱ្យបានទូលំទូលាយ ដើម្បីរួមចំណែកលើកកម្ពស់ការអនុវត្តការងារគណនេយ្យភាពសង្គមឱ្យកាន់តែមានប្រសិទ្ធភាព គណនេយ្យភាព តម្លាភាព និងបរិយាបន្ន សំដៅធ្វើឱ្យប្រសើរឡើងនូវគុណភាពនៃការផ្តល់សេវាសាធារណៈជូនប្រជាពលរដ្ឋ។

វគ្គបណ្តុះបណ្តាលនេះមានការចូលរួមពីតំណាងលេខាធិការដ្ឋាន គ.ជ.អ.ប. អង្គការទស្សនៈពិភពលោក និងអង្គភាពផ្ដល់សេវាដែលមកពីខណ្ឌទួលគោក សរុបចំនួន ២៤រូប ក្នុងនោះស្ត្រី ១០រូប៕

Address

Located Inside Ministry Of Interior's Compound (Building V), Norodom Boulevard
Phnom Penh
855

Opening Hours

Monday 07:30 - 17:30
Tuesday 07:30 - 17:30
Wednesday 07:30 - 17:30
Thursday 07:30 - 17:30
Friday 07:30 - 17:30

Website

Alerts

Be the first to know and let us send you an email when លេខាធិការដ្ឋាន គជអប - NCDDS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to លេខាធិការដ្ឋាន គជអប - NCDDS:

Shortcuts

Share

Category