អគ្គនាយកដ្ឋានភស្តុភារកម្ម General Department of Logistics

04/08/2026

វគ្គបណ្ដុះបណ្ដាលស្ដីពី "Capacity Building for Promotion of Transport and Logistics competitiveness at Cambodia-Vietnam Border and Cambodia-Thai Border through Improvement of Cross-border facilities in Cambodia ('25-'27)"

ទីក្រុងសេអ៊ូល៖ ចាប់ពីថ្ងៃទី១៩ ខែកក្កដា រហូតដល់ថ្ងៃទី១ ខែសីហា ឆ្នាំ២០២៦ ដោយមានការចាត់តាំងពីថា្នក់ដឹកនាំក្រសួងសាធារណការ និងដឹកជញ្ជូន មន្រ្តីចំនួន ១៥រូប ដែលដឹកនាំដោយ លោក
ស្រី វីរៈ ប្រធាននាយកដ្ឋានភស្តុភារកម្ម នៃអគ្គនាយកដ្ឋានភស្តុភារកម្ម និងមានការចូលរួមមកពីតំណាងខុទ្ទកាល័យ, អគ្គនាយកដ្ឋានភស្តុភារកម្ម, អគ្គនាយកដ្ឋានរដ្ឋបាល និងហិរញ្ញវត្ថុ, អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ, អគ្គនាយកដ្ឋានសាធារណការ, អគ្គនាយកដ្ឋានដឹកជញ្ជូនផ្លូវគោក ព្រមទាំងតំណាងច្រកទ្វារព្រំដែនអន្តរជាតិចំនួន៦ រួមមាន៖ (១) ច្រកទ្វារព្រំដែនអន្តរជាតិត្រពាំងផ្លុង (២) ច្រកទ្វារព្រំដែនអន្តរជាតិអូយ៉ាដាវ (៣) ច្រកទ្វារព្រំដែនអន្តរជាតិព្រៃវល្លិ៍ (៤) ច្រកទ្វារព្រំដែនអន្តរជាតិបាវិត (៥) ច្រកទ្វារព្រំដែនអន្តរជាតិត្រពាំងស្រែ (៦) ច្រកទ្វារព្រំដែនអន្តរជាតិត្រពាំងក្រៀល បានចូលរួមវគ្គបណ្ដុះបណ្ដាលស្ដីពី "Capacity Building for Promotion of Transport and Logistics competitiveness at Cambodia-Vietnam Border and Cambodia-Thai Border through Improvement of Cross-border facilities in Cambodia ('25-'27) នៅទីក្រុងសេអ៊ូលសាធារណរដ្ឋកូរ៉េ។

វគ្គបណ្តុះបណ្តាលនេះរៀបចំឡើងក្នុងគោលបំណង ដើម្បីពង្រឹងសមត្ថភាពធនធានមនុស្សរបស់កម្ពុជា ក្នុងវិស័យភស្តុភារកម្ម និងជាពិសេសគឺការធ្វើឱ្យប្រសើរឡើងនូវប្រព័ន្ធដឹកជញ្ជូន និងភស្តុភារកម្ម នៅច្រកទ្វារព្រំដែនអន្តរជាតិសំខាន់រវាងកម្ពុជា-វៀតណាម និងកម្ពុជា-ថៃ។ការសិក្សាស្វែងយល់ និងផ្លាស់ប្តូរបទពិសោធន៍, ការធ្វើទស្សនកិច្ចសិក្សាអំពិហេដ្ឋារចនាសម្ព័ន្ធភស្តុភារកម្មទំនើបៗ នៅសាធារណៈរដ្ឋកូរ៉េ ជាដើម។

29/07/2026

កិច្ចប្រជុំលើកទី៦ របស់គណៈកម្មាធិការបច្ចេកទេសអន្តរក្រសួង ដើម្បីតាក់តែងលិខិតបទដ្ឋានគតិយុត្ត គោលនយោបាយ និងយុទ្ធសាស្ត្រជាតិសម្រាប់គ្រប់គ្រង និងអភិវឌ្ឍយានយន្តអគ្គិសនី (គ.ល.គ.យ.អ.)

ទីស្តីការក្រសួង៖ នាព្រឹកថ្ងៃអង្គារ ទី២៨ ខែកក្កដា ឆ្នាំ២០២៦ លោកជំទាវ សន សុភាវត្តី អគ្គនាយក នៃអគ្គនាយកដ្ឋានភស្តុភារកម្ម បានចូលរួមអម ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងជាប្រធានគណៈកម្មាធិការ អញ្ជើញដឹកនាំកិច្ចប្រជុំលើកទី៦ របស់ គ.ល.គ.យ.អ. ដោយមានការចូលរួមពី លោកជំទាវ ឯកឧត្តម ជាថ្នាក់ដឹកនាំក្រសួង តំណាងក្រសួង-សា្ថប័នពាក់ព័ន្ធ រដ្ឋបាលរាជធានី-ខេត្ត និងមន្រ្តីរាជការជាច្រើនរូប។

កិច្ចប្រជុំនេះធ្វើឡើងក្នុងគោលបំណងបន្តការតាមដាន ត្រួតពិនិត្យ និងវាយតម្លៃការអនុវត្តគោលនយោបាយជាតិស្ដីពីការអភិវឌ្ឍវិស័យយានយន្តអគ្គិសនី ២០២៤-២០៣០ ដែលបានអនុវត្តក្នុងឆមាសទី១ ឆ្នាំ២០២៦ កន្លងមក។

17/07/2026

កិច្ចប្រជុំពិភាក្សាដើម្បីប្រមូលធាតុចូលបន្ថែមលើគំនូសប្លង់វិស្វកម្មលម្អិតរបស់ស្ថានីយ និងហេដ្ឋារចនាសម្ព័ន្ធច្រកទ្វារព្រំដែនអន្តរជាតិទាំង៤កន្លែង នៃគម្រោង 3CEP

ទីស្ដីការក្រសួង៖ នាថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ លោកជំទាវ សន សុភាវត្តី អគ្គនាយក នៃអគ្គនាយកដ្ឋានភស្តុភារកម្ម បានចូលរួមកិច្ចប្រជុំពិភាក្សាដើម្បីប្រមូលធាតុចូលបន្ថែមលើគំនូសប្លង់វិស្វកម្មលម្អិតរបស់ស្ថានីយ និងហេដ្ឋារចនាសម្ព័ន្ធច្រកទ្វារព្រំដែនអន្តរជាតិទាំង៤កន្លែង នៃគម្រោង 3CEP ក្រោមអធិបតីភាព លោកជំទាវ ឥម នីថារ៉ា រដ្ឋលេខាធិការ និងជានាយកគម្រោង ដោយមានការអញ្ជើញចូលរួមពី ឯកឧត្តម លោកជំទាវ ថ្នាក់ដឹកនាំគម្រោង 3CEP តំណាងក្រសួងមហាផ្ទៃ តំណាងអគ្គនាយកដ្ឋានគយ និងរដ្ឋាករកម្ពុជា តំណាងអគ្គនាយកដ្ឋានដោះស្រាយផលប៉ះពាល់ដោយសារគម្រោងអភិវឌ្ឍន៍នៃក្រសួងសេដ្ឋកិច្ច និងហិរញ្ញវត្ថុ រដ្ឋបាលខេត្តទាំង៤ (តាកែវ រតនគិរី ក្រចេះ ត្បូងឃ្មុំ) អាជ្ញាធរពាក់ព័ន្ធនៅច្រកទ្វារព្រំដែនអន្តរជាតិទាំង៤ (ភ្នំដិន អូរយ៉ាដាវ ត្រពាំងស្រែ និងត្រពាំងផ្លុង) និងតំណាងសម្ព័ន្ធក្រុមហ៊ុនទីប្រឹក្សាបច្ចេកទេស KCI-BOTEK JV ផងដែរ។

គោលបំណងសំខាន់នៃកិច្ចប្រជុំពិភាក្សាកម្រិតអន្តរក្រសួង-ស្ថាប័ននាថ្ងៃនេះ គឺផ្តោតសំខាន់លើការប្រមូលធាតុចូលបន្ថែមសម្រាប់រៀបចំប្លង់គោល ប្លង់ស្ថាបត្យកម្ម រចនាបថសម្រាប់សាងសង់ស្ថានីយ និងហេដ្ឋារចនាសម្ព័ន្ធនានានៅតំបន់ច្រកទ្វារព្រំដែនអន្តរជាតិទាំង ៤កន្លែង របស់គម្រោង 3CEP ដែលរួមមាន៖ ច្រកទ្វារភ្នំដិន ខេត្តតាកែវ ច្រកទ្វារអូរយ៉ាដាវ ខេត្តរតនគិរី ច្រកទ្វារត្រពាំងស្រែ ខេត្តក្រចេះ និងច្រកទ្វារត្រពាំងផ្លុង ខេត្តត្បូងឃ្មុំ។

17/07/2026

កិច្ចប្រជុំពិនិត្យ និងពិភាក្សាលើធាតុចូលទទួលបាន លើខ្លឹមសារនៃសេចក្ដីព្រាងច្បាប់ស្ដីពី "ភស្តុភាកម្ម" រវាងរដ្ឋលេខាធិការដ្ឋានអាកាសចរណ៍ស៊ីវិល និងក្រសួងសាធារណការ និងដឹកជញ្ជូន

ទីស្តីការក្រសួង៖ នាថ្ងៃពុធ ទី១៥ ខែកក្កដា ឆ្នាំ២០២៦ លោកជំទាវ សន​ សុភាវត្តី អគ្គនាយក នៃអគ្គនាយកដ្ឋានភស្តុភារកម្ម បានអញ្ជើញចូលរួម កិច្ចប្រជុំពិនិត្យ និងពិភាក្សាលើធាតុចូលទទួលបាន លើខ្លឹមសារនៃសេចក្ដីព្រាងច្បាប់ស្ដីពី "ភស្តុភាកម្ម" រវាងរដ្ឋលេខាធិការដ្ឋានអាកាសចរណ៍ស៊ីវិល និងក្រសួងសាធារណការ និងដឹកជញ្ជូន ក្រោមអធិបតីភាព លោកជំទាវ ហួត លីដា អនុរដ្ឋលេខាធិការ នៃក្រសួងសារធារណការ និងដឹកជញ្ជូន និង ឯកឧត្តម ស៊ីន ចាន់សេរីវុត្ថា រដ្ឋលេខាធិការនៃរដ្ឋលេខាធិការដ្ឋានអាកាសចរណ៍ស៊ីវិល ជាសហប្រធាន ដោយមានការអញ្ជើញចូលរួមបណ្ដាតំណាងអគ្គនាយកដ្ឋាន នាយកដ្ឋាន និងមន្ត្រីជំនាញពាក់ព័ន្ធទាំងពីរក្រសួង ស្ថាប័ន។

កិច្ចប្រជុំពិភាក្សាខាងលើនេះ បានធ្វើឡើងក្នុងគោលបំណង ដើម្បីពិនិត្យ និងពិភាក្សាលើផ្នែកពាក់ព័ន្ធ ដូចជា ការដឹកជញ្ជូនពហុរូបភាព យន្តការគ្រប់គ្រងភស្តុភារកម្មទំនិញគ្រោះថ្នាក់ យន្តការអធិការកិច្ចក្នុងវិស័យភស្តុភារកម្ម ដែលប្រតិបត្តិការនៅអាកាសយានដ្ឋាន ជាពិសេសការបញ្ជាក់លើវិសាលភាពសមត្ថកិច្ចការអនុវត្ត ក្នុងសេក្ដីព្រាងច្បាប់ស្ដីពី "ភស្តុភារកម្ម"។

10/07/2026

កិច្ចប្រជុំគណៈកម្មាធិការជាតិផលិតភាពសេដ្ឋកិច្ចកម្ពុជា (គ.ជ.ផ.ក.)

រាជធានីភ្នំពេញ៖ ថ្ងៃទី៨ ខែកក្កដា ឆ្នាំ២០២៦
លោក ស​ យីលីន ប្រធាននាយកដ្ឋានអង្កេត និងបូកសរុប តំណាងលោកជំទាវ សន សុភាវត្តី អគ្គនាយក នៃអគ្គនាយកដ្ឋាន បានអម លោកជំទាវ កុយ ដានី រដ្ឋលេខាធិការប្រចាំការ​ តំណាង ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងជាសមាជិក គណៈកម្មាធិការជាតិផលិតភាពកម្ពុជា (គ.ជ.ផ.ក.) ចូលរួមកិច្ចប្រជុំ គណៈកម្មាធិការជាតិផលិតភាពកម្ពុជា (គ.ជ.ផ.ក.) ក្រោមអធិបតីភាព ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធាន គ.ជ.ផ.ក. នៅទីស្តីការក្រសួងសេដ្ឋកិច្ច និងហិរញ្ញវត្ថុ ដោយមានអញ្ជើញចូលរួមពីថ្នាក់ដឹកនាំក្រសួង ស្ថាប័ន និងមន្ត្រីជំនាញពាក់ព័ន្ធ។

កិច្ចប្រជុំខាងលើ រៀបចំឡើងក្នុងគោលបំណង ពិនិត្យ និងពិភាក្សាលើសេចក្តីព្រាងផែនការសកម្មភាព និងសូចនាករ ជុំទី២ ឆ្នាំ២០២៦-២០២៨ ស្ថិតក្រោមក្របខណ្ឌគោលនយោបាយជាតិផលិតភាពសេដ្ឋកិច្ចកម្ពុជា ២០២២-២០៣៥ ដែលឆ្លើយតបទៅនឹងការសម្រេចបាននូវគោលបំណងស្នូលនៃក្របណ្ឌគោលនយោបាយជាតិនេះ ដែលពាក់ព័ន្ធនឹងសន្តិសុខសេដ្ឋកិច្ច និងសុខមាលភាពសង្គម ដើម្បីការបង្កើននូវតម្លៃគុណភាពសេដ្ឋកិច្ច និងសង្គមរបស់ប្រទេស។

10/07/2026

កិច្ចប្រជុំ ស្តីពីការពិនិត្យ និងពិភាក្សាលើគម្រោងផែនការថវិកា ឆ្នាំ២០២៧ របស់អគ្គនាយកដ្ឋានភស្តុភារកម្ម

ទីស្តីការក្រសួង៖ នាថ្ងៃទី៩ ខែកក្កដា ឆ្នាំ២០២៦ លោកជំទាវ សន សុភាវត្តី អគ្គនាយក នៃអគ្គនាយកដ្ឋានភស្តុភារកម្ម បានអញ្ជើញដឹកនាំកិច្ចប្រជុំផ្ទៃក្នុង របស់អគ្គនាយកដ្ឋាន ដើម្បីពិនិត្យ និងពិភាក្សាលើផែនការថវិកា ឆ្នាំ២០២៧ របស់អគ្គនាយកដ្ឋានភស្តុភារកម្ម ដោយមានការចូលរួមពីលោកអគ្គនាយករង លោកប្រធាននាយកដ្ឋាន និងមន្ត្រីនៃអគ្គនាយកដ្ឋានផងដែរ។

កិច្ចប្រជុំនេះ មានគោលបំណង ដើម្បីពិនិត្យ និងពិភាក្សាលម្អិត ទៅលើផែនការថវិកា ដែលនាយកដ្ឋានចំណុះ បានគ្រោងឡើង សម្រាប់អនុវត្តក្នុងឆ្នាំ២០២៧ ក៏ដូចជាដើម្បីត្រៀមខ្លួនចូលរួមការពារថវិកានៅក្នុងកិច្ចប្រជុំពិភាក្សាកម្រិតបច្ចេកទេស នៅក្រសួងសេដ្ឋកិច្ច និងហិរញ្ញវត្ថុ ដែលគ្រោងនឹងប្រព្រឹត្តទៅនៅថ្ងៃទី១០ ខែកក្កដា ឆ្នាំ២០២៦ ផងដែរ។

09/07/2026

កិច្ចប្រជុំក្រុមប្រឹក្សាជាតិភស្តុភារកម្ម លើកទី១១

រាជធានីភ្នំពេញ៖ នាព្រឹកថ្ងៃពុធ ទី៨ ខែមិថុនា ឆ្នាំ២០២៦ លោកជំទាវ សន សុភាវត្តី អគ្គនាយក នៃអគ្គនាយកដ្ឋានភស្តុភារកម្ម ចូលរួមអម ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធាណការ និងដឹកជញ្ជូន អនុប្រធានប្រចាំការ ក.ជ.ភ និងជាប្រធាន គ.ជ.ភ ចូលរួមកិច្ចប្រជុំ “ក្រុមប្រឹក្សាជាតិភស្តុភារកម្ម លើកទី១១” ក្រោមអធិបតីភាពដ៏ខ្ពង់ខ្ពស់ ឯកឧត្តម ស៊ុន ចាន់ថុល ឧបនាយកដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមប្រឹក្សាជាតិភស្តុភារកម្ម (ក.ជ.ភ) ដោយមានការអញ្ជើញចូលរួមពី ឯកឧត្តម-លោកជំទាវ ជាសមាជិក សមាជិកា ក.ជ.ភ និង គ.ជ.ភ មកពីក្រសួង-ស្ថាប័ន និងអមដោយថ្នាក់ដឹកនាំក្រសួងសាធារណការ និងដឹកជញ្ជូន ជាច្រើនរូប។

កិច្ចប្រជុំនេះ ធ្វើឡើងក្នុងគោលបំណងសំខាន់ៗចំនួន២ ដើម្បីពិនិត្យវឌ្ឍនភាពការអនុវត្តការងារលើការអភិវឌ្ឍវិស័យភស្តុភារកម្មនៅព្រះរាជាណាចក្រកម្ពុជា ដូចជា ១. វឌ្ឍនភាពសូចនាករប្រតិបត្តិការភស្តុភារកម្ម (LPI 2.0) និងប៉ាណូឡិកាភស្តុភារកម្ម (Logistics Dashboard) និង ២. វឌ្ឍនភាពនៃការរៀបចំសេចក្តីព្រាងច្បាប់ស្តីពីភស្តុភារកម្ម ដើម្បីដាក់ឆ្លងសេចក្ដីព្រាងច្បាប់យន្តការក្រុមប្រឹក្សាជាតិភស្តុភារកម្ម។

ឯកឧត្តមឧបនាយកដ្ឋមន្ត្រី បានធ្វើការវាយតម្លៃខ្ពស់ដល់ការខិតខំប្រឹងប្រែងសម្រេចបានលទ្ធផលវឌ្ឍនភាពការងារខាងលើនេះ និងការចូលរួមយោបល់យ៉ាងផុលផុសពីសំណាក់ឯកឧត្តម-លោកជំទាវក្រសួង ស្ថាប័ន ក្នុងការជំរុញ និងការអភិវឌ្ឍវិស័យភស្តុភារកម្មនៅកម្ពុជា សម្រាប់គាំទ្រដល់ការបម្រើពាណិជ្ជកម្មជាតិ និងអន្តរជាតិ និងទ្រទ្រង់ការអភិវឌ្ឍសេដ្ឋកិច្ចជាតិ ឱ្យកាន់តែប្រសើរឡើង៕

08/07/2026

07/07/2026

07/07/2026

កិច្ចប្រជុំពិភាក្សាលើបញ្ហាដឹកជញ្ជូន និងភស្តុភារកម្ម ដែលលើកឡើងដោយសភាពាណិជ្ជកម្មអឺរ៉ុបប្រចាំនៅកម្ពុជា (EuroCham Cambodia)

ក្រុងព្រះសីហនុ៖ នាថ្ងៃទី៦ ខែកក្កដា ឆ្នាំ២០២៦ លោកជំទាវ សន សុភាវត្តី អគ្គនាយក នៃអគ្គនាយកដ្ឋានភស្តុភារកម្ម បានចូលរួម កិច្ចប្រជុំពិភាក្សាលើបញ្ហាដឹកជញ្ជូន និងភស្តុភារកម្ម ដែលលើកឡើងដោយសភាពាណិជ្ជកម្មអឺរ៉ុបប្រចាំនៅកម្ពុជា (EuroCham Cambodia) ក្រោមអធិបតីភាព ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា នៅកំពង់ផែស្វយ័តក្រុងព្រះសីហនុ។

កិច្ចប្រជុំនេះ គឺជាការបន្តអនុវត្តលទ្ធផលនៃ កិច្ចសន្ទនាលើកទី៤ រវាងរដ្ឋ និងវិស័យឯកជន កម្ពុជា–សហភាពអឺរ៉ុប (The 4th Cambodia–Europe Public–Private Sector Dialogue) ដែលបានប្រព្រឹត្តទៅកាលពីថ្ងៃទី២៣ ខែមិថុនា ឆ្នាំ២០២៦ ក្នុងគោលបំណងពិនិត្យវឌ្ឍនភាពនៃការអនុវត្តអនុសាសន៍ដែលបានឯកភាព ពិភាក្សាលើបញ្ហាប្រឈមដែលនៅសេសសល់ និងកំណត់ដំណោះស្រាយជាក់ស្តែង ដើម្បីលើកកម្ពស់ប្រសិទ្ធភាពប្រព័ន្ធដឹកជញ្ជូន និងភស្តុភារកម្មរបស់កម្ពុជា។

ក្នុងឱកាសនោះ ឯកឧត្តម ស៊ុន ចាន់ថុល បានសង្កត់ធ្ងន់ថា កិច្ចប្រជុំនាពេលនេះ គឺជាការបន្តពី កិច្ចសន្ទនាលើកទី៤ រវាងរដ្ឋ និងវិស័យឯកជន កម្ពុជា–សហភាពអឺរ៉ុប ដើម្បីបន្តពិភាក្សាលើបញ្ហាដែលត្រូវការការសម្របសម្រួលបន្ថែម និងពិនិត្យស្ថានភាពជាក់ស្តែងនៅកំពង់ផែស្វយ័តក្រុងព្រះសីហនុ។ ឯកឧត្តមបានជំរុញឱ្យក្រសួង ស្ថាប័ន និងភាគីពាក់ព័ន្ធ បន្តសហការយ៉ាងជិតស្និទ្ធ កំណត់វិធានការអនុវត្តឱ្យបានច្បាស់លាស់ និងពន្លឿនការអនុវត្ត ដើម្បីលើកកម្ពស់ប្រសិទ្ធភាពប្រតិបត្តិការកំពង់ផែ ការសម្រួលពាណិជ្ជកម្ម និងការតភ្ជាប់ការដឹកជញ្ជូនពហុមធ្យោបាយ សំដៅកាត់បន្ថយថ្លៃដឹកជញ្ជូន បង្កើនសមត្ថភាពប្រកួតប្រជែង និងពង្រឹងបរិយាកាសវិនិយោគនៅកម្ពុជា។