ជិន ម៉ាលីន CHIN Malin

03/08/2026

រួសរាន់ឡើង គម្រោង “មោងឫស្សីឌីជីថល” ប្រកាសដាក់ឱ្យអនុវត្តនៅស្រុកមោងឫស្សីយើង ចាប់ពីថ្ងៃនេះតទៅហើយ។ សម្រាប់យុវជនស្រុកមោងឫស្សី អាចទាក់ទងចុះឈ្មោះចូលរៀន ជំនាញឌីជីថលវគ្គខ្លី TVET ថ្នាក់បរិញ្ញបត្ររង និងថ្នាក់បរិញ្ញាបត្រ ជំនាញឌីជីថល ដោយឥតគិតថ្លៃចាប់ពីពេលនេះតទៅ នៅតាមវិទ្យាល័យ អនុវិទ្យាល័យ រដ្ឋបាលស្រុក និងរដ្ឋបាលឃុំ ដែលខ្លួនរស់នៅ ។ កម្មវិធីសិក្សានេះ ផ្តល់ដោយ វិទ្យាស្ថានបញ្ញាឌីជីថលកម្ពុជា E-School Cambodia តាមប្រព័ន្ធអនឡាញ និងទទួលស្គាល់ផងដែរដោយក្រសួងការងារនិងបណ្តុះបណ្តាលវិជ្ជាជីវៈ និងក្រសួងអប់រំយុវជននិងកីឡា។ កម្មវិធីសិក្សានេះ ផ្តល់ជូនសម្រាប់តែយុវជនស្រុកមោងឫស្សីយើងតែប៉ុណ្ណោះ។

03/08/2026

ព្រឹកនេះ នៅស្រុកមោងឫស្សី ដឹកនាំកិច្ចប្រជុំផ្សព្វផ្សាយនិងប្រកាសដាក់ឱ្យអនុវត្តគម្រោង "មោងឫស្សីឌីជីថល"​ ដោយមានការចូលរួមពីរដ្ឋបាលស្រុក រដ្ឋបាលឃុំ មេឃុំ ស្មៀន សហភាពសហព័ន្ធយុវជនកម្ពុជា (ស.ស.យ.ក.) លោកគ្រូ អ្នកគ្រូនៃវិទ្យាល័យ និងអនុវិទ្យាល័យនៅមោងឫស្សី និងមន្ត្រីពាក់ព័ន្ធនៃរដ្ឋបាលស្រុក និងឃុំទាំង៩ នៃស្រុកមោងឫស្សី សរុបប្រមាណ ១៤០រូប។

គម្រោងខាងលើនេះ នឹងត្រូវអនុវត្តលើកម្មវិធីសំខាន់ៗចំនួន ៣ រួមមាន៖
១. ផ្តល់ការឧបត្ថម្ភសម្ភារៈឌីជីថលចាំបាច់ ជូនដល់រដ្ឋបាលស្រុក និងរដ្ឋបាលឃុំទាំង៩ នៃស្រុកមោងឫស្សី។
២. ផ្តល់ការបណ្តុះបណ្តាលជំនាញឌីជីថលដោយឥតគិតថ្លៃ ជូនដល់មន្ត្រីរដ្ឋបាលស្រុក-ឃុំ និងយុវជនក្នុងមូលដ្ឋានឃុំទាំង៩ នៃស្រុកមោងឫស្សី។
៣. ផ្តល់អាហាររូបករណ៍ ១០០% ថ្នាក់បរិញ្ញាបត្រ និងបរិញ្ញាបត្ររងលើជំនាញឌីជីថល ជូនដល់សមាជិកក្រុមការងារ និងយុវជននៅក្នុងស្រុកមោងឫស្សី។

ក្នុងពិធីបិទបញ្ចប់កម្មវិធីនេះ ក៏មានការប្រគល់សម្ភារៈឌីជីថលជាកុំព្យូទ័រយួរដៃ (Laptop) ចំនួន ២គ្រឿង ជូនដល់រដ្ឋបាលស្រុកមោងឫស្សីផងដែរ ចំពោះឃុំទាំង៩ ក្រុមការងារនឹងប្រគល់ជូនកុំព្យូទ័រយួរដៃ (Laptop) ចំនួន ២គ្រឿងផងដែរក្នុងមួយឃុំ នៅក្នុងកម្មវិធីសំណេះសំណាលជាមួយរដ្ឋបាលឃុំ បន្ទាប់ពីនេះ។

គម្រោងនេះត្រូវបានរៀបចំនិងដាក់ឱ្យអនុវត្តក្រោមកិច្ចសហការនិងគាំទ្រពីគណៈកម្មការទី១០ នៃព្រឹទ្ធសភា និងវិទ្យាស្ថានបញ្ញាឌីជីថលកម្ពុជា ស្របតាមស្មារតីនៃអនុស្សរណៈនៃការយោគយល់គ្នា (MoU) រវាងគណៈកម្មការទី១០ ព្រឹទ្ធសភាកម្ពុជា និងវិទ្យាស្ថានបញ្ញាឌីជីថលកម្ពុជា។
ក្នុងករណីគម្រោងសាកល្បងនេះទទួលបានជោគជ័យ គម្រោងនេះក៏នឹងបន្តពង្រីកវិសាលភាពទៅកាន់បណ្តាស្រុកក្រុងផ្សេងៗទៀតនៅក្នុងខេត្តបាត់ដំបងផងដែរតាមការស្នើសុំ។

02/08/2026

រីករាយស្តាប់បទ “មោងឫស្សីឌីជីថល” និពន្ធនិងច្រៀងដោយយុវជនមោងឫស្សីពិតៗមិនមែន AI 😘 ជួបគ្នាព្រឹកស្អែកបងប្អូនអ្នកស្រុកមោងឫស្សី ក្នុងកម្មវិធីផ្សព្វផ្សាយនិងដាក់ឱ្យអនុវត្តគម្រោង ”មោងឫស្សីឌីជីថល” នៅស្រុកមោងឫស្សី ។

02/08/2026

០១ សីហា ២០២៦ មោងឫស្សី ឯកឧត្តមឧបនាយករដ្ឋមន្រ្តី កើត រិទ្ធ ពិនិត្យមើលការរៀបចំស្នាក់ការបក្សនៅស្រុកមោងឫស្សី ដែលជាមូលដ្ឋានចាស់របស់ឯកឧត្តមឧបនាយករដ្ឋមន្រ្តី ក្នុងរដ្ឋាភិបាលនីតិកាលមុន ។

02/08/2026

០១ សីហា ២០២៦ មោងឫស្សី សូមស្វាគមន៍ឯកឧត្តមឧបនាយករដ្ឋមន្រ្តី កើត រិទ្ធ ដោយក្តីនឹករលឹកនិងក្តីស្រឡាញ់។ មោងឫស្សី ជាមូលដ្ឋានចាស់របស់ឯកឧត្តមឧបនាយករដ្ឋមន្រ្តី ក្នុងរដ្ឋាភិបាលនីតិកាលមុន ។

02/08/2026

02/08/2026

០១ សីហា ២០២៦ មោងឫស្សី មានកិត្តិយសសូមស្វាគមន៍វត្តមានដ៏ខ្ពង់ខ្ពស់របស់ឯកឧត្តមឧបនាយករដ្ឋមន្រ្តី កើត រិទ្ធ ប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង ដោយក្តីនឹករលឹកនិងក្តីស្រឡាញ់ ក្នុងកម្មវិធីសំណេះសំណាលជាមួយក្រុមការងារនិងសកម្មជនបក្សនៅស្រុកមោងឫស្សីចំនួន ៥០០ នាក់ ។ មោងឫស្សី ជាមូលដ្ឋានចាស់របស់ឯកឧត្តមឧបនាយករដ្ឋមន្រ្តី ក្នុងរដ្ឋាភិបាលនីតិកាលមុន ។

01/08/2026

០១ សីហា ២០២៦ មោងឫស្សី មានកិត្តិយសសូមស្វាគមន៍វត្តមានដ៏ខ្ពង់ខ្ពស់របស់សម្តេចក្រឡាហោម ស ខេង ប្រធានក្រុមការងារគណបក្សចុះមូលដ្ឋានខេត្តបាត់ដំបង និងឯកឧត្តមឧបនាយករដ្ឋមន្រ្តី កើត រិទ្ធ ប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង ក្នុងកម្មវិធីសំណេះសំណាលជាមួយក្រុមការងារនិងសកម្មជនបក្សនៅស្រុកមោងឫស្សីចំនួន ៥០០ នាក់ ។