ឯម ច័ន្ទមករា Em Chan Makara

04/08/2026

03/08/2026

03/08/2026

បើគ្មានកញ្ចក់ទេ
សិតសក់យ៉ាងមិចក៏
មិនស្អាតដែរ!

01/08/2026

01/08/2026

ការវាយខ្នោះអាចប្រើបាន តែក្នុងករណីចាំបាច់បំផុត ដើម្បី ការពារការរត់គេច និង ទប់ស្កាត់គ្រោះថ្នាក់/អំពើហិង្សា ប៉ុណ្ណោះ។ ការប្រើប្រាស់ខ្នោះហួសហេតុ ឬប្រើក្នុងន័យធ្វើបាបរាងកាយ និងឈ្លានពានកិត្តិយសជនល្មើស រាប់ជាការរំលោភសិទ្ធិមនុស្ស និងខុសច្បាប់។ ការវាយខ្នោះ ឬការប្រៀបប្រើប្រាស់ឧបករណ៍ទប់បង្ខំលើជនសង្ស័យ ឬជនល្មើស មិនមែនជារឿងដែលអាចធ្វើឡើងដោយស្វ័យប្រវត្តិ ឬតាមការចិត្តនឹកឃើញនោះទេ។ ឧបករណ៍នេះត្រូវប្រើប្រាស់ក្នុងករណីចាំបាច់បំផុតប៉ុណ្ណោះ។

*** ចំណុចសំខាន់៖ ប្រសិនបើជនសង្ស័យប្រគល់ខ្លួនដោយសន្តិវិធី មិនមានការតស៊ូ មិនមានហានិភ័យរត់គេច និងជាបទល្មើសស្រាល សមត្ថកិច្ចមិនចាំបាច់ប្រើប្រាស់ខ្នោះនោះឡើយ។

១. ច្បាប់ និងបទដ្ឋាននៅក្នុងប្រទេសកម្ពុជា
តាមក្រមនីតិវិធីព្រហ្មទណ្ឌនៃព្រះរាជាណាចក្រកម្ពុជា និងបទបញ្ជាផ្ទៃក្នុងរបស់កងកម្លាំងនគរបាលជាតិ/ កងរាជអាវុធហត្ថ ការវាយខ្នោះអាចធ្វើទៅបាននៅពេល៖

- ពេលចាប់ខ្លួនជាក់ស្តែង (បទល្មើសជាក់ស្តែង)៖ នៅពេលសមត្ថកិច្ចឃាត់ខ្លួនជនសង្ស័យដែលកំពុងប្រព្រឹត្តបទល្មើស ឬទើបតែប្រព្រឹត្តបទល្មើសភ្លាមៗ ហើយជននោះមានការរឹងរូស តស៊ូ ឬព្យាយាមរត់គេចខ្លួន។

- ពេលអនុវត្តដីកាចាប់ខ្លួន/ឃាត់ខ្លួន៖ នៅពេលនគរបាលយុត្តិធម៌អនុវត្តដីកានាំខ្លួន ដីកាចាប់ខ្លួន ឬដីកាឃុំខ្លួនបណ្តោះអាសន្ន ដែលចេញដោយតុលាការ ហើយមានហានិភ័យនៃការគេចខ្លួន ឬបង្កហិង្សា។

- ពេលបញ្ជូនខ្លួន (ការដឹកជញ្ជូន)៖ នៅពេលបញ្ជូនជនសង្ស័យ/ជនជាប់ចោទ ពីកន្លែងឃាត់ខ្លួនទៅកាន់ស្នងការដ្ឋាន ទៅតុលាការ ឬទៅពន្ធនាគារ ដើម្បីការពារកុំឱ្យមានការលោតចុះពីលើរថយន្ត ឬរត់គេចតាមផ្លូវ។

- ការការពារការប្រព្រឹត្តហិង្សា ឬបង្កគ្រោះថ្នាក់៖ នៅពេលជនសង្ស័យមានឥរិយាបថកាចសាហាវ ព្យាយាមធ្វើបាបសមត្ថកិច្ច អ្នកដទៃ ឬព្យាយាមធ្វើអត្តឃាតខ្លួនឯង។

២. បទដ្ឋាន និងច្បាប់អន្តរជាតិ
អនុសញ្ញាអន្តរជាតិ (ដូចជា អនុសញ្ញាអង្គការសហប្រជាជាតិប្រឆាំងនឹងការធ្វើទារុណកម្ម - CAT) និងវិធានស្តង់ដារអប្បបរមារបស់អង្គការសហប្រជាជាតិសម្រាប់ការប្រព្រឹត្តទៅលើអ្នកទោស (Nelson Mandela Rules - វិធានទី ៤៧ ដល់ ៤៩) បានកំណត់ថា៖
«គោលការណ៍លើកលែង (Exceptional Measure): ការប្រើប្រាស់ខ្នោះ ឬឧបករណ៍រឹតត្បិតចលនា ត្រូវចាត់ទុកជា វិធានការលើកលែង ប៉ុណ្ណោះ មិនមែនជាវិធានការទូទៅ ឬជាទណ្ឌកម្មនោះទេ។»

-គោលការណ៍សមមាត្រ និងចាំបាច់ (Proportionality & Necessity)៖ ការប្រើខ្នោះត្រូវតែជា «វិធានការចុងក្រោយ» (Last Resort) តែប៉ុណ្ណោះ។

- ការហាមឃាត់ការប្រើជារឿងធម្មតា៖ ច្បាប់អន្តរជាតិហាមឃាត់ដាច់ខាតនូវការវាយខ្នោះជានិច្ចកាល ឬជាទម្លាប់ ដោយគ្មានមូលហេតុត្រឹមត្រូវ ព្រោះវាអាចរាប់ចូលជាការប្រព្រឹត្តអមនុស្សធម៌ ឬប្រមាថកិត្តិយស និងកេរ្តិ៍ឈ្មោះ។

***ករណីដែលអនុញ្ញាតឱ្យប្រើ៖
1. ជាវិធានការប្រុងប្រយ័ត្នប្រឆាំងនឹង ការរត់គេច ក្នុងអំឡុងពេលផ្ទេរទីតាំង (ហើយត្រូវដោះចេញវិញនៅពេលបង្ហាញខ្លួនចំពោះមុខអាជ្ញាធរតុលាការ)។

2. ដោយសារ ហេតុផលវេជ្ជសាស្ត្រ (តាមការណែនាំរបស់គ្រូពេទ្យ ដើម្បីការពារអ្នកជំងឺមិនឱ្យធ្វើបាបខ្លួនឯង)។

3. តាមបញ្ជារបស់ប្រធានពន្ធនាគារ ឬមន្ត្រីទទួលខុសត្រូវ ប្រសិនបើវិធីសាស្ត្រផ្សេងទៀតបរាជ័យ ក្នុងការទប់ស្កាត់អ្នកទោសមិនឱ្យបង្កគ្រោះថ្នាក់ដល់ខ្លួនឯង អ្នកដទៃ ឬខូចខាតទ្រព្យសម្បត្តិ។

បម្រាមដាច់ខាតតាមបទដ្ឋានអន្តរជាតិ៖
- ហាមឃាត់ការប្រើប្រាស់ជាទណ្ឌកម្ម៖ មិនត្រូវប្រើខ្នោះដើម្បីធ្វើទារុណកម្ម ដាក់ទោស ឬធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់មនុស្សឡើយ។

- ហាមឃាត់លើស្ត្រីមានផ្ទៃពោះ: មិនត្រូវវាយខ្នោះលើស្ត្រីអំឡុងពេលឈឺពោះសម្រាលកូន ពេលកំពុងសម្រាល ឬភ្លាមៗបន្ទាប់ពីសម្រាលកូនរួចឡើយ។

-ហាមប្រើប្រាស់ឧបករណ៍ដែលមានលក្ខណៈព្រៃផ្សៃ: ដូចជា ច្រវាក់ធ្ងន់ៗ ឬឧបករណ៍ដែលបង្កការឈឺចាប់ខ្លាំងដោយចេតនា។

៣. ការហាមឃាត់ និងការកម្រិតពិសេស
-នៅក្នុងបន្ទប់សវនាការ (តុលាការ)៖ ជាគោលការណ៍អន្តរជាតិ និងច្បាប់ប្រជាធិបតេយ្យ ជនជាប់ចោទត្រូវតែដោះខ្នោះចេញនៅពេលស្ថិតក្នុងបន្ទប់សវនាការចំពោះមុខចៅក្រម ដើម្បីធានានូវ "គោលការណ៍សន្និដ្ឋានថាគ្មានទោស" (Presumption of Innocence) លើកលែងតែមានការអនុញ្ញាតពិសេសពីប្រធានក្រុមប្រឹក្សាជំនុំជម្រះ ដោយសារតែបញ្ហាសន្តិសុខធ្ងន់ធ្ងរ។

-ជនរងគ្រោះដោយសារការប្រព្រឹត្ត៖ ជនសង្ស័យដែលមានជំងឺធ្ងន់ធ្ងរ ស្ត្រីមានផ្ទៃពោះ ឬស្ត្រីទើបសម្រាលកូន និងកុមារ (អនីតិជន) ត្រូវបានហាមឃាត់ ឬកម្រិតយ៉ាងម៉ឺងម៉ាត់បំផុតក្នុងការប្រើប្រាស់ខ្នោះ លើកលែងតែមានករណីគ្រោះថ្នាក់បំផុត។

31/07/2026

ចៅក្រមស៊ើបសួរ បង្គាប់ឱ្យឃុំខ្លួនជនត្រូវចោទឈ្មោះ សាម ម៉ីជូ ដាក់ពន្ធនាគាររាជធានីភ្នំពេញ (PJ) ជាបណ្ដោះអាសន្ន

31/07/2026

សាម ម៉ីជូ ត្រូវតុលាការសម្រេចឃុំខ្លួនដាក់ពន្ធនាគារ នៅថ្ងៃទី៣១ ខែកក្កដា ឆ្នាំ២០២៦នេះ!

តំណាងអយ្យការក៏បានសម្រេចចោទប្រកាន់ឈ្មោះ សាម ម៉ីជូ ភេទស្រី ពីបទ បើកបរបង្កគ្រោះថ្នាក់ចរាចរណ៍បណ្តាលឱ្យអ្នកដទៃស្លាប់ និងបទរត់គេចខ្លួន ប្រព្រឹត្តនៅចំណុចមុខផ្សារអីអន២ លើផ្លូវលេខ១០០៣ ភូមិបន្លាស្អិត សង្កាត់ឈ្មួញ ខណ្ឌសែនសុខ រាជធានីភ្នំពេញ កាលពីថ្ងៃទី២៨ ខែកក្កដា ឆ្នាំ២០២៦ តាមបញ្ញត្តិមាត្រា ៨៥ នៃច្បាប់ស្តីពីចរាចរណ៍ផ្លូវគោក និងមាត្រា ៥៤៣ នៃក្រមព្រហ្មទណ្ឌ និងបានបញ្ជូនសំណុំរឿងនេះទៅចៅក្រមស៊ើបសួរសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី។
══━━━✥◈✥━━━═

31/07/2026

តំណាងអយ្យការសម្រេចចោទប្រកាន់ឈ្មោះ សាម ម៉ីជូ ភេទស្រី ពីបទ បើកបរបង្កគ្រោះថ្នាក់ចរាចរណ៍បណ្តាលឱ្យអ្នកដទៃស្លាប់ និងបទរត់គេចខ្លួន ប្រព្រឹត្តនៅចំណុចមុខផ្សារអីអន២ លើផ្លូវលេខ១០០៣ ភូមិបន្លាស្អិត សង្កាត់ឈ្មួញ ខណ្ឌសែនសុខ រាជធានីភ្នំពេញ កាលពីថ្ងៃទី២៨ ខែកក្កដា ឆ្នាំ២០២៦ តាមបញ្ញត្តិមាត្រា ៨៥ នៃច្បាប់ស្តីពីចរាចរណ៍ផ្លូវគោក និងមាត្រា ៥៤៣ នៃក្រមព្រហ្មទណ្ឌ និងបានបញ្ជូនសំណុំរឿងនេះទៅចៅក្រមស៊ើបសួរសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី។

31/07/2026

ជនជាប់ចោទណាក៏ដោយ
ត្រូវទុកជាមនុស្សឥតទោស ដរាបណាតុលាការមិនទាន់កាត់ទោស
ជាស្ថាពរ