06/10/2026
ថ្នាក់ដឹកនាំអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ អញ្ជើញចូលរួមពិធីបុណ្យសព ឪពុកបង្កើត លោកស្រីវរសេនីយ៍ទោ សុខា សុធានី
ភ្នំពេញ ៖ នាល្ងាចថ្ងៃទី៦ ខែតុលា ឆ្នាំ២០២៦នេះ ថ្នាក់ដឹកនាំអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ បានអញ្ជើញចូលរួមពិធីបុណ្យសព ឪពុកបង្កើតរបស់ លោកស្រីវរសេនីយ៍ទោ សុខា សុធានី អនុប្រធានស្ថានីយ៍វិទ្យុ និងទូរទស្សន៍មហាផ្ទៃ ស្ថិតនៅបុរីកាំកូរស៊ីធី ខណ្ឌឫស្សីកែវ រាជធានីភ្នំពេញ។
ឧបាសក ចាប សុខា បានទទួលមរណភាព នៅថ្ងៃទី៣ ខែតុលា ឆ្នាំ២០២៦ វេលាម៉ោង ៣:៣០នាទីរំលងអធ្រាត្រ ក្នុងជន្មាយុ ៨៥ឆ្នាំ ដោយជរាពាធ។
សូមជម្រាបជូនថា តាមសារលិខិតរំលែកមរណទុក្ខរបស់ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ ផ្ញើជូន លោកស្រីវរសេនីយ៍ទោ សុខា សុធានី អនុប្រធានស្ថានីយ៍វិទ្យុ និងទូរទស្សន៍មហាផ្ទៃ ថា មរណភាពរបស់ ឧបាសក ចាប សុខា គឺជាការបាត់បង់ដ៏ធំធេងនូវឪពុក ឪពុកក្មេក ជីតា ប្រកបដោយ ព្រហ្មវិហារធម៌ សង្គហធម៌ និងជាទីគោរពស្រលាញ់ស្មើជីវិតនៃកូន កូនប្រសារ និងចៅៗ ដែលកន្លងមក ឧបាសក ចាប សុខា តែងតែខិតខំយកអស់កម្លាំងកាយ ប្រាជ្ញាស្មារតី ចិញ្ចឹមបីបាច់ថែរក្សា ទំនុកបម្រុង និងអប់រំទូន្មាន កូនចៅឱ្យទទួលបានចំណេះដឹងជ្រៅជ្រះ និងក្លាយជាធនធានមនុស្សដ៏មានតម្លៃសម្រាប់បម្រើជាតិ និងមាតុភូមិ៕
