អគ្គលេខាធិការដ្ឋានក្រុមប្រឹក្សាជាតិគាំពារសង្គម - NSPC Cambodia, ក្រសួងសេដ្ឋកិច្ចនិងហិរញ្ញវត្ថុ, ផ្លូវលេខ៩២, សង្កាត់វត្តភ្នំ ខណ្ឌដូនពេញ, Phnom Penh (2026)

31/07/2026

នៅព្រឹកថ្ងៃទី៣១ ខែកក្កដា ឆ្នាំ២០២៦ នៅរាជធានីភ្នំពេញ, ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារសង្គម បានអញ្ជើញចូលរួមក្នុងវេទិកាថ្នាក់ជាតិស្ដីពីហិរញ្ញប្បទានសម្រាប់ធុរកិច្ច ឆ្នាំ២០២៦ ក្រោមប្រធានបទ «សមាហរណកម្មការគាំទ្រផ្នែកហិរញ្ញប្បទានរបស់រាជរដ្ឋាភិបាល ដើម្បីសម្រេចបានភាពធន់នៃសេដ្ឋកិច្ច» ក្រោមអធិបតីដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ។

វេទិកាដែលមានការចូលរួមពីតំណាងក្រសួង-ស្ថាប័នរាជរដ្ឋាភិបាល, ដៃគូអភិវឌ្ឍន៍, សមាគមគ្រឹះស្ថានហិរញ្ញវត្ថុ, និងវិស័យឯកជន មានគោលបំណងពង្រឹងការយល់ដឹងអំពីយន្តការគាំទ្រហិរញ្ញប្បទានរបស់រាជរដ្ឋាភិបាល ពង្រឹងកិច្ចសហប្រតិបត្តិការរវាងស្ថាប័នពាក់ព័ន្ធ។

31/07/2026

ពិធីប្រកាសស្តីពី
“ការផ្តល់ហិរញ្ញប្បទានបន្ថែមរបស់រដ្ឋាភិបាលអូស្ត្រាលីដល់គម្រោង
លើកកម្ពស់គាំពារសង្គម និងសុខភាព ដំណាក់កាលទី ២”
=========

នាថ្ងៃទី៣០ ខែកក្កដា ឆ្នាំ២០២៦, លោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធាន
គណៈកម្មាធិការប្រតិបត្តិនៃក្រុមប្រឹក្សាជាតិគាំពារសង្គម តំណាងដ៏ខ្ពង់ខ្ពស់ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគាំពារសង្គម បានអញ្ជើញចូលរួមក្នុងពិធីប្រកាសជាផ្លូវការ ស្តីពី "ការផ្តល់ហិរញ្ញប្បទានបន្ថែមរបស់រដ្ឋាភិបាលអូស្ត្រាលីដល់គម្រោងលើកកម្ពស់គាំពារសង្គម និងសុខភាព ដំណាក់កាលទី២" នៅមន្ទីរពេទ្យកុមារជាតិ ដែលមានការអញ្ជើញចូលរួមពីលោកជំទាវ Anne Aly, រដ្ឋមន្រ្តីទទួលបន្ទុកកិច្ចសហប្រតិបត្តិការអភិវឌ្ឍន៍អន្តរជាតិ, រដ្ឋមន្ត្រីទទួលបន្ទុកសហគ្រាសខ្នាតតូច និងរដ្ឋមន្រ្តីទទួលបន្ទុកកិច្ចការពហុវប្បធម៌, ឯកឧត្តម Derek Yip ឯកអគ្គរដ្ឋទូតអូស្រ្តាលី ប្រចាំព្រះរាជាណាចក្រកម្ពុជា, និងថ្នាក់ដឹកនាំក្រសួង-ស្ថាប័ន និងតំណាងដៃគូអភិវឌ្ឍន៍។

ការផ្តល់ហិរញ្ញប្បទានបន្ថែមរបស់រដ្ឋាភិបាលអូស្ត្រាលីដល់គម្រោង
លើកកម្ពស់គាំពារសង្គម និងសុខភាព ដំណាក់កាលទី ២ តាមរយៈ GIZ កម្ពុជានេះ នឹងរួមចំណែកយ៉ាងសំខាន់ដល់ការគាំទ្រគោលនយោបាយអាទិភាពរបស់រាជរដ្ឋាភិបាលកម្ពុជាក្នុងការជំរុញបន្ថែមនូវដំណើរនៃការអភិវឌ្ឍប្រព័ន្ធគាំពារសង្គម ព្រមទាំងជួយរក្សានូវលំនឹងជីវភាពរបស់គ្រួសារក្រីក្រ និងងាយរងគ្រោះដែលកំពុងជួបប្រទះនូវពហុវិបត្តិតាមរយៈការពង្រឹងការអនុវត្តក្របខណ្ឌគោលនយោបាយ, ប្រព័ន្ធអភិបាលកិច្ច, យន្តការកំណត់អត្តសញ្ញាណក្រុមគោលដៅ, ប្រព័ន្ធទិន្នន័យ និងប្រព័ន្ធគាំពារសង្គមឌីជីថល, ការពង្រីកវិសាលភាពគ្របដណ្តប់ និងការឆ្លើយតបទៅនឹងគ្រោះអាសន្ន។

30/07/2026

កិច្ចប្រជុំឆ្លុះបញ្ចាំងក្រោយវគ្គបណ្តុះបណ្តាលថ្នាក់តំបន់ស្តីពី “ប្រព័ន្ធគាំពារសង្គមឆ្លើយតបនឹងយេនឌ័រ”
=========
អគ្គលេខាធិការដ្ឋានក្រុមប្រឹក្សាជាតិគាំពារសង្គម បានសហការជាមួយមូលនិធិសហប្រជាជាតិដើម្បីកុមារ (UNICEF) ប្រចាំកម្ពុជា រៀបចំកិច្ចប្រជុំឆ្លុះបញ្ចាំងក្រោយវគ្គបណ្តុះបណ្តាលថ្នាក់តំបន់ស្តីពី “ប្រព័ន្ធគាំពារសង្គមឆ្លើយតបនឹងយេនឌ័រ” ដែលបានប្រព្រឹត្តទៅកាលពីថ្ងៃទី២៩ ខែកក្កដា ឆ្នាំ២០២៦ នៅសណ្ឋាគារហ៊ីម៉ាវ៉ារ៉ី ក្នុងគោលបំណងពិនិត្យលទ្ធផលនៃការអនុវត្តវគ្គបណ្តុះបណ្តាលថ្នាក់តំបន់ទាំង៤ លើក, ប្រមូលធាតុចូលបន្ថែមលើសមិទ្ធផល, បញ្ហាប្រឈម, គម្លាតគោលនយោបាយក្នុងស្ថាប័នក្នុងការសម្របសម្រួលវិធានការឆ្លើយតបនឹងយេនឌ័រ និងពិភាក្សាអំពីផែនការសកម្មភាព និងជំហានបន្ទាប់ក្រោយវគ្គបណ្តុះបណ្តាលថ្នាក់តំបន់។

កិច្ចប្រជុំឆ្លុះបញ្ចាំងនេះមានការអញ្ជើញចូលរួមពីតំណាងក្រសួង-ស្ថាប័ន និងដៃគូអភិវឌ្ឍន៍ រួមមានក្រសួងកិច្ចការនារី, ក្រសួងសង្គមកិច្ច អតីតយុទ្ធជន និងយុវនីតិសម្បទា, មូលនិធិជាតិជំនួយសង្គម, បេឡាជាតិសន្តិសុខសង្គម, ក្រសួងផែនការ, ក្រសួងសុខាភិបាល, ក្រសួងមហាផ្ទៃ និងកម្មវិធីស្បៀងអាហារពិភពលោកប្រចាំកម្ពុជា។

30/07/2026

កិច្ចប្រជុំអន្តរស្ថាប័ន ស្តីពីការពិនិត្យលក្ខណៈបច្ចេកទេស និងអន្តរប្រតិបត្តិការប្រព័ន្ធឌីជីថល ដើម្បីគាំទ្រដល់ការអនុវត្តអនុក្រឹត្យ ស្តីពីការបញ្ជាក់ចំណាយក្នុងប្រព័ន្ធគាំពារសង្គម
=======
រាជធានីភ្នំពេញ, ថ្ងៃទី២៩ ខែកក្កដា ឆ្នាំ២០២៦

អគ្គលេខាធិការដ្ឋានក្រុមប្រឹក្សាជាតិគាំពារសង្គម (អ.ក.គ.) បានសម្របសម្រួលកិច្ចប្រជុំអន្តរស្ថាប័ន ដើម្បីពិនិត្យ និងពិភាក្សាលើការគាំទ្រដល់ការអនុវត្តអនុក្រឹត្យ ស្តីពីការបញ្ជាក់ចំណាយក្នុងប្រព័ន្ធគាំពារសង្គម តាមរយៈការធ្វើអន្តរប្រតិបត្តិការលើថ្នាលឌីជីថលគាំពារសង្គមកម្ពុជា។ កិច្ចប្រជុំនេះ មានការអញ្ជើញចូលរួមពី ឯកឧត្តម ម៉ឹង វណ្ណារុំ អនុរដ្ឋលេខាធិការ នៃក្រសួងសុខាភិបាល, ឯកឧត្តម យោគ សាមឌី អគ្គលេខាធិការរងនៃ អ.ក.គ. និងជាប្រធានលេខាធិការដ្ឋាន អ.ប.ប., ឯកឧត្តមអគ្គនាយកទីភ្នាក់ងារជាតិបញ្ជាក់ចំណាយ (ទ.ជ.ប.), តំណាងបេឡាជាតិសន្តិសុខសង្គម (ប.ស.ស.), និងតំណាងក្រសួងផែនការ។ ជាលទ្ធផល អង្គប្រជុំបានឯកភាពលើទិសដៅសំខាន់ៗ ចំនួន ២ ដូចខាងក្រោម៖
១. ការផ្ទៀងផ្ទាត់អត្តសញ្ញាណអ្នកទទួលផល៖ ភាគីពាក់ព័ន្ធបានឯកភាពលើការបញ្ជូនទិន្នន័យជីវមាត្រ មកកាន់មូលដ្ឋានទិន្នន័យចុះបញ្ជីគាំពារសង្គម ដែលជាមូលដ្ឋានទិន្នន័យរួមបម្រើឱ្យការផ្ទៀងផ្ទាត់អត្តសញ្ញាណអ្នកទទួលផល សំដៅគាំទ្រដល់ការបញ្ជាក់ចំណាយរបស់ ទ.ជ.ប. ឱ្យកាន់តែមានប្រសិទ្ធភាព និងអនុលោមតាមបទដ្ឋានគតិយុត្តជាធរមាន, និង
២. ការចែករំលែកទិន្នន័យដើម្បីគាំទ្រការអនុវត្តភារកិច្ចរបស់ស្ថាប័ន៖ ដើម្បីគាំទ្រដល់ការអនុវត្តភារកិច្ចឱ្យកាន់តែរលូន និងមានប្រសិទ្ធភាព ក្រុមការងារកម្រិតបច្ចេកទេសនឹងសិក្សាលម្អិត ដោយរៀបចំទស្សនាទាន និងបញ្ជីប្រភេទទិន្នន័យពាក់ព័ន្ធ មុននឹងបន្តនីតិវិធីស្នើសុំចែករំលែកជាផ្លូវការ។

Inter-Institutional Meeting to Review and Discuss the Implementation of the Sub-Decree on Payment Certification in the Social Protection System
=======
Phnom Penh, July 29, 2026

The General Secretariat for the National Social Protection Council (GS-NSPC) facilitated an inter-institutional meeting to review and discuss technical specifications and digital interoperability in support of the implementation of the Sub-Decree on Payment Certification in the Social Protection System through the Cambodia Digital Social Protection Platform (DSPP). The meeting was attended by H.E. Moeung Vannarom, Under Secretary of State of the Ministry of Health; H.E. YOK Samdy, Deputy Secretary-General of the GS-NSPC and Head of the DigitalSP Secretariat; H.E. Director General of the National Payment Certification Agency (NPCA); representatives from the National Social Security Fund (NSSF); and representatives from the Ministry of Planning. As a result, the meeting agreed on two key directions as follows:
1. Beneficiary Identity Verification: The relevant stakeholders agreed to transfer biometric data to the Social Protection Registry, which serves as a unified source for beneficiary identity verification, aimed at supporting NPCA’s payment certification process more effectively and in compliance with applicable legal regulations.
2. Data Sharing to Support Institutional Mandates: To support the smooth and effective ex*****on of institutional mandates, technical working groups will conduct a detailed study to prepare a concept note and a list of relevant data types before proceeding with official data-sharing request procedures.

27/07/2026

ក្រុមការងារអគ្គលេខាធិការដ្ឋានក្រុមប្រឹក្សាជាតិគាំពារសង្គម បានចូលរួមកិច្ចប្រជុំស្ដីពី “ការពិនិត្យលើវឌ្ឍនភាពការងារនៃការរៀបចំការកំណត់ និងការពិពណ៌នាមុខតំណែងវិជ្ជាជីវៈ, មុខតំណែងគ្រប់គ្រង, និងមុខតំណែងវិជ្ជាជីវៈ នៃមុខងារគាំទ្រ” នៅសាលប្រជុំ “តេជោសន្តិភាព” នៃអគារគណៈកម្មាធិការកែទម្រង់រដ្ឋបាលសាធារណៈ នៃសាលាភូមិន្ទរដ្ឋបាល នៅរសៀល ថ្ងៃទី២៧ ខែកក្កដា ឆ្នាំ២០២៦។

កិច្ចប្រជុំ ដែលសហដឹកនាំដោយ ឯកឧត្ដម មាស សុខសេនសាន រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ មានគោលបំណងចូលរួមធានាថា “ការកំណត់ និងការពិពណ៌នាមុខតំណែងវិជ្ជាជីវៈ, មុខតំណែងគ្រប់គ្រង, និងមុខតំណែងវិជ្ជាជីវៈ នៃមុខងារគាំទ្រ” មានអនុលោមភាពនឹងអនុក្រឹត្យលេខ១៤២ អនក្រ.បក. ចុះថ្ងៃទី២ ខែកក្កដា ឆ្នាំ២០២៦ ស្ដីពីការដាក់ដាក់ឱ្យអនុវត្តគោលការណ៍ណែនាំស្ដីពីកំណត់ និងការពិពណ៌នាមុខតំណែង។

21/07/2026

🔍 តើអ្នកដឹងទេថា ប្រព័ន្ធគាំពារសង្គមកម្ពុជាមានរចនាសម្ព័ន្ធអភិបាលកិច្ចដូចម្ដេច?

រចនាសម្ព័ន្ធអភិបាលកិច្ចនៃប្រព័ន្ធគាំពារសង្គមនៅកម្ពុជា ត្រូវបានបែងចែកជា ៣ កម្រិត រួមមាន៖

🏛 ១. កម្រិតគោលនយោបាយ៖ មានក្រុមប្រឹក្សាជាតិគាំពារសង្គមជាអ្នកដឹកនាំ សម្របសម្រួល និងតម្រង់ទិសជាយុទ្ធសាស្រ្ដរួមសម្រាប់ការអភិវឌ្ឍប្រព័ន្ធគាំពារសង្គមទាំងមូល។

⚖️ ២. កម្រិតនិយ័តករ៖ មាននិយ័តករសន្តិសុខសង្គមជាអ្នកតាមដាន និងត្រួតពិនិត្យប្រតិបត្តិការនៃរបបសន្តិសុខសង្គម ដើម្បីធានាថាប្រតិបត្ដិការគ្រប់គ្រង និងចាត់ចែងរបបសន្ដិសុខសង្គម ប្រព្រឹត្ដទៅប្រកបដោយប្រសិទ្ធភាព តម្លាភាព និងគណនេយ្យភាព។

⚙️ ៣. កម្រិតប្រតិបត្តិករ៖ មាន (១) បេឡាជាតិសន្តិសុខសង្គម ជាស្ថាប័នគ្រប់គ្រង និងចាត់ចែងដំណើរការនៃរបបសន្តិសុខសង្គម, (២) មូលនិធិជាតិជំនួយសង្គមជាស្ថាប័នទទួលបន្ទុកចាត់ចែង និងគ្រប់គ្រងកម្មវិធីជាតិជំនួយសង្គម និងជាស្ថាប័នបើកផ្តល់ប្រាក់ឧបត្ថម្ភរបស់រាជរដ្ឋាភិបាលជូនពលរដ្ឋគោលដៅ, (៣) មានទីភ្នាក់ងារជាតិបញ្ជាក់ចំណាយ ដែលជាស្ថាប័នទទួលបន្ទុកបញ្ជាក់ភាពត្រឹមត្រូវលើរាល់ការស្នើសុំចំណាយរបស់មូលនិធិសមធម៌សុខាភិបាល, របបសន្ដិសុខសង្គមផ្នែកថែទាំសុខភាព និងរបបសន្ដិសុខសង្គមផ្នែកហានិភ័យការងារ, (៤) ក្រសួង-ស្ថាប័នផ្សេងទៀតដែលចូលរួមអនុវត្តកម្មវិធីជាតិជំនួយសង្គម និង (៥) រដ្ឋបាលថ្នាក់ក្រោមជាតិ ដែលជាប្រតិបត្តិករអនុវត្តការងារផ្ទាល់នៅមូលដ្ឋាន។

💡 ការបែងចែកភារកិច្ចទាំង ៣កម្រិតនេះ មានគោលបំណងធានាបាននូវ «ប្រតិតុល្យការ» រវាងអ្នករៀបចំគោលនយោបាយ អ្នកត្រួតពិនិត្យ និងអ្នកអនុវត្តជាក់ស្ដែង ឆ្ពោះទៅបម្រើឧត្ដមប្រយោជន៍ពលរដ្ឋគោលដៅប្រកបដោយប្រសិទ្ធភាព និងតម្លាភាព!

#ប្រព័ន្ធគាំពារសង្គមកម្ពុជា #អភិបាលកិច្ច #គាំពារសង្គម **c

21/07/2026

ការចុះពិនិត្យ និងសង្កេតការផ្តល់វគ្គបណ្តុះបណ្តាលជំនាញវិជ្ជាជីវៈក្នុងការអនុវត្តកម្មវិធីជាតិគាំពារសង្គម ដើម្បីជំរុញការចាកចេញពីភាពក្រីក្រ នៅខេត្តព្រះវិហារ និងខេត្តកំពង់ឆ្នាំង
======
កាលពីថ្ងៃទី១៦-១៧ ខែកក្កដា ឆ្នាំ២០២៦, ក្រុមការងារនៃអគ្គលេខាធិការដ្ឋានក្រុមប្រឹក្សាជាតិគាំពារសង្គម ដោយមានការចូលរួមពីតំណាងមូលនិធិជាតិជំនួយសង្គម និងតំណាងកម្មវិធីអភិវឌ្ឍន៍សហប្រជាជាតិ (UNDP) ប្រចាំកម្ពុជា បានចុះពិនិត្យ និងសង្កេតការផ្តល់វគ្គបណ្តុះបណ្តាលជំនាញវិជ្ជាជីវៈក្នុងការអនុវត្តកម្មវិធីជាតិគាំពារសង្គម ដើម្បីជំរុញការចាកចេញពីភាពក្រីក្រ នៅខេត្តព្រះវិហារ និងខេត្តកំពង់ឆ្នាំង។ បេសកកម្មនេះ មានគោលបំណងពិនិត្យ និងស្វែងយល់ជាក់ស្តែងអំពីដំណើរការនៃការផ្តល់វគ្គបណ្តុះបណ្តាលជំនាញវិជ្ជាជីវៈជូនគ្រួសារអ្នកទទួលផលពីកម្មវិធីជាតិគាំពារសង្គម ដើម្បីជំរុញការចាកចេញពីភាពក្រីក្រ និងដោះស្រាយបញ្ហាប្រឈមនានា ដែលកំពុងជួបប្រទះ ក៏ដូចជាពិនិត្យសកម្មភាពមួយចំនួនដែលត្រូវអនុវត្តនៅជំហានបន្ទាប់។

15/07/2026

សិក្ខាសាលាផ្សព្វផ្សាយស្តីពីប្រព័ន្ធគាំពារសង្គម
សម្រាប់មន្រ្តីរាជការក្រសួងសេដ្ឋកិច្ច និងហិរញ្ញវត្ថុ

==========
នៅព្រឹកថ្ងៃទី១៥ ខែកក្កដា ឆ្នាំ២០២៦, លោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការប្រតិបត្តិនៃក្រុមប្រឹក្សាជាតិគាំពារសង្គម បានអញ្ជើញជាអធិបតី និងបើកសិក្ខាសាលាផ្សព្វផ្សាយស្តីពីប្រព័ន្ធគាំពារសង្គមសម្រាប់មន្រ្តីរាជការក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមពីថ្នាក់ដឹកនាំ និងមន្រ្តីរាជការក្រោមឱវាទក្រសួងសេដ្ឋកិច្ច និងហិរញ្ញវត្ថុ។ សូមបញ្ជាក់ថា សិក្ខាសាលានេះ ជាការសហការរៀបចំដោយក្រុមការងារនៃអគ្គលេខាធិការដ្ឋានក្រុមប្រឹក្សាជាតិគាំពារសង្គម និងក្រុមការងារយេនឌ័រនៃក្រសួងសេដ្ឋកិច្ច និងហិរញ្ញវត្ថុ ដែលឆ្លុះបញ្ចាំងពីការយកចិត្តទុកដាក់របស់ថ្នាក់ដឹកនាំក្រសួងសេដ្ឋកិច្ចនិងហិរញ្ញវត្ថុ ក្នុងការលើកកម្ពស់ការយល់ដឹងរបស់មន្ត្រីរាជការអំពីប្រព័ន្ធគាំពារសង្គម ដើម្បីឱ្យអាចទទួលបានព័ត៌មានច្បាស់លាស់ និងប្រើប្រាស់អត្ថប្រយោជន៍នៃកម្មវិធីគាំពារសង្គមនានាប្រកបដោយប្រសិទ្ធភាព។
#គាំពារសង្គមកម្ពុជា #បេឡាជាតិសន្តិសុខសង្គម #ក្រសួងសេដ្ឋកិច្ចនិងហិរញ្ញវត្ថុ

14/07/2026

តស់ ! យល់ដឹងពីមូលនិធិសមធម៌សុខាភិបាល
——-

#គាំពារសង្គមកម្ពុជា **C #បណ្ណសមធម៌ #មូលនិធិសមធម៌សុខាភិបាល

13/07/2026

អត្ថប្រយោជន៍នៃមូលនិធិសមធម៌សុខាភិបាល មានដូចជា៖
---------
🩺 សេវាពិនិត្យ និងព្យាបាលផ្នែកវេជ្ជសាស្ត្រ ៖ ការពិគ្រោះជំងឺក្រៅ 💊 សេវាពន្យារកំណើត 🛌 ការសម្រាកព្យាបាលទូទៅ 🚑 ការសង្គ្រោះបន្ទាន់ ការវះកាត់តូច ការវះកាត់ធំ និង 🤰 ការសម្រាលកូននៅតាមមូលដ្ឋានសុខាភិបាលសាធារណៈរបស់រដ្ឋ យោងតាមប្រកាសអន្តរក្រសួងលេខ៤៩៧ សហវ.ប្រក ចុះថ្ងៃទី៨ ខែឧសភា ឆ្នាំ២០១៨។

💸 អត្ថប្រយោជន៍មិនមែនវេជ្ជសាស្ត្រ ៖ 🚗 ថ្លៃធ្វើដំណើរ 🍲 ថ្លៃអាហារសម្រាប់អ្នកជំងឺ និង 🕯 វិភាគទានបុណ្យសព។

អគ្គលេខាធិការដ្ឋានក្រុមប្រឹក្សាជាតិគាំពារសង្គម - NSPC Cambodia

31/07/2026

31/07/2026

30/07/2026

30/07/2026

27/07/2026

21/07/2026

21/07/2026

15/07/2026

14/07/2026

13/07/2026

Address

Website

Alerts

Contact The Organization

Shortcuts

Share

Category

Listing takedown request