នាយកដ្ឋានបុគ្គលិក នៃក្រសួងសេដ្ឋកិច្ចនិងហិរញ្ញវត្ថុ Personnel Department

  • Home
  • Cambodia
  • Phnom Penh
  • នាយកដ្ឋានបុគ្គលិក នៃក្រសួងសេដ្ឋកិច្ចនិងហិរញ្ញវត្ថុ Personnel Department

នាយកដ្ឋានបុគ្គលិក នៃក្រសួងសេដ្ឋកិច្ចនិងហិរញ្ញវត្ថុ Personnel Department Ministry of Economy and Finance
General Secretariat
Personnel Department Personnel Department of General Secretariat of Ministry of Economy and Finance

នាព្រឹកថ្ងៃព្រហស្បតិ៍ ៧កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦, លោកប្រធាននាយកដ្...
20/08/2026

នាព្រឹកថ្ងៃព្រហស្បតិ៍ ៧កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦, លោកប្រធាននាយកដ្ឋានបុគ្គលិក បានដឹកនាំកិច្ចប្រជុំផ្ទៃក្នុងរបស់នាយកដ្ឋានតាមរយៈប្រព័ន្ធអនឡាញ (Online Meeting) ដោយមានការចូលរួមពី លោក លោកស្រីអនុប្រធាននាយកដ្ឋាន លោក លោកស្រីប្រធានការិយាល័យ លោក លោកស្រីអនុប្រធានការិយាល័យ និងមន្ត្រីជំនាញពាក់ព័ន្ធ នៃនាយកដ្ឋានបុគ្គលិក ក្នុងគោលបំណង ពិនិត្យ ពិភាក្សា លើរបៀបវារៈដូចខាងក្រោម៖
១.ពិនិត្យលើវឌ្ឍនភាពការងារប្រចាំថ្ងៃ
២.ពិនិត្យលើទស្សនាទានស្ដីពីប្រព័ន្ធគ្រប់គ្រងសមិទ្ធកម្មមន្ត្រីរាជការ កសហវ.
៣. ពិនិត្យលើបទបង្ហាញស្ដីពីយន្តការនិងនីតិវធីនៃការរៀបចំ វាយតម្លៃសូចនាករសមិទ្ធកម្មគន្លឹះបុគ្គលិក-មន្ត្រីរាជការ កសហវ.
៤. ពិនិត្យលើបទបង្ហាញស្ដីពីប្រព័ន្ធគ្រប់គ្រងចំណេះដឹងបុគ្គលិក-មន្ត្រីរាជការ កសហវ.
៥. ពិនិត្យលើបទបង្ហាញស្ដីពីប្រព័ន្ធគ្រប់គ្រងបុគ្គលិកតាមបច្ចេកវិទ្យាឌីជីថលនៃ កសហវ.
៦. ផ្សេងៗ
ឆ្លៀតក្នុងឱកាសនោះដែរ លោកប្រធាននាយកដ្ឋានក៏បានផ្ដល់អនុសាសន៍បន្ថែមលើកិច្ចការការងារផ្ទៃក្នុង របស់នាយកដ្ឋានក្នុងន័យពង្រឹងកិច្ចការងារបុគ្គលិកឱ្យកាន់តែមានប្រសិទ្ធភាព។

នាថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ នៅសណ្ឋាគារអេមព្រីសអង្គរ ខេ...
03/08/2026

នាថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ នៅសណ្ឋាគារអេមព្រីសអង្គរ ខេត្តសៀមរាប, លោកប្រធាននាយកដ្ឋានបុគ្គលិក និងជាសមាជិកក្រុមការងារសកម្មភាពជនពិការប្រចាំ កសហវ. បានអមជាមួយ ឯកឧត្តមអគ្គលេខាធិការ នៃអគ្គលេខាធិការដ្ឋាន កសហវ. និងជាអនុប្រធានក្រុមការងារសកម្មភាពជនពិការប្រចាំក្រសួងសេដ្ឋកិច្ច និងហិរញ្ញវត្ថុ ( ក.ស.ជ.) អញ្ជើញចូលរួមសិក្ខាសាលាស្ដីពី “ការរៀបចំផែនការសកម្មភាពរបស់ក្រុមការងារសកម្មភាពជនពិការ ប្រចាំ កសហវ. ផ្សារភ្ជាប់ជាមួយផែនការយុទ្ធសាស្ត្រជាតិស្ដីពីពិការភាព ឆ្នាំ២០២៤-២០២៨ របស់រាជរដ្ឋាភិបាល” ក្រោមអធិបតីភាពរបស់ លោកជំទាវ ប៉ែន សុបភា តំណាងដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានកិត្តិយសក្រុមការងារសកម្មភាពជនពិការប្រចាំ កសហវ. ដោយមានការអញ្ជើញចូលរួមពី ឯកឧត្តម ម៉េត មករា រដ្ឋលេខាធិការ នៃក្រសួងសង្គមកិច្ច អតីតយុទ្ធជននិងយុវនីតិសម្បទា និងជាអនុប្រធានក្រុមប្រឹក្សាសកម្មភាពជនពិការ ព្រមទាំង ថ្នាក់ដឹកនាំ មន្ត្រីរាជការរបស់អង្គភាពនៅថ្នាក់មូលដ្ឋាន និងមន្ត្រីពាក់ព័ន្ធ តំណាងអង្គភាពក្រោមឱវាទ និង ក្រោមអាណាព្យាបាល កសហវ. ។ សិក្ខាសាលាខាងលើត្រូវបានរៀបចំឡើងដើម្បីចូលរួមអភិវឌ្ឍសមត្ថភាពមន្ត្រី៝ក្រោមឱវាទ បានយល់ដឹងពីផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ឱ្យកាន់តែមានប្រសិទ្ធភាព និងរួមគ្នាចូលរួមអនុវត្តប្រកបដោយតម្លាភាព សមធម៌ និងការរក្សាសិទ្ធិ និងអត្ថប្រយោជន៍ជូនបុគ្គលិក-មន្ត្រីរាជការគ្រប់ៗរូប ជាពិសេស បុគ្គលិក-មន្ត្រីរាជការដែលមានពិការភាពដែលឆ្លើយតបទៅនឹងគោលការណ៍នានារបស់រាជរដ្ឋាភិបាលពាក់ព័ន្ធនឹងវិស័យពិការភាព ដែលតម្រូវឱ្យមានការអនុវត្តយ៉ាងខ្ជាប់ខ្ជួន និងមានការយកចិត្តទុកដាក់ខ្ពស់ ក៏ដូចជាដើម្បីធានាថាជនមានពិការភាពគ្រប់វ័យនិងគ្រប់ប្រភេទទាំងអស់របស់ក្រសួងសេដ្ឋកិច្ចនិងហិរញ្ញវត្ថុ រស់នៅប្រកបដោយគុណភាពក្នុងគ្រប់ទិដ្ឋភាពទាំងអស់នៃជីវិត ព្រមទាំងអាចចូលរួមប្រកបដោយអត្ថន័យនិងស្មើភាពក្នុងសង្គមមួយដែលពោពេញទៅដោយបរិយាបន្ន សេចក្តីថ្លៃថ្នូរ និងភាពចម្រុះ។

នាព្រឹកថ្ងៃទី២៩ ខែកក្កដា ឆ្នាំ២០២៦ នៅទីស្ដីការក្រសួងសេដ្ឋកិច្ចនិងហិរញ្ញវត្ថុ, លោកប្រធាននាយកដ្ឋានបុគ្គលិក បានដឹកនាំកិច្ចប...
29/07/2026

នាព្រឹកថ្ងៃទី២៩ ខែកក្កដា ឆ្នាំ២០២៦ នៅទីស្ដីការក្រសួងសេដ្ឋកិច្ចនិងហិរញ្ញវត្ថុ, លោកប្រធាននាយកដ្ឋានបុគ្គលិក បានដឹកនាំកិច្ចប្រជុំផ្ទៃក្នុងរបស់នាយកដ្ឋាន ដោយមានការចូលរួមពី លោក លោកស្រីអនុប្រធាននាយកដ្ឋាន លោក លោកស្រីប្រធានការិយាល័យ លោក លោកស្រីអនុប្រធានការិយាល័យ និងមន្ត្រីជំនាញពាក់ព័ន្ធ នៃនាយកដ្ឋានបុគ្គលិក ក្នុងគោលបំណង ពិនិត្យ ពិភាក្សា លើរបៀបវារៈដូចខាងក្រោម៖
១. ពិនិត្យលើផែនការសកម្មភាពការងារកែទម្រង់ហិរញ្ញវត្ថុសាធារណៈ និងផែនការសកម្មភាពការងារអភិវឌ្ឍស្ថាប័ន
២.ពិនិត្យលើវឌ្ឍនភាពការងារប្រចាំថ្ងៃ
៣. ពិនិត្យលើការងារសាកល្បងប្រព័ន្ធប្រវត្តិរូបឌីជីថលសម្រាប់មន្ត្រីរាជការ កសហវ.
៤​.​ បែងចែកភារកិច្ចនិងការទទួលខុសត្រូវក្នុងការរៀបចំសិក្ខាសាលាផ្សព្វផ្សាយកិច្ចការងារបុគ្គលិកនាពេលខាងមុខ
៥.​ផ្សេង​ៗ
ឆ្លៀតក្នុងឱកាសនោះដែរ លោកប្រធាននាយកដ្ឋានក៏បានផ្ដល់អនុសាសន៍បន្ថែមលើកិច្ចការការងារផ្ទៃក្នុងរបស់នាយកដ្ឋានក្នុងន័យពង្រឹងកិច្ចការងារបុគ្គលិកឱ្យកាន់តែមានប្រសិទ្ធភាព។

នារសៀលថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦ នៅសាលាភូមិន្ទរដ្ឋប...
28/07/2026

នារសៀលថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦ នៅសាលាភូមិន្ទរដ្ឋបាល ឯកឧត្តមរដ្ឋលេខាធិការ និងជាប្រធានក្រុមការងារកែទម្រង់រដ្ឋបាលសាធារណៈ នៃ កសហវ. អមដោយ ឯកឧត្តមអគ្គលេខាធិការ និងជាអនុប្រធានក្រុមការងារកែទម្រង់រដ្ឋបាលសាធារណៈ នៃ កសហវ. , លោកប្រធាននាយកដ្ឋានបុគ្គលិក និងជាប្រធានលេខាធិការដ្ឋានក្រុមការងារកែទម្រង់រដ្ឋបាលសាធារណៈ នៃ កសហវ. ព្រមទាំងថ្នាក់ដឹកនាំតំណាងអង្គភាពក្រោមឱវាទ និងក្រោមអាណាព្យាបាលក្រសួងសេដ្ឋកិច្ចនិងហិរញ្ញវត្ថុបានចូលរួម”កិច្ចប្រជុំពិនិត្យពិភាក្សាលើវឌ្ឍនភាពការងារនៃការរៀបចំការកំណត់និងការពិពណ៌នាមុខតំណែងវិជ្ជាជីវៈ មុខតំណែងគ្រប់គ្រង និងមុខតំណែងវិជ្ជាជីវៈនៃមុខងារគាំទ្រ” ជាមួយក្រុមការងារបច្ចេកទេសនៃក្រសួងមុខងារសាធារណៈ សហដឹកនាំដោយ ឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ និងប្រធានក្រុមការងារបច្ចេកទេសកែលម្អប្រព័ន្ធជ្រើសរើសមន្ត្រីនៃអនុគណៈកម្មាធិការប្រតិបត្តិនៃ គ.វ.រ. អមដោយឯកឧត្តម លោកជំទាវ ព្រមទាំងមន្ត្រីជំនាញពាក់ព័ន្ធ។
កិច្ចប្រជុំនេះ ត្រូវបានរៀបចំឡើងដើម្បីពិនិត្យពិភាក្សាលើការកំណត់និងការពិពណ៌នាមុខតំណែងវិជ្ជាជីវៈ មុខតំណែងគ្រប់គ្រង និងមុខតំណែងវិជ្ជាជីវៈនៃមុខងារគាំទ្រ និងរចនាសម្ព័ន្ធរបស់ កសហវ. ក្នុងន័យធានាបាននូវប្រសិទ្ធភាព និងភាពគ្រប់ជ្រុងជ្រោយ ជាពិសេសទទួលបាននូវព័ត៌មានជាមូលដ្ឋានលម្អិតបន្ថែម គាំទ្រដល់ការអនុវត្តកិច្ចការងារនេះឱ្យកាន់តែមានភាពច្បាស់លាស់ និងឆ្លើយតបបានពេញលេញទៅនឹងគោលដៅរបស់រាជរដ្ឋាភិបាល។

ការតាមដាន និងវាយតម្លៃសមិទ្ធកម្ម ព្រមទាំងពង្រឹងយន្តការគ្រប់គ្រងធនធានមនុស្សតាមបណ្ដាអង្គភាពថ្នាក់មូលដ្ឋាននៃក្រសួងសេដ្ឋកិច្ច...
25/07/2026

ការតាមដាន និងវាយតម្លៃសមិទ្ធកម្ម ព្រមទាំងពង្រឹងយន្តការគ្រប់គ្រងធនធានមនុស្សតាមបណ្ដាអង្គភាពថ្នាក់មូលដ្ឋាននៃក្រសួងសេដ្ឋកិច្ចនិងហិរញ្ញវត្ថុ ផ្សារភ្ជាប់ដំណាក់កាលនៃការកែទម្រង់រដ្ឋបាលសាធារណៈ!

កាលពីថ្ងៃទី២៣-២៤ ខែកក្កដា ឆ្នាំ២០២៦ លោកប្រធាននាយកដ្ឋានបុគ្គលិក បានដឹកនាំសហការីមន្ត្រីជំនាញ ដើម្បីពិនិត្យ និងវាយតម្លៃសមិទ្ធកម្មការងារគ្រប់គ្រងធនធានមនុស្សរបស់បណ្ដាអង្គភាពថ្នាក់មូលដ្ឋាននៃក្រសួងសេដ្ឋកិច្ច នៅខេត្តកោះកុង រួមមាន៖ មន្ទីរសេដ្ឋកិច្ចនិងហិរញ្ញវត្ថុ សាខាពន្ធដារ សាខាគយនិងរដ្ឋាករ និងរតនាគារ ដោយមានការចូលរួមពីថ្នាក់ដឹកនាំអង្គភាព និងគ្រប់បុគ្គលិក-មន្ត្រីរាជការក្រោមឱវាទ។
ការចុះពិនិត្យនេះ ធ្វើឡើងក្នុងគោលបំណងកំណត់ និងដោះស្រាយរាល់បញ្ហាប្រឈម ព្រមជាមួយនឹងការវាយតម្លៃសមិទ្ធកម្មការគ្រប់គ្រងធនធានមនុស្សរបស់បណ្ដាអង្គភាព និងជាយន្តការពង្រឹងអន្តរទំនាក់ទំនងរវាងបុគ្គលិក-មន្ត្រីរាជការជាមួយប្រធានស្ថាប័ន ដែលនាយកដ្ឋានបុគ្គលិកក្នុងនាមជាសេនាធិការអគ្គលេខាធិការដ្ឋានក្រសួង តែងតែប្រតិបត្តិតាមការណែនាំនិងចង្អុលបង្ហាញដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រី លើការងារគ្រប់គ្រងធនធានមនុស្សរបស់ក្រសួងសេដ្ឋកិច្ចនិងហិរញ្ញវត្ថុ។
ទន្ទឹមនឹងយន្តការពិនិត្យ តាមដាន និងវាយតម្លៃសមិទ្ធកម្ម, លោកប្រធាននាយកដ្ឋាន ក៏បានរំលឹកដល់បុគ្គលិក-មន្ត្រីរាជការឱ្យបន្តពង្រឹងសមត្ថភាពរបស់ខ្លួនជាប់ជាប្រចាំ និងអនុវត្តការងារដោយប្រកាន់ខ្ជាប់នូវក្រមសីលធម៌វិជ្ជាជីវៈ ព្រមទាំងការទទួលខុសត្រូវលើតួនាទីភារកិច្ចរបស់ខ្លួន ស្របតាមចក្ខុវិស័យក្រសួងសេដ្ឋកិច្ចនិងហិរញ្ញវត្ថុ និងទិសដៅនៃការកែទម្រង់រដ្ឋបាលសាធារណៈរបស់រាជរដ្ឋាភិបាល និងជាពិសេសការប្រកាន់ខ្ជាប់នូវស្មារតីស្មោះត្រង់ និងលះបង់ដើម្បីបុព្វហេតុជាតិនិងប្រជានជន ស្របតាមប្រសាសន៍ដ៏ខ្ពង់ខ្ពស់របស់សម្តេចមហាបវរធិបតីនាយករដ្ឋមន្ត្រី។

នារសៀលថ្ងៃទី២១ ខែកក្កដា គ.ស ២០២៦ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តម ឯក ចន្ថា អគ្គលេខាធិការ នៃអគ្គលេខាធិក...
21/07/2026

នារសៀលថ្ងៃទី២១ ខែកក្កដា គ.ស ២០២៦ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តម ឯក ចន្ថា អគ្គលេខាធិការ នៃអគ្គលេខាធិការដ្ឋានក្រសួងសេដ្ឋកិច្ចនិងហិរញ្ញវត្ថុ បានដឹកនាំកិច្ចប្រជុំពិភាក្សាលើស្ថានភាព និងតម្រូវការជាក់ស្ដែងក្នុរចនាសម្ព័ន្ធរបស់មន្ទីរសេដ្ឋកិច្ច និងហិរញ្ញវត្ថុរាជធានី-ខេត្ត នៃកសហវ. ដោយមានការអញ្ជើញចូលរួមពី ដោយមានការអញ្ជើញចូលរួមពី លោកអគ្គលេខាធិការរង លោកប្រធាននាយកដ្ឋាន លោក លោកស្រី អនុប្រធាននាយកដ្ឋាន លោក លោកស្រីប្រធានការិយាល័យ និងមន្ត្រីពាក់ព័ន្ធ នៃអគ្គលេខាធិការដ្ឋាន ព្រមជាមួយបណ្ដាមន្ទីរសេដ្ឋកិច្ចនិងហិរញ្ញវត្ថុរាជធានី ខេត្ត ផងដែរ។ កិច្ចប្រជុំខាងលើនេះប្រព្រឹត្តទៅក្នុងគោលបំណងអនុវត្តវិធានការបន្ទាន់ឆ្លើយតបចំពោះការបាត់បង់ក្របខណ្ឌមន្ត្រីរាជការនៅបណ្តាមន្ទីរសេដ្ឋកិច្ចនិងហិរញ្ញវត្ថុរាជធានី-ខេត្ត ដោយកត្តាចូលនិវត្តន៍ មរណភាព លាឈប់ និងស្ថានភាពប្រែប្រួលរដ្ឋបាលផ្សេងៗជាដើម ក៏ដូចជាពិនិត្យលទ្ធភាពក្នុងការកំណត់ឱ្យច្បាស់លាស់អំពីតម្រូវការធនធានមនុស្ស ធៀបនឹងទំហំការងាររបស់អង្គភាពជាក់ស្តែង ដើម្បីអនុវត្តមុខងារភារកិច្ចនិងធានានិរន្តរភាពការងាររបស់បណ្តាអង្គភាព។

នារសៀលថ្ងៃទី២០ ខែកក្កដា ឆ្នាំ២០២៦ នៅទីស្ដីការក្រសួងសេដ្ឋកិច្ច និងហិរញ្ញវត្ថុ, លោកប្រធាននាយកដ្ឋានបុគ្គលិក និងសហការី បានជួ...
21/07/2026

នារសៀលថ្ងៃទី២០ ខែកក្កដា ឆ្នាំ២០២៦ នៅទីស្ដីការក្រសួងសេដ្ឋកិច្ច និងហិរញ្ញវត្ថុ, លោកប្រធាននាយកដ្ឋានបុគ្គលិក និងសហការី បានជួបប្រជុំពិភាក្សាការងារជាមួយលោក លោកស្រីជាតំណាងអគ្គនាយកដ្ឋានគោលនយោបាយ និងជាលេខាធិការដ្ឋានក្រុមការងារចំពោះកិច្ចត្រួតពិនិត្យ វាយតម្លៃ ចំណាយឧបត្ថម្ភរបបសន្តិសុខសង្គមសម្រាប់អតីតមន្ត្រីរាជការ និងអតីតយុទ្ធជន ក្នុងគោលបំណងពិនិត្យ ពិភាក្សា និងវាយតម្លៃ លើកិច្ចការពាក់ព័ន្ធនឹងការងាររបបសន្តិសុខសង្គមសម្រាប់អតីតមន្ត្រីរាជការ និងអតីតយុទ្ធជន ក្នុងន័យប្រមូលធាតុចូលពីនាយកដ្ឋានបុគ្គលិកដើម្បីពិនិត្យវាយតម្លៃនីតិវិធី បញ្ហាប្រឈម ពាក់ព័ន្ធនឹងយន្តការសម្របសម្រួលស្ថាប័ន អំពីក្របខណ្ឌនៃការចូលនិវត្តន៍ សំដៅវាយតម្លៃលើប្រសិទ្ធភាព និងធានាផលប្រយោជន៍ ក៏ដូចជាស្វែងរកដំណោះស្រាយនូវរាល់បញ្ហាប្រឈមនានា ក្នុងន័យពង្រឹងទិសដៅ និងបន្តប្រសិទ្ធភាពចំណាយថវិកាលើ អតីតមន្ត្រីរាជការ និងអតីតយុទ្ធជន។

នាព្រឹកថ្ងៃទី១០ ខែកក្កដា ឆ្នាំ២០២៦ នៅរដ្ឋបាលខេត្តត្បូងឃ្មុំ, លោកប្រធាននាយកដ្ឋានបុគ្គលិក និងសហការីបានអញ្ជេីញចូលរួមក្នុងពិ...
10/07/2026

នាព្រឹកថ្ងៃទី១០ ខែកក្កដា ឆ្នាំ២០២៦ នៅរដ្ឋបាលខេត្តត្បូងឃ្មុំ, លោកប្រធាននាយកដ្ឋានបុគ្គលិក និងសហការីបានអញ្ជេីញចូលរួមក្នុងពិធីប្រកាសចូលកាន់មុខតំណែងលោក ចាន់ តុលា ជាប្រធានរតនាគារខេត្តត្បូងឃ្មុំ ជំនួសលោក សុខ ភក្ដី ដែលត្រូវចូលនិវត្តន៍ ក្រោមអធិបតីភាពរបស់​ឯកឧត្តម ពេជ្រ សម្បត្តិ អនុរដ្ឋលេខាធិការ តំណាងដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ ដោយមានការអញ្ជើញចូលរួមពីថ្នាក់ដឹកនាំអគ្គនាយកដ្ឋានរតនាគារជាតិ ព្រមទាំងលោក លោកស្រីសមាជិកក្រុមប្រឹក្សាខេត្ត តំណាងមន្ទីរជំនាញជុំវិញខេត្ត, មេបញ្ជាការកងកម្លាំងប្រដាប់អាវុធទាំង ៣ប្រភេទ, នាយករដ្ឋបាលខេត្ត, អភិបាលក្រុង ស្រុក មេឃុំ ចៅសង្កាត់ និងមន្ត្រីរាជការនៃអង្គភាពជំនាញជុំវិញខេត្តមួយចំនួនទៀត។

សេចក្ដីជូនដំណឹងស្ដីពី វគ្គបណ្តុះបណ្តាលរយបៈពេលខ្លី (TSTTS) ក្រោមប្រធានបទ "Mid-Level Public Sector Leadership" នៅប្រទេសនូវ...
10/07/2026

សេចក្ដីជូនដំណឹងស្ដីពី វគ្គបណ្តុះបណ្តាលរយបៈពេលខ្លី (TSTTS) ក្រោមប្រធានបទ "Mid-Level Public Sector Leadership" នៅប្រទេសនូវែលសេឡង់ ជូនមន្រ្តីរាជការ។

អនុក្រឹត្យលេខ១៤២_អនក្រ.បក ចុះថ្ងៃទី២ ខែកក្កដា ឆ្នាំ២០២៦ ស្ដីពីការដាក់ឱ្យអនុវត្តគោលការណ៍ណែនាំស្ដីពីការកំណត់និងការពិពណ៌នាម...
07/07/2026

អនុក្រឹត្យលេខ១៤២_អនក្រ.បក ចុះថ្ងៃទី២ ខែកក្កដា ឆ្នាំ២០២៦ ស្ដីពីការដាក់ឱ្យអនុវត្តគោលការណ៍ណែនាំស្ដីពីការកំណត់និងការពិពណ៌នាមុខតំណែង ។
តំណភ្ជាប់សម្រាប់ទាញយកឯកសារ ៖ https://pd.mef.gov.kh//storage/files/July2026/RwKSGZoZNmVZHPlBiRAI.pdf

Address

St. 92, Sangkat Wat Phnom, Khan Daun Penh
Phnom Penh

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00
Saturday 09:00 - 17:00
Sunday 09:00 - 17:00

Telephone

+85523428526

Website

Alerts

Be the first to know and let us send you an email when នាយកដ្ឋានបុគ្គលិក នៃក្រសួងសេដ្ឋកិច្ចនិងហិរញ្ញវត្ថុ Personnel Department posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to នាយកដ្ឋានបុគ្គលិក នៃក្រសួងសេដ្ឋកិច្ចនិងហិរញ្ញវត្ថុ Personnel Department:

Shortcuts

Share

Category