អគ្គនាយកដ្ឋានអន្តោប្រវេសន៍ - General Department of Immigration - GDI, ផ្លូវជាតិលេខ១ ភូមិតាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ, ព្រះរាជាណាចក្រកម្ពុជា, Phnom Penh (2026)

06/08/2026

នាថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ បានអញ្ជើញជាអធិបតីភាពដឹកនាំកិច្ចប្រជុំស្តីពី «ការរៀបចំស្តង់ដារប្រតិបត្តិ (SOP - Standard Operating Procedure) របស់អគ្គនាយកដ្ឋានអន្តោប្រវេសន៍» ដែលបានប្រព្រឹត្តទៅនៅសាលប្រជុំអគ្គនាយកដ្ឋានអន្តោប្រវេសន៍។

កិច្ចប្រជុំនេះមានការអញ្ជើញចូលរួមពីឯកឧត្តម ទីប្រឹក្សាក្រសួងមហាផ្ទៃ ឯកឧត្តមអគ្គនាយករង ព្រមទាំង លោក លោកស្រី ជាប្រធាននាយកដ្ឋាន លោកអនុប្រធាននាយកដ្ឋាន និងមន្រ្តីជំនាញពាក់ព័ន្ធ។

អង្គប្រជុំបានផ្តោតលើការពិភាក្សា និងផ្លាស់ប្តូរមតិយោបល់យ៉ាងល្អិតល្អន់លើការរៀបចំ និងកែលម្អនីតិវិធីប្រតិបត្តិការស្តង់ដារ (SOP) ដើម្បីធានាបាននូវប្រសិទ្ធភាព និងតម្លាភាព។

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

06/08/2026

[English Below] ក្រសួងមហាផ្ទៃ នៃរាជរដ្ឋាភិបាលកម្ពុជាចេញសេចក្ដីប្រកាសព័ត៌មាន បញ្ជាក់ថា គិតត្រឹមព្រឹកថ្ងៃទី៦ ខែសីហា ឆ្នាំ២០២៦នេះ មានពលរដ្ឋចំនួន២០.២៨១នាក់ទៀត ក្នុងនោះស្រី្ត១០.៣៣១នាក់ និងកុមារ៦.០៦៦នាក់ទៀត ពុំទាន់អាចវិលទៅលំនៅឋានវិញនៅឡើយទេ។

The Ministry of Interior of the Royal Government of Cambodia issued a press release reporting that, as of the morning of 6 August 2026, 20,281 displaced persons—including 10,331 women and 6,066 children—remain unable to return to their homes.

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

06/08/2026

នៅរសៀលថ្ងៃព្រហស្បតិ៍ ទី៦ ខែសីហាឆ្នាំ២០២៦ នេះ ឯកឧត្តម ឧត្តមសេនីយ៍ឯក បណ្ឌិត ណុប នរិន្ទ អគ្គនាយករង នៃអគ្គនាយកដ្ឋានអន្តោប្រវេសន៍ បានអញ្ជើញដឹកនាំកិច្ចប្រជុំពិនិត្យ និងស្ដាប់របាយការណ៍ ស្ដីពីការងារ Hotline នៃអគ្គនាយកដ្ឋានអន្តោប្រវេសន៍។ កិច្ចប្រជុំនេះក៏មានការអញ្ជើញចូលរួមពី អនុប្រធាននាយកដ្ឋាន នាយការិយាល័យ នាយរងការិយាល័យ និងមន្ត្រីជំនាញដែលពាក់ព័ន្ធ។

ឯកឧត្តម ឧត្តមសេនីយ៍ឯក បណ្ឌិត ណុប នរិន្ទ អគ្គនាយករងអន្តោប្រវេសន៍ បានលើកឡើងពីការធ្វើការងារ សំណូមពរនានា លើការប្រើប្រាស់ប្រព័ន្ធ Hotline ដែលបានអនុវត្តកន្លងមក និងត្រៀមអនុវត្តទទួលពាក្យបណ្ដឹងតាមប្រអប់សំបុត្រអេឡិត្រូនិច និងការរៀបចំវគ្គបណ្ដុះបណ្ដាល ដើម្បីបង្កើនសមត្ថភាពជូន ដល់ក្រុមការងារ Hotline។

ជាកិច្ចបន្ត អង្គប្រជុំបានលើកឡើងនូវបញ្ហាប្រឈមទាក់ទងប្រព័ន្ធបច្ចេកទេសមួយចំនួន និងមតិសំណូមដែលពាក់ព័ន្ធ។

នាឱកាសនោះ ឯកឧត្តម ឧត្តមសេនីយ៍ឯក អគ្គនាយករងអន្តោប្រវេសន៍ បានមានប្រសាសន៍លើការកោតសរសើរ និងអរគុណ របស់ឯកឧត្តម ឧត្តមសេនីយ៍ឯក អគ្គនាយក ក៏ដូចជាថ្នាក់ដឹកនាំក្រសួងមហាផ្ទៃ ដល់ក្រុមការងារដែលបានចូលរួមសហការក្នុងការអនុវត្តការងារ ក្នុងការឆ្លើយតបទៅប្រជាពលរដ្ឋ ក៏ដូចជាជនបរទេស ទាំងក្នុងក្រៅប្រទេស ដែលបានទំនាក់ទំនងមក។

ជាមួយគ្នានេះដែរ ឯកឧត្តម អគ្គនាយករង ក៏បានណែនាំឱ្យក្រុមការងារបន្តសហការគ្នា បង្កើនការលើកទូរសព្ទឱ្យបានទាន់វេលា ហើយក៏ជាការចែករំលែកបទពិសោធន៍ការងារឱ្យកាន់តែមានប្រសិទ្ធភាពបន្ថែមទៀត៕

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

06/08/2026

ថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹង ថ្ងៃទី៦ ខែសីហា ឆ្នាំ២០២៦ លោក ឧត្តមសេនីយ៍ទោ ជា ផល្លា អនុប្រធាននាយកដ្ឋានជនបរទេសមិនមែនអន្តោប្រវេសន៍ និងជាប្រធានក្រុមសិក្ខាកាម បានដឹកនាំសិក្ខាកាមចំនួន៥រូប ចូលរួមសិក្ខាសាលាស្តីពី ការគ្រប់គ្រងអន្តោប្រវេសន៍ និងព្រំដែន សម្រាប់បណ្តាប្រទេសអាស៊ីអាគ្នេយ៍ នៅទីក្រុងគុនមីញ ខេត្តយូណាន ប្រទេសចិន។

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

06/08/2026

កិច្ចប្រជុំពង្រឹងការងារអធិការកិច្ចហត្ថពលករបរទេស ឆ្នាំ២០២៦ ដើម្បីលើកកម្ពស់ការគ្រប់គ្រង និងកិច្ចសហប្រតិបត្តិការ

រាជធានីភ្នំពេញ៖ នាព្រឹកថ្ងៃព្រហស្បតិ៍ ទី០៦ ខែសីហា ឆ្នាំ២០២៦ នេះ នៅសាលប្រជុំរាជធានីភ្នំពេញ ទីស្តីការក្រសួងមហាផ្ទៃ បានរៀបចំកិច្ចប្រជុំស្តីពី «ការងារអធិការកិច្ចហត្ថពលករបរទេសនៅក្នុងព្រះរាជាណាចក្រកម្ពុជា ឆ្នាំ២០២៦» ក្រោមអធិបតីភាព ឯកឧត្ដម ឧត្ដមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ និងលោក ថូ ប៊ុនថន អគ្គនាយកស្ដីទី នៃអគ្គនាយកដ្ឋានការងារ ក្រសួងការងារ និងបណ្តុះបណ្តាលវិជ្ជាជីវៈ ព្រមទាំងមានការចូលរួមពីតំណាងស្ថាប័នពាក់ព័ន្ធ និងសមត្ថកិច្ចជំនាញជាច្រើនរូប។

នៅក្នុងឱកាសបើកកម្មវិធី លោក ទូច ពល្លាណាយ អនុប្រធាននាយកដ្ឋានមុខរបរ និងហត្ថពលកម្ម បានអានលិខិតបង្កើតក្រុមការងារអធិការកិច្ចហត្ថពលករបរទេស ឆ្នាំ២០២៦ ដើម្បីកំណត់ពីសមាសភាព និងភារកិច្ចច្បាស់លាស់ក្នុងការចុះត្រួតពិនិត្យ។ បន្ទាប់មក លោកឧត្តមសេនីយ៍ទោ ហាស់ សុត្ថា ប្រធាននាយកដ្ឋានជនបរទេសអន្តោប្រវេសន្តជាអ្នកវិនិយោគឯកជន បានឡើងរាយការណ៍អំពីលទ្ធផលនៃការអនុវត្តការងារអធិការកិច្ចហត្ថពលករបរទេសកាលពី កន្លងទៅ ដោយបានរំលេចនូវសមិទ្ធផល បញ្ហាប្រឈម និងបទពិសោធន៍សំខាន់ៗដែលត្រូវបន្តកែលម្អ។

នាឱកាសនោះលោក ថូ ប៊ុនថន បានថ្លែងអំណរគុណ និងវាយតម្លៃខ្ពស់ចំពោះកិច្ចសហប្រតិបត្តិការយ៉ាងជិតសិទ្ធរវាងក្រសួងការងារ និងអគ្គនាយកដ្ឋានអន្តោប្រវេសន៍។ លោកបានគូសបញ្ជាក់អំពីការអនុវត្តច្បាប់៖ ការពង្រឹងការអនុវត្តច្បាប់ស្តីពីការងារចំពោះជនបរទេសដែលមកធ្វើការនៅកម្ពុជា ត្រូវធ្វើឡើងដោយភាពត្រឹមត្រូវ តម្លាភាព និងស្មើភាពគ្នា ដើម្បីធានាបាននូវកិច្ចការពារសិទ្ធិ និងអត្ថប្រយោជន៍ស្របច្បាប់ទាំង (និយោជក) និងកម្លាំងពលកម្ម។

ក្នុងពិធីបិទកិច្ចប្រជុំ ឯកឧត្តម សុខ វាសនា បានសម្តែងនូវការកោតសរសើរចំពោះកងកម្លាំង និងមន្ត្រីជំនាញទាំងអស់ដែលបានខិតខំបំពេញភារកិច្ចនាពេលកន្លងមក។ ជាមួយគ្នានេះ ឯកឧត្តមបានផ្តល់នូវអនុសាសន៍ និងទិសដៅការងារសំខាន់ៗដូចខាងក្រោម៖
ពង្រឹងស្មារតីទទួលខុសត្រូវ៖ ក្រុមការងារអធិការកិច្ចរួមត្រូវចុះអនុវត្តការងារដោយស្មារតីទទួលខុសត្រូវខ្ពស់ ប្រកបដោយក្រមសីលធម៌ និងវិជ្ជាជីវៈ ជៀសវាងការបង្កើតបាតុភាពអសកម្មផ្សេងៗដែលប៉ះពាល់ដល់បរិយាកាសវិនិយោគ។

ការគ្រប់គ្រងជនបរទេស៖ ត្រូវក្តាប់ឱ្យបានច្បាស់លាស់នូវទិន្នន័យ និងវត្តមានរបស់ជនបរទេសដែលកំពុងស្នាក់នៅ និងធ្វើការងារក្នុងប្រទេសកម្ពុជា តាមរយៈប្រព័ន្ធគ្រប់គ្រងវត្តមានជនបរទេសនៅកម្ពុជា (FPCS) និងការត្រួតពិនិត្យផ្ទាល់នៅតាមសហគ្រាស គ្រឹះស្ថាន។

កិច្ចសហការអន្តរស្ថាប័ន៖ បង្កើនកិច្ចសហការស្ជិតសិទ្ធរវាងអាជ្ញាធរដែនដី សមត្ថកិច្ចជំនាញ និងក្រសួង-ស្ថាប័នពាក់ព័ន្ធ ដើម្បីទប់ស្កាត់ការលួចធ្វើការងារខុសច្បាប់ ការប្រើប្រាស់ពលករគ្មានប័ណ្ណការងារ និងបទល្មើសឆ្លងដែនផ្សេងៗ។

ការសម្រួលដល់អ្នកវិនិយោគស្របច្បាប់៖ ធានាថាការងារអធិការកិច្ចនេះ មិនមែនជាឧបសគ្គដល់ការធ្វើអាជីវកម្មនោះទេ ប៉ុន្តែជាវិធានការការពារ និងលើកកម្ពស់បរិយាកាសវិនិយោគប្រកបដោយតម្លាភាព និងការប្រកួតប្រជែងស្មើភាព។

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

06/08/2026

ឆមាសទី១ សមត្ថកិច្ចបង្ក្រាបបទល្មើសជួញដូរមនុស្ស និងអាជីវកម្មផ្លូវភេទជាង១១០ករណី និងសង្គ្រោះបាន៥៨១នាក់....

ក្នុងរយៈពេល៦ខែ ដើមឆ្នាំ២០២៦នេះ នាយកដ្ឋានប្រឆាំងការជួញដូរមនុស្ស និងការពារអនីតិជន នៃគណៈកម្មការជាតិប្រយុទ្ធប្រឆាំងអំពើជួញដូរមនុស្ស និងស្នងការដ្ឋាននគរបាលរាជធានី-ខេត្ត នៃអគ្គស្នងការដ្ឋាននគរបាលជាតិក្រសួងមហាផ្ទៃ ព្រមទាំងកងរាជអាវុធហត្ថលើផ្ទៃប្រទេស បានសហការតាមដានស្រាវជ្រាវ បង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ បានចំនួន ១១២ករណី និងសង្គ្រោះជនរងគ្រោះចំនួន៥៨១នាក់ (ស្រី៣៣៣នាក់)។ ចំនួនខាងលើនេះបើធៀបឆមាសទី១ ឆ្នាំ២០២៥ កើនឡើង ១៣ករណី ស្មើ ១៣,១៣ភាគរយ។

យោងតាមរបាយការណ៍ របស់គណៈកម្មការជាតិប្រយុទ្ធប្រឆាំងអំពើជួញដូរមនុស្ស ក្នុងចំណោមបទល្មើសដែលសមត្ថកិច្ចបង្ក្រាបបាននោះ រួមមាន ករណីជួញដូរមនុស្សចំនួន ៤៤ករណី ឃាត់ខ្លួនជនសង្ស័យចំនួន ៥៣នាក់ (ស្រី៣នាក់) សង្គ្រោះជនរងគ្រោះចំនួន ៣២៧នាក់ (ស្រី១១១នាក់) ក្នុងនោះអាយុក្រោម១៥ឆ្នាំ ២៣នាក់ (ស្រី១៥នាក់) អាយុ១៥-១៧ឆ្នាំ ១៩នាក់ (ស្រី៦នាក់) និងអាយុ១៨ឆ្នាំឡើង ២៨៥នាក់ (ស្រី៩០នាក់)។

ចំណែកករណីអំពើធ្វើអាជីវកម្មផ្លូវភេទបង្ក្រាបបានចំនួន ៦៨ករណី ឃាត់ខ្លួនជនសង្ស័យចំនួន ១១៦នាក់ ស្រី៣០នាក់ មានជនជាតិបរទេស ៣៤នាក់ (ចិន២៩នាក់ វៀតណាម៣នាក់ បង់ក្លាដេស១នាក់ ជប៉ុន១នាក់) សង្គ្រោះជនរងគ្រោះចំនួន ២៥៤នាក់ (ស្រី២២២នាក់) មានអាយុ ក្រោម១៥ឆ្នាំ ៥៥នាក់ (ស្រី៥១នាក់) អាយុ១៥-១៧ឆ្នាំ ៧៨នាក់ (ស្រី៧៥នាក់) និងអាយុ១៨ឆ្នាំឡើង ១២១នាក់ ស្រី៩៦នាក់។

បើតាមរបាយការណ៍ដដែល ក្នុងប្រតិបត្តិការបង្ក្រាបនោះ សមត្ថកិច្ចបានឃាត់ខ្លួនជនសង្ស័យកសាងសំណុំរឿងបញ្ជូនទៅសាលាដំបូងរាជធានី-ខេត្ត សរុបចំនួន ១៦៩នាក់ (ស្រី ៣៣នាក់)។ ក្នុងចំណោមជនសង្ស័យទាំងនោះ មានជនបរទេសចំនួន ៣៤នាក់ (ស្រី៣នាក់) រួមមាន ជនជាតិចិន២៩នាក់ វៀតណាម៣នាក់ បង់ក្លាដេស១នាក់ និងជនជាតិជប៉ុន១នាក់។

គួរកត់សម្គាល់ថា ក្នុងរយៈពេល៦ខែកន្លងមកនេះ របាយការណ៍ក៏បានបង្ហាញ អំពីសំណុំរឿងដែលបានចាត់ការរួច ចំពោះបទល្មើសអំពើជួញដូរមនុស្ស ក្នុងនោះរួមមាន បានជំនុំជម្រះ ១៩៦សំណុំរឿង (ថ្មី១២៤) មានមនុស្ស ៣០៦នាក់ (ស្រី២៩នាក់) បានចេញសាលក្រមចំនួន ១៦៥សំណុំរឿង (ថ្មី១០២) មានមនុស្ស ២៦០នាក់ (ស្រី២៧នាក់) បានផ្តន្ទាទោសដាក់ពន្ធនាគារចំនួន ១៤០សំណុំរឿង (ថ្មី៧៩) មានមនុស្ស ២៣២នាក់ (ស្រី២២នាក់) និងព្យួរទោសចំនួន ១១សំណុំរឿង មានមនុស្ស ១៤នាក់ (ស្រី១នាក់)។

ទន្ទឹមនឹងលទ្ធផលបង្ក្រាបបាន គណៈកម្មការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) ក៏បានបង្ហាញឱ្យដឹងដែថា បទល្មើសជួញដូរមនុស្ស លែងជាបទល្មើសប្រពៃណី និងដាច់ដោយឡែកទៀតហើយ ពោលគឺកាន់តែស្មុគស្មាញ និងប្រទាក់ក្រឡាកាន់តែស៊ីជម្រៅ ជាមួយបទល្មើសដទៃ ដែលឧក្រិដ្ឋជន កាន់តែមានជំនាញ និងកលល្បិចខ្ពស់ និងមានបណ្តាញកាន់តែទូលំទូលាយ គួបផ្សំនឹងការប្រើប្រាស់បច្ចេកវិទ្យាដ៏ទំនើបដើម្បីឆបោក អូសទាញ ជនរងគ្រោះបានកាន់តែងាយស្រួល និងពិបាករកភស្តុតាង ដាក់បន្ទុក ឬបង្ក្រាប ។

គ.ជ.ប.ជ ក៏បានសំណូម ទាមទារឱ្យស្រាវជ្រាវរកគំនិតផ្តួចផ្តើម និងវិធីសាស្ត្រដែលមានប្រសិទ្ធភាព បង្ការទប់ស្កាត់ឱ្យបានទាន់ពេលវេលា និងមិនរង់ចាំបទល្មើសកើតហើយទើបបង្ក្រាបនោះទេ និងទាមទារឱ្យមានការបង្កើនសមត្ថភាព និងការគាំទ្រដល់មន្ត្រីដែលសកម្ម និងមានការទទួលខុសត្រូវ ព្រមទាំង ដាក់វិន័យមន្ត្រីដែលនៅតែចូលរួមបំផ្លាញកិច្ចខិតខំប្រឹងប្រែងរបស់សមត្ថកិច្ចគ្រប់ថ្នាក់ អាចបង្កភាពរងគ្រោះដល់ប្រជាជន និងប្រទេសជាតិ។

ក្នុងកិច្ចប្រជុំបូកសរុបលទ្ធផលការងារប្រយុទ្ធប្រឆាំងអំពើជួញដូរមនុស្ស ឆមាសទី១ ឆ្នាំ២០២៦ និងទិសដៅអនុវត្តបន្តរបស់គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស នៅសាលប្រជុំនៃទីស្តីការក្រសួងមហាផ្ទៃ កាលពីព្រឹកថ្ងៃទី៤ ខែសីហា ឆ្នាំ២០២៦ ឯកឧត្តមអភិសន្តិបណ្ឌិត ស សុខា ប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស បានថ្លែងអំណរគុណ និងផ្ដល់គោលការណែនាំដល់សមត្ថកិច្ចចម្រុះបង្កើនកិច្ចសហការស្រាវជ្រាវ និងបង្ក្រាបអំពើជួញដូរមនុស្ស និងអាជីវកម្មផ្លូវភេទឱ្យបានម៉ឺងម៉ាត់ និងរិះរកវិធីសាស្រ្តថ្មីៗដើម្បីជំរុញប្រសិទ្ធភាពលើការងារផ្សព្វផ្សាយអប់រំ៕

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

06/08/2026

អគ្គនាយកដ្ឋានអន្តោប្រវេសន៍ បណ្ដេញជនជាតិថៃ ១៤នាក់ ពាក់ព័ន្ធករណីOnline Scams និងបទល្មើសផ្សេងៗទៀត ចេញពីប្រទេសកម្ពុជា............................

នៅថ្ងៃទី៦ ខែសីហា ឆ្នាំ២០២៦ អនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្ដម សន្តិបណ្ឌិត និងថ្នាក់ដឹកនាំក្រសួងមហាផ្ទៃ, ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ បានណែនាំឱ្យនាយកដ្ឋានស៊ើបអង្កេត និងអនុវត្តនីតិវិធី ធ្វើការបណ្ដេញជនជាតិថៃ សរុបចំនួន ១៤នាក់ (ស្រី០៣នាក់) ចេញពីប្រទេសកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិចាំយាម (ខេត្តកោះកុង)។

ការបណ្តេញចេញនេះ ធ្វើឡើងបន្ទាប់ពីសមត្ថកិច្ចរកឃើញថា ពួកគេពាក់ព័ន្ធនឹងការឆបោកតាមប្រព័ន្ធបច្ចេកវិទ្យា Online Scams លួចរក្សាទុក និងប្រើប្រាស់ដោយនូវសារធាតុញៀនខុសច្បាប់, លួចស្នាក់នៅ និងធ្វើការងារខុសច្បាប់ក្នុងព្រះរាជាណាចក្រកម្ពុជា។

ប្រតិបត្តិការបណ្ដេញចេញជនជាតិបរទេសខុសច្បាប់នេះ គឺជាការអនុវត្តតាមបទបញ្ជា និងវិធានការច្បាប់យ៉ាងម៉ឺងម៉ាត់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលកន្លងមក សម្តេចធិបតី ធ្លាប់បានបញ្ជាក់ជំហរយ៉ាងច្បាស់ៗថា៖ «កម្ពុជាមិនអនុញ្ញាតឱ្យឧក្រិដ្ឋជន ឬជនខុសច្បាប់ប្រើប្រាស់ទឹកដីកម្ពុជា ជាទីតាំងធ្វើសកម្មភាពឆបោក ឬប្រព្រឹត្តបទល្មើសបង្កអសន្តិសុខដល់តំបន់ និងពិភពលោកឡើយ។ អាជ្ញាធរត្រូវតែបន្តបោសសម្អាត បង្ក្រាប និងបណ្ដេញចេញដោយគ្មានការលើកលែង ដើម្បីការពារកិត្តិយស និងសន្តិសុខជាតិ»។

ផ្អែកលើស្មារតីនេះ និងក្រោមការដឹកនាំតម្រង់ទិសដោយផ្ទាល់ពី ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កម្លាំងសមត្ថកិច្ចបាននិងកំពុងខិតខំប្រឹងប្រែងលុបបំបាត់ឧក្រិដ្ឋកម្មតាមប្រព័ន្ធបច្ចេកវិទ្យា ស្រាវជ្រាវបង្ក្រាបដល់មេខ្លោង និងបានជួយសង្គ្រោះជនរងគ្រោះដែលត្រូវគេបោកបញ្ឆោត ឱ្យទទួលបានសេរីភាព និងត្រឡប់ទៅស្រុកកំណើតវិញដោយសុវត្ថិភាព៕

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

06/08/2026

ព្រឹកថ្ងៃទី៦ ខែសីហា ឆ្នាំ២០២៦ ឯកឧត្ដម ឧត្ដមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ អញ្ជើញចូលរួមកិច្ចប្រជុំស្តីពី “វឌ្ឍនភាពការងារ ឆមាសទី១ ឆ្នាំ២០២៦ របស់គណៈកម្មាធិការលើកកម្ពស់អភិបាលកិច្ចក្រសួងមហាផ្ទៃ (គ.ក.អ. ក្រសួងមហាផ្ទៃ)” ក្រោមអធិបតីភាព ដ៏ខ្ពង់ខ្ពស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការលើកកម្ពស់អភិបាលកិច្ច ក្រសួងមហាផ្ទៃ ដែលប្រារព្ឌនៅសាលប្រជុំទីស្តីការក្រសួងមហាផ្ទៃ។

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

06/08/2026

នាព្រឹកថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ ឯកឧត្តម ឧត្តមសេនីយ៍ឯក ណុប វី អគ្គនាយករងអន្តោប្រវេសន៍ បានដឹកនាំកិច្ចប្រជុំពិនិត្យ និងផ្ដល់យោបល់លើការកែសម្រួលបទកំណត់ ស្ដីពី ការគ្រប់គ្រង និងប្រើប្រាស់ប្រព័ន្ធទិន្នន័យមុខសញ្ញាអន្តោប្រវេសន៍ នៅបន្ទប់ប្រជុំតូច(ជាន់ទី៣) អគ្គនាយកដ្ឋានអន្តោប្រវេសន៍។
កិច្ចប្រជុំនេះមានការចូលរួមពី ប្រធាននាយកដ្ឋាន អនុប្រធាននាយកដ្ឋាន និងក្រុមការងារនីតិកម្ម នៃអគ្គនាយកដ្ឋានអន្តោប្រវេសន៍។

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

06/08/2026

អគ្គនាយកដ្ឋានអន្តោប្រវេសន៍ បណ្ដេញជនជាតិចិន ១៦៥នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា Online Scams និងបទល្មើសផ្សេងៗ ចេញពីប្រទេស............................

នៅថ្ងៃទី០២ ខែសីហា ឆ្នាំ២០២៦ នេះ អនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងថ្នាក់ដឹកនាំក្រសួងមហាផ្ទៃ, ឯកឧត្តម ឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ បានណែនាំឱ្យនាយកដ្ឋានស៊ើបអង្កេត និងអនុវត្តនីតិវិធី សហការជាមួយស្ថានទូតចិនប្រចាំព្រះរាជាណាចក្រកម្ពុជា បន្តបណ្ដេញជនជាតិចិនសរុបចំនួន ១៦៥នាក់ (ស្រី ០៩នាក់) ចេញពីកម្ពុជា តាមប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ។

🌐 https://www.tiktok.com/
🌐 https://t.me/GDIOfficial
🌐 https://www.facebook.com/GDIOfficial/
🌐 www.immigration.gov.kh

អគ្គនាយកដ្ឋានអន្តោប្រវេសន៍ - General Department of Immigration - GDI

06/08/2026

06/08/2026

06/08/2026

06/08/2026

06/08/2026

06/08/2026

06/08/2026

06/08/2026

06/08/2026

06/08/2026

Address

Website

Alerts

Contact The Organization

Shortcuts

Share

Listing takedown request