គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស គជបជ

04/08/2026

រាជធានីភ្នំពេញ៖ នៅព្រឹកថ្ងៃចន្ទ ៥រោច ខែទុតិយាសាឍ ឆ្នាំមមី ព.ស. ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ បានអញ្ជើញដឹកនាំកិច្ចប្រជុំជាមួយបណ្តាអង្គការសង្គមស៊ីវិលជាដៃគូ ជាតិ-អន្តរជាតិ ដើម្បីពិភាក្សា លើការងារត្រៀមរៀបចំកម្មវិធី ទិវាជាតិអន្តរសាសនា ប្រឆាំងអំពើជួញដូរមនុស្ស លើកទី១០ ឆ្នាំ២០២៦ ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តំណងដ៏ខ្ពស់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលនឹងប្រព្រឹត្តទៅនៅថ្ងៃទី២០ ខែសីហា ឆ្នាំ២០២៦ ខាងមុខនេះ ។

គោលបំណងនៃកិច្ចប្រជុំ គឺដើម្បីផ្សព្វផ្សាយ និងកៀងគរ ការចូលរួម ជាបច្ចេកទេស ធនធានមនុស្ស និងធនធានសម្ភារ រួមចំណែកជាមួយគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ដើម្បីញ៉ាំងឱ្យកម្មវិធីដំណើរការទៅប្រកបដោយគុណវឌ្ឍិ ។

នៅក្នុងកិច្ចប្រជុំដ៏មានសារសំខាន់នេះក៏មានវត្តមាន លោកជំទាវ ឧត្តមសេនីយ៍ឯក វេជ្ជ. ប៉ុណ្ណ សំខាន់ អគ្គលេខាធិការ គ.ជ.ប.ជ លោកជំទាវ ឧត្តមសេនីយ៍ទោ រ៉ន សិរីលក្ខិណា អគ្គលេខាធិការរង គ.ជ.ប.ជ ឯកឧត្តម ឧត្តមសេនីយ៍ទោ កែវ សុវណ្ណារ៉ា អគ្គលេខាធិការរង គ.ជ.ប.ជ លោកជំទាវ ឧត្តមសេនីយ៍ទោ ស៊ឹម ផាណុំ អគ្គលេខាធិការរង គ.ជ.ប.ជ លោកឧត្តមសេនីយ៍ត្រី មួរ ដាវីត ប្រធានលេខាធិការដ្ឋានរដ្ឋបាលសរុប លោកស្រី វរសេនីយ៍ឯក អ៊ឹង ស៊ូគីម នាយការិយាល័យភស្តុភារនិងហិរញ្ញកិច្ច និងលោកវរសេនីយ៍ទោ រ៉ន សុភ័ក្ត្របញ្ញា នាយការិយាល័យអប់រំ និងផ្សព្វផ្សាយ នៃអគ្គលេខាធិការដ្ឋាន គ.ជ.ប.ជ ចូលរួម ព្រមទាំងមានវត្តមាន លោក លោកស្រី ប្រធាន អនុប្រធាន និងតំណាង អង្គការដៃគូរួមមាន៖
អង្គការ Hagar, ERIKS, អង្គការពុទ្ធិអភិវឌ្ឍន៍សង្គម, CWCC , Samaritan’sPurse, IOM , WorldHopeInternational ,A21 , WHI
ដៃកម្ពុជា , AIM ,Caritas Cambodia ,ចាប់ដៃ ,រតនៈ ,ASEAN-ACT
សរុបចំនួន ២៨រូប (ស្រី ១៣រូប) ៕

04/08/2026

ក្រសួងមហាផ្ទៃ៖ ព្រឹកថ្ងៃអង្គារ ៦រោច ខែទុតិយសាឍ ឆ្នាំមមីរ អដ្ឋស័ក ព.ស២៥៧០ ត្រូវនឹងថ្ងៃទី០៤ ខែសីហា ឆ្នាំ២០២៦ ឯកឧត្តមអភិសន្និបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) បានអញ្ជើញជាអធិបតីភាព ដឹកនាំកិច្ចប្រជុំបូកសរុបលទ្ធផលការងារប្រយុទ្ធប្រឆាំងអំពើជួញដូរមនុស្សឆមាសទី០១ និងលើកទិសដៅឆមាសទី០២ ឆ្នាំ២០២៦ ។

កិច្ចប្រជុំនេះមានការអញ្ជើញចូលរួម ឯកឧត្តម លោកជំទាវ ជាអនុប្រធានគ.ជ.ប.ជទាំង៦ អនុរដ្ឋលេខាធិការ តំណាងពីអន្តរក្រសួង-ស្ថាប័ន ជាសមាជិក គ.ជ.ប.ជ មានទីស្តីការគណៈរដ្ឋមន្រ្តី ក្រសួងការពារជាតិ ក្រសួងសេដ្ឋកិច្ច ហិរញ្ញវត្ថុ ក្រសួងវប្បធម៌វិចិត្រសិល្បៈ ក្រសួងការបរទេស និងសហប្រតិបត្តិការអន្តរជាតិ ក្រសួងអភិវឌ្ឍជនបទ ក្រសួងព័ត៌មាន ក្រសួងមុខងារសាធារណៈ ក្រសួងសុខាភិបាល ក្រសួងឧស្សាហកម្ម វិទ្យាសាស្រ្ត អគ្គស្នងការ នៃអគ្គស្នងការដ្ឋាននគរបាលជាតិ អភិបាលរាជធានី/ខេត្ត ថ្នាក់ដឹកនាំអគ្គលេខាធិការដ្ឋាន គ.ជ.ប.ជ លោកជំទាវ អគ្គលេខាធិការ អគ្គលេខាធិការរង ប្រធានក្រុមជំនួយកិច្ចការ ប្រធានលេខាធិការដ្ឋាន អភិបាលរងខេត្ត ជាប្រធានលេខាធិការដ្ឋាន គ.ខ.ប.ជ និងមន្រ្តីពាក់ព័ន្ធជាច្រើនរូប ។

កិច្ចប្រជុំនេះ ធ្វើឡើងក្នុងគោលបំណងពិនិត្យមើលវឌ្ឍនភាពក្នុងកំឡុងពេល៦ខែ ដើមឆ្នាំ២០២៦ តាមបណ្តាក្រុមការងារទាំង៦ ក៏ដូចជាតាមបណ្តាក្រសួងស្ថាប័ន និងពិភាក្សាអំពីចំនុចប្រឈម ខ្វះខាត ដែលត្រូវកែលម្អ និងធ្វើឲប្រសើរឡើងដោយត្រូវមានការទទួលខុសត្រូវរួមគ្នា បញ្ហានៃអំពើជួញដូរមនុស្ស នៅគ្រប់ប្រទេសលើពិភពលោក ដែលមិនអាចក្រសួងស្ថាប័នតែមួយ ឬប្រទេសតែមួយណាអាចធ្វើបានទេ វាមានភាពប្រទាក់ក្រឡា និងប្រទាញប្រទង់គ្នា និងមានចរិតជាឧក្រឹដ្ឋកម្មឆ្លងដែន ដែលមានការចាត់តាំងជាបណ្តាញដ៏ស្មុគស្មាញ ៕

30/07/2026

គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស អបអរសាទរទិវាអន្តរជាតិប្រយុទ្ធប្រឆាំងអំពើជួញដូរមនុស្ស ៣០ កក្កដា ឆ្នាំ២០២៦ «រាជរដ្ឋាភិបាលកម្ពុជាបន្តប្តេជ្ញាចិត្តលុបបំបាត់ការឆបោកតាមប្រព័ន្ធបច្ចេកវិទ្យា និងអំពើជួញដូរមនុស្សគ្រប់ទម្រង់ក្នុងទឹកដីកម្ពុជា» ។

29/07/2026

27/07/2026

ទីស្តីការក្រសួងមហាផ្ទៃ៖ ថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ លោកជំទាវឧត្តមសេនីយ៍ឯក វេជ្ជបណ្ឌិត ប៉ុណ្ណសំខាន់ អគ្គលេខាធិការ នៃអគ្គលេខាធិការដ្ឋាន គ.ជ.ប.ជ បានអញ្ជើញចូលជាសហប្រធាន ដឹកនាំកិច្ចប្រជុំ បើកសវនកម្មផ្ទៃក្នុង នៃអគ្គលេខាធិការដ្ឋាន គ.ជ.ប.ជ ប្រឆាំងអំពើជួញដូរមនុស្ស សម្រាប់ការិបរិច្ចេទ ឆ្នាំ២០២៥ និងបណ្តាឆ្នាំពាក់ព័ន្ធ ដោយមានវត្តមាន ឯកឧត្តម ឧត្តមសេនីយ៍ឯក ងួន ស្រេង អគ្គនាយក នៃអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ ជាប្រធានអង្គប្រជុំ ដែលកិច្ចប្រជុំនេះរៀបចំដោយលេខាធិការដ្ឋានរដ្ឋបាលសរុប នៃអគ្គលេខាធិការដ្ឋាន គ.ជ.ប.ជ នៅសាលប្រជុំឧត្តរមានជ័យ ទីស្តីការក្រសួងមហាផ្ទៃ។

នៅក្នុងកិច្ចប្រជុំដ៏មានសារសំខាន់នេះផងដែរ ក៏មានសមាសភាពថ្នាក់ដឹកនាំ និងមន្ត្រីជំនាញ នៃអគ្គលេខាធិការដ្ឋាន គ.ជ.ប.ជ និងអគ្គនាយកដ្ឋានសវនកម្មផ្ទៃក្នុង សរុបចំនួន ៣៦រូប ស្រី ៩រូប ។

23/07/2026

ក្រុងកំពង់ឆ្នាំង៖ នៅព្រឹកថ្ងៃព្រហស្បតិ៍ ៩កើត ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៣ ខែកក្កដា ឆ្នាំ២០២៦ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ អនុប្រធានអចិន្ត្រៃយ៍ គ.ជ.ប.ជ និងជាប្រធានក្រុមការងារតាមដាន ត្រួតពិនិត្យ និងជំរុញការអនុវត្តគោលនយោបាយ ភូមិ-ឃុំ-សង្កាត់មានសុវត្ថិភាព ក្នុងដែនសមត្ថកិច្ចរបស់ក្រសួងមហាផ្ទៃ ទទួលបន្ទុកខេត្តកំពង់ឆ្នាំង បានអញ្ជើញជាអធិបតីដ៏ខ្ពង់ខ្ពស់ ដឹកនាំកិច្ចប្រជុំបូកសរុបលទ្ធផលការងារ ប្រចាំត្រីមាសទី១ និងលើកទិសដៅការងារបន្ត ឆ្នាំ២០២៦ នៃការអនុវត្តគោលនយោបាយ ភូមិ-ឃុំ-សង្កាត់មានសុវត្ថិភាព របស់រដ្ឋបាលខេត្តកំពង់ឆ្នាំង។

នៅក្នុងកិច្ចប្រជុំនេះផងដែរ ក៏មានវត្តមាន លោកជំទាវ តោ ពិឡា អនុរដ្ឋលេខាធិការក្រសួងពាណិជ្ជកម្ម ឯកឧត្តម ម៉ៅ សំបុណ្យ អនុរដ្ឋលេខាធិការក្រសួងមហាផ្ទៃ លោកជំទាវ ព្រំ ចន្ថា អនុរដ្ឋលេខាធិការក្រសួងមហាផ្ទៃ ឯកឧត្តម ឧត្តមសេនីយ៍ឯក លី តុងហ៊ុយ អគ្គលេខាធិការរង គ.ជ.ប.ជ លោកជំទាវ ឧត្តមសេនីយ៍ទោ រ៉ន សិរីលក្ខិណា អគ្គលេខាធិការរង គ.ជ.ប.ជ លោកជំទាវ ឧត្តមសេនីយ៍ទោ ស៊ឹម ផាណុំ អគ្គលេខាធិការរង និងលោកឧត្តមសេនីយ៍ត្រី វ៉ា ខេមរា អនុប្រធានលេខាធិការដ្ឋាន គ.ភ.ឃ.ស ជាក្រុមការងារថ្នាក់ជាតិ។ ឯកឧត្តម ស៊ីវ រ៉ុន ប្រធានក្រុមប្រឹក្សាខេត្ត ឯកឧត្តម ជា សុខរិទ្ធី អភិបាលរង តំណាងឯកឧត្តមអភិបាលនៃគណៈអភិបាលខេត្តកំពង់ឆ្នាំង លោកឧត្តមសេនីយ៍ត្រី ជុន ថារិទ្ធ ស្នងការរងនគរបាលខេត្តកំពង់ឆ្នាំង និងលោក លោកស្រី តំណាងអយ្យការអមសាលាដំបូង ព្រះរាជអាជ្ញារង កងរាជអាវុធហត្ថ ព្រមទាំងមន្ទីរពាក់ព័ន្ធជុំវិញខេត្តកំពង់ឆ្នាំង។

សមាសភាពដែលមានវត្តមាន ចូលរួមក្នុងអង្គប្រជុំរួមមាន លោក-លោកស្រី នាយក នាយករង រដ្ឋបាលខេត្ត លោក-លោកស្រី អនុប្រធានមន្ទីរជុំវិញខេត្ត លោកនាយករង សាលានគរបាលជាតិភូមិភាគ៥ លោក-លោកស្រី ក្រុមប្រឹក្សា ក្រុងស្រុក លោក-លោកស្រី អភិបាល អភិបាលរង ក្រុង ស្រុក លោក-លោកស្រី អធិការ អធិការរង នៃអធិការដ្ឋាននគរបាល ក្រុង ស្រុក លោកមេបញ្ជាការរងតំបន់សឹករងខេត្ត លោកមេបញ្ជាការរងកងរាជអាវុធហត្ថខេត្ត លោក-លោកស្រី ប្រធាន អនុប្រធានការិយាល័យ ក្រុង ស្រុក លោកមេបញ្ជាការរងតំបន់សឹករង ក្រុង ស្រុក លោកមេបញ្ជាការងរងកងរាជអាវុធហត្ថ ក្រុង ស្រុក លោក-លោកស្រី មេឃុំ ចៅសង្កាត់ ក្រុង ស្រុក ទាំងអស់ក្នុងខេត្តកំពង់ឆ្នាំង សរុបប្រមាណ ៤៧៣រូប (ស្រី ២៨រូប) ។

យោងតាមរបាយការណ៍សង្ខេប របស់ស្នងការដ្ឋាននគរបាលខេត្តកំពង់ឆ្នាំង ករណីបទល្មើសព្រហ្មទណ្ឌថយចុះ បទល្មើសគ្រឿងញៀនមានការកើនឡើង បទល្មើសសេដ្ឋកិច្ចនៅថេរ ករណីគ្រោះថ្នាក់ចរាចរណ៍មានការថយចុះ ករណីអំពើហិង្សាក្នុងគ្រួសារថយចុះ និងករណីក្មេងទំនើងមានការថយចុះ បើធៀបទៅនឹងឆមាសទី១ ឆ្នាំ២០២៥។

បន្ទាប់ពីបានស្តាប់របាយការណ៍ លោកជំទាវប្រធានអង្គប្រជុំ ក៏បានដំណើរការកិច្ចប្រជុំពិភាក្សា ដោយអនុញ្ញាតឱ្យ លោកអភិបាល អភិបាលរង ក្រុង ស្រុក ទាំង៧ ឡើងធ្វើអន្តរាគមន៍បន្ថែមលើរបាយការណ៍ និងលើកនូវបញ្ហាប្រឈមដែល ពុំបានដាក់ក្នុងរបាយការណ៍ ដើម្បីពិភាក្សារកដំណោះស្រាយឱ្យបានទាន់ពេលវេលា។

ជាអនុសាសន៍លោកជំទាវបានត្រូណែនាំ ឱ្យពពង្រឹងឡើងវិញនូវអាជ្ញាធរសមត្ថកិច្ចដែលទទួលបន្ទុក ដើម្បីឱ្យពួកគាត់បានយល់ច្បាស់ពីតួនាទីនិងភារកិច្ច ក្នុងការឆ្លើយតបទៅនឹងការអនុវត្តវត្តគោលនយោបាយ ភូមិ-ឃុំ-សង្កាត់មានសុវត្ថិភាព របស់រាជរដ្ឋាភិបាល។ ត្រូវដោះស្រាយសំណូមពររបស់ប្រជាពលរដ្ឋឱ្យបានទាន់ពេលវេលា និងប្រកបដោយប្រសិទ្ធភាព ដើម្បីពង្រឹង និងបង្កើនទំនុកចិត្តរបស់ប្រជាពលរដ្ឋមកលើ អាជ្ញាធរមានសមត្ថកិច្ច។ បន្ត និងពង្រឹងការចូលរួមក្នុងសកម្មភាពសង្គម ដើម្បីជាគម្រូដល់ប្រជាពលរដ្ឋក្នុងមូលដ្ឋាន ៕
#ក្រសួងមហាផ្ទៃ #រដ្ឋបាលខេត្តកំពង់ឆ្នាំង

17/07/2026

ទីស្តីការក្រសួងមហាផ្ទៃ៖ នៅព្រឹកថ្ងៃសុក្រ ៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកក្កដា ឆ្នាំ២០២៦ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ បានដឹកនាំកិច្ចប្រជុំត្រៀមរៀបចំកម្មវិធី ទិវាជាតិអន្តរសាសនា ប្រឆាំងអំពើជួញដូរមនុស្សលើកទី១០ ឆ្នាំ២០២៦ ដោយមានសមាសភាពអញ្ចើញចូលរួម លោកជំទាវ នួន ប៊ុនណា រដ្ឋលេខាធិការ ក្រសួងធម្មការ និងសាសនា លោកជំទាវឧត្តមសេនីយ៍ឯក វេជ្ជបណ្ឌិត ប៉ុណ្ណ សំខាន់ អគ្គលេខាធិការ នៃអគ្គលេខាធិការដ្ឋាន គ.ជ.ប.ជ ឯកឧត្តម ឧត្តមសេនីយ៍ឯក យ៉ែម ច័ន្ទណារុំ អគ្គលេខាធិការរង ឯកឧត្តម ឧត្តមសេនីយ៍ឯក អ៊ូ ម៉ានីរ៉ា អគ្គលេខាធិការរង លោកជំទាវឧត្តមសេនីយ៍ទោ រ៉ន សិរីលក្ខិណា អគ្គលេខាធិការរង ឯកឧត្តម ឧត្តមសេនីយ៍ទោ កែវ សុវណ្ណារ៉ា អគ្គលេខាធិការរង លោកជំទាវឧត្តមសេនីយ៍ទោ ស៊ឹម ផាណុំ អគ្គលេខាធិការរង ឯកឧត្តម ឧត្តមសេនីយ៍ត្រី អុិន មាន អគ្គលេខាធិការរង ឯកឧត្តម ហាង ជីវ័ន្ត ទីប្រឹក្សា ព្រះសុមេធវង្សបណ្ឌិត សុខ ប៊ុនធឿន ព្រះរាជគណៈថ្នាក់ត្រី និងជាសមាជិកលេខាធិការ នៃគណៈសង្ឃនាយក លោកឪពុក អ៊ុន សុន បូជាចារ្យ តំណាងគ្រីស្ទសាសនា តំណាងក្រសួងការបរទេស តំណាងក្រសួងអប់រំយុវជន និងកីឡា តំណាងក្រសួងព័ត៌ តំណាងស្នងការដ្ឋានរាជធានីភ្នំពេញ តំណាងសាលារាជធានីភ្នំពេញ តំណាងនាយកដ្ឋានអង្គរក្ស សរុប ៣០រូប ស្រី ៨រូប នៅសាលប្រជុំខេត្តកំពត ៕
#អន្តរសាសនា

16/07/2026

ខេត្តត្បូងឃ្មុំ៖ ព្រឹកថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ លោកជំទាវ ឧត្តមសេនីយ៍ឯក វេជ្ជបណ្ឌិត ប៉ុណ្ណ សំខាន់ អគ្គលេខាធិការ គ.ជ.ប.ជ អញ្ជើញជាអធិបតី ក្នុងពិធីបើកកិច្ចប្រជុំស្តីពី វឌ្ឍនភាពនៃការអនុវត្តសកម្មភាព និងការប្រកាសបើកដំណើរការ នៃគម្រោងការពារ និងបង្ការទប់ស្កាត់ នៃអំពើជួញដូរមនុស្ស និងការកេងប្រវ័ញ្ចផ្សេងៗក្នុងសហគមន៍ ដែលមានការអញ្ជើញចូលរួមពី លោកជំទាវ នី ចាន់ធីតា អភិបាលរង នៃគណៈអភិបាលខេត្តត្បូងឃ្មុំ លោក ហោ កុសល្យ នាយកប្រចាំប្រទេស អង្គការសម្ព័ន្ធចាប់ដៃ នាយករងរដ្ឋបាលខេត្តត្បូងឃ្មុំ តំណាងមន្ទីរកិច្ចការនារី មន្ទីរសង្គមកិច្ច តំណាងរដ្ឋបាលស្រុកពញាកក្រែក ស្រុកមេមត់ ប្រធានការិយាល័យសុខមាលភាពសង្គមស្រុកពញាកក្រែក និងសមាជិក សមាជិក គ.ក.ន.ក ជាតំណាងគំរូ ហេរ៉ូ HERO ប្រចាំស្រុកពញាក្រែក និងស្រុកមេមត់ ខេត្តត្បូងឃ្មុំ សរុបប្រមាណ ៦០រូប ស្រី ៣៧រូប នៅសាលប្រជុំ សាលាស្រុកពញាក្រែក ខេត្តត្បូងឃ្មុំ ។

#រដ្ឋបាលខេត្តត្បូងឃ្មុំ

15/07/2026

រាជធានីភ្នំពេញ៖ ព្រឹកថ្ងៃពុធ ទី១៥ ខែកក្កដា ឆ្នាំ២០២៦ លោកជំទាវ ឧត្តមសេនីយ៍ឯក វេជ្ជបណ្ឌិត ប៉ុណ្ណ សំខាន់ អគ្គលេខាធិការ គ.ជ.ប.ជ អមដោយ ឯកឧត្តម ឧត្តមសេនីយ៍ទោ តែ សុថារេត អគ្គលេខាធិការរង និងលោកឧត្តមសេនីយ៍ទោ សេក ស៊ីវ៉េត ប្រធានក្រុមជំនួយកិច្ចការការពារជនរងគ្រោះ អញ្ជើញចូលរួម កិច្ចប្រជុំពិភាក្សាលើសេចក្តីព្រាងយុទ្ធសាស្ត្រជាតិស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ដែលរៀបចំដោយក្រុមហ៊ុនប្រឹក្សាយោបល់ឯកជន ដែលមានការចូលរួមពី ឯកឧត្តម លោកជំទាវ លោក លោកស្រី ដែលជាអនុប្រធាន សមាជិក សមាជិកា នៃក្រុមការងារទទួលបន្ទុករៀបចំយុទ្ធសាស្ត្រជាតិ និងត្រៀម និងទទួលការវាយតម្លៃអញ្ញមញ្ញ ឆ្នាំ២០២៨-២០២៩ ស្តីពីការប្រឆាំង ការសម្អាតប្រាក់ ហិរញ្ញប្បទានភេរវកម្ម និងហិរញ្ញប្បទានដល់ ការរីកសាយ ភាយអាវុធមហាប្រល័យ សមាសភាពចូលរួមពីក្រសួងស្ថាប័នពាក់ព័ន្ធ សរុបប្រមាណ ៦០រូប នៅធនាគារជាតិ នៃកម្ពុជា ។

15/07/2026

ខេត្តព្រៃវែង៖ ថ្ងៃទី១០-១៤ ខែកក្កដា ឆ្នាំ២០២៦ ក្រុមជំនួយកិច្ចការបង្ការទប់ស្កាត់រួមមាន ឯកឧត្តមឧត្តមសេនីយ៍ទោ កែវ សុវណ្ណារ៉ា អគ្គលេខាធិការរង លោកឧត្តមសេនីយ៍ទោ រ៉ន សុភ័ក្រ្តវឌ្ឍនា ប្រធានក្រុមជំនួយកិច្ចការ លោកឧត្តមសេនីយ៍ទោ សាង រំដោះ និងលោកឧត្តមសេនីយ៍ត្រី ហ៊ី រតនៈ បានចុះរៀបចំវេទិកាផ្សព្វផ្សាយ ស្តីពី «ការយល់ដឹងអំពីហានិភ័យ និងការទប់ស្កាត់អំពើជួញដូរមនុស្សក្នុងសហគមន៍» ដល់អាជ្ញាធរមូលដ្ឋាន ប្រជាពលរដ្ឋ និងសិស្សានុសិស្ស នៅស្រុកកញ្រ្ជៀច និងស្រុកស៊ីធរកណ្តាល ខេត្តព្រៃវែង សរុបចំនួន ០៦លើក ឬ ០៦ឃុំ មានអ្នកចូលរួមសរុបចំនួន ៧៧២នាក់ (ស្រី ៣៩៣នាក់) ក្នុងនោះ៖
១-ស្រុកកញ្ជ្រៀច ៣៧៧នាក់ (ស្រី ១៩៤នាក់) (នៅឃុំកញ្រ្ជៀច ឃុំចុងអំពិល និងឃុំក្តឿងរាយ)
២-ស្រុកស៊ីធរកណ្តាល ៣៩៥នាក់ (ស្រី ១៩៩នាក់) (នៅឃុំអំពិលក្រៅ ឃុំឫស្សីសាញ់ និងឃុំព្រៃដើមថ្នឹង) ។