អគ្គនាយកដ្ឋានអត្តសញ្ញាណកម្ម

អគ្គនាយកដ្ឋានអត្តសញ្ញាណកម្ម អគ្គនាយកដ្ឋានអត្តសញ្ញាណកម្ម
(6)

03/08/2026

ទស្សនា ៖ វឌ្ឍនភាពការងារប្រចាំឆមាសទី១ ឆ្នាំ២០២៦ របស់ អគ្គនាយកដ្ឋានអត្តសញ្ញាណកម្ម

សេចក្តីជូនដំណឹង របស់អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ ស្តីពីការដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសី...
01/08/2026

សេចក្តីជូនដំណឹង របស់អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ ស្តីពីការដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅផ្សារទំនើបដាយអឺម៉ិន ផ្លាហ្សា ខេភីអេស (Diamond Plaza KPS) ចាប់ពីថ្ងៃទី១ ខែសីហា ឆ្នាំ២០២៦ នេះតទៅ។

👉ព័ត៌មានអំពីពេលវេលា និងទីតាំងផ្តល់សេវាមានដូចខាងក្រោម ៖

សេចក្តីដូចបានជម្រាបជូនខាងលើ សូមសាធារណជន និងប្រជាពលរដ្ឋដែលមានបំណងមកស្នើសុំសេវានៅទីតាំងខាងលើ មេត្តាជ្រាបជាព័ត៌មាន។

#ប្តេជ្ញាបម្រើប្រជាពលរដ្ឋឱ្យកាន់តែល្អ!
👉ឆាណែលTelegram អគ្គនាយកដ្ឋានអត្តសញ្ញាណកម្ម⏬️
-Join Telegram📱 https://t.me/GDI_service_news
-Website🌐 https://news.gdi.gov.kh
-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ☎️1271 ឬ017 898 915

ពិធីសម្ពោធដាក់ឱ្យដំណើរការជាផ្លូវការសាខាលិខិតឆ្លងដែនប្រចាំខេត្តព្រះសីហនុ នៃអគ្គនាយកដ្ឋានអត្តសញ្ញាណកម្ម។ ខេត្តព្រះសីហនុ៖ ន...
01/08/2026

ពិធីសម្ពោធដាក់ឱ្យដំណើរការជាផ្លូវការសាខាលិខិតឆ្លងដែនប្រចាំខេត្តព្រះសីហនុ នៃអគ្គនាយកដ្ឋានអត្តសញ្ញាណកម្ម។

ខេត្តព្រះសីហនុ៖ នៅព្រឹកថ្ងៃសៅរ៍ ៣រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែសីហា ឆ្នាំ២០២៦ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម និងលោកជំទាវ ថាំ វ៉ាន់នីកា តុប នេត ព្រមទាំងថ្នាក់ដឹកនាំអគ្គនាយកដ្ឋានអត្តសញ្ញាណកម្ម បានអញ្ជើញរៀបចំពិធីសម្ពោធដាក់ឱ្យដំណើរការជាផ្លូវការសាខាលិខិតឆ្លងដែនប្រចាំខេត្តព្រះសីហនុ របស់អគ្គនាយកដ្ឋានអត្តសញ្ញាណកម្ម ដែលមានទីតាំងស្ថិតនៅផ្សារទំនើប ដាយអឺម៉ិន ផ្លាហ្សា ខេភីអេស (Diamond Plaza KPS) ខេត្តព្រះសីហនុ។

ពិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ស សុខា។

ក្នុងឱកាសដ៏មានសារសំខាន់នេះ ក៏មានការអញ្ជើញចូលរួមពីសំណាក់ ឯកឧត្តម ប៉ាវ ហម ផាន រដ្ឋលេខាធិការ ក្រសួងមហាផ្ទៃ ទទួលបន្ទុកការងារអគ្គនាយកដ្ឋានអត្តសញ្ញាណកម្ម ឯកឧត្តម លោកជំទាវ អភិបាល និងអភិបាលរងខេត្ត ឯកឧត្តម លោកជំទាវ អគ្គនាយករង លោក លោកស្រីប្រធាននាយកដ្ឋាន លោក លោកស្រីអនុប្រធាននាយកដ្ឋាន ព្រមទាំងលោក លោកស្រីប្រធាន និងអនុប្រធានសាខាលិខិតឆ្លងដែនតាមបណ្ដាខេត្ត តំណាងអង្គភាពពាក់ព័ន្ធចំណុះរដ្ឋបាលខេត្ត និងអង្គភាពចំណុះអគ្គនាយកដ្ឋានអត្តសញ្ញាណកម្មជាច្រើនរូបទៀត។

ការដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុនេះ ជាការរួមចំណែកដ៏សំខាន់ក្នុងការពង្រីកការផ្តល់សេវាសាធារណៈឱ្យកាន់តែជិតប្រជាពលរដ្ឋ ងាយស្រួល រហ័ស និងមានប្រសិទ្ធភាព ។ ជាពិសេសបានជួយសម្រួលបន្ទុកចំណាយ និងការធ្វេីដំណេីរ របស់ប្រជាពលរដ្ឋក្នុងការប្រេីប្រាស់សេវាលិខិតឆ្លងដែន នៅខេត្តព្រះសីហនុ និងបណ្ដាខេត្តជិតខាង។

ឯកឧត្តម ឧត្តមសេនីយ៍ឯក សុក ធី អញ្ជើញចូលរួមក្នុងកិច្ចប្រជុំប្រចាំវឌ្ឍមាសដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្...
31/07/2026

ឯកឧត្តម ឧត្តមសេនីយ៍ឯក សុក ធី អញ្ជើញចូលរួមក្នុងកិច្ចប្រជុំប្រចាំវឌ្ឍមាសដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams)។

ទីស្ដីការក្រសួងមហាផ្ទៃ៖ នៅរសៀលថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ឯកឧត្តម ឧត្តមសេនីយ៍ឯក សុក ធី អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំប្រចាំវឌ្ឍមាសដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅសាលប្រជុំទីស្តីការក្រសួងមហាផ្ទៃ និងតាមរយៈប្រព័ន្ធកម្មវិធីហ៊្សូម (Zoom)។

ក្នុងកិច្ចប្រជុំនេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ ឯកឧត្តម អគ្គនាយក អគ្គស្នងការរង អគ្គនាយករង លោកប្រធាន អនុប្រធាននាយកដ្ឋាន តំណាងអគ្គនាយកដ្ឋាន និងអង្គភាពពាក់ព័ន្ធចំណុះក្រសួងមហាផ្ទៃផងដែរ។

ក្រុមការងារចល័តរបស់នាយកដ្ឋានអត្តសញ្ញាណបណ្ណសញ្ជាតិខ្មែរ នៃអគ្គនាយកដ្ឋានអត្តសញ្ញាណកម្ម ចុះបំពេញបែបផ្តល់ថ្មី និងបន្តសុពលភាព...
31/07/2026

ក្រុមការងារចល័តរបស់នាយកដ្ឋានអត្តសញ្ញាណបណ្ណសញ្ជាតិខ្មែរ នៃអគ្គនាយកដ្ឋានអត្តសញ្ញាណកម្ម ចុះបំពេញបែបផ្តល់ថ្មី និងបន្តសុពលភាពអត្តសញ្ញាណបណ្ណសញ្ជាតិខ្មែរ ជូនថ្នាក់ដឹកនាំ មន្ត្រី ក្រុមគ្រួសារ និងជនជាប់ឃុំនៅមណ្ឌលអប់រំកែប្រែទី១ នៃអគ្គនាយកដ្ឋានពន្ធនាគារ។

រាជធានីភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ លោកឧត្តមសេនីយ៍ទោ សក់ កែវដ្ឋារ៉ារ័ត្ន ប្រធាននាយកដ្ឋានអត្តសញ្ញាណបណ្ណសញ្ជាតិខ្មែរ បានដឹកនាំក្រុមការងារចល័តនាយកដ្ឋានអត្តសញ្ញាណបណ្ណសញ្ជាតិខ្មែរ ចុះបំពេញបែបបទផ្តល់ថ្មី និងបន្តសុពលភាព ជូនថ្នាក់ដឹកនាំ មន្ត្រី ក្រុមគ្រួសារ និងជនជាប់ឃុំនៅមណ្ឌលអប់រំកែប្រែទី១ នៃអគ្គនាយកដ្ឋានពន្ធនាគារ នៅសាលប្រជុំមណ្ឌលអប់រំកែប្រែទី១។ ជាមួយគ្នានោះដែរ ក្រុមការងារចល័តក៏បានទទួលយកពាក្យស្នើសុំបាត់បង់អត្តសញ្ញាណបណ្ណសញ្ជាតិខ្មែរ និងអត្តសញ្ញាណបណ្ណសញ្ជាតិខ្មែរ ដែល របក ខូច ដើម្បីរៀបចំនីតិវិធីស្នើសុំបោះពុម្ពអត្តសញ្ញាណបណ្ណសញ្ជាតិខ្មែរទុតិយតា។

គួរបញ្ជាក់ដែរថា ការផ្តល់អត្តសញ្ញាណបណ្ណសញ្ជាតិខ្មែរ នៅមណ្ឌលអប់រំកែប្រែទី១ មានរយៈពេល ៤ថ្ងៃ ដោយគិតចាប់ពីថ្ងៃទី២៨ ដល់ថ្ងៃទី៣១ ខែកក្កដា ឆ្នាំ២០២៦ ក្នុងគោលបំណងផ្តល់អត្តសញ្ញាណបណ្ណសញ្ជាតិខ្មែរ ជូនជនជាប់ឃុំ ដើម្បីពង្រីកលទ្ធភាពឱ្យជនជាប់ឃុំមានឯកសារផ្លូវច្បាប់កំណត់អត្តសញ្ញាណច្បាស់លាស់ អាចយកទៅប្រើប្រាស់សម្រួលដល់ការប្រកបមុខរបរ ឬវិជ្ជាជីវៈ នៅពេលបញ្ចប់ការអនុវត្តទោសក្នុងពន្ធនាគារ។

អត្តសញ្ញាណបណ្ណសញ្ជាតិខ្មែរ ត្រូវផ្តល់ជូនបុគ្គលមានសញ្ជាតិខ្មែរគ្រប់រូប ដែលមានអាយុចាប់ពី១៥ឆ្នាំឡើងទៅ (រួមទាំងព្រះសង្ឃ បព្វជិតសាសនា ជនជាប់ឃុំ ឬជនវិបល្លាសស្មារតី។ល។)។

👉ឆាណែលTelegram អគ្គនាយកដ្ឋានអត្តសញ្ញាណកម្ម⏬
-Join Telegram📱 https://t.me/GDI_service_news
-Website🌐 https://news.gdi.gov.kh
-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ☎️1271 ឬ017 898 915

ឯកឧត្តម ឧត្តមសេនីយ៍ឯក បណ្ឌិត តុប នេត អញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារ ត្រៀមរៀបចំពិធីសម្ពោធសាខាលិខិតឆ្លង...
31/07/2026

ឯកឧត្តម ឧត្តមសេនីយ៍ឯក បណ្ឌិត តុប នេត អញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារ ត្រៀមរៀបចំពិធីសម្ពោធសាខាលិខិតឆ្លងដែន ប្រចាំខេត្តព្រះសីហនុ។

ខេត្តព្រះសីហនុ៖ នៅព្រឹកថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារ ទីតាំងប្រារព្ធពិធី និងលំហូរការងារ ត្រៀមរៀបចំពិធីសម្ពោធសាខាលិខិតឆ្លងដែន ប្រចាំខេត្តព្រះសីហនុ។

ការរៀបចំសាខាលិខិតឆ្លងដែន ប្រចាំខេត្តព្រះសីហនុនេះ គឺជាសមិទ្ធផលថ្មីបន្ថែមមួយទៀតរបស់អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ សំដៅបង្កើនការផ្ដល់សេវាលិខិតឆ្លងដែនជូនប្រជាពលរដ្ឋឱ្យកាន់តែជិត និងមានភាពងាយស្រួល ស្របទៅតាមចក្ខុវិស័យដ៏ឈ្លាសវៃរបស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ក្នុងការលើកកម្ពស់គុណភាពនៃការផ្តល់សេវាសាធារណៈ ក្នុងក្របខ័ណ្ឌក្រសួងមហាផ្ទៃ។

ឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម និងថ្នាក់ដឹកនាំ ព្រមទាំងមន្រ្តីនគរបាលជាតិ មន...
31/07/2026

ឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម និងថ្នាក់ដឹកនាំ ព្រមទាំងមន្រ្តីនគរបាលជាតិ មន្រ្តីរាជការស៊ីវិល នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ ផ្ញើសារលិខិតសូមគោរពជូនពរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ ជាទីគោរពដ៏ខ្ពង់ខ្ពស់ ក្នុងឱកាសនៃពិធីចម្រេីនជន្មាយុ ដែលនឹងចូលមកដល់នាពេលខាងមុខនេះ!

វគ្គបណ្តុះបណ្តាលស្តីពីការរៀបចំក្របខ័ណ្ឌត្រួតពិនិត្យ​ និងវាយតម្លៃលេីការងារអត្រានុកូលដ្ឋាន​ និងស្ថិតិអត្រានុកូលដ្ឋាន។រាជធា...
31/07/2026

វគ្គបណ្តុះបណ្តាលស្តីពីការរៀបចំក្របខ័ណ្ឌត្រួតពិនិត្យ​ និងវាយតម្លៃលេីការងារអត្រានុកូលដ្ឋាន​ និងស្ថិតិអត្រានុកូលដ្ឋាន។

រាជធានីភ្នំពេញ៖​ ថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ អគ្គនាយកដ្ឋានអត្តសញ្ញាណកម្ម បានរៀបចំវគ្គបណ្តុះបណ្តាល ស្តីពីការរៀបចំក្របខ័ណ្ឌត្រួតពិនិត្យ​ និងវាយតម្លៃលេីការងារអត្រានុកូលដ្ឋាន​ និងស្ថិតិអត្រានុកូលដ្ឋាន​ ដោយមានការគាំទ្រពីអង្គការ​ Vital Strategies និងបណ្តុះបណ្តាលដោយលោក​ ញឹម​ ដាឡែន​ ទីប្រឹក្សាអង្គការ​ Vital Strategies។

វគ្គបណ្តុះបណ្តាលនេះផ្តោតសំខាន់លេីប្រធានបទសំខាន់ៗមួយចំនួនរួមមាន​៖​
១.​ មូលដ្ឋានគ្រឹះ នៃការត្រួតពិនិត្យនិងវាយតម្លៃ​
២.​ ទ្រឹស្តីនៃការផ្លាស់ប្តូរ​
៣.​ គោលការណ៍ណែនាំស្តីពីការតាមដានការអនុវត្តការងារ​
៤.​ គោលការណ៍នៃការអភិវឌ្ឍន៍សូចនាករដែលល្អ​
៥.​ ការអភិវឌ្ឍន៍ក្របខ័ណ្ឌតាមដាន​ និងវាយតម្លៃ​ និង​
៦.​ ប្រភពទិន្នន័យ​ និងលំហូរទិន្នន័យ។

វគ្គបណ្តុះបណ្តាលនេះ មានការអញ្ជើញចូលរួមពី លោកអនុប្រធាននាយកដ្ឋាន​ លោកប្រធាន/នាយការិយាល័យ​ លោកនាយរង/អនុប្រធានការិយាល័យ​ មន្រ្តី ពីនាយកដ្ឋានអត្រានុកូលដ្ឋាន និងនាយកដ្ឋានគ្រប់គ្រងប្រព័ន្ធព័ត៌មានវិទ្យា និងលោក​ លោកស្រីទីប្រឹក្សារបស់អង្គការ Vital Strategies​ សរុបចំនួន​ ២០រូប។

ឯកឧត្តម ឧត្តមសេនីយ៍ឯក សាយ ម៉េងឈាង អញ្ជើញចូលរួមកិច្ចប្រជុំ ពិនិត្យលើខ្លឹមសារសេចក្តីព្រាងកិច្ចព្រមព្រៀងស្តីពី កិច្ចសហប្រតិ...
30/07/2026

ឯកឧត្តម ឧត្តមសេនីយ៍ឯក សាយ ម៉េងឈាង អញ្ជើញចូលរួមកិច្ចប្រជុំ ពិនិត្យលើខ្លឹមសារសេចក្តីព្រាងកិច្ចព្រមព្រៀងស្តីពី កិច្ចសហប្រតិបត្តិការបង្ការទប់ស្កាត់ និងបង្ក្រាបបទល្មើសនៅកម្ពុជា។

ទីស្ដីការក្រសួងមហាផ្ទៃ៖ នៅរសៀលថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំពិនិត្យខ្លឹមសារសេចក្តីព្រាងកិច្ចព្រមព្រៀងស្តីពី កិច្ចសហប្រតិបត្តិការបង្ការទប់ស្កាត់ និងបង្ក្រាបបទល្មើសនៅកម្ពុជា ក្រោមអធិបតីភាព ឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម អគ្គលេខាធិការ ប្រធានក្រុមប្រឹក្សានីតិកម្ម អគ្គនាយករង លោកប្រធាននាយកដ្ឋាន អនុប្រធាននាយកដ្ឋាន តំណាងអគ្គនាយកដ្ឋាន និងអង្គភាពពាក់ព័ន្ធចំណុះក្រសួងមហាផ្ទៃផងដែរ។

👉ឆាណែលTelegram អគ្គនាយកដ្ឋានអត្តសញ្ញាណកម្ម⏬️
-Join Telegram📱 https://t.me/GDI_service_news
-Website🌐 http://www.gdi.gov.kh/
-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ

Address

ផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ
Phnom Penh

Website

Alerts

Be the first to know and let us send you an email when អគ្គនាយកដ្ឋានអត្តសញ្ញាណកម្ម posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to អគ្គនាយកដ្ឋានអត្តសញ្ញាណកម្ម:

Shortcuts

Share

Category