Institute of Technology of Cambodia - សាលាតិចណូ

25/08/2026

មុខជំនាញថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាលាតិចណូ

21/08/2026

Are you interested in environmental science and engineering or sustainable development?

Join us at CSE2026 & RCEnvE2026! Bringing together national and international researchers, students, institutions, and the private sector to share research, technologies, and practical solutions for sustainable environmental management in Cambodia and the Mekong region.

Date: 22–23 September 2026
Venue: Institute of Technology of Cambodia, Phnom Penh

Register by 1st of September 2026 to attend the conference and become a member of the Cambodian Society for Environmental Science and Engineering (CSE).

Registration link: https://forms.gle/tuyDF6k7FCcpfyRd9
------—
Website of CSE2026 & RCEnvE2026 conference: https://sites.google.com/view/cse-edu/annual-conference/cse-2026

Contact for Sponsorship: +855 11 248 886

Together for Sustainable Environment!

21/08/2026

សេចក្តីជូនដំណឹង
ស្តីពីការពន្យារពេលដាក់សំណើដេញថ្លៃ កញ្ចប់​ទំនិញការផ្គត់ផ្គង់ ការដឹកជញ្ជូន និងការដំឡើងបរិក្ខារសម្រាប់ប្រព័ន្ធបង្កក និងប្រព័ន្ធត្រជាក់ ក្រោម គម្រោងកែលម្អការអប់រំឧត្តមសិក្សាទី២ (HEIP2) នៅវិទ្យាស្ថានបច្ចេកវិទ្យាកម្ពុជា

20/08/2026

ITC និង Toutes à l’École (TAE) ចុះ MoU ពង្រឹងការអប់រំ និងជំរុញការសិក្សាផ្នែក STEM ដល់យុវតី

រាជធានីភ្នំពេញ៖ ថ្ងៃព្រហស្បតិ៍ ៧កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦ វិទ្យាស្ថានបច្ចេកវិទ្យាកម្ពុជា (ITC) និងសាលា Toutes à l’École (TAE) បានចុះហត្ថលេខាលើអនុស្សរណៈនៃការយោគយល់ (MoU) ដើម្បីពង្រីកឱកាសសិក្សា, លើកកម្ពស់គុណភាពអប់រំ, និងជំរុញការចូលរួមរបស់ស្ត្រីក្នុងវិស័យវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) ព្រមទាំងជួយសិស្សជួបការលំបាកឱ្យបានបន្តការសិក្សាថ្នាក់ឧត្តមសិក្សា។

វិទ្យាស្ថានបច្ចេកវិទ្យាកម្ពុជាតំណាងដោយ លោកបណ្ឌិត ប៊ុន ឡុង នាយករងទទួលបន្ទុកសហប្រតិបត្តិការ និងស្រាវជា្រវ និង Toutes à l’École ដោយ ធី សាវរិន នាយកសាលា។

ចំណុចសំខាន់ៗនៃកិច្ចសហប្រតិបត្តិការ៖
· កម្មសិក្សា និងបច្ចេកទេស៖ TAE ផ្តល់ឱកាសចុះកម្មសិក្សា និងអនុញ្ញាតឱ្យប្រើប្រាស់ FABLAB ដល់និស្សិត ITC។ រីឯ ITC ផ្តល់ការគាំទ្របច្ចេកទេសលើផ្នែក Robotic, រូបវិទ្យា, ការបោះពុម្ព 3D និងវិទ្យាសាស្ត្រកុំព្យូទ័រ។
· ការរៀបចំប្រឡង និងអាហារូបករណ៍៖ ITC ផ្តល់វិញ្ញាសាចាស់ៗ និងពិចារណាផ្តល់អាហារូបករណ៍ដល់សិស្ស TAE មកពីគ្រួសារខ្វះខាត។ ចំណែក TAE ជួយតម្រង់ទិស និងត្រៀមសិស្សសម្រាប់ការប្រឡងចូល ITC។
· ការលើកកម្ពស់ភាសាបារាំង៖ សម្របសម្រួលឱកាសសិក្សាភាសាបារាំងកម្រិតខ្ពស់ ដើម្បីពង្រឹងសមត្ថភាពសិស្ស-និស្សិត។
· ការជំរុញស្ត្រីក្នុងវិស័យ STEM៖ ប្រើប្រាស់បណ្តាញអតីតនិស្សិត ITC ដើម្បីចែករំលែកបទពិសោធន៍ និងជំរុញទឹកចិត្តយុវតីឱ្យចាប់យកជំនាញ STEM។

កិច្ចសហប្រតិបត្តិការនេះ ជាស្ពានចងភ្ជាប់ការអប់រំកម្រិតមធ្យមសិក្សាទៅឧត្តមសិក្សាជាពិសេសយុវតី កម្ពុជាឱ្យកាន់តែមានឱកាសនិងសក្តានុពល។
-------
Contact the International Relations Office (IRO) of ITC: [email protected]
More about Institute of Technology of Cambodia (ITC) - សាលាតិចណូ at:
Website: https://itc.edu.kh/
Facebook: https://web.facebook.com/itckh
Telegram channel: https://t.me/itckh

20/08/2026

ពិធីទទួលទានអាហារលាគ្នា និងសម្តែងនូវការថ្លែងអំណរគុណជូនលោក Luc LE CALVEZ តំណាង IRD ប្រចាំនៅកម្ពុជា

(រាជធានីភ្នំពេញ)៖ នាល្ងាចថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦ ឯកឧត្តមសាស្រ្តាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (ITC) បានអញ្ជើញជាអធិបតីក្នុងពិធីទទួលទានអាហារពេលល្ងាច ដើម្បីថ្លែងអំណរគុណយ៉ាងជ្រាលជ្រៅជូនចំពោះ លោក Luc LE CALVEZ តំណាងភ្នាក់ងារបារាំងដើម្បីការស្រាវជ្រាវ និងអភិវឌ្ឍន៍ (IRD) ប្រចាំនៅកម្ពុជា ក្នុងឱកាសដែលលោកបានបិទបញ្ចប់បេសកកម្មការងាររយៈពេល ២ ឆ្នាំ (កញ្ញា ២០២៤ – សីហា ២០២៦) ប្រកបដោយជោគជ័យ។

ក្នុងអាណត្តិ ២ ឆ្នាំនេះ លោក Luc LE CALVEZ បានបន្សល់ទុកនូវសមិទ្ធផលលេចធ្លោមួយចំនួន ដែលបានជំរុញ និងពង្រឹងកិច្ចសហប្រតិបត្តិការផ្នែកស្រាវជ្រាវវិទ្យាសាស្ត្រ និងការអប់រំ រវាងវិទ្យាស្ថានបច្ចេកវិទ្យាកម្ពុជា និង IRD ឱ្យកាន់តែរឹងមាំ និងមានវឌ្ឍនភាព។

សមិទ្ធផលសំខាន់ៗដែលសម្រេចបានរួមមាន (២០២៤-២០២៦)
១. ការពង្រឹងហេដ្ឋារចនាសម្ព័ន្ធស្រាវជ្រាវ និងធនធានមនុស្ស
ការបង្កើតមន្ទីរពិសោធន៍រួម៖ បានបង្កើតមន្ទីរពិសោធន៍រួមគ្នាបន្ថែមទៀតចំនួន២។ ដូច្នេះសរុបទាំងអស់ ៤ ក្នុងនោះមន្ទីរពិសោធន៍អន្តរជាតិរួមគ្នា (LMI) ដែលជាកន្លែងប្រមូលផ្តុំអ្នកស្រាវជ្រាវ IRD ជិត ៧៥% ប្រចាំនៅកម្ពុជា។
ការបណ្តុះបណ្តាល និងបំពាក់បំប៉ន៖ បានដឹកនាំ និងជ្រោមជ្រែងនិស្សិតថ្នាក់បណ្ឌិត (PhD) ជិត ១០ រូប (ក្នុងនោះមានអ្នកស្រាវជ្រាវស្ត្រីចំនួន ៨ រូប) ព្រមទាំងបានបំពាក់បំប៉នសម្ភារបរិក្ខារទំនើបៗសម្រាប់មន្ទីរពិសោធន៍។

២. ការរៀបចំព្រឹត្តិការណ៍ និងសកម្មភាពវិទ្យាសាស្ត្រសំខាន់ៗ
ការលើកកម្ពស់ការស្រាវជ្រាវ៖ រៀបចំទិវា ITC Scientific Days លើកដំបូង (មិថុនា ២០២៥) និង Journées de la Recherche Franco-Cambodgienne (វិច្ឆិកា ២០២៤) ដើម្បីបង្កើនការបង្កើតថ្មីក្នុងវិស័យស្រាវជ្រាវ។
កិច្ចសហប្រតិបត្តិការតំបន់ និងអន្តរជាតិ៖ ធ្វើជាម្ចាស់ផ្ទះរៀបចំកិច្ចប្រជុំថ្នាក់តំបន់អាស៊ីនៃអ្នកគ្រប់គ្រង និងបេឡាធិការ IRD មកពី ៥ ប្រទេស (មករា ២០២៥) និងចូលរួមជាលើកដំបូងក្នុង CONSORTIUM international (មីនា ២០២៥)។
ការបង្ហាញលទ្ធផលស្រាវជ្រាវជាសាធារណៈ៖ ចូលរួមរៀបចំពិព័រណ៍ Expo AFD នៅ IFC (ការបង្ហាញគម្រោង KHEOBS និងជីវចម្រុះរុក្ខជាតិ), ទិវា LMI Day នៅ RUA (មេសា-ឧសភា ២០២៥) និងចូលរួមពិព័រណ៍ EU Study Fair នៅកោះពេជ្រ។

៣. ទិសដៅយុទ្ធសាស្ត្រ និងការទូតវិទ្យាសាស្ត្រ
ការកំណត់អ័ក្សយុទ្ធសាស្ត្រ៖ រៀបចំទិសដៅស្រាវជ្រាវផ្តោតលើវិស័យអាទិភាពធំៗពីរ គឺ សុខភាពតែមួយ (ONE-HEALTH) និង ជំនាញឧត្ដមភាពនៃប្រទេសប្រើប្រាស់ភាសាបារាំង (Filières d'EXCELLENCE en Francophonie)។
ការជួបពិភាក្សាជាន់ខ្ពស់៖ សម្របសម្រួល និងទទួលស្វាគមន៍ឥស្សរជនសំខាន់ៗ រួមមាន លោកស្រី Claudie HAIGNERÉ, លោកស្រី Marie BUSCAIL, រៀបចំកិច្ចប្រជុំ ITC + IRD Scientific Strategy Convergence និងជំនួបពិភាក្សាជាមួយ ឯកឧត្តម Olivier RICHARD។

ក្នុងឱកាសនោះផងដែរ លោក Luc LE CALVEZ បានសម្តែងនូវការអរគុណយ៉ាងជ្រាលជ្រៅចំពោះកិច្ចសហការយ៉ាងកក់ក្តៅ និងជិតស្និទ្ធពីសំណាក់ថ្នាក់ដឹកនាំ ITC ជាមួយក្រុមការងារ IRD និងដៃគូពាក់ព័ន្ធទាំងអស់ ដែលបានរួមចំណែកធ្វើឱ្យបេសកកម្មរយៈពេល ២ ឆ្នាំរបស់លោកទទួលបានជោគជ័យយ៉ាងត្រចះត្រចង់។
-------
Contact the International Relations Office (IRO) of ITC: [email protected]
More about Institute of Technology of Cambodia (ITC) - សាលាតិចណូ at:
Website: https://itc.edu.kh/
Facebook: https://web.facebook.com/itckh
Telegram channel: https://t.me/itckh

20/08/2026

ទស្សនកិច្ចសិក្សានៅការដ្ឋានគម្រោងអភិវឌ្ឍន៍ធនធានទឹកស្ទឹងឃ្លៀច ក្រោមអធិបតីភាព ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម

⸻

នៅថ្ងៃទី១៩ ខែសីហា ឆ្នាំ២០២៦ ក្រុមការងារមហាវិទ្យាល័យវារីសាស្ត្រនៃសាលាតិចណូ រួមមានសាស្ត្រាចារ្យ ៣ រូប និងនិស្សិតជំនាញវិស្វកម្មធនធានទឹក និងសំណង់ស៊ីវិល ចំនួន ២៣ រូប ដឹកនាំដោយលោកបណ្ឌិត ឈួន គង់ បានចុះទស្សនកិច្ចសិក្សាផ្ទាល់នៅការដ្ឋានគម្រោងអភិវឌ្ឍន៍ធនធានទឹកស្ទឹងឃ្លៀច ស្រុកឱរ៉ាល់ ខេត្តកំពង់ស្ពឺ។ ដំណើរទស្សនកិច្ចនេះប្រព្រឹត្តទៅក្រោមអធិបតីភាព ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម។

គម្រោងនេះកំពុងសាងសង់ទំនប់ទឹកប្រវែង ៣៧០ ម៉ែត្រ កាត់ជ្រលងភ្នំ ដែលមានសមត្ថភាពស្តុកទឹកប្រមាណ ១១៥ លានម៉ែត្រគូប។ អ្នកជំនាញ និងវិស្វករភាគច្រើនជាអតីតនិស្សិតសាលាតិចណូ ហើយក៏មានការចូលរួមសិក្សាអំពីគ្រឹះដោយក្រុមការងារសាលាតិចណូផងដែរ។

18/08/2026

ពង្រឹងកិច្ចសហប្រតិបត្តិការរវាង វិទ្យាស្ថានបច្ចេកវិទ្យាកម្ពុជា (ITC) និង IMT Mines Alès

(រាជធានីភ្នំពេញ)៖ ថ្ងៃអង្គារ ៦ កើត ខែភទ្របទ ឆ្នាំខាល អដ្ឋស័ក ព.ស. ២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦ ឯកឧត្តម សាស្ត្រាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (ITC) បានទទួលបដិសណ្ឋារកិច្ចយ៉ាងកក់ក្តៅជូនចំពោះ លោកស្រី TRIA Assia នាយិកានៃគ្រឹះស្ថានឧត្តមសិក្សា IMT Mines Alès។

ក្នុងឱកាសជំនួបសម្តែងការគួរសមនេះ ឯកឧត្តមនាយកវិទ្យាស្ថាន ITC បានថ្លែងអំណរគុណយ៉ាងជ្រាលជ្រៅ និងសម្តែងនូវក្តីរីករាយចំពោះកិច្ចសហប្រតិបត្តិការទ្វេភាគីដ៏ល្អប្រសើររវាងស្ថាប័នទាំងពីរនាពេលកន្លងមក។

ជាការឆ្លើយតប លោកស្រីនាយិកា បានសម្តែងនូវការចូលរួមរំលែកទុក្ខយ៉ាងក្រៀមក្រំបំផុតជូនចំពោះ ឯកឧត្តមនាយក ចំពោះការបាត់បង់ម្តាយបង្កើតដ៏ឧត្តុង្គឧត្តម។

បន្ថែមពីនេះ លោកស្រីក៏បានលើកឡើងអំពីចំណុចសំខាន់ៗនៃកិច្ចសហប្រតិបត្តិការ ដោយផ្តោតជាសំខាន់លើការផ្លាស់ប្តូរនិស្សិត។ ជាក់ស្តែង នៅក្នុងឆ្នាំនេះ និស្សិតចំនួន ៦រូប របស់ IMT Mines Alès កំពុងចុះកម្មសិក្សា (Stage) រយៈពេល ៩សប្តាហ៍ នៅវិទ្យាស្ថាន ITC (មានតែ ១រូប បើធៀបនឹងឆ្នាំមុន)។

ដោយឡែក សម្រាប់និស្សិត ITC វិញ មានចំនួន ២រូប បានចាកចេញទៅសិក្សាថ្នាក់បរិញ្ញាបត្រជាន់ខ្ពស់ (Master) លើជំនាញបញ្ញាសិប្បនិម្មិត (Artificial Intelligence) នៅ IMT Mines Alès នាថ្ងៃនេះផងដែរ។

សម្រាប់ទិសដៅអនាគត ស្ថាប័នទាំងពីរបានព្រមព្រៀងគ្នាក្នុងការអភិវឌ្ឍ និងពង្រីកកិច្ចសហប្រតិបត្តិការលើចំណុចសំខាន់ៗដូចខាងក្រោម៖
១. រៀបចំអោយមាន Double Degree បន្ថែមលើសពីដេប៉ាតឺម៉ង់វិស្វកម្មទូរគមនាគមន៍ និងបណ្តាញ
២. រៀបចំអោយមាន Cotutelle សម្រាប់ការបណ្តុះបណ្តាលថ្នាក់បណ្ឌិត
៣. ការបង្កើតកិច្ចសហប្រតិបត្តិការ ជាមួយមហាវិទ្យាល័យធនធានរ៉ែ និងភូគព្ភសាស្ត្រ នៃវិទ្យាស្ថាន ITC ៤. ការទទួលនិស្សិតផ្លាស់ប្តូរសិក្សា រយៈពេល ១ឆមាស
៥. សមាហរណកម្មនិស្សិតអន្តរជាតិ ជាពិសេសនិស្សិតមកពី IMT Mines Alès ចូលក្នុងកម្មវិធីសិក្សាអន្តរជាតិនៃវិទ្យាស្ថាន ITC
៦. ការរៀបចំសរសេរគម្រោង Erasmus​ រួមគ្នា ដើម្បីផលប្រយោជន៍រួមនៃស្ថាប័នទាំងពីរ។

បន្ទាប់ពីជំនួបពិភាក្សា គណៈប្រតិភូក៏បានអញ្ជើញទៅទស្សនាមន្ទីរពិសោធន៍ (Laboratory) សំខាន់ៗចំនួនពីររបស់វិទ្យាស្ថាន ITC រួមមាន៖ Digital Fabrication Laboratory (FabLab) និង​ DC Lab។
-------
Contact the International Relations Office (IRO) of ITC: [email protected]
More about Institute of Technology of Cambodia (ITC) - សាលាតិចណូ at:
Website: https://itc.edu.kh/
Facebook: https://web.facebook.com/itckh
Telegram channel: https://t.me/itckh

17/08/2026

🎓 Congratulations, Mr. Srong Ougy!
ECAM Phnom Penh is proud to celebrate your achievement in receiving the China Scholarship Council (CSC) Scholarship to pursue a Master’s Degree in Mechanical Engineering, specializing in Robotics and Automation, at Beihang University, China.
Wishing you great success in this exciting new chapter! 🚀🇨🇳

17/08/2026

17/08/2026

វិទ្យាស្ថានបច្ចេកវិទ្យាកម្ពុជា និងគិរីរម្យ ហ៊្វូដ ប្រដាក់សិន ចុះហត្ថលេខាលើអនុស្សរណៈនៃការយោគយល់គ្នា ដើម្បីពង្រឹងកិច្ចសហការរវាងវិស័យអប់រំ និងឧស្សាហកម្ម ក្នុងវិស័យកែច្នៃកសិផល ការស្រាវជ្រាវ និងអភិវឌ្ឍន៍ និងកម្មសិក្សានិស្សិត

រាជធានីភ្នំពេញ ថ្ងៃទី១៧ ខែសីហា ឆ្នាំ២០២៦ — វិទ្យាស្ថានបច្ចេកវិទ្យាកម្ពុជា (ITC) និងក្រុមហ៊ុន គិរីរម្យ ហ៊្វូដ ប្រដាក់សិន (KFP) បានចុះហត្ថលេខាលើអនុស្សរណៈនៃការយោគយល់គ្នា (MoU) ក្នុងគោលបំណងពង្រឹងកិច្ចសហការលើវិស័យ កែច្នៃកសិផល ការស្រាវជ្រាវ និងអភិវឌ្ឍន៍ (R&D) ការបណ្តុះបណ្តាលវិជ្ជាជីវៈ ការផ្លាស់ប្តូរចំណេះដឹង និងកម្មសិក្សាសម្រាប់និស្សិត។

ក្នុងកិច្ចពិភាក្សា លោកបណ្ឌិត ប៊ុន ឡុង បានណែនាំអំពី Return to Industry Theme (RIS) របស់ ITC កម្មវិធីបណ្តុះបណ្តាលវិជ្ជាជីវៈដែលគាំទ្រដោយ មូលនិធិអភិវឌ្ឍជំនាញ (SDF) និងឱកាសសម្រាប់កិច្ចសហការលើការស្រាវជ្រាវ និងអភិវឌ្ឍន៍ (R&D)។

KFP បានបង្ហាញចំណាប់អារម្មណ៍ក្នុងការទទួលនិស្សិត ITC ចូលធ្វើកម្មសិក្សា និងស្នើឱ្យ ITC ជ្រើសរើស និងណែនាំនិស្សិតដែលសមស្រប។ តាម MoU ដែលបានចុះហត្ថលេខា KFP អាចទទួលនិស្សិតចូលកម្មសិក្សាចំនួន ៥ ទៅ ១០ នាក់ក្នុងមួយឆ្នាំ។

ភាគីទាំងពីរក៏បានពិភាក្សាអំពីលទ្ធភាពសហការលើ ផលិតផលពីស្វាយ។ KFP បានបង្ហាញចំណាប់អារម្មណ៍ក្នុងការប្រើប្រាស់ បញ្ញាសិប្បនិម្មិត (AI) ដើម្បីជ្រើសរើសស្វាយស្រស់ ព្រមទាំងស្វែងរកឱកាសស្រាវជ្រាវ និងអភិវឌ្ឍន៍ ដើម្បី កាត់បន្ថយការប្រើប្រាស់ថាមពល និងទឹក ក្នុងដំណើរការផលិតកម្ម។

ភាពជាដៃគូនេះនឹងផ្តល់ជាវេទិកាសម្រាប់ ITC និង KFP ក្នុងការភ្ជាប់ ចំណេះដឹង និងជំនាញផ្នែកអប់រំជាមួយតម្រូវការជាក់ស្តែងក្នុងវិស័យឧស្សាហកម្ម ជំរុញការស្រាវជ្រាវអនុវត្ត និងនវានុវត្តន៍ ព្រមទាំងផ្តល់បទពិសោធន៍ការងារជាក់ស្តែងដល់និស្សិត។ MoU នេះមានសុពលភាពរយៈពេល ៥ ឆ្នាំ។
__
ITC and KFP Sign MoU to Strengthen Industry–Academia Collaboration in Agro-Processing, R&D and Student Internship

Phnom Penh, 17 August 2026 — The Institute of Technology of Cambodia (ITC) and Kirirom Food Production (K.F.P) Co., Ltd. (KFP) signed a Memorandum of Understanding (MoU) to strengthen collaboration in agro-processing, research and development (R&D), professional training, knowledge exchange, and student internships.

During the discussion, Dr. BUN Long introduced ITC’s Return to Industry Theme (RIS), professional training programs supported by the Skills Development Fund (SDF), and opportunities for R&D collaboration.

KFP expressed its interest in hosting ITC students for internships and requested ITC to select and recommend suitable students. The signed MoU provides five​ to ten internship placements annually.

The two parties also discussed potential collaboration on mango-based products. KFP expressed interest in using AI to select fresh mangoes as well as exploring R&D opportunities to reduce energy and water consumption in its production processes.

The partnership provides a platform for ITC and KFP to connect academic expertise with real industrial needs, promote applied research and innovation, and provide students with valuable practical industry experience. The MoU is valid for five years.
——————
More about University-Industry Linkage (UIL – ITC):
🌐 Website: https://uil.itc.edu.kh
📘 Facebook: https://web.facebook.com/UIL.ITC
📱 Telegram: https://t.me/UIL_ITC
📞 Phone: +855 12 670 696
📩 Email: [email protected]