មជ្ឈមណ្ឌលបច្ចេកវិទ្យាសហគមន៍ - Community Tech Center

24/07/2026

ទស្សនាវីដេអូសង្ខេប៖ កម្មវិធីប្រគល់សញ្ញាបត្រជូនអ្នកតំណាង Sisters of Code ប្រចាំខេត្តតាកែវ!

សូមចូលរួមអបអរសាទរប្អូនៗទាំង ២៩រូប មកពីវិទ្យាល័យគោលដៅទាំង ៦ទីតាំងនៅក្នុងតាកែវ រួមមាន (១) វិទ្យាល័យ សុខ អាន ត្រាំខ្នារ (២) វិទ្យាល័យ ប៊ុនរ៉ានី ហ៊ុនសែន បាទី (៣) វិទ្យាល័យ ហ៊ុន សែន ១មិថុនា (៤) វិទ្យាល័យ អង្គរកា (៥) វិទ្យាល័យ ហ៊ុន សែន អង្គរបុរី និង (៦) វិទ្យាល័យ ហេង សំរិន ព្រៃល្វា ដែលបានបញ្ចប់វគ្គបណ្តុះបណ្តាល Sisters of Code Ambassadors រយៈពេល ១៥សប្តាហ៍ ដោយជោគជ័យ។

ការបណ្តុះបណ្តាល Sisters of Code Ambassadors គឺជាកម្មវិធីបណ្តុះបណ្តាលគ្រូបង្វឹកដែលត្រូវបានរចនាឡើង ក្នុងគោលបំណងផ្តល់នូវជំនាញបច្ចេកទេស និងវិជ្ជាជីវៈដែលត្រូវការចាំបាច់ ដើម្បីក្លាយជាអ្នកដឹកនាំសហគមន៍ និងអ្នកអប់រំបច្ចេកវិទ្យា។

ក្រោយពីបញ្ចប់វគ្គបណ្តុះបណ្តាលនេះ សិស្សចំនួន ១៥រូប ត្រូវបានជ្រើសរើសធ្វើជាទូតជួយជំរុញការអប់រំ ណែនាំ និងជួយបង្ហាត់បង្រៀនដល់សមាជិកសហគមន៍ដែលពួកគេរស់នៅ និងដឹកនាំក្លឹបសិក្សាសរសេរកូដចំនួន ៧ ដើម្បីបង្រៀនសិស្សស្រីនៅតាមវិទ្យាល័យរៀងៗខ្លួនមានចំនួនប្រមាណ ១០៨នាក់ បន្ថែមទៀត។

ក្រុមការងារទាំងអស់ពិតជាមានមោទនភាពចំពោះការរីកចម្រើនរបស់សិស្សានុសិស្សទាំងអស់ និងរីករាយប្តេជ្ញា បន្តគាំទ្រពួកគេក្នុងដំណើរអភិវឌ្ឍចំណេះដឹង ជំនាញ និងភាពជាអ្នកដឹកនាំក្នុងវិស័យបច្ចេកវិទ្យា។

ស្វែងយល់បន្ថែមអំពីគម្រោង ម.ប.ស. តាមរយៈ www.ctc.edu.kh

23/07/2026

22/07/2026

18/07/2026

16/07/2026

កិច្ចប្រជុំត្រួតពិនិត្យវឌ្ឍនភាពការងារគម្រោងមជ្ឈមណ្ឌលបច្ចេកវិទ្យាសហគមន៍ ប្រចាំឆមាសទី១ ឆ្នាំ២០២៦
--------
រាជធានីភ្នំពេញ៖ នាថ្ងៃទី១៥ ខែកក្កដា ឆ្នាំ២០២៦ នៅទីស្តីការក្រសួងប្រៃសណីយ៍និងទូរគមនាគមន៍ ឯកឧត្តម ម៉ៅ សិលា អនុរដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានក្រុមការងារមជ្ឈមណ្ឌលបច្ចេកវិទ្យាសហគមន៍ (ម.ប.ស.) បានអញ្ជើញដឹកនាំកិច្ចប្រជុំ ដោយមានការចូលរួមពី ឯកឧត្តមបណ្ឌិត សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា និងក្រុមការងារពាក់ព័ន្ធ ដើម្បីពិនិត្យ និងវាយតម្លៃលើវឌ្ឍនភាពការងារគម្រោងមជ្ឈមណ្ឌលបច្ចេកវិទ្យាសហគមន៍ ប្រចាំឆមាសទី១ ឆ្នាំ២០២៦។

កិច្ចប្រជុំនេះមានគោលបំណងតាមដានវឌ្ឍនភាពនៃការអនុវត្តគម្រោង ពិនិត្យលើលទ្ធផលការងារដែលសម្រេចបាន និងពិភាក្សាលើបញ្ហាប្រឈម ព្រមទាំងកំណត់ទិសដៅអនុវត្តការងារសម្រាប់ឆមាសបន្ត។ កិច្ចពិភាក្សាបានផ្តោតសំខាន់លើការងារប្រតិបត្តិការមជ្ឈមណ្ឌល ការងារបណ្តុះបណ្តាល និងការងារពាក់ព័ន្ធផ្សេងៗ ដើម្បីធានាឱ្យការអនុវត្តគម្រោងប្រព្រឹត្តទៅប្រកបដោយប្រសិទ្ធភាព និងឆ្លើយតបទៅនឹងគោលដៅនៃការលើកកម្ពស់សមត្ថភាពឌីជីថលនៅតាមសហគមន៍។

ជាលទ្ធផល ក្រុមការងាររបស់ក្រសួងប្រៃសណីយ៍និងទូរគមនាគមន៍ និងក្រសួងអប់រំ យុវជន និងកីឡា បានឯកភាពគ្នាលើទិសដៅ និងផែនការសកម្មភាពសម្រាប់បន្តជំរុញការអនុវត្តគម្រោង ព្រមទាំងពង្រឹងកិច្ចសហប្រតិបត្តិការរវាងស្ថាប័នពាក់ព័ន្ធ ដើម្បីសម្រេចបាននូវគោលដៅរួមក្នុងការគាំទ្រដំណើរការអភិវឌ្ឍមូលធនមនុស្សឌីជីថល លើកកម្ពស់អក្ខរកម្មឌីជីថល និងកាត់បន្ថយគម្លាតឌីជីថលក្នុងសហគមន៍។

គួរបញ្ជាក់ថា មជ្ឈមណ្ឌលបច្ចេកវិទ្យាសហគមន៍ត្រូវបានផ្តួចផ្តើមកសាងឡើងដោយក្រសួង ប្រៃសណីយ៍និងទូរគមនាគមន៍ (ក.ប.ទ.) ដោយមានកិច្ចសហការជាមួយក្រសួងអប់រំ យុវជន និងកីឡា (ក.អ.យ.ក.) ដើម្បីផ្តល់ការបណ្តុះបណ្តាលជំនាញឌីជីថល លើកកម្ពស់អក្ខរកម្មឌីជីថល និងកាត់បន្ថយគម្លាតឌីជីថលនៅក្នុងសហគមន៍ ប្រកបដោយបរិយាបន្ន និងនវានុវត្តន៍។ ម.ប.ស. មានមុខងារចម្បងចំនួន ៤ គឺ (១) បន្ទប់កុំព្យូទ័រ (Computer Lab) (២) បន្ទប់បណ្តុះបណ្តាល (Training Room) (៣) ប៉ុស្តិ៍ប្រៃសណីយ៍ (Post Office) និង (៤) សាលសាធារណៈ (Public Hall) ។

14/07/2026

🎥 សកម្មភាពក្នុងការបណ្តុះបណ្តាល CDTV 2026 💙

សូមទស្សនាវីដេអូខ្លីអំពីបរិយាកាសនៃការបណ្តុះបណ្តាលក្នុងកម្មវិធី CDTV 2026 ដែលសិស្សនិស្សិតបានចូលរួមយ៉ាងសកម្មក្នុងការសិក្សា ពិភាក្សា ធ្វើការងារជាក្រុម និងអនុវត្តជាក់ស្តែង។

កម្មវិធីនេះមានគោលបំណងពង្រឹងជំនាញឌីជីថល បង្កើនសមត្ថភាពប្រើប្រាស់បច្ចេកវិទ្យា និងជំរុញការគិតបែបច្នៃប្រឌិត ដើម្បីត្រៀមខ្លួនសម្រាប់ការសិក្សា ការងារ និងការរួមចំណែកក្នុងការអភិវឌ្ឍសហគមន៍ឌីជីថល។

សូមអរគុណដល់សិស្សនិស្សិតទាំងអស់ដែលបានបង្ហាញពីការខិតខំប្រឹងប្រែង ការសហការគ្នា និងទឹកចិត្តក្នុងការរៀនសូត្រ។ សូមបន្តដំណើរនៃការសិក្សា និងអភិវឌ្ឍខ្លួនជាមួយ CDTV 2026! 🚀

“រៀនថ្ងៃនេះ ដើម្បីដឹកនាំការផ្លាស់ប្តូរនៅថ្ងៃស្អែក។”