24/09/2026
ក្នុងអំឡុងជួបវិបត្តិជាច្រើនជាបន្តបន្ទាប់ រដ្ឋាភិបាលកម្ពុជាបានសម្រេចដាក់ឱ្យអនុវត្ត «កម្មវិធីអន្តរាគមន៍គ្រប់ជ្រុងជ្រោយឆ្លើយតបនឹងសភាពការណ៍ពហុវិបត្តិ ក្នុងគោលដៅបង្កើតមុខរបរ និងការងារ ធានាលំនឹងជីវភាពប្រជាជន និងពង្រឹងភាពធន់នៃសេដ្ឋកិច្ច និងសង្គមកម្ពុជា សម្រាប់រយៈពេលខ្លី និងមធ្យមខាងមុខ»។ ក្នុងសេចក្តីប្រកាសព័ត៌មានថ្ងៃទី២៣កញ្ញា រដ្ឋាភិបាលកម្ពុជានឹងអនុវត្តកម្មវិធីឧបត្ថមសាច់ប្រាក់ជូនគ្រួសារក្រីក្រ ងាយរងគ្រោះ និងងាយរងហានិភ័យដែលរងការលំបាកពីសម្ពាធថ្លៃប្រេង និងឧស្ម័នឥន្ធនៈ។ តាមរយៈកម្មវិធីអន្តរាគមន៍នេះ គ្រួសារគោលដៅនីមួយៗ នឹងទទួលបានការឧបត្ថម្ភសាច់ប្រាក់ចំនួន ៤លើក ដោយក្នុង១លើកៗ តាមកម្រិត ដោយបែងចែងតាមតំបន់ក្រៅក្រុង និងក្នុងក្រុងភ្នំពេញ។ នៅក្នុងក្រុងភ្នំពេញ គ្រួសារនឹងទទួលបានប្រាក់ឧបត្ថម្ភ ៦០ ០០០រៀល និងទីប្រជុំជនក្រៅក្រុងទទួលបាន ៤៨ ០០០រៀល និងទីជនបទទទួលបាន៤០ ០០០រៀល។ ចំណែកសមាជិកគ្រួសារក្នុង១នាក់ ទទួលបាន ៥ ០០០រៀលនៅក្នុងក្រុង ទីប្រជុំជនក្រៅក្រុង បាន៥ ០០០រៀល និងទីជនបទទទួលបាន ៥ ០០០រៀល៕
