ក្រសួងពាណិជ្ជកម្ម Ministry of Commerce

ក្រសួងពាណិជ្ជកម្ម Ministry of Commerce Welcome and thank you for visiting our social media platform, the Ministry of Commerce page!

សូមស្វាគមន៍ការមកកាន់ទំព័រផ្លូវការរបស់ក្រសួងពាណិជ្ជកម្ម!
បើបងប្អូនមានសំណួរ ឬបញ្ហាផ្សេងៗពាក់ព័ន្ធនឹងក្រសួងពាណិជ្ជកម្ម សូមហៅចូលមកកាន់លេខទូរស័ព្ទ 1266 ដោយឥតគិតថ្លៃ។ យើងខ្ញុំរង់ចាំទទួលទូរស័ព្ទ និងធ្វើការឆ្លើយតប នៅរៀងរាល់ម៉ោងធ្វើការដោយក្តីរីករាយ។
សូមអរគុណ🙏🙏🙏 We are very pleased to provide you with all the services that can facilitate your business endeavor. At the Ministry, we are your facilitator and y

our resource person to turn your inquiry into a solution for you and your business. We invite you to use all of our services and to explore ways that we can help you grow your trade and investment. If you cannot find what you are looking for on our Official page or new website (moc.gov.kh), we invite you to contact us directly via Facebook Message, or email ([email protected]), so that we can help you. We welcome your valuable suggestions and recommendations to improve our page and website as well as our services to better serve you and Cambodia.

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងកំណត់...
10/08/2026

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងកំណត់ទិសដៅយុទ្ធសាស្ត្រសម្រាប់ឆមាសទី២ ឆ្នាំ២០២៦ របស់អគ្គលេខាធិការដ្ឋាន..
(ភ្នំពេញ)៖ នារសៀលថ្ងៃចន្ទ ទី១០ ខែសីហា ឆ្នាំ២០២៦ នៅទីស្ដីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីដឹកនាំ កិច្ចប្រជុំបូកសរុបលទ្ធផលការងារប្រចាំឆមាសទី១ និងកំណត់ទិសដៅយុទ្ធសាស្ត្រសម្រាប់ការអនុវត្តបន្តក្នុងឆមាសទី២ ឆ្នាំ២០២៦ របស់អគ្គលេខាធិការដ្ឋាន ដោយមានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ និងឯកឧត្តមអនុរដ្ឋលេខាធិការ ទទួលបន្ទុក ឯកឧត្តមអគ្គលេខាធិការ អគ្គនាយករង ប្រធាននាយកដ្ឋាន អនុប្រធាននាយកដ្ឋាន ប្រធានការិយាល័យ នៃអគ្គលេខាធិការដ្ឋាន។

កិច្ចប្រជុំនេះ រៀបចំឡើងក្នុងគោលបំណង ដើម្បីត្រួតពិនិត្យ និងវាយតម្លៃលទ្ធផលការងារប្រចាំឆមាសទី១ ឆ្នាំ២០២៦ របស់បណ្ដានាយកដ្ឋានចំណុះអគ្គលេខាធិការដ្ឋាន នៃក្រសួងពាណិជ្ជកម្ម ដើម្បីធានាបាននូវប្រសិទ្ធភាព និងស័ក្តិសិទ្ធភាពលើការគ្រប់គ្រង គាំទ្រ និងសម្រួលការងាររដ្ឋបាលទូទៅ ការគ្រប់គ្រងនិងអភិវឌ្ឍធនធានមនុស្ស ការរៀបចំ គ្រប់គ្រង និងប្រើប្រាស់ថវិកានិងទ្រព្យសម្បត្តិរដ្ឋ ព្រមទាំងការគ្រប់គ្រងនិងរក្សាទុកឯកសារ និងទិន្នន័យស្ថិតិទាំងឡាយរបស់ក្រសួង ស្ថាប័ន។

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងកំណត់...
10/08/2026

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងកំណត់ទិសដៅយុទ្ធសាស្ត្រសម្រាប់ឆមាសទី២ ឆ្នាំ២០២៦ របស់អគ្គនាយកដ្ឋានសេវាពាណិជ្ជកម្ម..
(ភ្នំពេញ)៖ នាព្រឹកថ្ងៃចន្ទ ទី១០ ខែសីហា ឆ្នាំ២០២៦ នៅទីស្ដីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងកំណត់ទិសដៅយុទ្ធសាស្ត្រសម្រាប់ការអនុវត្តបន្តក្នុងឆមាសទី២ ឆ្នាំ២០២៦ របស់អគ្គនាយកដ្ឋានសេវាពាណិជ្ជកម្ម ដោយមានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ទទួលបន្ទុក ឯកឧត្តមអគ្គនាយក លោក លោកស្រី អគ្គនាយករង ប្រធាននាយកដ្ឋាន អនុប្រធាននាយកដ្ឋាន និងប្រធានការិយាល័យ។

កិច្ចប្រជុំនេះ រៀបចំឡើងដោយផ្ទាល់ និងតាមប្រព័ន្ធអនឡាញ ដើម្បីត្រួតពិនិត្យ និងវាយតម្លៃលទ្ធផលការងារប្រចាំឆមាសទី១ របស់បណ្ដានាយកដ្ឋានចំណុះអគ្គនាយកដ្ឋានសេវាពាណិជ្ជកម្ម ក្នុងគោលបំណងពង្រឹងប្រសិទ្ធភាពនៃការផ្តល់សេវាសាធារណៈ ពន្លឿនការអនុវត្តការងារ និងដោះស្រាយបញ្ហាប្រឈមឱ្យបានទាន់ពេលវេលា។

(ម៉ានីល, ហ្វីលីពីន)៖ នាថ្ងៃទី៥-៦ ខែសីហា ឆ្នាំ២០២៦ លោក កាន់ វិសិដ្ឋ អនុព័ន្ធទទួលបន្ទុកការងារសេដ្ឋកិច្ច អមស្ថានបេសកកម្មអចិ...
09/08/2026

(ម៉ានីល, ហ្វីលីពីន)៖ នាថ្ងៃទី៥-៦ ខែសីហា ឆ្នាំ២០២៦ លោក កាន់ វិសិដ្ឋ អនុព័ន្ធទទួលបន្ទុកការងារសេដ្ឋកិច្ច អមស្ថានបេសកកម្មអចិន្ត្រៃយ៍កម្ពុជាប្រចាំអាស៊ាន បានអញ្ជើញចូលរួមកិច្ចប្រជុំលើកទី៨ ឆ្នាំ២០២៦ នៃមន្ត្រីសេដ្ឋកិច្ចនៃស្ថានបេសកកម្មអចិន្ត្រៃយ៍នៃរដ្ឋសមាជិកអាស៊ានប្រចាំអាស៊ាន (EO 8/26)។

កិច្ចប្រជុំនេះ ត្រូវបានរៀបចំឡើងផ្ទាល់ និងតាមអនឡាញ ក្រោមភាពជាប្រធានអាស៊ានប្តូរវេនរបស់ប្រទេសហ្វីលីពីន ព្រមទាំងមានការចូលរួមពីមន្ត្រីនៃលេខាធិការដ្ឋានអាស៊ានផងដែរ។

ក្នុងឱកាសនោះ អង្គប្រជុំបានពិនិត្យ និងពិភាក្សាលើសកម្មភាពការងារមួយចំនួន រួមមាន៖
១. ពិនិត្យ និងតាមដានលទ្ធផលការងារជាបន្តបន្ទាប់ពីកិច្ចប្រជុំមន្ត្រីសេដ្ឋកិច្ចលើកទី៧ ឆ្នាំ២០២៦ កាលពីថ្ងៃទី១៤ ខែកក្កដា ឆ្នាំ២០២៦ នៅលេខាធិការដ្ឋានអាស៊ាន។
២. ផែនការការងារអាទិភាពឆ្នាំ២០២៦ ស្ដីពីការកសាងសហគមន៍សេដ្ឋកិច្ចអាស៊ាន
៣. ពិនិត្យ និងអនុម័តលើរបាយការណ៍របស់ប្រធានកិច្ចប្រជុំតាមវិស័យ ស្ថិតក្រោមយុត្តាធិការទទួលខុសត្រូវរបស់ឧត្តមមន្ត្រីសេដ្ឋកិច្ចអាស៊ាន (SEOM)
៤. ពិនិត្យវឌ្ឍនភាពនៃកិច្ចសហប្រតិបត្តិការសេដ្ឋកិច្ច-ពាណិជ្ជកម្ម ជាមួយដៃគូយុទ្ធសាស្ត្រសំខាន់ៗ រួមមាន៖ អាស៊ាន-សហភាពអឺរ៉ុប (EU) អាស៊ាន-សហរដ្ឋអាម៉េរិក អាស៊ាន-ចក្រភពអង់គ្លេស និងអាស៊ានបូកបី (China-Japan-Korea)
៥. ពិនិត្យ និងពិភាក្សាលើសេចក្តីថ្លែងការណ៍រួម (JMS) សម្រាប់កិច្ចប្រជុំពិគ្រោះយោបល់រដ្ឋមន្រ្តីសេដ្ឋកិច្ចអាស៊ាន និងដៃគូសន្ទនាអាស៊ាន (AEM-DP Consultations)
៦. ពិនិត្យនិងពិភាក្សាលើវឌ្ឍនភាពនៃដំណើរការចូលជាសមាជិក ក្នុងកិច្ចព្រមព្រៀងសេដ្ឋកិច្ចអាស៊ានរបស់ប្រទេសទីម័រខាងកើត (Timor-Leste)
៧. ការត្រៀមរៀបចំកិច្ចប្រជុំឧត្តមមន្រ្តីសេដ្ឋកិច្ចអាស៊ានលើកទី៣ (SEOM 3/57) និងកិច្ចប្រជុំពាក់ព័ន្ធ រួមមាន របាយការណ៍ប្រធានមន្រ្តីសេដ្ឋកិច្ចអាស៊ានជូនកិច្ចប្រជុំ (SEOM 3/57) ក៏ដូចរៀបចំរដ្ឋបាលសម្រាប់កិច្ចប្រជុំ និង
៨. បញ្ហាផ្សេងៗទៀត។

សូមជម្រាបជូនថា កិច្ចប្រជុំលើកទី៥ នេះ បានបិទបញ្ចប់ទៅដោយជោគជ័យ និងបានត្រៀមរៀបចំរបាយការណ៍លទ្ធផលនៃកិច្ចប្រជុំ ដើម្បីដាក់ជូន កិច្ចប្រជុំឧត្តមមន្ត្រីសេដ្ឋកិច្ចអាស៊ាន (SEOM 3/57) ដែលនឹងប្រព្រឹត្តទៅចាប់ពីថ្ងៃទី៧ ដល់ថ្ងៃទី៩ ខែសីហា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន បន្តទៀត៕
---
(Manila, Philippines): On 5-6 August 2026, Mr. Kann Viseth, Economic Attaché of the Permanent Mission of Cambodia to ASEAN, participated in the 8th Meeting of the Economic Officers of the Permanent Missions of ASEAN Member States to ASEAN (EO 8/26).

The meeting was convened in both in-person and virtual formats under the rotating ASEAN Chairmanship of the Philippines, with the participation of senior officials from the ASEAN Secretariat.

During the meeting, participants reviewed and discussed several key agenda items, including:
1. Reviewing and following up on the outcomes of the 8th (EO 8/26) Meeting for 2026;
2. The 2026 Priority Work Plan on ASEAN Economic Community building;
3. Reviewing and endorsing reports from Sectoral Bodies under the purview of the ASEAN Senior Economic Officials Meeting (SEOM);
4. Reviewing the progress of ASEAN’s economic and trade cooperation with key strategic partners, including ASEAN-European Union (EU), ASEAN-United States, ASEAN-United Kingdom, and ASEAN Plus Three (China-Japan-Korea);
5. Reviewing and discussing on the draft Joint Media Statements for the ASEAN Economic Ministers-Dialogue Partners Consultations (AEM-DPs);
6. Reviewing and discussing the progress of Timor-Leste’s accession process to ASEAN economic agreements;
7. Preparations for SEOM 3/57 Meetings and Related Meetings, including a Report of the Chair of the Economic Officials to SEOM 3/57, as well as administrative arrangements for the Meeting; and
8. Other related matters.

The 8th Economic Officials Meeting (EO 8/26) concluded successfully and finalized its outcome report for submission to the ASEAN Senior Economic Officials Meeting (SEOM 3/57) scheduled to take place from 7 to 9, August 2026 in Manila, Philippines.

(ម៉ុងរ៉េអាល់, កាណាដា)៖ នាល្ងាចថ្ងៃពុធ ទី៥ ខែសីហា ឆ្នាំ២០២៦ ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្ម បានអញ្ជើញ...
09/08/2026

(ម៉ុងរ៉េអាល់, កាណាដា)៖ នាល្ងាចថ្ងៃពុធ ទី៥ ខែសីហា ឆ្នាំ២០២៦ ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្ម បានអញ្ជើញចូលរួមក្នុងកម្មវិធី Networking Dinner ដែលរៀបចំឡើងដោយធនាគារជាតិកាណាដា (National Bank of Canada) នៅទីក្រុងម៉ុងរ៉េអាល់ ប្រទេសកាណាដា។

កម្មវិធីនេះ រៀបចំឡើងក្នុងគោលបំណងផ្សព្វផ្សាយជូនតំណាងក្រុមហ៊ុន និងវិនិយោគិនកាណាដា អំពីទំនាក់ទំនងពាណិជ្ជកម្ម និងកាលានុវត្តភាពវិនិយោគរវាងកម្ពុជា និងកាណាដា ព្រមទាំងបង្ហាញពីភាពរួចរាល់របស់កម្ពុជា ក្នុងការធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនី ឆ្នាំ២០២៦ (Francophonie Summit 2026) ដែលនឹងប្រព្រឹត្តទៅនាពេលខាងមុខ។
---
(Montreal, Canada): On the evening of Wednesday, 5 August 2026, His Excellency BUON Sarakmony, Secretary of State at the Ministry of Commerce, attended a networking dinner hosted by the National Bank of Canada in Montreal, Canada.

This event aims to highlight bilateral trade relations and investment opportunities between Cambodia and Canada, as well as Cambodia’s readiness to host the upcoming 2026 Francophonie Summit.

មកទល់ពេលនេះ “យុទ្ធនាការផលិតផលជាតិ ” ក្រោមការសម្របសម្រួលរបស់ក្រសួងពាណិជ្ជកម្ម មានការបន្តចូលរួមពីផ្សារទំនើប ម៉ាត និងមីនីម...
09/08/2026

មកទល់ពេលនេះ “យុទ្ធនាការផលិតផលជាតិ ” ក្រោមការសម្របសម្រួលរបស់ក្រសួងពាណិជ្ជកម្ម មានការបន្តចូលរួមពីផ្សារទំនើប ម៉ាត និងមីនីម៉ាតទូទាំងប្រទេសចំនួនជាង ៧០០ ទីតាំង។

“យុទ្ធនាការផលិតផលជាតិ ” គឺជាយុទ្ធនាការលើកកម្ពស់ផលិតផលក្នុងស្រុក និងការនាំចេញផលិតផលជាតិនៅនឹងកន្លែង ដើម្បីបង្ហាញពី "ការស្រទ្បាញ់ផលិតផលជាតិ ទឹកចិត្តនៃក្តីស្រទ្បាញ់ចំពោះ កសិករខ្មែរនិងផលិតករខ្មែរ និងស្មារតីស្រទ្បាញ់ជាតិមាតុភូមិរបស់យើង!” ដែលរៀបចំឡើងរយៈពេល ១ សប្តាហ៍ ក្នុង ១ ខែ រយៈពេល ១ ឆ្នាំ ពេញ ក្នុងគោលបំណង៖ បង្ហាញនិងផ្សព្វផ្សាយផលិតផលជាតិ ឱ្យមានភាពលេចធ្លោ ក៏ដូចជាឱកាសជំរុញការដាក់លក់ ផលិតផលក្នុងស្រុក នៅតាមបណ្តាផ្សារទំនើប ម៉ាត មីនីម៉ាតទូទាំងប្រទេស។


#យុទ្ធនាការផលិតផលជាតិ

អគ្គនាយកដ្ឋាន ក.ប.ប. បន្តអប់រំ និងផ្សព្វផ្សាយអំពីសុវត្ថិភាពម្ហូបអាហារ ដល់សិស្សានុសិស្ស ដើម្បីលើកកម្ពស់ការយល់ដឹង និងការពា...
09/08/2026

អគ្គនាយកដ្ឋាន ក.ប.ប. បន្តអប់រំ និងផ្សព្វផ្សាយអំពីសុវត្ថិភាពម្ហូបអាហារ ដល់សិស្សានុសិស្ស ដើម្បីលើកកម្ពស់ការយល់ដឹង និងការពារអ្នកប្រើប្រាស់..
អគ្គនាយកដ្ឋាន ក.ប.ប. នៃក្រសួងពាណិជ្ជកម្ម បន្តយកចិត្តទុកដាក់លើការអប់រំ និងផ្សព្វផ្សាយចំណេះដឹងពាក់ព័ន្ធនឹង សុវត្ថិភាពម្ហូបអាហារ កិច្ចការពារអ្នកប្រើប្រាស់ កិច្ចការប្រកួតប្រជែង និងផលប៉ះពាល់នៃការប្រើប្រាស់គ្រឿងញៀន ដល់លោកគ្រូ អ្នកគ្រូ សិស្សានុសិស្ស និងអាជីវករក្នុងសាលារៀន ដើម្បីចូលរួមលើកកម្ពស់សុខុមាលភាព និងសុវត្ថិភាពរបស់សាធារណជន។

ក្នុងសកម្មភាពនេះ មន្ត្រីជំនាញនៃសាខា ក.ប.ប. រាជធានីភ្នំពេញ ខេត្តកំពង់ស្ពឺ ខេត្តកំពង់ចាម និងខេត្តកណ្ដាល បានសហការជាមួយមន្ត្រីមន្ទីរពាណិជ្ជកម្ម និងមន្ត្រីមន្ទីរអប់រំ យុវជន និងកីឡា ចុះអប់រំ និងផ្សព្វផ្សាយនៅតាមសាលារៀនចំនួន ៤ រួមមាន៖ វិទ្យាល័យទួលអំពិល ខណ្ឌដង្កោ អនុវិទ្យាល័យទួលសុភី ស្រុកសំរោងទង សាលាពន្លឺវិជ្ជាអន្តរជាតិ (P*S) ក្រុងកំពង់ចាម អនុវិទ្យាល័យថ្មី ដែលសកម្មភាពនេះ មានការចូលរួមពីលោកគ្រូ អ្នកគ្រូ សិស្សានុសិស្ស និងអាជីវករក្នុងសាលា សរុបចំនួន ៤១០ នាក់។

ក្នុងវគ្គអប់រំ និងផ្សព្វផ្សាយនេះ មន្ត្រីជំនាញបានណែនាំអំពីវិធី ជ្រើសរើស ពិនិត្យ និងវាយតម្លៃផលិតផលម្ហូបអាហារ មុនពេលទិញ និងបរិភោគ ព្រមទាំងលើកកម្ពស់ការយល់ដឹងអំពីអាហារូបត្ថម្ភ និងការជ្រើសរើសអាហារដែលមានគុណភាព និងសុវត្ថិភាពសម្រាប់ការបរិភោគប្រចាំថ្ងៃ។ ជាមួយគ្នានេះ ផ្ទាំងរូបភាពផ្សព្វផ្សាយអំពីសុវត្ថិភាពម្ហូបអាហារ ចំនួន ៣៥៣ សន្លឹក ត្រូវបានចែកជូនដល់សិស្សានុសិស្ស ដើម្បីជួយពង្រឹងចំណេះដឹង និងផ្សព្វផ្សាយបន្តទៅកាន់ក្រុមគ្រួសារ និងសហគមន៍ ផងដែរ។

លើសពីនេះ មន្ត្រីជំនាញបានណែនាំដល់សិស្សានុសិស្សឱ្យយកចិត្តទុកដាក់ និងកាត់បន្ថយការទទួលទានភេសជ្ជៈដែលមានជាតិស្ករខ្ពស់ ឬមានរសជាតិផ្អែមខ្លាំង ព្រមទាំងលើកទឹកចិត្តឱ្យជ្រើសរើសអាហារ និងភេសជ្ជៈដែលមានគុណភាព សុវត្ថិភាព និងសមស្របតាមតម្រូវការអាហារូបត្ថម្ភ។

ទន្ទឹមនឹងនេះ ក៏មានការផ្សព្វផ្សាយអំពីផលប៉ះពាល់ និងគ្រោះថ្នាក់នៃការប្រើប្រាស់គ្រឿងញៀន ដើម្បីបង្កើនការយល់ដឹង និងស្មារតីប្រុងប្រយ័ត្នរបស់យុវជន ព្រមទាំងជំរុញការចូលរួមរបស់សិស្សានុសិស្សក្នុងការទប់ស្កាត់ និងបង្ការការប្រើប្រាស់គ្រឿងញៀននៅក្នុងសហគមន៍ ផងដែរ៕

ក្នុងករណីប្រទះឃើញ ឬសង្ស័យថាមានភាពមិនប្រក្រតីពាក់ព័ន្ធនឹង ផលិតផល ទំនិញ ឬសេវា ប្រជាពលរដ្ឋ និងអ្នកប្រើប្រាស់អាចផ្តល់ព័ត៌មាន ឬរាយការណ៍តាមរយៈ៖
- សេវាសាធារណៈក្រសួងពាណិជ្ជកម្ម៖ ១២៦៦
- CCF Complaint App ដែលអាចទាញយកតាមប្រព័ន្ធ Android និង iOS ដើម្បីដាក់ពាក្យបណ្តឹង និងស្នើសុំកិច្ចអន្តរាគមន៍ពីអគ្គនាយកដ្ឋាន ក.ប.ប. ក្នុងការស្វែងរកដំណោះស្រាយស្របតាមច្បាប់ និងបទប្បញ្ញត្តិជាធរមាន៕

(ភ្នំពេញ)៖ នាព្រឹកថ្ងៃសុក្រ ទី៧ ខែសីហា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម ប៉ែន សុវិជាតិ រដ្ឋលេខាធិការក្រសួងព...
08/08/2026

(ភ្នំពេញ)៖ នាព្រឹកថ្ងៃសុក្រ ទី៧ ខែសីហា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម ប៉ែន សុវិជាតិ រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារពាណិជ្ជកម្ម និងវិនិយោគ (WGTI) សម្រាប់កម្ពុជា បានដឹកនាំតំណាងក្រសួង-ស្ថាប័នពាក់ព័ន្ធ ចូលរួមកិច្ចពិភាក្សាលើសេចក្តីព្រាងយុទ្ធសាស្ត្រសម្រាប់វិស័យពាណិជ្ជកម្ម និងវិនិយោគ ក្រោមក្របខ័ណ្ឌនៃកិច្ចសហប្រតិបត្តិការមហាអនុតំបន់មេគង្គ (GMS)។

កិច្ចពិភាក្សានេះ មានការចូលរួមពីតំណាងបណ្តាប្រទេសសមាជិក GMS ទាំងអស់ ព្រមទាំងអ្នកជំនាញការអន្តរជាតិ នៃធនាគារអភិវឌ្ឍន៍អាស៊ី (ADB) ផងដែរ។

កិច្ចពិភាក្សានេះ ត្រូវបានរៀបចំឡើងក្នុងគោលបំណងប្រមូលមតិយោបល់ពីបណ្តាប្រទេសសមាជិក GMS នីមួយៗ ដើម្បីជាធាតុចូលក្នុងសេចក្តីព្រាងយុទ្ធសាស្ត្រសម្រាប់ក្រុមការងារ WGTI សំដៅលើកកម្ពស់កិច្ចសហប្រតិបត្តិការលើវិស័យពាណិជ្ជកម្ម និងវិនិយោគ តាមរយៈឌីជីថលូបនីយកម្ម, ជំរុញការនាំចេញផលិតផលកសិកម្មដែលមានសក្តានុពល, និងបង្កើនការចូលរួមរបស់វិស័យឯកជន ជាពិសេសសហគ្រាសមីក្រូ ធុនតូច និងមធ្យម (MSMEs) នៃមហាអនុតំបន់មេគង្គ។

ក្នុងឱកាសនោះ ឯកឧត្តមរដ្ឋលេខាធិការ ក៏បានស្នើបន្ថែមដល់ធនាគារ ADB ឱ្យផ្តោតលើឌីជីថលូបនីយកម្មវិស័យពាណិជ្ជកម្ម ក្នុងគោលដៅសម្រួលពាណិជ្ជកម្ម និងជំរុញការវិនិយោគ ព្រមទាំងជំរុញបន្ថែមនូវការចូលរួមពីវិស័យឯកជន ស្របតាមការចែករំលែកចំណេះដឹង និងបទពិសោធន៍ ដើម្បីរៀបចំការបណ្តុះបណ្តាលអភិវឌ្ឍសមត្ថភាពជូនដល់មន្ត្រីរាជការ និងវិស័យឯកជនក្នុងបណ្តាប្រទេស GMS ទាំងអស់ ក្នុងការរួមចំណែកដល់ការអភិវឌ្ឍប្រកបដោយចីរភាព៕
---
(Phnom Penh): On the morning of Friday, 7 August 2026, at the Ministry of Commerce, His Excellency PENN Sovicheat, Secretary of State of the Ministry of Commerce and Chair of the Working Group on Trade and Investment (WGTI) for Cambodia, led a Cambodian delegation comprising representatives from relevant ministries and institutions to participate in the Regional Consultation on the Draft Trade and Investment Strategy under the framework of the Greater Mekong Subregion (GMS) Economic Cooperation Program.

This consultation was attended by representatives from all GMS member countries, as well as international experts from the Asian Development Bank (ADB).

The consultation was organized to gather comments and recommendations from GMS member countries to serve as key inputs for drafting the WGTI strategy. The strategy aims to enhance regional cooperation in trade and investment through digitalization, boost the export potential of agricultural products, and increase private sector engagement, particularly by empowering micro, small, and medium-sized enterprises (MSMEs) across the GMS region.

On that occasion, His Excellency Secretary of State also requested ADB to place greater emphasis on the digitalization of trade to facilitate trade and promote investment. Furthermore, he highlighted the importance of strengthening private sector participation, as well as knowledge and experience sharing, through capacity-building and training programs for government officials and private sector stakeholders across all GMS countries, thereby contributing to sustainable development.

(ម៉ុងរ៉េអាល់, កាណាដា)៖ នាព្រឹកថ្ងៃពុធ ទី៥ ខែសីហា ឆ្នាំ២០២៦ ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្ម បានអញ្ជើញ...
08/08/2026

(ម៉ុងរ៉េអាល់, កាណាដា)៖ នាព្រឹកថ្ងៃពុធ ទី៥ ខែសីហា ឆ្នាំ២០២៦ ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្ម បានអញ្ជើញដឹកនាំគណៈប្រតិភូកម្ពុជា ចូលរួមក្នុងទស្សនកិច្ចសិក្សាស្តីពី «របបប្រតិបត្តិការដែលមានកិច្ចធានា ហិរញ្ញប្បទានពាណិជ្ជកម្ម និងហិរញ្ញប្បទានខ្សែច្រវាក់ផ្គត់ផ្គង់» ដែលរៀបចំឡើងនៅទីស្នាក់ការកណ្តាលរបស់ធនាគារជាតិកាណាដា (National Bank of Canada)។

ទស្សនកិច្ចសិក្សានេះ ត្រូវបានរៀបចំឡើងក្នុងក្របខ័ណ្ឌនៃកិច្ចសហប្រតិបត្តិការរវាងក្រសួងពាណិជ្ជកម្ម និងក្រសួងសេដ្ឋកិច្ច និងហិរញ្ញវត្ថុ ដោយមានការសម្របសម្រួលពីធនាគារ វឌ្ឍនៈអាស៊ី ចំកាត់ (ABA Bank) ក្នុងគោលបំណងសិក្សាស្វែងយល់ស៊ីជម្រៅអំពីក្របខ័ណ្ឌគតិយុត្ត និងឧត្តមានុវត្តរបស់ប្រទេសកាណាដា ពាក់ព័ន្ធនឹងប្រតិបត្តិការដែលមានកិច្ចធានា ហិរញ្ញប្បទានពាណិជ្ជកម្ម និងហិរញ្ញប្បទានខ្សែច្រវាក់ផ្គត់ផ្គង់ ដើម្បីជាមូលដ្ឋានក្នុងការកែលម្អក្របខ័ណ្ឌគតិយុត្ត និងជំរុញការអនុវត្តច្បាប់ស្តីពីប្រតិបត្តិការដែលមានកិច្ចធានា ក្នុងគោលដៅចូលរួមចំណែកក្នុងការជំរុញកំណើនសេដ្ឋកិច្ច និងអភិវឌ្ឍបរិយាកាសធុរកិច្ចនៅកម្ពុជាឱ្យកាន់តែប្រសើរឡើង។

ទស្សនកិច្ចសិក្សានេះ មានការចូលរួមធ្វើបទបង្ហាញ និងចែករំលែកចំណេះដឹង បទពិសោធន៍ជាក់ស្តែង និងឧត្តមានុវត្តពីសំណាក់អ្នកជំនាញ អ្នកគ្រប់គ្រងជាន់ខ្ពស់នៃធនាគារជាតិកាណាដា មន្ត្រីរដ្ឋាភិបាល និងតំណាងវិស័យឯកជន លើប្រធានបទសំខាន់ៗ រួមមាន៖

(១) តួនាទី និងសេវាកម្មហិរញ្ញវត្ថុរបស់ធនាគារជាតិកាណាដា ក្នុងប្រតិបត្តិការដែលមានកិច្ចធានា ហិរញ្ញប្បទានពាណិជ្ជកម្ម និងហិរញ្ញប្បទានខ្សែច្រវាក់ផ្គត់ផ្គង់ក្នុងប្រទេសកាណាដា ដោយលោក Mathieu Cousineau Deguire មកពីធនាគារជាតិកាណាដា (NBC)។

(២) ការស្វែងយល់អំពីប្រព័ន្ធចុះបញ្ជីទ្រព្យធានាជាចលនវត្ថុនៅក្នុងខេត្តកេបិច ដោយលោកស្រី Stéphanie Turcotte និងលោកស្រី Martine Auger មកពីក្រសួងយុត្តិធម៌នៃខេត្តកេបិច (Ministère de la Justice du Québec)។

(៣) ការស្វែងយល់អំពីការគាំទ្រ និងការលើកទឹកចិត្តសម្រាប់ការចាប់ផ្តើមធុរកិច្ច និងការវិនិយោគនៅក្នុងខេត្តកេបិច ដោយលោកស្រី Mélissa Prophète មកពី Investissement Québec។

(៤) ការស្វែងយល់អំពីរបបគតិយុត្ត និងការអនុវត្តជាក់ស្តែងពាក់ព័ន្ធនឹងករណីអសោធនភាព និងក្ស័យធននៅក្នុងប្រទេសកាណាដា ដោយតំណាងមកពីក្រុមហ៊ុនមេធាវី Fasken។

(៥) ការស្វែងយល់អំពីជម្រើសហិរញ្ញប្បទានពាណិជ្ជកម្ម ដោយលោកស្រី Liliane Pin មកពី Export Development Canada (EDC)។
---
(Montreal, Canada): On the morning of Wednesday, 5 August 2026, His Excellency BUON Sarakmony, Secretary of State at the Ministry of Commerce, led a Cambodian delegation in a study visit on the “Secured Transactions Regime, Trade Finance, and Supply Chain Finance,” held at the headquarters of the National Bank of Canada.

The study visit was organized within the framework of cooperation between the Ministry of Commerce and the Ministry of Economy and Finance, with coordination by Advanced Bank of Asia Limited (ABA Bank). The study visit aimed to gain an in-depth understanding of Canada’s legal frameworks and best practices relating to secured transactions, trade finance, and supply chain finance, as a basis for improving the legal framework and strengthening the implementation of the Law on Secured Transactions, with a view to contributing to economic growth and improving the business environment in Cambodia.

The study visit featured presentations and knowledge-sharing sessions, including practical insights and best practices from experts, senior executives of the National Bank of Canada, government officials, and private-sector representatives on key topics, including:

(1) The Role and Financial Services of the National Bank of Canada in Secured Transactions, Trade Finance, and Supply Chain Finance in Canada, presented by Mr. Mathieu Cousineau Deguire of the National Bank of Canada (NBC).

(2) Understanding the Movable Property Security Registry System in Quebec, presented by Ms. Stéphanie Turcotte and Ms. Martine Auger of the Ministry of Justice of Quebec (Ministère de la Justice du Québec).

(3) Understanding Support and Incentives for Business Start-ups and Investment in Quebec, presented by Ms. Mélissa Prophète of Investissement Québec.

(4) Understanding the Legal Regime and Practical Implementation Relating to Insolvency and Bankruptcy Cases in Canada, presented by representatives of Fasken.

(5) Understanding Trade Finance Options, presented by Ms. Liliane Pin of Export Development Canada (EDC).

ផ្សារផលិតផលខ្មែរ ខេត្តកំពង់ធំ «ផលិតផលខ្មែរ ដាំដុះដោយកូនខ្មែរ កែច្នៃដោយកូនខែ្មរ និងផលិតដោយកូនខ្មែរ»..(កំពង់ធំ)៖ ក្រសួងពាណ...
08/08/2026

ផ្សារផលិតផលខ្មែរ ខេត្តកំពង់ធំ «ផលិតផលខ្មែរ ដាំដុះដោយកូនខ្មែរ កែច្នៃដោយកូនខែ្មរ និងផលិតដោយកូនខ្មែរ»..
(កំពង់ធំ)៖ ក្រសួងពាណិជ្ជកម្ម សូមអំពាវនាវ និងលើកទឹកចិត្តដល់បងប្អូនប្រជាពលរដ្ឋទាំងអស់ អញ្ជើញមកទស្សនា និងគាំទ្រទិញយកកសិផល ព្រមទាំងផលិតផលក្នុងស្រុកដែលមានគុណភាព និងសុវត្ថិភាពខ្ពស់ ដែលកំពុងដាក់តាំងបង្ហាញ និងលក់នៅក្នុង «ផ្សារផលិតផលខ្មែរ ខេត្តកំពង់ធំ» ជារៀងរាល់ថ្ងៃសៅរ៍ និងថ្ងៃអាទិត្យ ចាប់ពីម៉ោង ០៦៖០០ នាទីព្រឹក ដល់ម៉ោង ០៦៖០០ នាទីល្ងាច នៅស្តង់ផ្សារកសិផល ស្ថិតនៅមុខសួនកុមារខេត្តកំពង់ធំ (ស្វែងរកទីតាំងតាមផែនទី - Google Maps៖ https://maps.app.goo.gl/yRL49ftQu36MaMWg9?g_st=ipc)។

ផ្សារផលិតផលខ្មែរនេះ មានគោលបំណងបង្កើនឱកាសចូលដំណើរការទីផ្សារ និងពង្រីកបណ្តាញទីផ្សារសម្រាប់ កសិករ ផលិតករ សហគ្រាសធុនតូច និងអាជីវករខ្មែរ ព្រមទាំងជួយតភ្ជាប់ក្រុមផលិតទៅកាន់អ្នកប្រើប្រាស់ដោយផ្ទាល់ ដើម្បីបង្កើនការលក់ បង្កើនប្រាក់ចំណូល និងលើកកម្ពស់ជីវភាពរបស់ប្រជាកសិករ និងផលិតករក្នុងមូលដ្ឋាន។

សូមជម្រាបជូនថា ក្រោមការដឹកនាំ និងការគាំទ្ររបស់ ក្រសួងពាណិជ្ជកម្ម ព្រមទាំងការសម្របសម្រួល និងផ្តល់ទីតាំងពី រដ្ឋបាលខេត្តកំពង់ធំ មន្ទីរពាណិជ្ជកម្មខេត្តកំពង់ធំ ក្រោមក្របខណ្ឌ គម្រោងជំរុញទីផ្សារសម្រាប់កសិកម្មខ្នាតតូច (AIMS) នៃក្រសួងពាណិជ្ជកម្ម បានរៀបចំ និងដាក់ឱ្យដំណើរការ ផ្សារលក់ផលិតផលខ្មែរ ចាប់តាំងពីឆ្នាំ ២០១៩ រហូតមកដល់បច្ចុប្បន្ន។

ការគាំទ្រ និងការប្រើប្រាស់ផលិតផលខ្មែរ គឺជាការចូលរួមរបស់យើងទាំងអស់គ្នា ក្នុងការលើកកម្ពស់ផលិតកម្មក្នុងស្រុក បង្កើនប្រាក់ចំណូលប្រជាពលរដ្ឋ និងរួមចំណែកដល់ការអភិវឌ្ឍសេដ្ឋកិច្ច-សង្គមជាតិ៕

(ភ្នំពេញ)៖ នាព្រឹកថ្ងៃសុក្រ ទី៧ ខែសីហា ឆ្នាំ២០២៦ ឯកឧត្តម វ៉ា រុតសាន រដ្ឋលេខាធិការ ក្រសួងពាណិជ្ជកម្ម បានអញ្ជើញដឹកនាំ «កិច...
08/08/2026

(ភ្នំពេញ)៖ នាព្រឹកថ្ងៃសុក្រ ទី៧ ខែសីហា ឆ្នាំ២០២៦ ឯកឧត្តម វ៉ា រុតសាន រដ្ឋលេខាធិការ ក្រសួងពាណិជ្ជកម្ម បានអញ្ជើញដឹកនាំ «កិច្ចប្រជុំត្រួតពិនិត្យ និងវាយតម្លៃការអនុវត្តសេចក្តីណែនាំស្តីពីការទិញ-លក់ដំឡូងមីស្រស់ និងចំណិតដំឡូងមីក្រៀម» ដែលកិច្ចប្រជុំនេះ មានការអញ្ជើញចូលរួមពីសំណាក់ ឯកឧត្តមរដ្ឋលេខាធិការ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តមរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ តំណាងក្រសួងសេដ្ឋកិច្ច និងហិរញ្ញវត្ថុ តំណាងរាជបណ្ឌិត្យសភាកម្ពុជា លោក លោកស្រី អភិបាលរងនៃគណៈអភិបាលខេត្ត ថ្នាក់ដឹកនាំអគ្គនាយកដ្ឋាន និងនាយកដ្ឋានជំនាញ តំណាងមន្ទីរពាណិជ្ជកម្មរាជធានី-ខេត្ត សាខា ក.ប.ប. រាជធានី-ខេត្ត តំណាងក្រុមហ៊ុននាំចេញដំឡូងមី ដៃគូអភិវឌ្ឍន៍ តំណាងសមាគម អ្នកប្រមូលទិញដំឡូងមី ម្ចាស់លានហាល និងភាគីពាក់ព័ន្ធជាច្រើនរូបទៀត។

​កិច្ចប្រជុំនេះ ត្រូវបានរៀបចំឡើងក្នុងគោលបំណងត្រួតពិនិត្យ និងវាយតម្លៃលទ្ធផលនៃការអនុវត្តសេចក្តីណែនាំស្តីពីការទិញ-លក់ដំឡូងមីស្រស់ និងចំណិតដំឡូងមីក្រៀម ដែលក្រសួងពាណិជ្ជកម្មបានដាក់ចេញកាលពីថ្ងៃទី៩ ខែកុម្ភៈ ឆ្នាំ២០២៦ ព្រមទាំងពិនិត្យបញ្ហាប្រឈមដែលកើតមានក្នុងការអនុវត្តជាក់ស្តែង និងប្រមូលធាតុចូលពីភាគីពាក់ព័ន្ធ សម្រាប់កំណត់វិធានការបន្តឱ្យកាន់តែមានប្រសិទ្ធភាព៕

Address

No. 19-61, Confederation De La Russie Boulevard (110)
Phnom Penh
12200

Opening Hours

Monday 08:30 - 12:00
14:00 - 17:00
Tuesday 08:30 - 12:00
14:00 - 17:00
Wednesday 08:30 - 12:00
14:00 - 17:00
Thursday 08:30 - 12:00
14:00 - 17:00
Friday 08:30 - 12:00
14:00 - 17:00

Telephone

+85516333673

Website

, ,

Alerts

Be the first to know and let us send you an email when ក្រសួងពាណិជ្ជកម្ម Ministry of Commerce posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ក្រសួងពាណិជ្ជកម្ម Ministry of Commerce:

Shortcuts

Share

Category