15/06/2026
🎓 ពង្រឹងសមត្ថភាពបច្ចេកទេស៖ វគ្គបណ្តុះបណ្តាលស្តីពី គ្រឹះមូលដ្ឋាន និងការវិភាគទឹកគ្មានចំណូល (NRW) 💧
🗓️ នាថ្ងៃទី១០ និង១១ ខែមិថុនា ឆ្នាំ២០២៦ រ.ព.ស បានរៀបចំវគ្គបណ្តុះបណ្តាលស្តីពី «គ្រឹះមូលដ្ឋាន និងការវិភាគទឹកគ្មានចំណូល (NRW Fundamentals & NRW Analysis)» ជូនដល់ថ្នាក់ដឹកនាំបច្ចេកទេស និងនិយោជិតជំនាញទាំងអស់របស់ រដ្ឋាករទឹកពោធិ៍សាត់។
វគ្គបណ្តុះបណ្តាលដ៏សំខាន់នេះ ស្ថិតក្រោមក្របខ័ណ្ឌគម្រោងជំនួយបច្ចេកទេសរបស់ ធនាគារពិភពលោក (World Bank, CS-02) ដែលសម្របសម្រួល និងបង្រៀនផ្ទាល់ដោយអ្នកជំនាញការជាន់ខ្ពស់លំដាប់អន្តរជាតិមកពីក្រុមហ៊ុន SUEZ Consulting ប្រទេសបារាំង គឺលោក Jean - Charles Belly (NRW Expert)។
📚 ប្រធានបទគន្លឹះ និងបច្ចេកទេសសំខាន់ៗដែលបានសិក្សារួមមាន៖
1️⃣ Water Balance by IWA: ការរៀបចំតុល្យភាពទឹកស្របតាមស្តង់ដារសមាគមទឹកអន្តរជាតិ (IWA)។
2️⃣ NRW Management & Analysis: បច្ចេកទេសគ្រប់គ្រង និងវិភាគការបាត់បង់ទឹក (ទាំងការបាត់បង់ពាណិជ្ជកម្ម Commercial Loss និងការបាត់បង់បច្ចេកទេស Real Loss)។
3️⃣ Customer & Data Management: យុទ្ធសាស្ត្រគ្រប់គ្រងទិន្នន័យ និងព័ត៌មានអតិថិជនឱ្យមានប្រសិទ្ធភាពខ្ពស់។
4️⃣ Type of Water Meter: ការស្វែងយល់ និងជ្រើសរើសប្រភេទកុងទ័រទឹកបច្ចេកវិទ្យាទំនើបៗ។
ការអភិវឌ្ឍធនធានមនុស្ស និងការធ្វើទំនើបកម្មបច្ចេកទេស គឺជាគោលដៅចម្បងរបស់រដ្ឋាករទឹកពោធិ៍សាត់ ដើម្បីធានាបាននូវនិរន្តរភាពនៃការផ្គត់ផ្គង់ទឹកស្អាត ប្រកបដោយគុណភាព សុវត្ថិភាព និងការកាត់បន្ថយការបាត់បង់ទឹកឱ្យស្ថិតក្នុងកម្រិតទាបបំផុត។
អរគុណដល់ធនាគារពិភពលោក (World Bank) និងក្រុមការងារ SUEZ Consulting សម្រាប់កិច្ចសហការ និងការចែករំលែកចំណេះដឹងដ៏មានតម្លៃនេះ! 🙏✨
#រដ្ឋាករទឹកពោធិ៍សាត់ #បណ្តុះបណ្តាលបច្ចេកទេស #កាត់បន្ថយទឹកបាត់បង់ #ធនាគារពិភពលោក
