រដ្ឋបាលខេត្តសៀមរាប/Siem Reap Provincial Administration

  • Home
  • Cambodia
  • Siem Reap
  • រដ្ឋបាលខេត្តសៀមរាប/Siem Reap Provincial Administration

រដ្ឋបាលខេត្តសៀមរាប/Siem Reap Provincial Administration ព័ត៌មានផ្លូវការពីខេត្តសៀមរាប
(2)

03/08/2026

ផ្សាយផ្ទាល់ ៖ បច្ចុប្បន្នភាពស្តីពី « ការវិវត្តស្ថានភាពព្រំដែនកម្ពុជា-ថៃ និង​ព្រឹត្តិការណ៍ថ្មីៗដែលកើតឡើង » នៅទីស្តីការគណៈរដ្ឋមន្ត្រី ថ្ងៃទី៣ ខែសីហាឆ្នាំ២០២៦

កម្លាំងចម្រុះ ចុះពិនិត្យទីតាំងលបដាក់នេសាទក្នុងភូមិសាស្រ្ដបឹងទន្លេសាបក្រុងសៀមរាប​ ស្រុកប្រាសាទបាគង​ និងស្រុកសូទ្រនិគម នៅថ...
02/08/2026

កម្លាំងចម្រុះ ចុះពិនិត្យទីតាំងលបដាក់នេសាទក្នុងភូមិសាស្រ្ដបឹងទន្លេសាបក្រុងសៀមរាប​ ស្រុកប្រាសាទបាគង​ និងស្រុកសូទ្រនិគម

នៅថ្ងៃទី៣១ ខែកក្កដា ឆ្នាំ២០២៦ លោក អ៉ឹង គឹមលាង អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានដឹកនាំក្រុមការងារកម្លាំងចម្រុះ ចុះពិនិត្យទីតាំងលបនេសាទក្នុងភូមិសាស្ត្របឹងទន្លេសាប ស្ថិតក្នុងសង្កាត់ចុងឃ្នៀស ក្រុងសៀមរាប, ឃុំកំពង់ភ្លុក ស្រុកប្រាសាទបាគង និងឃុំកំពង់ឃ្លាំង ស្រុកសូទ្រនិគម ខេត្តសៀមរាប។

លោក អ៉ឹង គឹមលាង អភិបាលរងខេត្ត បានមានប្រសាសន៍ថា ការចុះត្រួតពិនិត្យការដាក់លបនេសាទនាពេលនេះ គឺដើម្បីធានាថា ការនេសាទត្រូវបានអនុវត្តត្រឹមត្រូវតាមលិខិតបទដ្ឋានគតិយុត្តិ និងច្បាប់ដែលបានកំណត់។ ក្នុងករណីរកឃើញការដាក់លបនេសាទល្មើសច្បាប់ ឬខុសបទដ្ឋានបច្ចេកទេស ក្រុមការងារនឹងចាត់វិធានការរឹបអូសដោយគ្មានការលើកលែងឡើយ ដើម្បីអភិរក្សពូជត្រី នៅក្នុងបឹងទន្លេសាបឱ្យកាន់តែសម្បូរបន្ថែមទៀត។ ក្នុងប្រតិបត្តិការនេះដែរ ក្រុមការងារបានដកហូត និងរឹបអូសលបនេសាទ ដែលបានដាក់ល្មើសច្បាប់ (លើសប្រវែងដែលបានកំណត់) ព្រមទាំងបានប្រលែងកូនត្រីដែលជាប់ក្នុងលប ឱ្យចូលទៅក្នុងបឹងទន្លេសាបវិញ ដើម្បីទុកឱ្យវាធំធាត់ និងបន្តពូជ។ នាឱកាសនោះ លោកអភិបាលរងខេត្ត ក៏បានអំពាវនាវ និងណែនាំដល់ប្រជានេសាទទាំងអស់ ត្រូវគោរពតាមច្បាប់ និងលិខិតបទដ្ឋានជលផលដែលមានចែង ដើម្បីចៀសវាងការមានកំហុស។

សូមជម្រាបថា ក្នុងការចុះពិនិត្យទីតាំងដាក់លបនេសាទនេះ ក្រុមការងារ និងមន្ត្រីជំនាញបានពិនិត្យឧបករណ៍លបរ៉ាវបានចំនួន ១៩ទីតាំង ដោយក្នុងនោះ ១៤ទីតាំង ប្រជានេសាទបានប្រើប្រាស់ក្រឡាសាច់អួនត្រឹមត្រូវតាមច្បាប់ស្តីពីជលផល និងបានធ្វើការរុះរើ កាត់តម្រឹមរបាំងសាច់អួនចំនួន៥ទីតាំង ដែលលើសប្រវែងកំណត់។ លើសពីនេះ ក្រុមការងារបានដោះប្រលែងកូនត្រីចម្រុះចំនួន១១០គីឡូក្រាម និងចាក់លៀសចូលក្នុងទន្លេវិញចំនួន៤០០គីឡូក្រាម។

អត្តពលិកជាតិ-អន្ដរជាតិប្រមាណ ៦,៥០០នាក់ មកពី ៥១ប្រទេស​ចូលរួមទិវារត់ប្រណាំងម៉ារ៉ាតុងអន្តរជាតិចក្រភពអង្គរ (Angkor Empire Ma...
02/08/2026

អត្តពលិកជាតិ-អន្ដរជាតិប្រមាណ ៦,៥០០នាក់ មកពី ៥១ប្រទេស​ចូលរួមទិវារត់ប្រណាំងម៉ារ៉ាតុងអន្តរជាតិចក្រភពអង្គរ (Angkor Empire Marathon) លើកទី១១

នាព្រឹកថ្ងៃទី២​ ខែសីហា​ ឆ្នាំ២០២៦​ ឯកឧត្តម​ ប្រាក់​ សោភ័ណ​ អភិបាលនៃគណៈអភិបាលខេត្តបានចូលរួមក្នុងពិធីបេីកទិវារត់ប្រណាំងម៉ារ៉ាតុងអន្តរជាតិចក្រភពអង្គរ (Angkor Empire Marathon) លើកទី១១​ ក្រោមអធិបតីភាព​ ឯកឧត្តមបណ្ឌិត​ ថោង​ ខុន​ ទេសរដ្ឋមន្រ្តី​ ទទួលបន្ទុកបេសកកម្មពិសេស​ និងជាប្រធានគណៈកម្មាធិការជាតិអូឡាំពិកកម្ពុជា​ នៅបរិវេណមុខប្រាសាទអង្គរវត្ត​ ដោយមានការអញ្ជើញចូលរួមជាសក្ខីភាពីលោក វ៉ាង វិនពីន (WANG Wenbin) ឯកអគ្គរដ្ឋទូតប្រទេសចិនប្រចាំកម្ពុជា ព្រមទាំងវត្តមានលោក ហួត ហាក់ រដ្ឋមន្ដ្រីក្រសួងទេសចរណ៍។

ឆ្នាំនេះ​ គណៈកម្មការរៀបចំមានអ្នកចូលរួមរត់ប្រណាំងសរុប ៦,៥០០នាក់ កើនឡើង ២៥% ធៀបនឹងឆ្នាំ២០២៥ ក្នុងនោះអត្តពលិកខ្មែរចំនួន ៥,៤៥០នាក់ និងអន្តរជាតិចំនួន ១,០៥០នាក់ មកពី ៥១ប្រទេស ដែលប្រទេសចូលរួមច្រើនជាងគេរួមមានអ្នករត់ជនជាតិចិន, ជប៉ុន និងចក្រភពអង់គ្លេស ដែលចូលរួមរត់លើ ៤វិញ្ញាសា រួមមានរត់ចម្ងាយ ៤២គីឡូម៉ែត្រ, ២១គីឡូម៉ែត្រ, ១០គីឡូម៉ែត្រ និង ៣គីឡូម៉ែត្រ។

ជាមួយកំណើននេះ បានបង្ហាញឱ្យឃើញពីការជឿជាក់យ៉ាងមុតមាំរបស់អត្តពលិកជាតិ-អន្ដរជាតិ ចំពោះស្ថេរភាព និងសន្ដិភាពនៅកម្ពុជា ដែលធានាបាននូវភាពកក់ក្ដៅ និងការស្វាគមន៍ភ្ញៀវបរទេសមកពីគ្រប់ទិសទី ពិសេសក្នុងការរៀបចំព្រឹត្តិការណ៍កីឡាដើម្បីផ្សព្វផ្សាយ និងទាក់ទាញភ្ញៀវទេសចរដែលជារួមចំណែកលើកកម្ពស់សេដ្ឋកិច្ចជាតិ៕

#កម្ពុជា
#អរគុណសន្តិភាព
#កម្ពុជាស្រឡាញ់សន្តិភាព

ពិធីចុះហត្ថលេខាលេីអនុស្សរណៈនៃការយោគយល់គ្នារវាងក្រសួងកសិកម្ម​ រុក្ខាប្រមាញ់​ និងនេសាទ​ និងក្រសួងទេសចរណ៍នាព្រឹកថ្ងៃទី១​ ខែ...
01/08/2026

ពិធីចុះហត្ថលេខាលេីអនុស្សរណៈនៃការយោគយល់គ្នារវាងក្រសួងកសិកម្ម​ រុក្ខាប្រមាញ់​ និងនេសាទ​ និងក្រសួងទេសចរណ៍

នាព្រឹកថ្ងៃទី១​ ខែសីហា​ ឆ្នាំ២០២៦​ ឯកឧត្តម​ ប្រាក់​ សោភ័ណ​ អភិបាល​នៃគណៈអភិបាលខេត្ត​ បានចូលរួមក្នុងពិធីចុះហត្ថលេខាលេីអនុស្សរណៈ​ នៃការយោគយល់គ្នារវាងក្រសួងកសិកម្ម​ រុក្ខាប្រមាញ់​ និងនេសាទ​ និងក្រសួងទេសចរណ៍​ ស្តីពីកិច្ចសហប្រតិបត្តិការជំរុញខ្សែក្រវាត់បៃតង​នៅតំបន់ទេសចរណ៍​ និងពង្រឹងប្រសិទ្ធភាពខ្សែច្រវាក់ផលិតកម្មកសិកម្ម​ ក្រោមអធិបតីភាព​ ឯកឧត្តម​ ទិត​ ឌីណា​ រដ្ឋមន្រ្តីក្រសួងកសិកម្ម​ រុក្ខាប្រមាញ់​ និងនេសាទ​ និងឯកឧត្តម​ ហួត​ ហាក់​ រដ្ឋមន្រ្តីក្រសួងទេសចរណ៍​ នៅសួនអាស៊ាន-កូរ៉េ​ ខេត្តសៀមរាប។

#កម្ពុជា
#អរគុណសន្តិភាព
#កម្ពុជាស្រឡាញ់សន្តិភាព

01/08/2026

ខេត្តសៀមរាប មិនត្រឹមមានតែប្រាង្គប្រាសាទបុរាណដ៏ល្បីល្បាញប៉ុណ្ណោះទេ ប៉ុន្តែក៏ជាទឹកដីដែលសម្បូរទៅដោយគោលដៅទេសចរណ៍ដ៏ទាក់ទាញជាច្រើន ដែលរង់ចាំស្វាគមន៍ភ្ញៀវទេសចរមកពីគ្រប់ទិសទី !

ផលិតដោយ ៖ មន្ទីរព័ត៌មានខេត្តសៀមរាប

ក្រសួងសង្គមកិច្ច អតីតយុទ្ធជននិងយុវនីតិសម្បទា​ បានរៀបចំវេទិកាពិភាក្សាស្តីពី​ «គោលនយោបាយសង្គមកិច្ច»នាព្រឹកថ្ងៃទី៣១ ខែកក្កដ...
01/08/2026

ក្រសួងសង្គមកិច្ច អតីតយុទ្ធជននិងយុវនីតិសម្បទា​ បានរៀបចំវេទិកាពិភាក្សាស្តីពី​ «គោលនយោបាយសង្គមកិច្ច»

នាព្រឹកថ្ងៃទី៣១ ខែកក្កដា ឆ្នាំ២០២៦ លោក​ ព្រឹម រដ្ឋា អភិបាលរង តំណាងដ៏ខ្ពង់ខ្ពស់​ ឯកឧត្តម​ ប្រាក់ សោភ័ណអភិបាល​ នៃគណៈអភិបាលខេត្តសៀមរាប បានចូលរួមបើកវេទិកាពិភាក្សាស្តីពី​ «គោលនយោបាយសង្គមកិច្ច»​ ក្រោមអធិបតីភាពឯកឧត្តម អុល រ៉ូ រដ្ឋលេខាធិការ តំណាងដ៍ខ្ពង់ខ្ពស់ឯកឧត្តមរដ្ឋមន្រ្តីក្រសួងសង្គមកិច្ច អតីតយុទ្ធជននិងយុវនីតិសម្បទា៕

កិច្ចប្រជុំគណៈកម្មការជាតិ លើកទី៦ ដើម្បីពិនិត្យវឌ្ឍនភាពការងារក្នុងដំណើរការនៃការរៀបចំកិច្ចប្រជុំកំពូលពូលហ្វ្រង់កូហ្វូនី លើ...
31/07/2026

កិច្ចប្រជុំគណៈកម្មការជាតិ លើកទី៦ ដើម្បីពិនិត្យវឌ្ឍនភាពការងារក្នុងដំណើរការនៃការរៀបចំកិច្ចប្រជុំកំពូលពូលហ្វ្រង់កូហ្វូនី លើកទី២០

នៅរសៀលថ្ងៃទី៣០ ខែកក្កដា ឆ្នាំ២០២៦ លោក សំកុល សុចិត្រា អភិបាលរងខេត្ត តំណាង ឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បានអញ្ជើញចូលរួមកិច្ចប្រជុំគណៈកម្មការជាតិ លើកទី៦ ដើម្បីពិនិត្យវឌ្ឍនភាពការងារក្នុងដំណើរការនៃការរៀបចំកិច្ចប្រជុំកំពូលពូលហ្វ្រង់កូហ្វូនី លើកទី២០ ដែលនឹងប្រព្រឹត្តទៅពីថ្ងៃទី១៤-១៦ ខែវិច្ឆិកា ឆ្នាំ២០២៦ និងព្រឹត្តិការណ៍អម នៅរាជធានីភ្នំពេញ ក្រោមការដឹកនាំដ៏ខ្ពង់ខ្ពស់ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រធាននៃគណៈកម្មការជាតិរៀបចំកិច្ចប្រជុំកំពូលហ្វ្រង់កូហ្វូនី លើកទី២០ ។

ក្នុងឱកាសនោះ ឯកឧត្តមឧបនាយករដ្ឋមន្ត្រី ក៏បានចែករំលែកលទ្ធផលនៃសម័យប្រជុំវិសាមញ្ញលើកទី៤៧ នៃសន្និសីទវិសមញ្ញថ្នាក់រដ្ឋមន្ត្រីហ្វ្រង់កូហ្វូនីកាលពីថ្ងៃទី៣០ ខែមិថុនា កន្លងទៅនៅទីក្រុងប៉ារីស។

ក្នុងនាមជាប្រធានគណៈកម្មការជាតិ ឯកឧត្តមឧបនាយករដ្ឋមន្ត្រី បានផ្ដល់អនុសាសន៍ និងមតិណែនាំជាច្រើន ដើម្បីធានាបាននូវភាពរលូននៃដំណើរការត្រៀមរៀបចំ និងភាពជោគជ័យពេញលេញនៃកិច្ចប្រជុំកំពូលហ្វ្រង់កូហ្វូនីលើកទី២០។

ក្រសួងទេសចរណ៍ដាក់ឱ្យដំណើរការសាកល្បងកញ្ចប់សេវាកម្មទេសចរណ៍ពិសេស ដើម្បីជំរុញទេសចរណ៍ខេត្តសៀមរាបក្នុងរដូវកាលបៃតងដើម្បីចូលរួមជ...
31/07/2026

ក្រសួងទេសចរណ៍ដាក់ឱ្យដំណើរការសាកល្បងកញ្ចប់សេវាកម្មទេសចរណ៍ពិសេស ដើម្បីជំរុញទេសចរណ៍ខេត្តសៀមរាបក្នុងរដូវកាលបៃតង

ដើម្បីចូលរួមជំរុញសកម្មភាពទេសចរណ៍ក្នុងខេត្តសៀមរាប ក្នុងរដូវកាលបៃតងឱ្យមានភាពរស់រវើកថែម ក្រសួងទេសចរណ៍បានសហការជាមួយរដ្ឋបាលខេត្តសៀមរាប សមាគមសណ្ឋាគារកម្ពុជាសាខាខេត្តសៀមរាប សមាគមក្លឹបទេសចរណ៍ខេត្តសៀមរាប ព្រមទាំងទទួលបានការគាំទ្រពីអាជីវកម្មទេសចរណ៍នានា បានដាក់ឱ្យដំណើរការសាកល្បងកម្មវិធីលក់បញ្ចុះតម្លៃសេវាកម្មទេសចរណ៍ប្រចាំឆ្នាំ២០២៦ (2026 Siem Reap Tourism Service Mega Sale)។

នេះបើតាមការបញ្ជាក់របស់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ក្នុងឱកាសអញ្ជើញបិទសិក្ខាសាលាការជំរុញការតភ្ជាប់គោលដៅទេសចរណ៍ពីតំបន់ទេសចរណ៍បេតិកភណ្ឌសៀមរាប-អង្គរ ទៅកាន់គោលដៅទេសចរណ៍នានាក្នុងព្រះរាជាណាចក្រកម្ពុជា" និងការផ្សព្វផ្សាយការបញ្ចុះតម្លៃ (Mega Sales) សេវាទេសចរណ៍ខេត្តសៀមរាបក្នុងរដូវកាលបៃតង នៅខេត្តសៀមរាប នាថ្ងៃទី៣១ ខែកក្កដា ឆ្នាំ២០២៦នេះ។

ឯកឧត្តមរដ្ឋមន្ត្រី ហួត ហាក់ មានប្រសាសន៍ថា តាមរយៈការដាក់ដំណើរការសាកល្បងនេះ ភ្ញៀវទេសចរជាតិ និងអន្តរជាតិ នឹងទទួលបានការបញ្ចុះតម្លៃពិសេសចាប់ពី ១០% ដល់ ៥០% សម្រាប់សេវាកម្មកម្រិតផ្កាយ៣ រហូតដល់ផ្កាយ៥ ដោយភ្ញៀវទេសចរអាចធ្វើការកក់សេវាកម្មទេសចរណ៍តាមរយៈគេហទំព័រ www.cambodiawonder.com។

ឯកឧត្តម ប្រាក់ សោភ័ណ អភិបាលខេត្តសៀមរាប បានថ្លែងអំណរគុណយ៉ាងជ្រាលជ្រៅ ចំពោះថ្នាក់ដឹកនាំក្រសួងទេសចរណ៍ ក្រសួងស្ថាប័នពាក់ព័ន្ធ រដ្ឋបាលរាជធានីខេត្ត មន្ទីរទេសចរណ៍ សមាគមទេសចរណ៍ ប្រតិបត្តិករទេសចរណ៍ វិស័យឯកជន អ្នកផលិតមាតិកាទេសចរណ៍ និងក្រុមការងាររៀបចំទាំងអស់ ដែលបានសហការគាំទ្រ និងរួមចំណែកធ្វើឱ្យសិក្ខាសាលានេះ ប្រព្រឹត្តទៅដោយជោគជ័យ និងទទួលបានលទ្ធផលយ៉ាងត្រចះត្រចង់។ ឯកឧត្តមសង្ឃឹមយ៉ាងមុតមាំថា ស្មារតីកិច្ចសហការដែលកើតចេញពីសិក្ខាសាលានេះ នឹងបន្តជំរុញឱ្យមានសកម្មភាពរួមប្រកបដោយប្រសិទ្ធភាព ក្នុងការលើកកម្ពស់ការតភ្ជាប់គោលដៅទេសចរណ៍ ការបង្កើនភាពប្រកួតប្រជែង និងការអភិវឌ្ឍវិស័យទេសចរណ៍កម្ពុជាប្រកបដោយចីរភាព។

ឯកឧត្តម ប្រាក់ សោភ័ណ បន្តថា ក្នុងនាមគណៈកម្មាធិការគ្រប់គ្រង និងអភិវឌ្ឍន៍ទេសចរណ៍ខេត្តសៀមរាប ឯកឧត្តម បានទទួលយកនូវរាល់អនុសាសន៍ និងធាតុចូល ដែលទទួលបានពីសិក្ខាសាលានេះ ដើម្បីបន្តសិក្សា សម្របសម្រួល និងជំរុញការអនុវត្តជាមួយភាគីពាក់ព័ន្ធ ឱ្យមានប្រសិទ្ធភាពខ្ពស់៕

រដ្ឋបាលខេត្តសៀមរាបសូមជូនដំណឹងស្តីពីការបញ្ចៀសចរាចរលើកំណាត់ផ្លូវមួយចំនួនក្នុងក្រុងសៀមរាប និងតំបន់ប្រាសាទអង្គរវត្ត​ ដើម្បីរ...
31/07/2026

រដ្ឋបាលខេត្តសៀមរាបសូមជូនដំណឹងស្តីពីការបញ្ចៀសចរាចរលើកំណាត់ផ្លូវមួយចំនួនក្នុងក្រុងសៀមរាប និងតំបន់ប្រាសាទអង្គរវត្ត​ ដើម្បីរៀបចំព្រឹត្តិការណ៍ទិវារត់ប្រណាំងម៉ារ៉ាតុងអន្តរជាតិ ចក្រភពអង្គរ លើកទី១១​ ដែលនឹងប្រព្រឹត្តទៅនៅថ្ងៃទី២ ខែសីហា ឆ្នាំ២០២៦។

សូមអានខ្លឹមសារ​ និងផែនទីលម្អិតដូចខាងក្រោម​ :

31/07/2026

ផ្សាយផ្ទាល់ ៖ បច្ចុប្បន្នភាពស្តីពី « ការវិវត្តស្ថានភាពព្រំដែនកម្ពុជា-ថៃ និង​ព្រឹត្តិការណ៍ថ្មីៗដែលកើតឡើង » នៅទីស្តីការគណៈរដ្ឋមន្ត្រី ថ្ងៃទី៣១ ខែកក្កដា ឆ្នាំ២០២៦

Address

Siemreap
Siem Reap
171201

Website

, ,

Alerts

Be the first to know and let us send you an email when រដ្ឋបាលខេត្តសៀមរាប/Siem Reap Provincial Administration posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to រដ្ឋបាលខេត្តសៀមរាប/Siem Reap Provincial Administration:

Shortcuts

Share

Category