អធិការដ្ឋាននគរបាលស្រុកសូទ្រនិគម

21/08/2026

#សមិទ្ធផលថ្មីនៃអធិការដ្ឋាននគរបាលស្រុកសូទ្រនិគម
អនុវត្តតាមអនុសាសន៍ណែនាំដ៏ខ្ពង់ខ្ពស់ និងយកចិត្តទុកដាក់ជាប្រចាំដោយលោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្ដសៀមរាប អធិការដ្ឋាននគរបាលស្រុកសូទ្រនិគម ដឹកនាំបញ្ជាផ្ទាល់ដោយលោកវរសេនីយ៍ឯក ឃីម ផល្លា អធិការនគរបាលស្រុកសូទ្រនិគម បានចាត់ចែងធ្វើស្លាកលេខទូរសព្ទ័ប៉ុស្ដិ៍នគរបាលរដ្ឋបាលជាមួយក្រណាត់ចំណាំងផ្លាត ដែលងាយស្រួលមើលឃើញជាពិសេសពេលរាត្រី ៕

04/08/2026

#ចុះសួរសុខទុក្ខមន្ត្រីចំណុះអធិការដ្ឋាននគរបាលស្រុកសូទ្រនិគម
តាមរយៈការយកចិត្តទុកដាក់ និងណែនាំជាប្រចាំដោយលោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប ក៏ដូចជាលោកគិម វណ្ណៈ អភិបាល នៃគណៈអភិបាលស្រុកសូទ្រនិគម នៅថ្ងៃទី៤ ខែសីហា ឆ្នាំ២០២៦ វេលាម៉ោង ៩:០០នាទី ព្រឹក លោកវរសេនីយ៍ឯក ឃីម ផល្លា អធិការនគរបាលស្រុកសូទ្រនិគម បានដឹកនាំក្រុមការងារចុះសួរសុខទុក្ខ ព្រមទាំងនាំយកថវិកាឧបត្ថម្ភប្រគល់ជូនលោកអនុសេនីយ៍ត្រី ញឹម រឿម ឋានៈ នាយផ្នែកកិច្ចការប៉ុស្តិ៍ ដែលបានជួបគ្រោះថ្នាក់ចរាចរណ៍ កាលពីថ្ងៃទី៣១ ខែកក្កដា ឆ្នាំ២០២៦ វេលាម៉ោង ៧:០០នាទី យប់ ហើយបច្ចុប្បន្នកំពុងសម្រាកព្យាបាលនៅគេហដ្ឋានរបស់គាត់ ស្ថិតក្នុងភូមិថ្លាត ឃុំខ្ចាស់ ស្រុកសូទ្រនិគម ខេត្តសៀមរាប ។
✨ ក្នុងឱកាសនោះផងដែរ លោកវរសេនីយ៍ឯក ឃីម ផល្លា អធិការនគរបាលស្រុក ក៏បានពាំនាំនូវប្រសាសន៍ផ្តាំផ្ញើសួរសុខទុក្ខ របស់លោកឧត្តមសេនីយ៍ទោស្នងការ និងជូនពរឲ្យលោកអនុសេនីយ៍ត្រី ញឹម រឿម ឆាប់ជាសះស្បើយ និងមានសុខភាពល្អបរិបូណ៌ ៕

28/07/2026

ភារកិច្ចជានគរបាល បងបានបញ្ចប់ដោយជោគជ័យ ប៉ុន្តែមិត្តភាពជាក្រុមគ្រួសារ បងប្អូនមិនអាចបញ្ចប់ឡើយ ។ យើងនៅតែរួមសុខទុក្ខ !

10/07/2026

#ត្រួតពិនិត្យគាំទ្រនិងពង្រឹងប្រសិទ្ធភាពការងារប៉ុស្ដិ៍នគរបាលរដ្ឋបាល
#បញ្ជាដឹកនាព្រមទាំងរួមរស់សុខទុក្ខ!
ថ្ងៃព្រហស្បតិ៍ ១០រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៩ ខែកក្កដា ឆ្នាំ២០២៦ វេលាម៉ោង ១៤:០០នាទី លោកវរសេនីយ៍ឯក ឃីម ផល្លា អធិការនគរបាលស្រុកសូទ្រនិគម បានដឹកនាំក្រុមការងារចូលរួមកិច្ចប្រជុំតាមដានត្រួតពិនិត្យ និងវាយតម្លៃការអនុវត្តតួនាទីភារកិច្ចរបស់ប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកសូទ្រនិគម ក្រោមអធិបតីភាព លោកឧត្តមសេនីយ៍ត្រី អេម សារ៉ាវុធ អនុប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល និងជាប្រធានក្រុមការងារទី១ ត្រួតពិនិត្យការងារប៉ុស្ដិ៍នគរបាលរដ្ឋបាល ៕

08/07/2026

01/07/2026

#សូមបងប្អូនចូលរួមដាំដើមឈើទាំងអស់គ្នា

28/06/2026

#ទស្សនាកម្ពុជានារដូវកាលបៃតងសម្រាប់សហគមន៍កំពង់ឃ្លាំង២០២៦
រូបភាពសកម្មភាពកម្លាំងនគរបាល នៃអធិការដ្ឋាននគរបាលស្រុកសូទ្រនិគម សហការជាមួយកម្លាំងមូលដ្ឋានកងរាជអាវុធហត្ថស្រុក និងកម្លាំងប្រជាការពារ ការពារសន្តិសុខ សុវត្ថិភាព សណ្តាប់ធ្នាប់ ជូនកម្មវិធីព្រឹត្តិការណ៍ទេសចរណ៍បរិស្ថានប្រចាំឆ្នាំ២០២៦ "បុណ្យដឹងគុណបឹងទន្លេសាប ដែលជាសមុទ្រទឹកសាបកម្ពុជា" លើកទី៤ ក្រោមប្រធានបទ "ទស្សនាកម្ពុជានារដូវកាលបៃតង សម្រាប់សហគមន៍កំពង់ឃ្លាំង ថ្ងៃទី២៦-២៧ ខែមិថុនា ឆ្នាំ២០២៦” ។

24/06/2026

#វេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាស្រុកសូទ្រនិគមអាណត្តិទី៤ឆ្នាំ២០២៦
នៅថ្ងៃទី២៣ និង ២៤ ខែមិថុនា ឆ្នាំ២០២៦ លោកវរសេនីយ៍ឯក ឃីម ផល្លា អធិការនគរបាលស្រុកសូទ្រនិគម បានដឹកនាំនាយប៉ុស្ដិ៍នគរបាលរដ្ឋបាលទាំង១០ ចូលរួមវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកសូទ្រនិគមអាណត្តិទី៤ ឆ្នាំ២០២៦ ក្រោមប្រធានបទ«ភូមិ ឃុំ មានសុវត្ថិភាព» ក្រោមអធិបតីភាព លោកស្រី ងិន មុំ ប្រធានក្រុមប្រឹក្សាស្រុកសូទ្រនិគម ដោយមានការចូលរួមពី លោក សាម ឡន ប្រធានសមាគមក្រុមប្រឹក្សាថ្នាក់មូលដ្ឋានខេត្តសៀមរាប និងលោក គិម វណ្ណៈ អភិបាល នៃគណៈអភិបាលស្រុកសូទ្រនិគម ។
តាមរយៈវេទិកានេះផងដែរ លោកវរសេនីយ៍ឯក ឃីម ផល្លា ក៏បានធ្វើជាវាគ្មិនបកស្រាយនូវរាល់សំណួរ ចម្ងល់ និងសំណូមពររបស់ពុកម៉ែ បងប្អូន ប្អូនៗ ក្មួយៗ ជិត ១០០០នាក់ ពាក់ពន្ធ័នឹងការងារនគរបាលក្នុងមូលដ្ឋាន ៕

06/06/2026

អធិការដ្ឋាននគរបាលស្រុកសូទ្រនិគម មានកិត្តិយស សូមធ្វើការបំភ្លឺព័ត៌មានពាក់ព័ន្ធនឹងករណី "បុរសម្នាក់សង្ស័យសតិមិនគ្រប់ ដើរចូលផ្ទះប្រជាពលរដ្ឋពាក់កណ្ដាលយប់ ត្រូវម្ចាស់ផ្ទះចាប់បាននៅវេលាម៉ោង ១២:២០នាទី រំលងអាធ្រាត្រ ឈានចូលថ្ងៃទី៦ ខែមិថុនា ឆ្នាំ២០២៦ នៅភូមិតាតោកកណ្តាល ឃុំចាន់ស ស្រុកសូទ្រនិគម ខេត្តសៀមរាប” ។