Hout Sothy -ហួត សុធី

Hout Sothy -ហួត សុធី Contact information, map and directions, contact form, opening hours, services, ratings, photos, videos and announcements from Hout Sothy -ហួត សុធី, Government Organization, Siem Reap.

ស្នងការនគរបាលខេត្តសៀមរាប
👮 ជីវិតមួយនេះ ទោះបីយើងមិនប្រើ ក៏វានិងអស់ទៅតាមពេលវេលាដែរ
ដូចច្នោះ កុំចំណាយពេល អោយជីវិតរសាត់ទៅដោយគ្មានន័យ, យើងគួរតែធ្វើអ្វីដែលល្អៗ សំរាប់ប្រទេសជាតិ 🇰🇭 និង មនុស្សជុំវិញខ្លួន.

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញចុះត្រួតពិនិត្យដឹកនាំបញ្ជា និងដាក់ពង្រាយកម្លាំងការពារសន្តិសុខ សុវត្ថ...
02/08/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញចុះត្រួតពិនិត្យដឹកនាំបញ្ជា និងដាក់ពង្រាយកម្លាំងការពារសន្តិសុខ សុវត្ថិភាព និងសណ្តាប់ធ្នាប់ ទិវារត់ប្រណាំងម៉ារ៉ាតុងចក្រភពអង្គរ លើកទី១១

សៀមរាប ៖ នៅព្រឹឹកថ្ងៃអាទិត្យ ៤រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែសីហា ឆ្នាំ២០២៦ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញចុះត្រួតពិនិត្យដឹកនាំបញ្ជា និងដាក់ពង្រាយកម្លាំងសម្រួលចរាចរណ៍ ការពារសន្តិសុខ សុវត្ថិភាព និងសណ្តាប់ធ្នាប់សាធារណៈ ទិវារត់ប្រណាំងម៉ារ៉ាតុងចក្រភពអង្គរ លើកទី១១ ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ថោង ខុន ទេសរដ្ឋមន្រ្តីទទួលបន្ទុកជំរុញការអភិវឌ្ឍចលនាកីឡា និងជាប្រធានគណៈកម្មាធិការជាតិអូឡាំពិកកម្ពុជា៕

លោក ហួត សុធី សមាជិកគណៈអចិន្រ្តៃយ៍ នៃគណៈកម្មាធិការគណបក្សខេត្ត និងជាប្រធានក្រុមការងារចុះជួយមូលដ្ឋានសង្កាត់ជ្រាវ អញ្ជើញបន្ត...
01/08/2026

លោក ហួត សុធី សមាជិកគណៈអចិន្រ្តៃយ៍ នៃគណៈកម្មាធិការគណបក្សខេត្ត និងជាប្រធានក្រុមការងារចុះជួយមូលដ្ឋានសង្កាត់ជ្រាវ អញ្ជើញបន្តចុះត្រួតពិនិត្យតាមដាន និងជំរុញក្រុមការងារចុះធ្វើបច្ចុប្បន្នភាពសមាជិកបក្ស នៅតាមបណ្តាភូមិ ក្នុងសង្កាត់ជ្រាវ

សៀមរាប ៖ ថ្ងៃសៅរ៍ ៣រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែសីហា ឆ្នាំ២០២៦ លោក ហួត សុធី សមាជិកគណៈអចិន្រ្តៃយ៍ នៃគណៈកម្មាធិការគណបក្សខេត្ត និងជាប្រធានក្រុមការងារចុះជួយមូលដ្ឋានសង្កាត់ជ្រាវ បានអញ្ជើញបន្តចុះត្រួតពិនិត្យតាមដាន និងជំរុញក្រុមការងារចុះធ្វើបច្ចុប្បន្នភាពសមាជិកបក្ស នៅតាមបណ្តាភូមិ ក្នុងសង្កាត់ជ្រាវ។ ក្នុងឱកាសនោះ លោកប្រធានក្រុមការងារ បានសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមការងារទាំងអស់ ហើយបានផ្តាំផ្ញើឱ្យបន្តសហការគ្នាឱ្យបានជិតស្និទ្ធ ដើម្បីបម្រើប្រជាពលរដ្ឋឱ្យកាន់តែមានប្រសិទ្ធភាពខ្ពស់បន្ថែមទៀត៕

លោកឧត្ដមសេនីយ៍ទោ ហួត សុធី ស្នងការ នគរបាលខេត្ត អញ្ជើញចូលរួមកិច្ចប្រជុំប្រចាំអឌ្ឍមាស ដើម្បីតាមដានវឌ្ឍនភាពការងារបង្ក្រាបបទល...
31/07/2026

លោកឧត្ដមសេនីយ៍ទោ ហួត សុធី ស្នងការ នគរបាលខេត្ត អញ្ជើញចូលរួមកិច្ចប្រជុំប្រចាំអឌ្ឍមាស ដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams)

សៀមរាប ៖ នៅរសៀលថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ នៅសាលប្រជុំរដ្ឋបាលខេត្ត ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្ដសៀមរាប បានអញ្ជើញចូលរួមជាមួយ ឯកឧត្តម ង៉ូវ សេងកាក់ អភិបាលរងខេត្ត តំណាង ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប ក្នុងកិច្ចប្រជុំប្រចាំអឌ្ឍមាស ដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) តាមប្រព័ន្ធបញ្ជូនរូបភាព និងសំលេង (Zoom) ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ៕

ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ ចូលរួមថវិកាចំនួន ១.០០០.០០០៛ (មួយលានរៀល) និងចូលរួមរំលែកទុក្ខដ៏ក្រៀមក្រ...
31/07/2026

ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ ចូលរួមថវិកាចំនួន ១.០០០.០០០៛ (មួយលានរៀល) និងចូលរួមរំលែកទុក្ខដ៏ក្រៀមក្រំជាមួយក្រុមគ្រួសារសព លោកអនុសេនីយ៍ឯក ផាន្នី វិចិ្រត នាយរងការិយាល័យស៊ើបអង្កេត និងអនុវត្តនីតិវិធី

សៀមរាប ៖ នៅេសៀលថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញដឹកនាំសហការី ចូលរួមគោរពវិញ្ញាណក្ខន្ធសព និងបំពាក់ឋានន្តរស័ក្តិថ្នាក់វរសេនីយ៍ត្រី ជាកិច្ចបច្ឆាមរណៈជូនចំពោះសព លោកអនុសេនីយ៍ឯក ផាន្នី វិចិ្រត នាយរងការិយាល័យស៊ើបអង្កេត និងអនុវត្តនីតិវិធី ដែលត្រូវជាកូនរបស់ឧបាសិកា សាង ណាវី បានទទួលមរណភាព នៅថៃ្ងព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ វេលាម៉ោង ៨:៥៥នាទី ក្នុងជន្មាយុ៣៣ឆ្នាំ ដោយរោគាពាធ ។

ក្នុងនោះដែរ លោកឧត្តមសេនីយ៍ទោ ស្នងការ ក៏បាននាំយកនូវថវិកាសមាគមមិត្តនគរបាលជាតិកម្ពុជាចំនួន ៦.០០០.០០០៛ (ប្រាំមួយលានរៀល) ថវិការបស់ឯកឧត្តម នាយឧត្តមសេនីយ៍ អគ្គស្នងការនគរបាលជាតិ ចំនួន ១.០០០.០០០៛ (មួយលានរៀល) ថវិការបស់ថ្នាក់ដឹកនាំស្នងការដ្ឋាននគរបាលខេត្ត និងផែនការងារអន្តោប្រវេសន៍ សរុបចំនួន ៤.៦៤០.០០០៛ (បួនលានហុកសិបបួនមុឺនរៀល) សរុបថវិកាចំនួន ១១.៦៤០.០០០៛ (ដប់មួយលានហុកសិបបួនមុឺនរៀល) ប្រគល់ជូនក្រុមគ្រួសារ នៃសព ដើម្បីរៀបចំចាត់ចែងធ្វើបុណ្យតាមប្រពៃណី ។

មរណភាពរបស់លោកវរសេនីយ៍ត្រី ផាន្នី វិចិត្រ គឺជាការបាត់បង់នូវកូនប្រុស និងបាត់បង់នូវ ថ្នាក់ដឹកនាំមួយរូប ប្រកបដោយព្រហ្មវិហារធម៌ ចំពោះឪពុក ម្ដាយ ដែលកន្លងមកលោកមានអត្តចរិតស្លូតបូត សុភាពរាបសា និងបានបូជាកម្លាំងកាយ កម្លាំងចិត្ត កម្លាំងបញ្ញាស្មារតីក្នុងកិច្ចការពារសន្តិសុខសណ្តាប់ធ្នាប់ ជូនប្រជាពលរដ្ឋ និងក្នុងការកសាងគ្រួសារ ក៏ដូចជារួមចំណែកអភិវឌ្ឍប្រទេសជាតិ និងព្រះពុទ្ធសាសនា ។ ការខំប្រឹងប្រែងរបស់លោកត្រូវបានគោរពស្រលាញ់ពីគ្រប់មជ្ឈដ្ឋាន និងកោតសរសើរពីសំណាក់ ថ្នាក់ដឹកនាំ គ្រប់ជាន់ថ្នាក់ ក៏ដូចជាបងប្អូនញាតិមិត្តជិតឆ្ងាយ ។

ក្នុងនាមថ្នាក់ដឹកនាំ និងមន្ដ្រីនគរបាលជាតិ នៃស្នងការដ្ឋាននគរបាលខេត្តសៀមរាបទាំងអស់ សូមលំឱនកាយចូលរួមរំលែកមរណទុក្ខដ៏ក្រៀមក្រំបំផុតនេះ ជាមួយគ្រួសារ ញាតិមិត្ត នៃសព ហើយសូមឧទ្ទិសដល់ ដួងវិញ្ញាណក្ខន្ធលោកវរសេនីយ៍ត្រី ផាន្នី វិចិត្រ បានសោយសុខក្នុងសុគតិភពតាមបំណងប្រាថ្នាកុំបី ឃ្លៀងឃ្លាតឡើយ ៕

លោក ហួត សុធី សមាជិកគណៈអចិន្រ្តៃយ៍ នៃគណៈកម្មាធិការគណបក្សខេត្ត និងជាប្រធានក្រុមការងារចុះជួយមូលដ្ឋានសង្កាត់ជ្រាវ អញ្ជើញចូលរ...
30/07/2026

លោក ហួត សុធី សមាជិកគណៈអចិន្រ្តៃយ៍ នៃគណៈកម្មាធិការគណបក្សខេត្ត និងជាប្រធានក្រុមការងារចុះជួយមូលដ្ឋានសង្កាត់ជ្រាវ អញ្ជើញចូលរួមកិច្ចប្រជុំណែនាំតម្រង់ទិសលើការងារចាត់តាំង និងការងារសំខាន់ៗ ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧

សៀមរាប ៖ ថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ នៅសាលប្រជុំធំមន្ទីរគណបក្សខេត្ត លោក ហួត សុធី សមាជិកគណៈអចិន្រ្តៃយ៍ នៃគណៈកម្មាធិការគណបក្សខេត្ត និងជាប្រធានក្រុមការងារចុះជួយមូលដ្ឋានសង្កាត់ជ្រាវ បានអញ្ជើញចូលរួមកិច្ចប្រជុំណែនាំតម្រង់ទិសលើការងារចាត់តាំង និងការងារសំខាន់ៗ ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ក្រោមអធិបតីភាពដ៏ខ្ពង់ខ្ពស់ ឯកឧត្តម គុជ លីណា អនុប្រធានគណៈបក្សខេត្ត និងជាប្រធានគណៈចាត់តាំងខេត្តសៀមរាប៕

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញទទួលជួបសំណេះសំណាល សម្តែងការគួរសម និងពិភាក្សាការងារជាមួយ អង្គការសកម្មភ...
30/07/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញទទួលជួបសំណេះសំណាល សម្តែងការគួរសម និងពិភាក្សាការងារជាមួយ អង្គការសកម្មភាពដើម្បីកុមារ (APLE)

សៀមរាប ៖ នៅព្រឹកថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពីសំណាក់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញដឹកនាំសហការី ទទួលជួបសំណេះសំណាល សម្តែងការគួរសម និងពិភាក្សាការងារជាមួយ លោក សំលៀង សីលា ប្រធានអង្គការសកម្មភាពដើម្បីកុមារ (APLE) ដើម្បីស្វែងយល់អំពីកិច្ចខិតខំប្រឹងប្រែងរបស់ស្នងការដ្ឋាននគរបាលខេត្តសៀមរាប បញ្ហាប្រឈម និងការពង្រឹងកិច្ចសហប្រតិបត្តិការរវាងស្ថាប័នទាំងពីរ ក្នុងការប្រយុទ្ធប្រឆាំងការជួញដូរមនុស្ស ជាពិសេសការកេងប្រវ័ញ្ចនិងរំលោភបំពានផ្លូវភេទលើកុមារ៕

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញដឹកនាំកិច្ចប្រជុំរៀបចំផែនការ ការពារសន្តិសុខ សុវត្ថិភាព និងសណ្តាប់ធ្នា...
30/07/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញដឹកនាំកិច្ចប្រជុំរៀបចំផែនការ ការពារសន្តិសុខ សុវត្ថិភាព និងសណ្តាប់ធ្នាប់ ទិវារត់ប្រណាំងម៉ារ៉ាតុងចក្រភពអង្គរ លើកទី១១

សៀមរាប ៖ នៅព្រឹកថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញដឹកនាំកិច្ចប្រជុំរៀបចំផែនការ ការពារសន្តិសុខ សុវត្ថិភាព និងសណ្តាប់ធ្នាប់សាធារណៈ ទិវារត់ប្រណាំងម៉ារ៉ាតុងចក្រភពអង្គរ លើកទី១១ នៅសាលប្រជុំស្នងការដ្ឋាននគរបាលខេត្ត។ ដោយមានការអញ្ជើញចូលរួមពី លោកស្នងការរង អង្គភាពនគរបាលការពារបេតិកភណ្ឌ អង្គភាពនគរបាលទេសចរណ៍ លោកនាយការិយាល័យ និងលោកអធិការនគរបាលក្រុង-ស្រុក ដែលពាក់ព័ន្ធផងដែរ៕

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញជួបសំណេះសំណាល សួរសុខទុក្ខមិត្តរួមជំនាន់ចូលក្របខណ្ឌនគរបាលជាតិ ឆ្នាំ២០០...
29/07/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញជួបសំណេះសំណាល សួរសុខទុក្ខមិត្តរួមជំនាន់ចូលក្របខណ្ឌនគរបាលជាតិ ឆ្នាំ២០០៦

សៀមរាប ៖ នៅព្រឹកថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញទទួលជួបសំណេះសំណាល សួរសុខទុក្ខ និងជួបជុំមិត្តរួមជំនាន់ចូលនគរបាលជាមួយគ្នាចំនួន23នាក់ឆ្នាំ2026 ដែលជាមន្រ្តីក្រោមឱវាទនាពេលបច្ចុប្បន្ន។
ក្នុងឱកាសនោះ លោកឧត្តមសេនីយ៍ទោ ស្នងការ បានសម្តែងនូវក្តីសោមនស្សរីករាយចំពោះការជួបជុំគ្នារវាងមិត្តរួមជំនាន់ ដែលធ្លាប់មានបទពិសោធន៍ និងអនុស្សាវរីយ៍រួមគ្នាក្នុងការសិក្សា ក្នុងវគ្គបណ្តុះបណ្តាល និងអនុវត្តភារកិច្ចការងាររួមគ្នា កាលពីឆ្នាំ២០០៦ ហើយ បច្ចុប្បន្ននេះមិតតរួមជំនាន់នៅសល់តែ13នាក់ ដោយ10នាក់ផ្សេងទៀតខ្លះបានស្លាប់និងលាឈប់ពីការងារ។

ជំនួបសំណេះសំណាលនេះ បានប្រព្រឹត្តទៅក្នុងបរិយាកាសប្រកបដោយភាពស្និទ្ធស្នាល រីករាយ និងកក់ក្តៅ ពោរពេញដោយមនោសញ្ចេតនា និងបានផ្ដល់នូវថវិការមួចំនួន បាយសាមគ្គី ជាមូយមិត្តរួមជំនាន់ ឆ្នាំ២០០៦៕

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញចូលរួមពិធីបិទវេទិកាស្តីពីភាពជាដៃគូរវាងរាជរដ្ឋាភិបាល និងអង្គការសង្គមស៊...
28/07/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញចូលរួមពិធីបិទវេទិកាស្តីពីភាពជាដៃគូរវាងរាជរដ្ឋាភិបាល និងអង្គការសង្គមស៊ីវិល លើកទី៧ ក្រោមប្រធានបទ«សិទ្ធិសេរីភាពសមាគម និងអង្គការមិនមែនរដ្ឋាភិបាល ក្នុងបរិបទឌីជីថល»

រាជធានីភ្នំពេញ ៖ នៅព្រឹកថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញចូលរួមពិធីបិទវេទិកាស្តីពីភាពជាដៃគូរវាងរាជរដ្ឋាភិបាល និងអង្គការសង្គមស៊ីវិល លើកទី៧ ក្រោមប្រធានបទ«សិទ្ធិសេរីភាពសមាគម និងអង្គការមិនមែនរដ្ឋាភិបាល ក្នុងបរិបទឌីជីថល»នៅសាលប្រជុំអគារ S នៃទីស្តីការក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ៕

លោកឧត្តមសេនីយ៍ទោ ហួត សុធី ស្នងការនគរបាលខេត្ត បានចាត់តំណាងចូលរួមពិធីបើកវគ្គបណ្តុះបណ្តាលបំប៉នជំនាញ ដល់មន្រ្តីនគរបាលនៃស្នងក...
28/07/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត បានចាត់តំណាងចូលរួមពិធីបើកវគ្គបណ្តុះបណ្តាលបំប៉នជំនាញ ដល់មន្រ្តីនគរបាលនៃស្នងការដ្ឋាននគរបាលខេត្តសៀមរាប

សៀមរាប ៖ ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានចាត់ លោកឧត្តមសេនីយ៍ត្រី ណុប សារ៉ាក់ ស្នងការរងទទួលផែនការងារសេនាធិការ ចូលរួមជាអធិបតីក្នុងពិធីបើកវគ្គបណ្តុះបណ្តាលបំប៉នជំនាញ ដល់មន្រ្តីនគរបាលនៃស្នងការដ្ឋាននគរបាលខេត្តសៀមរាប ដោយមានសិក្ខាកាមចូលរួមសរុបចំនួន ៨០នាក់ ស្រី ១៣នាក់ នៅសាលប្រជុំនៃស្នងការដ្ឋាននគរបាលខេត្តសៀមរាប។

ក្នុងវគ្គបណ្តុះបណ្តាលបំប៉នជំនាញនេះដែរ លោក Kyle Carpenter មន្រ្តីស៊ើបអង្កេតបទល្មើសក្រៅប្រទេស នៃស្ថានទូតសហរដ្ឋអាមេរិក បានដឹកនាំគ្រូបង្គោលធ្វើបទបង្ហាញដោយផ្តោតលើការធ្វើកោសល្យវិច័យ លើឯកសារធ្វើដំណើរក្លែងក្លាយ ការវិភាគផ្ទៃមុខ ការយល់ដឹងអំពីការជួញដូរមនុស្ស និងការរត់ពន្ធមនុស្ស នីតិវិធីសួរចម្លើយ ការប្រើប្រាស់កម្លាំងបង្ក្រាប សុវត្ថិភាពរបស់មន្ត្រីពេលចុះប្រតិបត្តិការ និងការចាប់ខ្លួនប្រកបដោយប្រសិទ្ធភាព រួមទាំងបច្ចេកទេសក្នុងការវាយខ្នោះផងដែរ៕

Address

Siem Reap
17252

Telephone

+85512500011

Website

Alerts

Be the first to know and let us send you an email when Hout Sothy -ហួត សុធី posts news and promotions. Your email address will not be used for any other purpose, and you can unsubscribe at any time.

Shortcuts

Share

Category