រដ្ឋបាលក្រុងសៀមរាប / Siem Reap Municipality

25/08/2026

គណៈកម្មាធិការជាតិគ្រប់គ្រងគ្រោះមហន្តរាយ ចេញសេចក្ដីណែនាំដល់គណៈកម្មាធិការគ្រប់គ្រង គ្រោះមហន្តរាយរាជធានី-ខេត្ត ស្ដីពីការត្រៀមរៀបចំឆ្លើយតបទៅនឹងគ្រោះទឹកជំនន់ ឆ្នាំ២០២៦។

11/08/2026

រសៀលថ្ងៃទី ១១ ខែសីហា ឆ្នាំ២០២៦ លោក នួន ពុទ្ធារ៉ា សមាជិកគណៈកម្មាធិការសាខា និងជាប្រធានគណៈកម្មាធិការអនុសាខា តំណាងដ៏ខ្ពង់ខ្ពស់ឯកឧត្ដម ប្រាក់ សោភ័ណ ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប បានដឹកនាំសហការី អញ្ជើញចុះសួរសុខទុក្ខ និងនាំយកអំណោយមនុស្សធម៌ផ្ដល់ជូនគ្រួសារដែលរងគ្រោះដោយអគ្គីភ័យឆេះលំនៅឋានឈ្មោះ សួរ វណ្ណស៊ី ជាលេខាធិការគណៈកម្មាធិការអនុសាខា កក្រក ក្រុងសៀមរាប នៅភូមិស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប។ ករណីនេះដែរកើតឡើងដោយសារឆ្លងចរន្តអគ្គិសនី កាលពីថ្ងៃទី ៥ ខែសីហា ឆ្នាំ២០២៦។

មានប្រសាសន៍នាឱកាសនោះ លោក បានពាំនាំនូវប្រសាសន៍ផ្ដាំផ្ញើសួរសុខទុក្ខដ៏ខ្ពង់ខ្ពស់ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជា ឯកឧត្តម ប្រាក់ សោភ័ណ ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប ដែលតែងតែគិតគូរចំពោះសុខទុក្ខបងប្អូនប្រជាពលរដ្ឋគ្រប់រូបដោយមិនប្រកាន់វណ្ណៈ ពូជសាសន៍ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ស្របតាមទិសស្លោក «កាកបាទក្រហមកម្ពុជា មានគ្រប់ទីកន្លែងសម្រាប់គ្រប់ៗគ្នា មិនទុកអ្នកណាម្នាក់ចោល» និង «ទីណាមានទុក្ខលំបាក ទីនោះមានកាកបាទក្រហមកម្ពុជា»។ ក្នុងឱកាសនេះដែរ លោក បានសម្ដែងនូវក្ដីសោកស្ដាយជាពន់ពេកចំពោះការបាត់បង់ដោយសារឧបទ្ទវហេតុដែលបានកើតឡើងនេះ ព្រោះគ្មាននរណាម្នាក់ចង់ជួបឡើយ។ លោកបន្តថា ត្បិតតែអំណោយមនុស្សធម៌ដែលបាននាំយកមកចែកជូននាពេលនេះ មានចំនួនមិនសមល្មមនឹងការខូចខាតក៏ពិតមែន តែក៏អាចជួយសម្រាលទុក្ខលំបាកបានមួយកម្រិតផងដែរ។

សម្ភារអំណោយដែលបានប្រគល់ជូនរួមមាន៖ អង្ករ ១០០គ.ក្រ, ទឹកត្រី ២យួរ, មី ២កេស, ត្រីខ ២យួរ, អំបិល ២គ.ក្រ, កន្ទេល២, មុង២, ភួយ២, សារុង២, ក្រមា ២, សង្កសី ២០សន្លឹក និងថវិកា ៣,០០០,០០០ រៀល(ក្នុងនោះ ថវិការអនុសាខា ១,០០០,០០០រៀល)៕

31/07/2026

អបអរសាទរខួបលើកទី១៧ នៃបណ្ណសារឧក្រិដ្ឋកម្មប្រល័យពូជសាសន៍ ទួលស្លែង ត្រូវបានចុះក្នុងបញ្ជីស្មារតីចងចាំនៃពិភពលោក របស់អង្គការយូណេស្កូ

៣១ កក្ដដា ២០០៩ ~ ៣១ កក្កដា ២០២៦

Celebrating the 16th anniversary of the inscription of Tuol Sleng Genocide Museum Archives on UNESCO's Memory of the World Register.

July 31, 2009 ~ July 31, 2026

#កម្ពុជា #សន្តិភាពនៅកម្ពុជា

31/07/2026

សេចក្តីជូនដំណឹងស្តីពីការបញ្ចៀសចរាចរលើកំណាត់ផ្លូវមួយចំនួននៅតំបន់រមណីយដ្ឋានអង្គរ ដើម្បីរៀបចំសម្របសម្រួលដល់ការធ្វើដំណើរទៅចូលរួម និងការរត់របស់កីឡាករ កីឡាការិនី ក្នុងព្រឹត្តិការណ៍រត់ប្រណាំងម៉ារ៉ាតុងអន្តរជាតិ ចក្រភពអង្គរ លើកទី១១ នៅបរិវេណខាងមុខប្រាសាទអង្គរវត្ត និងក្នុងតំបន់អង្គរ នាថ្ងៃទី02 ខែសីហា ឆ្នាំ2026

28/07/2026

កិច្ចប្រជុំគាំទ្របច្ចេកទេស តាមដាន និងត្រួតពិនិត្យការរៀបចំកំណត់មុខតំណែងវិជ្ជាជីវៈ និងការពិពណ៌នាមុខតំណែងក្នុងរចនាសម្ព័ន្ធរដ្ឋបាលក្រុងសៀមរាប

សាលាក្រុងសៀមរាប៖ នាថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ ឯកឧត្តម ជ័យ សម្បត្តិផល្លា ប្រធានអង្គភាពវិភាគ និងអភិវឌ្ឍន៍គោលនយោបាយ និងជាតំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញដឹកនាំកិច្ចប្រជុំគាំទ្រ តាមដាន និងត្រួតពិនិត្យការរៀបចំកំណត់មុខតំណែងវិជ្ជាជីវៈ និងការពិពណ៌នាមុខតំណែង ក្នុងរចនាសម្ព័ន្ធគ្រប់គ្រងរបស់រដ្ឋបាលក្រុងសៀមរាប។
កិច្ចប្រជុំនេះរៀបចំឡើងក្នុងគោលបំណងផ្តល់ការគាំទ្រ និងពិភាក្សាលម្អិតជាមួយការិយាល័យជំនាញទាំង១៤ នៃរដ្ឋបាលក្រុងសៀមរាប ដើម្បីបង្កើតជាមូលដ្ឋានគំរូសម្រាប់រដ្ឋបាលក្រុង ស្រុក និងខណ្ឌផ្សេងទៀត ក្នុងការជំរុញ និងពង្រឹងការរៀបចំកំណត់មុខតំណែងវិជ្ជាជីវៈ ព្រមទាំងការពិពណ៌នាមុខតំណែងនានារបស់រដ្ឋបាលថ្នាក់ក្រោមជាតិឱ្យបានទាន់ពេលវេលា និងប្រកបដោយប្រសិទ្ធភាព ស្របតាមអនុក្រឹត្យលេខ៧៦ អនក្រ.បក ចុះថ្ងៃទី២០ ខែមេសា ឆ្នាំ២០២៣។
កិច្ចប្រជុំនេះមានការអញ្ជើញចូលរួមពី តំណាងក្រសួងមុខងារសាធារណៈ តំណាងអគ្គនាយកដ្ឋានរដ្ឋបាលនៃក្រសួងមហាផ្ទៃ និងអភិបាល អភិបាលរងទទួលបន្ទុក លោក-លោកស្រីក្រុមការងារវិភាគមុខងារតាមការិយាល័យ តំណាងការិយាល័យ និងអង្គភាពចំណុះទាំង១៤ មន្ត្រីបច្ចេកទេសពាក់ព័ន្ធនៃរដ្ឋបាលក្រុងសៀមរាប និងក្រុមការងារនៃលេខាធិការដ្ឋាន គ.ជ.អ.ប. សរុបចំនួន ៤៥រូប (ស្ត្រី ១០រូប)។
ជាទិសដៅអនុវត្តបន្ត ក្រុមការងារបច្ចេកទេសអន្តរក្រសួងនឹងចុះគាំទ្រផ្ទាល់ដល់រដ្ឋបាលក្រុង និងស្រុកគោលដៅមួយចំនួនទៀតនាពេលខាងមុខ៕

25/07/2026

កិច្ចប្រជុំសាមញ្ញលើកកទី២៦ របស់ក្រុមប្រឹក្សាក្រុងសៀមរាបត្រូវបានរៀបចំស្របតាមប្រតិទិន
ថ្ងៃសុក្រ ១០កើត ខែទុតុយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ វេលាម៉ោង ០៨:០០ នាទីព្រឹក ក្រុមប្រឹក្សាក្រុងសៀមរាប បានរៀបចំកិច្ចប្រជុំសាមញ្ញលើកទី២៦ អាណត្តិទី៤ ក្រោមការដឹកនាំកិច្ចប្រជុំដោយ លោកស្រី មឿង សុផល្លា ប្រធានក្រុមប្រឹក្សាក្រុងសៀមរាប និង លោក ខឿន រដ្ឋា អភិបាលរងក្រុង តំណាង លោក នួន ពុទ្ធារ៉ា អភិបាលនៃ គណៈអភិបាលក្រុង ដោយមានការចូលរួមពី លោក លោកស្រី សមាជិកសមាជិកាក្រុមប្រឹក្សាក្រុង លោក លោកស្រីអភិបាលរងក្រុង លោកស្រីនាយករងរដ្ឋបាលសាលាក្រុង ប្រធានការិយាល័យ អង្គភាព ចំណុះសាលាក្រុង កងកម្លាំងប្រដាប់អាវុធទាំងបីប្រភេទ ព្រមទាំងចៅសង្កាត់ទាំង១២។
លោកស្រី មឿង សុផល្លា ប្រធានក្រុមប្រឹក្សាក្រុង បានធ្វើការវាយតម្លៃខ្ពស់ ចំពោះលទ្ធផលការងារដែលអនុត្តបានប្រចាំខែមិថុនា ឆ្នាំ២០២៦ នេះ ព្រមទាំងបានធ្វើការណែនាំដល់មន្ត្រីពាក់ព័ន្ធ និងសមត្ថកិច្ចជំនាញ បន្តជំរុញ និងពន្លឿនការផ្ដល់អត្តសញ្ញាណបណ្ណសញ្ជាតិខ្មែរជូនដល់បងប្អូនប្រជាពលរដ្ឋឱ្យបានលឿននិងគ្រប់ៗគ្នា រួមទាំងប្រជាពលរដ្ឋខ្មែរចំណាកស្រុកនិងប្រជាពលរដ្ឋខ្មែរទើបវិលត្រឡប់មកពីបរទេស ដើម្បីធានាថាប្រជាពលរដ្ឋទទួលបានឯកសារសម្គាល់ខ្លួនាន់ពេលសម្រាប់ប្រើប្រាស់។ ត្រូវយកចិត្តទុកដាក់លើការងារ សន្តិសុខ សណ្តាប់ធ្នាប់សាធារណៈ បំបាត់ឲ្យបានក្រុមក្មេងទំនើង សិស្សគេចសាលា ករណីគ្រឿងញៀន ការគោរពច្បាប់ចរាចរណ៍ ទប់ស្កាត់ការសាងសង់សំណង់គ្មានច្បាប់អនុញ្ញាត និងការសាងសង់លើដីចំណីផ្លូវជាដើម។ ជាមួយគ្នានេះដែរ លោកស្រីប្រធាន ក៏បានស្នើឲ្យគណៈអភិបាលក្រុង ក្រុមការងារ ក៏ដូចជាសង្កាត់ទាំង១២ យកចិត្តទុកដាក់ការចោលសំរាមពាសវាលពាសកាល ដែលជាបញ្ហាដែលបង្កឱ្យប៉ះពាល់ដល់បរិស្ថាន សុខភាពសាធារណៈ និងសោភ័ណភាពក្រុងសៀមរាប។ ដើម្បីទប់ស្កាត់បញ្ហានេះ សូមណែនាំប្រជាពលរដ្ឋគ្រប់រូបគួរចោលសំរាមឱ្យបានត្រឹមត្រូវ ដោយដាក់ក្នុងធុងសំរាម ឬកន្លែងប្រមូលសំរាមដែលបានកំណត់។ លើសពីនេះ គួរញែកសំរាមតាមប្រភេទ ដើម្បីងាយស្រួលក្នុងការកែច្នៃ និងកាត់បន្ថយបរិមាណសំរាម។

កិច្ចប្រជុំសាមញ្ញលើកទី២៦ នេះក៏បានពិនិត្យ ពិភាក្សា និងអនុម័តលើរបៀបវារៈចំនួ៣ រួមមាន៖ ១.សេចក្តីព្រាងកំណត់ហេតុនៃកិច្ចប្រជុំសាមញ្ញលើកទី២៥ អាណត្តិទី៤ របស់ក្រុមប្រឹក្សាក្រុងសៀមរាប។ ២.សេចក្ដីព្រាង របាយការណ៍ ស្ដីពីការអនុវត្តការងាររបស់រដ្ឋបាលក្រុងសៀមរាបប្រចាំខែកក្កដា ឆ្នាំ២០២៦។ ៣.សេចក្ដីព្រាង របាយការណ៍ចំណូល ចំណាយថវិកាប្រចាំខែមិថុនា ឆ្នាំ២០២៦ របស់រដ្ឋបាលក្រុងសៀមរាប។ ៤.សេចក្ដីព្រាង របាយការណ៍ចំណូល ចំណាយថវិកា ការអប់រំកុមារតូច ការអប់រំបឋមសិក្សា និងការអប់រំក្រៅប្រព័ន្ធ ប្រចាំខែមិថុនា ឆ្នាំ២០២៦ របស់រដ្ឋបាលក្រុងសៀមរាប។ ៥.សេចក្ដីព្រាង សំណើសុំនិយ័តពីជំពូក69 ទៅជំពូក64 ជំពូក61 និងជំពូក62 សម្រាប់បំពេញតម្រូវការចំណាយរបស់រដ្ឋបាលក្រុងសៀមរាប ឆ្នាំ២០២៦។ ៦.សេចក្ដីព្រាង បញ្ជីគម្រោងវិនិយោគជាអាទិភាពដែលប្រើប្រាស់តែមូលនិធិក្រុងសៀមរាប សម្រាប់ឆ្នាំ២០២៧។

24/07/2026

ក្រសួងធនធានទឹក និងឧតុនិយមចេញសេចក្តីជូនដំណឹងស្តីពីស្ថានភាពព្យុះទី១២ ឈ្មោះ ណូល​ ចាប់ពីថ្ងៃទី២៤ ដល់ថ្ងៃទី២៩ ខែកក្កដា ឆ្នាំ២០២៦ខាងមុខនេះ។

សូមបងប្អូនជ្រាប នឹងប្រុងប្រយ័ត្នខ្ពស់ ចំពោះបាតុភូតភ្លៀង ផ្គររន្ទះ និងខ្យល់កន្ត្រាក់ ជាពិសេសបងប្អូន ដែលធ្វើដំណើរតាមផ្លូវគោក និងផ្លូវទឹក។

24/07/2026

22/07/2026

អំណោយរបស់សម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត ត្រូវបានប្រគល់ជូនដល់ប្រជាពលរដ្ឋមានជីវភាពខ្វះខាត ៣០០គ្រួសារ ក្នុងសង្កាត់ក្របីរៀល

ថ្ងៃទី២១ ខែកក្កដា ឆ្នាំ២០២៦ លោក នួន ពុទ្ធារ៉ា អភិបាល នៃគណៈអភិបាលក្រុងសៀមរាប បានចូលរួមជាមួយ ឯកឧត្តម សូ សុភ័ក្រ្ត ទីប្រឹក្សាផ្ទាល់សម្ដេចតេជោ ហ៊ុន សែន ប្រធានព្រឹទ្ធសភា និងជាប្រធានក្រុមការងារមនុស្សធម៌ សម្ដេចតេជោ និងសម្ដេចធិបតី ដែលបានដឹកនាំក្រុមការងារចុះសួរសុខទុក្ខ និងនាំយកអំណោយរបស់ សម្ដេចតេជោ ហ៊ុន សែន និង សម្ដេចធិបតី ហ៊ុន ម៉ាណែត ជូនដល់ប្រជាពលរដ្ឋដែលមានជីវភាពខ្វះខាត និងជួបការលំបាកចំនួន ៣០០គ្រួសារ នៅសង្កាត់ក្របីរៀល ក្រុងសៀមរាប។

ក្នុងឱកាសនោះ ឯកឧត្តម ទីប្រឹក្សាផ្ទាល់សម្ដេចតេជោ បានជម្រាបជូននូវប្រសាសន៍ផ្ដាំផ្ញើ សួរសុខទុក្ខប្រកបដោយក្ដីនឹករលឹក និងក្ដីស្រឡាញ់រាប់អានពីសំណាក់ សម្ដេចតេជោ ហ៊ុន សែន សម្ដេចកិត្តិព្រឹទ្ធបណ្ឌិត សម្ដេចធិបតី ហ៊ុន ម៉ាណែត និងលោកជំទាវបណ្ឌិត ជូនចំពោះបងប្អូនប្រជាពលរដ្ឋ ដោយសម្ដេចតែងតែគិតគូរ និងយកចិត្តទុកដាក់ខ្ពស់ជានិច្ចចំពោះសុខទុក្ខ និងជីវភាពរស់នៅរបស់បងប្អូនគ្រប់ៗរូប និងនៅគ្រប់ទីកន្លែង។ ទន្ទឹមនឹងនេះ ឯកឧត្តម ក៏បានបញ្ជាក់ថា “មិនទុកឱ្យប្រជាពលរដ្ឋណាម្នាក់ស្លាប់ដោយអត់បាយ ហើយអាជ្ញាធរ ឬថ្នាក់ដឹកនាំមិនបានដឹងនោះឡើយ” ទីណាដែលមានការលំបាក ទីនោះតែងតែមានមុខក្រុមការងារមនុស្សធម៌ និងអាជ្ញាធរចុះទៅជួយអន្តរាគមន៍ និងសម្រាលទុក្ខលំបាកបានទាន់ពេលវេលា។

លើសពីនេះ ឯកឧត្តម ក៏បានផ្ដាំផ្ញើជូនបងប្អូនប្រជាពលរដ្ឋទាំងអស់ ត្រូវតែខិតខំថែរក្សាសុខភាពរស់នៅឱ្យបានល្អ ហូបស្អាត ផឹកស្អាត រស់នៅស្អាត និងប្រកបមុខរបរបង្កបង្កើនផល ដើម្បីលើកកម្ពស់ជីវភាពគ្រួសារ ត្រូវរួមគ្នារក្សាសន្តិភាព និងស្ថិរភាពសង្គម ព្រោះសន្តិភាពគឺជាគ្រឹះយ៉ាងសំខាន់បំផុតក្នុងការអភិវឌ្ឍប្រទេសជាតិ និងធ្វើឱ្យប្រជាពលរដ្ឋមានឱកាសរស់នៅដោយសន្តិវិធី និងមានជីវភាពកាន់តែប្រសើរឡើង។

18/07/2026

ផ្ទះគ្រួសារ វីរកងទ័ពឈ្មោះ ឆៃ ហួន មួយខ្នង ដែលរងការខូចខាត ដោយសារអគ្គីភ័យឆាបឆេះ កាលពីថ្ងៃទី៧ ខែមិថុនា ឆ្នាំ២០២៦កន្លងទៅ នៅភូមិគោកតាចាន់ សង្កាត់គោកចក ក្រុងសៀមរាប ត្រូវបាន កាកបាទក្រហមកម្ពុជាខេត្តសៀមរាប ដែលមាន ឯកឧត្ដម ប្រាក់ សោភ័ណ ជាប្រធានសាខា ជួយជួសជុល បច្ចុប្បន្ននេះ ជិតរួចរាល់ហើយ ដើម្បីសម្រួលដល់ការរស់នៅ របស់គ្រួសារវីរកងទ័ពយើងឡើងវិញ ។