12/08/2026
ថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែសីហា ឆ្នាំ២០២៦ លោក ស្រេង ជាហេង ប្រធានមន្ទីរបរិស្ថានខេត្តស្ទឹងត្រែង បានដឹកនាំលោកប្រធាន អនុប្រធានការិយាល័យ និងមន្ត្រីឧទ្យានុរក្ស នៃការិយាល័យឧទ្យានជាតិ និងលោក លោកស្រី អនុប្រធានការិយាល័យ អភិវឌ្ឍន៍សហគមន៍ ចូលរួមសិក្ខាសាលាពិគ្រោះយោបល់លើផែនការគ្រប់គ្រង សហគមន៍តំបន់ការពារធម្មជាតិ អូរចាយ ក្រោមធិបតីភាព ឯកឧត្តម សែម វ៉ាន់ស៊ីម អភិបាលរង នៃគណៈអភិបាលខេត្ត លោក គឹម សារិន អនុប្រធាននាយកដ្ឋាន នៃក្រសួងបរិស្ថាន ព្រមទាំងមានការអញ្ជើញចូលរួមពី លោកអភិបាលរងស្រុកសៀមប៉ាង, តំណាង និងបុគ្គលិកអង្គការសត្វព្រៃ និងរុក្ខជាតិអន្តរជាតិ (FFI), លោក លោកស្រី តំណាងមន្ទីរអង្គភាពពាក់ព័ន្ធ, លោកមេឃុំសន្តិភាព, ក្រុមប្រឹក្សាឃុំថ្មកែវ, លោកស្រីតំណាងអង្គការពាក់ព័ន្ធ និងគណៈកម្មការសហគមន៍តំបន់ការពារធម្មជាតិ អូរចាយ សរុប ៣៧ នាក់ ស្ត្រី៥ នាក់ នៅសាលប្រជុំ មន្ទីរបរិស្ថានខេត្តស្ទឹងត្រែង។
