20/10/2019
Mingoni mwa usiku Ali wa Mahuu halaha ye Mdru msha hahe Zabibu wa Mbadja Bonde hahweda yatsahe mba hazi , hwenda wabasawushe ye mayesha .Bâanda maha shirini yawu boyi Mdroni, hatamani wuredjeyi ho Mdjini .Naye, harimwa mwezi hakawulipvwa Robo ntsanu .
Hakawudjulihaniha tsena nowendji Oncle Daba ! Naye tsena hado huza mbayiza sashe homo zindoni .Mfawume wahe hado mzingariliya yemapesa hata maha shirini ,lewo ngutsaho yarenge ya redjeyi ye Mdru mshe ya mdrantsi na hamili ho roha .
Mfawume , ngu muziso !Ali , nihu lipve hawu nihunike ngnaswaha ?
Ngudjibu, tsikubali ngnaswaha raha na Mali .Ngwabo Mfawume, ngamdjo hunika ngnaswaha ndraru :
_Hândani, Mdru kado ngnotreya
_yapvili, Mdru kado renga raâyi yeka ngawena wusiwu .
_ya raru, yeka huwaswili ngodjo wunguwa wo mkatre wunu wule ngawena ye Mdru mshe ne mwana.
Alafu , ye Djumwa ya mtswa mezi , haroha ha hwenda ho mdjini .Kapvadjaka pare , ho roha hahe .
Ho redjeyi hapashiya Ngari , hende mdjini djirani , ye pare yihisa pvala .
Yihu ndriha masihu halala hula. Hayishiya mahiyo pvo masihu kadjadjuha ,pvo trasi harendeha ndewa mwando yalala hula yatsuwulwawa ne mdjufu mmo mo dahoni hula (1) : Kadja ngnotreya.
Hawaswili ho mdjini masihu ha hundru ze ngnumba ngizo za Toli ye zindji .Hala ho msirini hata pvo masihu yahadjuu haroha yende hohahe , hende hahundru ye Mdru mshe hakantsi ,Mwana Mme hamkaza shehitswa pvo mapvadjadju.h afikiri ya ndjiye yawa puwe ye zitswa ,harudi hayesheleya ye ngnaswaha ya pvili , haziya .Pvo trasi hende hahundru wola nde Mwana hahe ngena maha shirini . Yeka tsinde subira hadjoka hamuwa yeshe hetswa.
Yesa yila hawa para wakandzi .
Ye Mdru mshe hamuzisa yeheli yahadja .Hamwambiya wuka kadjalipvwa hindru yeka tsi ngnaswaha.Ye mdrou mshe hamba ndrongo nkuu .
Hayendjeza, wuka Mfawume hamnika mkatre hamba wadje wale .Howu nguwa wa hundru pvohari ,mapesa mendji swafi , kado mbili yaho mshahara wa hahe .
Wa renge waândisa ho wunda yisima . Wawo ndo wandru wawunda yisima handani ho mdjini Djumwa Mlima .
