ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관

  • Home
  • South Korea
  • Seoul
  • ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관

ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관 Hotline: (+82) 2-3785-1041
Email: [email protected]
(240)

04/09/2026

ឯកឧត្តម​ឯកអគ្គរាជទូត​ ជួបពិភាក្សាការងារជាមួយលោក Kim Yong-ha សាកលវិទ្យាធិការនៃសាកលវិទ្យាល័យ Konyang University

នៅព្រឹកថ្ងៃសុក្រ ទី៤ ខែកញ្ញា ឆ្នាំ ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ បានអញ្ជើញចូលជួបពិភាក្សាការងារជាមួយលោក Kim Yong-ha សាកលវិទ្យាធិការនៃសាកលវិទ្យាល័យ Konyang University នៅតំបន់នួនសាន់ ខេត្តឈុងឆង់ណាមដូ សាធារណរដ្ឋកូរ៉េ។

ក្នុងឱកាសនៃជំនួប លោកសាកលវិទ្យាធិការ បានជម្រាបជូនឯកឧត្តមឯកអគ្គរាជទូត ថាសាកលវិទ្យាល័យ Konyang ជាសាកលវិទ្យាល័យឯកជន មានឯកទេសលើជំនាញវេជ្ជសាស្ត្រ និងឧស្សាហកម្មយោធា។ លោកក៏បានលើកឡើងអំពីគម្រោងសហប្រតិបត្តិការកន្លងមក​ រវាងសាកលវិទ្យាល័យ និងក្រសួងសុខាភិបាលកម្ពុជា ព្រមទាំងគម្រោងបណ្តុះបណ្តាលជំនាញផ្នែកសុខភាពភ្នែកសម្រាប់គ្រូពេទ្យនៃមន្ទីរពេទ្យអង្គឌួង និងកម្មវិធីផ្តល់អាហារូបករណ៍ដល់និស្សិតកម្ពុជាមកសិក្សាបន្ថែមលើជំនាញវេជ្ជសាស្ត្រនៅសាកលវិទ្យាល័យផងដែរ។

ឯកឧត្តមឯកអគ្គរាជទូត បានថ្លែងអំណរគុណចំពោះសាកលវិទ្យាល័យសម្រាប់សមិទ្ធិផលគម្រោង​ ដែលបានអនុវត្តកន្លងមក​ នៅក្នុងប្រទេសកម្ពុជា។ បន្ថែមពីនេះ ឯកឧត្តមបានលើកឡើងនូវគំនិតផ្តួចផ្តើមចំនួន ៣ រួមមាន៖ ១) ស្នើសាកលវិទ្យាល័យពិនិត្យលទ្ធភាពផ្តល់កូតាអាហារូបករណ៍បន្ថែមដល់និស្សិតកម្ពុជា​ ២) បង្កើតកម្មវិធីបណ្តុះបណ្តាលផ្នែកគិលានុបដ្ឋាក និង ៣) បង្កើតចំណងសហប្រតិបត្តិការជាមួយសាកលវិទ្យាល័យការពារជាតិកម្ពុជា។

#ពលករខ្មែរនៅកូរ៉ #ពលករកូរ៉េ #ខ្មែរស្រលាញ់ខ្មែរ #ខ្មែរតែមួយ #ខ្មែរជួយខ្មែរ #ស្ថានទូតកម្ពុុជានៅកូរ៉េ

នៅថ្ងៃទី១​ និងថ្ងៃទី២ ខែកញ្ញា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានអញ្ជើញគោរពវិញ្ញា...
04/09/2026

នៅថ្ងៃទី១​ និងថ្ងៃទី២ ខែកញ្ញា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានអញ្ជើញគោរពវិញ្ញាណក្ខន្ធ និងសរសេរសាររំលែកទុក្ខ ដើម្បីឧទ្ទិសថ្វាយចំពោះការយាងសោយទិវង្គតរបស់ព្រះមហាក្សត្រ Harald V នៃព្រះរាជាណាចក្រន័រវេស ដែលបានយាងសោយទិវង្គត ក្នុងព្រះជន្ម ៨៩ ព្រះវស្សា កាលពីថ្ងៃទី២៨ ខែសីហា ឆ្នាំ២០២៦ នៅស្ថានទូតន័រវេស​ ប្រចាំសាធារណរដ្ឋកូរ៉េ​ និងឧទ្ទិសចំពោះជនរងគ្រោះនេប៉ាល់​ ដែលបានទទួលមរណភាព ក្នុងគ្រោះមហន្តរាយទឹកជំនន់ដ៏រន្ធត់ តាមដងទន្លេ Bhotekoshi និងតំបន់ជួរភ្នំហិម៉ាល័យ ក្នុងប្រទេសនេប៉ាល់ កាលពីថ្ងៃទី២៦ ខែសីហា ឆ្នាំ២០២៦ នៅស្ថានទូតសាធារណរដ្ឋប្រជាធិបតេយ្យសហព័ន្ធនេប៉ាល់​ ប្រចាំសាធារណរដ្ឋកូរ៉េ។

#ពលករខ្មែរនៅកូរ៉ #ពលករកូរ៉េ #ខ្មែរស្រលាញ់ខ្មែរ #ខ្មែរតែមួយ #ខ្មែរជួយខ្មែរ #ស្ថានទូតកម្ពុុជានៅកូរ៉េ

03/09/2026

នៅរសៀលថ្ងៃទី២ ខែកញ្ញា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានអញ្ជើញគោរពវិញ្ញាណក្ខន្ធ និងសរសេរសាររំលែកទុក្ខ ដើម្បីឧទ្ទិសចំពោះជនរងគ្រោះនេប៉ាល់​ ដែលបានទទួលមរណភាព ក្នុងគ្រោះមហន្តរាយទឹកជំនន់ដ៏រន្ធត់ តាមដងទន្លេ Bhotekoshi និងតំបន់ជួរភ្នំហិម៉ាល័យ ក្នុងប្រទេសនេប៉ាល់ កាលពីថ្ងៃទី២៦ ខែសីហា ឆ្នាំ២០២៦ នៅស្ថានទូតសាធារណរដ្ឋប្រជាធិបតេយ្យសហព័ន្ធនេប៉ាល់​ ប្រចាំសាធារណរដ្ឋកូរ៉េ។

#ពលករខ្មែរនៅកូរ៉ #ពលករកូរ៉េ #ខ្មែរស្រលាញ់ខ្មែរ #ខ្មែរតែមួយ #ខ្មែរជួយខ្មែរ #ស្ថានទូតកម្ពុុជានៅកូរ៉េ

ឯកឧត្តម ឃួន ផុនរតនៈ ទទួលជួបពិភាក្សាការងារជាមួយលោកបណ្ឌិត JUN Yongwook សាកលវិទ្យាធិការរងនៃសាកលវិទ្យាល័យ Cheju Halla Univer...
02/09/2026

ឯកឧត្តម ឃួន ផុនរតនៈ ទទួលជួបពិភាក្សាការងារជាមួយលោកបណ្ឌិត JUN Yongwook សាកលវិទ្យាធិការរងនៃសាកលវិទ្យាល័យ Cheju Halla University

នៅព្រឹកថ្ងៃពុធ ទី២ ខែកញ្ញា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានទទួលជួបសម្តែងការគួរសម និងពិភាក្សាការងារជាមួយលោកបណ្ឌិត JUN Yongwook សាកលវិទ្យាធិការរងនៃសាកលវិទ្យាល័យ Cheju Halla University នៅស្ថានទូតកម្ពុជា ក្នុងទីក្រុងសេអ៊ូល។

សាកលវិទ្យាល័យ Cheju Halla ជាសាកលវិទ្យាល័យឯកជនបង្កើតឡើងក្នុងឆ្នាំ ១៩៦៩ នៅខេត្តជេជូ ប្រទេសកូរ៉េ មានមុខវិជ្ជាសិក្សាផ្នែកវិទ្យាសាស្ត្រសង្គម និងឈានមុខគេក្នុងការបញ្ចូលបញ្ញាសប្បនិម្មិត AI ក្នុងកម្មវិធីសិក្សា ដូចជា គ្រប់គ្រងប្រព័ន្ធផ្សព្វផ្សាយ ឧស្សាហកម្មឌីហ្សាញ ព័ត៌មានវិទ្យា ដ្រូន និងស្ថាបត្យកម្មជាដើម។

លោកបណ្ឌិត JUN បានជម្រាបជូនឯកឧត្តមអំពីគម្រោងចង់បង្កើតកិច្ចសហប្រតិបត្តិការជាមួយសាកលវិទ្យាល័យណាមួយក្នុងប្រទេសកម្ពុជា ដោយសហការផ្តល់ឱកាសអាហារូបករណ៍ដល់និស្សិតកម្ពុជា​ ដែលមានការលំបាកផ្នែកហិរញ្ញវត្ថុ ឱ្យមានឱកាសបន្តការសិក្សាថ្នាក់ឧត្តម​ តាមស្តង់ដារកូរ៉េ លើមុខវិជ្ជាគណនេយ្យតាមកម្មវិធីបញ្ញាសប្បនិម្មិត AI ដែលស្របតាមតម្រូវការទីផ្សារការងារអន្តរជាតិ។

ឯកឧត្តមឯកអគ្គរាជទូត បានសម្តែងការគាំទ្រចំពោះគម្រោង​ ដែលលោកបណ្ឌិតបានលើកឡើង និងបានអញ្ជើញលោកបណ្ឌិតទៅប្រទេសកម្ពុជា​ ដើម្បីជួបពិភាក្សាជាមួយក្រសួង-ស្ថាប័នអប់រំនៃប្រទេសកម្ពុជា ហើយស្ថានទូតត្រៀមខ្លួនរួចជាស្រេចក្នុងការជួយសម្របសម្រួលជំនួបខាងលើ។ ឯកឧត្តមក៏បានស្នើសាកលវិទ្យាល័យពិនិត្យលទ្ធភាពក្នុងការផ្តល់អាហារូបករណ៍ជូននិស្សិតដែលបញ្ចប់ការសិក្សានៅកូរ៉េ និងបងប្អូនសហគមន៍ខ្មែរនៅកូរ៉េ ដែលមានបំណងបន្តការសិក្សាថ្នាក់ឧត្តមនៅសាកលវិទ្យាល័យ Cheju Halla ផងដែរ។

#ពលករខ្មែរនៅកូរ៉ #ពលករកូរ៉េ #ខ្មែរស្រលាញ់ខ្មែរ #ខ្មែរតែមួយ #ខ្មែរជួយខ្មែរ #ស្ថានទូតកម្ពុុជានៅកូរ៉េ

នៅថ្ងៃពុធ​ ទី២ ខែកញ្ញា ឆ្នាំ២០២៦ លោក​ ម៉ៅ​ ធារ៉ា អនុព័ន្ធការងារអមស្ថានទូត បានជួយសម្របសម្រួលនាំយកឯកសារបូជាសព និងនាំយកបច្ច...
02/09/2026

នៅថ្ងៃពុធ​ ទី២ ខែកញ្ញា ឆ្នាំ២០២៦ លោក​ ម៉ៅ​ ធារ៉ា អនុព័ន្ធការងារអមស្ថានទូត បានជួយសម្របសម្រួលនាំយកឯកសារបូជាសព និងនាំយកបច្ច័យទៅចូលរួមរំលែកទុក្ខ ជូនដល់គ្រួសារសព ឡាយ ម៉ាយ ភេទប្រុស អាយុ ២៦ឆ្នាំ ជាពលករស្របច្បាប់ ផ្នែកឧស្សាហកម្ម ដែលទទួលមរណៈភាពកាលថ្ងៃទី៦ ខែសីហា ឆ្នាំ២០២៦ នៅតំបន់ គូមី ដោយគ្រោះថ្នាក់ការងារ។

02/09/2026

ឯកឧត្តមឯកអគ្គរាជទូត គោរពវិញ្ញាណក្ខន្ធ និងសរសេរសាររំលែកទុក្ខ​ ឧទ្ទិសថ្វាយចំពោះការយាងសោយទិវង្គតរបស់ព្រះមហាក្សត្រ Harald V នៃព្រះរាជាណាចក្រន័រវេស

នៅរសៀលថ្ងៃទី១ ខែកញ្ញា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានអញ្ជើញគោរពវិញ្ញាណក្ខន្ធ និងសរសេរសាររំលែកទុក្ខ ដើម្បីឧទ្ទិសថ្វាយចំពោះការយាងសោយទិវង្គតរបស់ព្រះមហាក្សត្រ Harald V នៃព្រះរាជាណាចក្រន័រវេស ដែលបានយាងសោយទិវង្គត ក្នុងព្រះជន្ម ៨៩ ព្រះវស្សា កាលពីថ្ងៃទី២៨ ខែសីហា ឆ្នាំ២០២៦ នៅស្ថានទូតន័រវេស​ ប្រចាំសាធារណរដ្ឋកូរ៉េ។

#ពលករខ្មែរនៅកូរ៉ #ពលករកូរ៉េ #ខ្មែរស្រលាញ់ខ្មែរ #ខ្មែរតែមួយ #ខ្មែរជួយខ្មែរ #ស្ថានទូតកម្ពុុជានៅកូរ៉េ

01/09/2026

កម្មវិធីពិព័រណ៍ស្រាបៀរ Dongdaemun Beer Festival ប្រចាំឆ្នាំ២០២៦ នៅទីក្រុងសេអ៊ូល

នៅថ្ងៃទី២៨-២៩ ខែសីហា ឆ្នាំ២០២៦ មន្ត្រីស្ថានទូតកម្ពុជាប្រចាំសាធារណរដ្ឋកូរ៉េ បានចូលរួមដាក់តាំងបង្ហាញផលិតផលវប្បធម៌ ទេសចរណ៍ ផលិតផលសក្តានុពលកសិកម្ម និងស្រាបៀររបស់កម្ពុជា ក្នុងកម្មវិធីពិព័រណ៍ Dongdaemun Beer Festival ដែលរៀបចំឡើងដោយមូលនិធិវប្បធម៌ដុងដេមូន (Dongdaemun Cultural Foundation) នៅសួនច្បារ Jangan 1 Riverside Park ក្នុងខណ្ឌ Dongdaemun នាទីក្រុងសេអ៊ូល ដែលមានសាធារណជនជាតិ និងអន្តរជាតិចូលរួមប្រមាណ៣ម៉ឺននាក់។

កម្មវិធីខាងលើជាព្រឹតិ្តការណ៍ពិព័រណ៌ស្រាបៀរដ៏ធំមួយនៅក្នុងទីក្រុងសេអ៊ូល ដែលបានប្រមូលផ្តុំស្រា និងស្រាបៀរពីតំបន់ជាច្រើនក្នុងប្រទេសកូរ៉េ និងស្រាបៀរពីប្រទេសជាច្រើន មកដាក់តាំងបង្ហាញ និងឱ្យអ្នកចូលរួមបានភ្លក់រសជាតិ។ ស្រាបៀរ Hanuman និងគ្រាប់ស្វាយចន្ទីរបស់កម្ពុជាក៏បានទទួលនូវការគាំទ្រ និងចាប់អារម្មណ៍យ៉ាងខ្លាំងពីសំណាក់ភ្ញៀវទេសចរជនជាតិកូរ៉េ បរទេស និងប្រជាពលរដ្ឋខ្មែរដែលរស់នៅ និងធ្វើការនៅតំបន់ក្បែរនោះផងដែរ។

#ពលករខ្មែរនៅកូរ៉ #ពលករកូរ៉េ #ខ្មែរស្រលាញ់ខ្មែរ #ខ្មែរតែមួយ #ខ្មែរជួយខ្មែរ #ស្ថានទូតកម្ពុុជានៅកូរ៉េ

ឯកឧត្តមឯកអគ្គរាជទូត ទទួលស្វាគមន៍ប្អូនៗនិស្សិតខ្មែរ នៅព្រលានយន្តហោះអុីនឆន់នៅព្រឹកថ្ងៃចន្ទ ទី៣១ ខែសីហា ឆ្នាំ២០២៦ ឯកឧត្តម ឃ...
31/08/2026

ឯកឧត្តមឯកអគ្គរាជទូត ទទួលស្វាគមន៍ប្អូនៗនិស្សិតខ្មែរ នៅព្រលានយន្តហោះអុីនឆន់

នៅព្រឹកថ្ងៃចន្ទ ទី៣១ ខែសីហា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ និងសហការី បានអញ្ជើញទទួលស្វាគមន៍ប្អូនៗនិស្សិតកម្ពុជា​ ដែលទើបមកដល់សាធារណរដ្ឋកូរ៉េ នៅអាកាសយានដ្ឋានអន្តរជាតិអុីនឆន់ ប្រមាណ ៧០រូប ដែលនឹងមកបន្តការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅតាមគ្រឹះស្ថានឧត្តមសិក្សានានា ក្នុងសាធារណរដ្ឋកូរ៉េ។

ក្នុងឱកាសនោះ ឯកឧត្តមឯកអគ្គរាជទូត បានថ្លែងអំណរគុណចំពោះ​ CAMNEMI KOREA និងសាកលវិទ្យាល័យកូរ៉េនានា​ ដែលបានជួយសម្របសម្រួលដល់ប្អូនៗនិស្សិតខ្មែរបានមកសិក្សានៅសាធារណរដ្ឋកូរ៉េ​។ ជាមួយគ្នានេះ​ ឯកឧត្តម​ឯកអគ្គរាជទូត​ បានជួបសំណេះសំណាល សួរសុខទុក្ខ និងផ្តាំផ្ញើដល់ប្អូនៗនិស្សិតទាំងអស់ឱ្យខិតខំប្រឹងប្រែងសិក្សារៀនសូត្រ ក្រេបយកចំណេះដឹង ជំនាញ​ និងបទពិសោធន៍ថ្មីៗ ដើម្បីចូលរួមចំណែកអភិវឌ្ឍប្រទេសជាតិនាពេលបញ្ចប់ការសិក្សា។​ ឯកឧត្តម ក៏បានលើកទឹកចិត្តដល់ប្អូនៗនិស្សិតគ្រប់រូបឱ្យចូលរួមចំណែកលើកតម្កើងកិត្តិយសជាតិ ផ្សព្វផ្សាយអំពីវប្បធម៌ និងអរិយធម៌ខ្មែរដល់មិត្តភក្តិបរទេស ព្រមទាំងកសាង និងពង្រឹងទំនាក់ទំនងល្អជាមួយសហគមន៍ខ្មែរនៅក្នុងប្រទេសកូរ៉េ។

ឯកឧត្តមឯកអគ្គរាជទូត បានជូនពរដល់ប្អូនៗនិស្សិតគ្រប់រូបសមប្រកបនូវសំណាងល្អ សុខភាពល្អ ទទួលបានជោគជ័យក្នុងការសិក្សា និងធ្វើដំណើរទៅកាន់គោលដៅសិក្សាប្រកបដោយសុវត្ថិភាព។

#ពលករខ្មែរនៅកូរ៉ #ពលករកូរ៉េ #ខ្មែរស្រលាញ់ខ្មែរ #ខ្មែរតែមួយ #ខ្មែរជួយខ្មែរ #ស្ថានទូតកម្ពុុជានៅកូរ៉េ

31/08/2026

ឯកឧត្តមឯកអគ្គរាជទូត ទទួលស្វាគមន៍ប្អូនៗនិស្សិតខ្មែរ នៅព្រលានយន្តហោះអុីនឆន់

នៅព្រឹកថ្ងៃចន្ទ ទី៣១ ខែសីហា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ និងសហការី បានអញ្ជើញទទួលស្វាគមន៍ប្អូនៗនិស្សិតកម្ពុជា​ ដែលទើបមកដល់សាធារណរដ្ឋកូរ៉េ នៅអាកាសយានដ្ឋានអន្តរជាតិអុីនឆន់ ប្រមាណ ៧០រូប ដែលនឹងមកបន្តការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅតាមគ្រឹះស្ថានឧត្តមសិក្សានានា ក្នុងសាធារណរដ្ឋកូរ៉េ។

ក្នុងឱកាសនោះ ឯកឧត្តមឯកអគ្គរាជទូត បានថ្លែងអំណរគុណចំពោះ​ CAMNEMI KOREA និងសាកលវិទ្យាល័យកូរ៉េនានា​ ដែលបានជួយសម្របសម្រួលដល់ប្អូនៗនិស្សិតខ្មែរបានមកសិក្សានៅសាធារណរដ្ឋកូរ៉េ​។ ជាមួយគ្នានេះ​ ឯកឧត្តម​ឯកអគ្គរាជទូត​ បានជួបសំណេះសំណាល សួរសុខទុក្ខ និងផ្តាំផ្ញើដល់ប្អូនៗនិស្សិតទាំងអស់ឱ្យខិតខំប្រឹងប្រែងសិក្សារៀនសូត្រ ក្រេបយកចំណេះដឹង ជំនាញ​ និងបទពិសោធន៍ថ្មីៗ ដើម្បីចូលរួមចំណែកអភិវឌ្ឍប្រទេសជាតិនាពេលបញ្ចប់ការសិក្សា។​ ឯកឧត្តម ក៏បានលើកទឹកចិត្តដល់ប្អូនៗនិស្សិតគ្រប់រូបឱ្យចូលរួមចំណែកលើកតម្កើងកិត្តិយសជាតិ ផ្សព្វផ្សាយអំពីវប្បធម៌ និងអរិយធម៌ខ្មែរដល់មិត្តភក្តិបរទេស ព្រមទាំងកសាង និងពង្រឹងទំនាក់ទំនងល្អជាមួយសហគមន៍ខ្មែរនៅក្នុងប្រទេសកូរ៉េ។

ឯកឧត្តមឯកអគ្គរាជទូត បានជូនពរដល់ប្អូនៗនិស្សិតគ្រប់រូបសមប្រកបនូវសំណាងល្អ សុខភាពល្អ ទទួលបានជោគជ័យក្នុងការសិក្សា និងធ្វើដំណើរទៅកាន់គោលដៅសិក្សាប្រកបដោយសុវត្ថិភាព។

#ពលករខ្មែរនៅកូរ៉ #ពលករកូរ៉េ #ខ្មែរស្រលាញ់ខ្មែរ #ខ្មែរតែមួយ #ខ្មែរជួយខ្មែរ #ស្ថានទូតកម្ពុុជានៅកូរ៉េ

30/08/2026

ឯកឧត្តមឯកអគ្គរាជទូត ចូលរួមវេទិកាសហប្រតិបត្តិការអនាគតកម្ពុជា-កូរ៉េ ២០២៦ នៅទីក្រុងភ្នំពេញ

នៅរសៀលថ្ងៃសុក្រ ទី២៨ ខែសីហា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានអញ្ជើញចូលរួមវេទិកាសហប្រតិបត្តិការអនាគត កម្ពុជា-កូរ៉េ ២០២៦ (2016 한.캄 미래협력포럼) ដែលរៀបចំឡើងក្នុងឱកាសអបអរសាទរខួបអនុស្សាវរីយ៍លើកទី៣០ នៃការបង្កើតសមាគមជនជាតិកូរ៉េនៅកម្ពុជា ក្នុងទីក្រុងភ្នំពេញ ប្រទេសកម្ពុជា ដោយមានការអញ្ជើញចូលរួមពីតំណាងក្រសួង-ស្ថាប័នពាក់ព័ន្ធរបស់កម្ពុជា ឥស្សរជនកូរ៉េ និងតំណាងក្រុមហ៊ុន-វិនិយោគិនកូរ៉េប្រមាណ ៥០ ក្រុមហ៊ុន ព្រមទាំងតំណាងសហគមន៍កូរ៉េនៅកម្ពុជាផងដែរ។

ក្នុងឱកាសថ្លែងសុន្ទរកថា ឯកឧត្តម ឯកអគ្គរាជទូត បានមានប្រសាសន៍ថា ការវិនិយោគរបស់កូរ៉េលើវិស័យ ពាណិជ្ជកម្ម ឧស្សាហកម្ម រោងចក្រផលិត-កែច្នៃវត្ថុធាតុដើម ហេដ្ឋារចនាសម្ព័ន្ធរូបវន្ត័ ហិរញ្ញវត្ថុ បច្ចេកវិទ្យា និងកសិកម្មជាដើម បានចូលរួមចំណែកយ៉ាងសំខាន់ក្នុងការកសាងខឿនសេដ្ឋកិច្ចជាតិកម្ពុជា រួមទាំងបានបង្កើតឱកាសការងារ និងបណ្តុះបណ្តាលជំនាញដល់ប្រជាជនកម្ពុជាផងដែរ។

ឯកឧត្តមបានបន្តថា សង្ឃឹមថា វេទិការធុរកិច្ចនេះ មិនត្រឹមតែជាវេទិកាផ្លាស់ប្តូរយោបល់ និងបទពិសោធន៍សម្រាប់ធុរជននៃប្រទេសទាំងពីរទេ តែវាជាឱកាសដ៏វិសេសវិសាលសម្រាប់ភាគីទាំងពីរកសាងមូលដ្ឋានគ្រឹះដ៏រឹងមាំនៃទំនាក់ទំនងសហប្រតិបត្តិការវិនិយោគ ស្វែងរកដៃគូធុរកិច្ច និងជំរុញលំហូរវិនិយោគក្នុងរយៈពេលវែង។

#ពលករខ្មែរនៅកូរ៉ #ពលករកូរ៉េ #ខ្មែរស្រលាញ់ខ្មែរ #ខ្មែរតែមួយ #ខ្មែរជួយខ្មែរ #ស្ថានទូតកម្ពុុជានៅកូរ៉េ

Address

서울 중구 세종대로55 부영태평빌딩 14층
Seoul
04513

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+82237851041

Website

Alerts

Be the first to know and let us send you an email when ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관:

Shortcuts

Share

Category