Мақат ауданының кітапханасы

04/09/2026

04/09/2026

Аудандық орталық кітапхананың ұйымдастыруымен Л. Шахатов атындағы орта мектебінде оқушылардың тапқырлығы мен ой-өрісін арттырған «Ұшқыр ой мен шешен тіл» интеллектуалды ойыны өтті.
Танымдық бейнероликпен басталған шарада оқушылар тіл туралы мақал-мәтелдердің шешуін тауып, ребустар арқылы кітап атауларын саралады. Қазақ халқының даналығы, шешендік өнері, логикасы мен тапқырлығы сынға түскен 4 кезеңді тартысты ойын өте тартымды өтті! 📚🧠✨
#ҰшқырОй #ШешенТіл #ИнтеллектуалдыОйын #ШахатовМектебі #ТілМәртебесі МектепӨмірі

04/09/2026

#6 Мақат кітапханасы Қазақстан халқы тілдері күніне орай «Тіл білгірі» атты интеллектуалды ойын ұйымдастырылды.
Шараға М.Баймұханов атындағы орта мектебінің 11 сынып оқушылары қатысты. Мақсаты – оқушылардың тілге деген құрметін арттыру, ана тілінің қадір-қасиетін түсіндіру, сөздік қорын молайту, ойлау қабілеті мен білім деңгейін дамыту.
Интеллектуалды ойын 6 кезеңнен тұрды:
1-кезең – «Тез ойла!»
2-кезең – «Мақал – сөздің мәйегі»
3-кезең – «Жұмбақты жылдам шеш»
4-кезең – «Артық сөзді тап»
5-кезең – «Сөзден сөз құра»
6-кезең – «Кім жылдам?»
Шара барысында оқушылар белсенділік танытып, өздерінің білімділігі мен тілге деген сүйіспеншіліктерін көрсетті. «Тіл білгірі» интеллектуалды ойыны жастардың ана тілін құрметтеуге, тіл байлығын дамытуға және ұлттық құндылықтарды дәріптеуге бағытталған мазмұнды әрі тартымды шара болды.

31/08/2026

📚 Кітапты қаншалықты жақсы білесіз? 🤔

Мақат аудандық орталық кітапханада жас кітапханашылар арасында қызықты әрі танымдық «QUIZ» интеллектуалды ойыны ұйымдастырылды.
🎯 Ойын барысында жас кітапханашылар өздерінің кітап әлеміндегі білімдерін сынап, әдеби шығармалар, авторлар мен кітап кейіпкерлеріне қатысты сұрақтарға жауап берді. Әр кезеңде қатысушылар өз білімдері мен тапқырлықтарын көрсетіп, ойларын ортаға салды.
📖 Қызықты сұрақтар, қызу пікірталас, көтеріңкі көңіл-күй мен достық бәсеке ойынның көркін қыздырды.
✨ Мұндай интеллектуалды ойындар кітапханашылардың білімін шыңдап қана қоймай, кітап оқуға деген қызығушылығын арттырып, шығармашылық ойлау қабілетін дамытуға мүмкіндік береді.
Кітап – білімнің қайнар көзі, ал білімді кітапханашы – оқырманға жол көрсетуші! 💫

31/08/2026

Аудандық орталық кітапханасында Семей ядролық полигонының жабылғанына 35 жыл толуына орай оқырмандар арасында дөңгелек үстел өтті. 🕊️📚
Шара барысында 1991 жылғы тарихи шешімнің маңызы, ел тыныштығы мен бейбітшіліктің құны сөз болды. Оқырмандарымыз тарихи деректермен бөлісіп, ашық аспанның қадірі мен келешек ұрпаққа берер тағылымы төңірегінде өз ойларын ортаға салды.
Білім мен тарих тоғысқан қара шаңырақта бас қосқан барша оқырмандарымызға алғыс білдіреміз! 🇰🇿✨

24/08/2026

Мақат аудандық кітапханасында қазақ поэзиясының аққуы, Қазақстанның Халық жазушысы Марфуға Айтқожинаның 90 жылдық мерейтойына арналған «Марфуға Айтқожина – тұлға және дәуір бейнесі» атты рухани кеш өтті! 📖🕊️
Бүгінгі кеште домбыраның қоңыр үні мен ақынның нәзік те терең жырлары астасып, оқырман жүрегін тебірентті. ❤️
Шара барысында:
🔹 Кітапханашылар ақынның бай шығармашылық мұрасы мен өмір жолымен таныстырды.
🔹 Жалынды оқырмандарымыз Марфуға ақынның «Туған жер», «Махаббат», «Ана» тақырыбындағы өлеңдерін жатқа оқыды.
🔹 домбыра тартылып, күмбірлеген күй төгілді
🔹 Тосын микрофон айдарында ақын тұлғасы туралы естеліктер мен жүрекжарды лебіздерін білдірді. 🎶🎙️
Марфуға Айтқожинаның өшпес мұрасы– бүгінгі және болашақ ұрпақ үшін сарқылмас рухани қазына болып қала береді. ✨📚
Кешімізге қатысып, поэзия әлеміне бірге саяхат жасаған барша оқырманға, қонақтарға алғысымыз шексіз! Кітапханамыздың есігі сөз өнерін сүйетін әрбір жан үшін ылғи ашық! 👋🤝
#МарфуғаАйтқожина #ПоэзияКеші #90Жылдық #Мерейтой #ҚазақӘдебиеті МақатКітапханасы

19/08/2026

Кітапқұмар жастардың басын қосқан тағылымды шара — «Мен оқыған 30 кітап» республикалық байқауының аудандық кезеңі Аудандық орталық кітапханада жоғары деңгейде өтті.
Дүбірлі білім сайысына аудан бойынша үздік деп танылған 4 қатысушы бағын сынап, өзара мықтыны анықтады. Тізімге енген 30 кітапты терең меңгерген қатысушылар білім өресі мен зерделігін таразыға салды.
Сайыс 3 негізгі кезеңнен тұрды:
1. «Өзін-өзі таныстыру» — Қатысушылар өздерін және оқыған кітаптарынан алған әсерін шебер баяндап берді.
2. «Бір минут-бір кітап» - Тізімдегі 30 кітаптың ішінен бірін таңдап, оны бейнеролик, презентация, буктрейлер немесе ауызша айту арқылы 3-5 минутта таныстыру.
3. «Кітапты таны» — ұсынылған 30 кітап бойынша экранға жасырылған ұяшықтарға жауап беру.
Сайыс қорытындысы бойынша әділқазылар алқасы қатысушылардың дайындығы мен біліктілігіне оң баға беріп, жеңімпаздарды арнайы дипломдармен және алғыс хаттармен марапаттады. Байқау жеңімпазы Дулатқызы Лаура облыстық кезеңге жолдама алды.

12/08/2026

«Жастар – Мәңгілік елдің болашағы» ✨
12 тамыз – Халықаралық жастар күніне орай, өңіріміздің ең белсенді, өз кәсібін дөңгелетіп жүрген іскер жастарымен арнайы сыр-сұхбат өткіздік! 🚀
Бүгінгі жастар – тек ертеңгі емес, бүгінгі күннің де қозғаушы күші. Кездесуде қонақтарымыз:
🔹 Жетістікке жету жолындағы құпияларымен;
🔹 Кәсіп бастау мен оны дамытудағы тәжірибелерімен;
🔹 Жас өркенге айтар пайдалы кеңестерімен бөлісті.
Видеоны соңына дейін қарап, шабыт алыңыздар! 🎥👇

💭 Сұрақ: Сіз үшін іскерлік пен жетістіктің басты сыры неде? Пікірге жаза кетіңіздер!