Түпқараған аудандық мәдениет үйі МКҚК

04/09/2026

Қазақстан халқы тілдері күніне орай ана тіліміздің қадір-қасиетін дәріптеп, ұлттық рух пен туған жерге деген сүйіспеншілікті ұлықтайтын тағылымды туындыны назарларыңызға ұсынамыз.
Бұл шығармада туған жер, туған тіл, салт-дәстүр мен тарихтың адам өміріндегі орны терең мағынамен өрнектелген. Ана тілімізді ардақтау, ұлттық құндылықтарымызды құрметтеу және келер ұрпаққа аманат ету — баршамызға ортақ міндет.
Тіліміздің тұғыры биік, мәртебесі мәңгі асқақ болсын!
“Төрт ана” М. Шаханов
Ернар Маратұлы

03/09/2026

Құрметті Түпқараған ауданының тұрғындары мен қадірлі қонақтары!

Сіздерді адамзаттың асылы, хазреті Мұхаммед пайғамбарымыздың туған айының құрметіне орай ұйымдастырылатын «Сүйікті Пайғамбарымыз – үмбетке өнеге» атты рухани-тағылымдық кешке шақырамыз! Кеш барысында жанға жылылық ұялатар ғибратты әңгімелер айтылып, отбасылық құндылықтар, мейірімділік пен ізгілік тақырыптары қозғалады.
Рухани кештің қонақтары – ҚМДБ Республикалық ақпараттық-насихат тобының (РАНТ) мүшесі, дінтанушы, PhD доктор Ырысбаев Жандос Орынбайұлы және Маңғыстау облысының орталық «Бекет ата» мешітінің бас имамы Әнуар Ізімбайұлы

Өтетін орны: Форт-Шевченко қаласы, аудандық мәдениет үйі

Күні мен уақыты: 07 қыркүйек, сағат 17:00

02/09/2026

Форт-Шевченко мектеп-лицейінің 6-сынып оқушыларының тіл мен мәдениетке қызығушылығын арттыру, шығармашылық ойлау қабілетін дамыту және командалық белсенділігін қалыптастыру мақсатында “QUIZ” зияткерлік ойыны ұйымдастырылып, жоғары деңгейде өткізілді.
Қызықты әрі тартысты өткен ойынға 3 команда қатысып, білімдерін, тапқырлықтарын және бірлесіп жұмыс жасау қабілеттерін ортаға салды. Ойын 6 турдан тұрды. Әр кезең оқушылардың білімін сынап қана қоймай, логикалық ойлауына, жылдам шешім қабылдауына және топпен жұмыс жасауына мүмкіндік берді.
Ойын барысында қатысушыларға психологиялық бағыттағы қызықты сұрақтар да ұсынылып, өзара түсіністік пен қарым-қатынасты жақсартуға бағытталған тапсырмалар орындалды.
Нәтижесінде: І орын – “Бес жұлдыз” командасы, ІІ орын – “Білім” командасы және ІІІ орын – “Легенда” командасы марапатталып, арнайы сыйлықтар табысталды.

02/09/2026

Түпқараған мәдениет үйі қызметкерлеріне "ҚР мемлекеттік қызмет істер агенттігінің Маңғыстау облысы бойынша департаменті" тапсырмасына сәйкес, Сыбайлас жемқорлықтың алдын алу және қоғамда сыбайлас жемқорлыққа қарсы мәдениетті қалыптастыру мақсатында қызметкерлер арасында ақпараттық - түсіндіру жұмыстары жүргізілді. Жиын барысында сыбайлас жемқорлықтың қоғамға тигізетін кері әсері, оның алдын алу жолдары, мемлекеттік қызметшілердің әдеп қағидаттарын сақтау, азаматтардың құқықтары мен міндеттері туралы жан - жақты түсіндірілді. Сыбайлас жемқорлық құқық бұзушылық салдары мен заңнамада көзделген жауапкершілік мәселелері кеңінен баяндалды.

28/08/2026

27/08/2026

Жастар күні мерекесіне орай Отбасы қолдау орталығында «Бүгінгі жастың бейнесі: арман, құндылық, жауапкершілік» тақырыбында дискуссиялық кеш өтті. Кеш барысында жастардың қазіргі қоғамдағы рөлі, арман-мақсаттары, ұлттық құндылықтар мен жауапкершіліктің маңызы талқыланды. Іс-шараға ауданның белсенді жастары, ұстаздар және прокуратура өкілі қатысып, өз ой-пікірлерімен бөлісті.
Еркін пікір алмасу мен мазмұнды әңгімеге толы кеш жастардың өз болашағына жауапкершілікпен қарауына бағыт берді.

11/08/2026

10 ТАМЫЗ - АБАЙ КҮНІ✨
10 тамыз – Абай күніне орай тұрғындарға ұлы ойшылдың нақыл сөздері мен қара сөздері жазылған естелік магниттер тарту етілді.
Бұл шағын ғана сыйлық арқылы Абай мұрасын насихаттап, даналыққа толы сөздерін көпшілікке жақындатуды мақсат еттік.
Абайдың тағылымды ойлары әр шаңырақтың төрінен орын алып, ұрпақ санасына рухани азық болсын!

Абай күні құтты болсын!
#АбайКүні #АбайМұрасы #ЕстелікМагнит #РуханиҚұндылық

10/08/2026

Құрметті аудан тұрғындары мен қонақтары!

Каспий. Жастар. Спорт күніне орай, «Жалынды жастар — Қазақстанның жарқын болашағы» атты мерекелік іс-шараға құрметпен шақырамыз.

Өтетін күні, уақыты: 14 тамыз, сағат 20:00

Форт-Шевченко қаласы, Каспий теңізінің жағалауы

Бағдарлама аясында ауданның дамуына үлес қосып жүрген белсенді жастар мен спорт саласының үздіктерін марапаттау рәсімі, эстрада жұлдыздарының қатысуымен өтетін мерекелік концерт және отшашу.

Еліміздің жасампаз жастарының басын қосатын айтулы кештің қадірлі қонағы болуыңыздар!