04/09/2026
🔹Ақмола облысында Zijin RG Gold жаңа алтын өндіру фабрикасының құрылыс жобасын іске асыру басталды
Ақмола облысы еліміздегі Доре қорытпасын өндірудің жалпы республикалық көлемінің 54 пайызын қамтамасыз ете отырып, Қазақстандағы басты алтын өндіру орталығы мәртебесін сенімді түрде нығайтып келеді. Бұл әсерлі көрсеткіш – RG Gold, Altyntau Kokshetau және «Алтыналмас» сияқты өнеркәсіп гиганттарының нәтижелі жұмысының жемісі.
Облыстың өсіп келе жатқан инвестициялық тартымдылығының жарқын дәлелі Бурабай ауданындағы Райгородок кен орнында Zijin RG Gold жаңа алтын өндіру фабрикасының жобасын іске асырудың басталуы болды. Жоба Мемлекет басшысының инвестиция тарту және елдегі инвестициялық климатты жақсарту жөніндегі тапсырмасын орындау шеңберінде «KAZAKH INVEST» ҰК» АҚ белсенді қолдауымен жүзеге асырылуда. Жобаны іске асыруға саланың әлемдік көшбасшыларының бірі – халықаралық Zijin Mining гиганты тартылуда.
Тікелей инвестициялар көлемі 600 миллион АҚШ долларынан асатын жоба жылына 10 млн тонна кен өңдейтін жаңа қуаттылықты құруды көздейді. Бұл компанияға кешеннің жалпы кен өңдеу қуатын жылына 16 миллион тоннаға дейін арттыруға мүмкіндік береді.
Екінші алтын өндіру фабрикасын пайдалануға беру жылына қосымша 7 тонна алтын өндіруді қамтамасыз етеді, бұл кәсіпорынның жылдық өнім шығару көлемін 6 тоннадан 12 тоннадан астам Доре қорытпасына дейін арттырады.
«Біз үшін бұл жоба – өндіріс қуатын арттыру ғана емес, сонымен бірге өңірді дамытуға салынған инвестиция. Өндірісті көбейту мамандар үшін жаңа мүмкіндіктер ашады, ШОБ-ты дамытуға және экономиканы нығайтуға ықпал етеді. Біз тұрғындар, мемлекет және серіктестер үшін ұзақ мерзімді құндылықтар құруға ұмтыламыз», – деп атап өтті Zijin RG Gold со-бас директоры Марат Шаймарданов.
Осы түйінді жобаларды кешенді түрде іске асыру Ақмола облысына көшбасшылық позициясын сақтап қана қоймай, 2028 жылға қарай алтын өңдеу көлемін жылына 50 тоннаға дейін арттыруға мүмкіндік береді.
🔹В Акмолинской области началась реализация проекта строительства новой золотодобывающей фабрики Zijin RG Gold
Акмолинская область уверенно укрепляет статус одного из главных центров золотодобычи в Казахстане, обеспечивая 54% от общереспубликанского объём
