Amanat Pavlodar qalasy

02/06/2026

Қалалық маслихат депутаты, «AMANAT» партиясының депутаттық фракциясының мүшесі Сулаймонова Русана Русланқызы партияның қалалық филиалына азаматтарды қабылдады. Кездесу кезінде азаматтардың бірқатар мәселелері шешілді. Партияның «Бақытты отбасы» жобасының аясында көп балалы ана, жалғыз басты ана, ерекше бала тәрбиелеп отырған отбасы және аз қамтылған отбасы мүшелері көмек сұрап жүгінді.
Осы отбасылардың барлығына сұраныстарына қарай көмек көрсетілетін болады.

01/06/2026

01/06/2026

Халықаралық балаларды қорғау күніне орай және «Бақытты отбасы» партиялық жобасы аясында Павлодар қалалық филиалының атқарушы хатшысы Сүлеймен Сыздықов пен Павлодар қалалық мәслихатының депутаты Мадина Музапарова әйелдерді қолдауға арналған дағдарыс орталығына барып, ондағы бүлдіршіндерді мерекемен құттықтады.

Кездесу барысында балаларға естелік сыйлықтар табысталып, көтеріңкі көңіл-күй сыйланды. Балалардың шат күлкісі мен қуанышты жүздері бұл күннің ерекше маңызын айқындай түсті.

01/06/2026

Халықаралық балаларды қорғау күніне орай және «Бақытты отбасы» партиялық жобасы аясында Павлодар қалалық филиалының атқарушы хатшысы Сүлеймен Сыздықов пен Павлодар аудандық мәслихатының депутаты Мадина Джумадиева Шақат ауылындағы арнайы әлеуметтік қызметтерге мұқтаж балаларды қолдау орталығына арнайы барып, тәрбиеленушілерді мерекемен құттықтады.

Кездесу барысында балаларға естелік сыйлықтар табысталып, жылы лебіздер мен ізгі тілектер айтылды. Балалардың қуанышты көңіл-күйі мен шынайы күлкісі мерекенің ерекше сәнін келтірді.

Әрбір баланың бақытты балалық шаққа, қамқорлық пен мейірімге бөленуге құқығы бар. Сондықтан өскелең ұрпақтың жарқын болашағы үшін жасалып жатқан әрбір игі іс - қоғамымыздың маңызды міндеттерінің бірі.

Барша балаларды мерекемен құттықтай отырып, зор денсаулық, шаттық пен бақыт тілейміз! Балалардың армандары орындалып, жүздерінен күлкі кетпесін!

01/06/2026

Бүгін - Халықаралық балаларды қорғау күніне орай және «Бақытты отбасы» партиялық жобасы аясында Павлодар қалалық филиалының атқарушы хатшысы Сүлеймен Сыздықов, Павлодар қалалық мәслихатының депутаты Әлия Асқарова және қоғамдық кеңес мүшесі Жадыра Мәкенова Отбасылық үлгідегі балалар ауылына арнайы барып, бүлдіршіндерді мерекемен құттықтады.

Кездесу барысында балаларға көтеріңкі көңіл-күй сыйлап, естелік сыйлықтар табысталды. Балалардың шат күлкісі мен қуанышты жүздері - бұл күннің басты сыйы болды.

Балалар - еліміздің жарқын болашағы. Сондықтан олардың бақытты балалық шағы мен жан-жақты дамуына қолайлы жағдай жасау - баршамыздың ортақ міндетіміз.

Барша бүлдіршіндерді Халықаралық балаларды қорғау күнімен құттықтаймыз! Әр баланың өмірі шаттыққа, мейірімге және жарқын мүмкіндіктерге толы болсын!

01/06/2026

🎈Достар!

Баршаңызды 1 маусым – Халықаралық балаларды қорғау күнімен шын жүректен құттықтаймыз!

Мемлекет басшысы Қасым-Жомарт Тоқаев атап өткендей, жас ұрпақтың құқығын қорғау, денсаулығын сақтау және олардың жан-жақты дамуына қолайлы жағдай жасау – жалпыұлттық мақсат және конституциялық міндет.

Бала – шаңырақтың шаттығы ғана емес, мемлекеттің болашағы. Рухты, отаншыл балақайларымыз түрлі салада биік белестерді бағындырып, елімізді әлем жұртшылығына танытып келеді. Олардың дара қабілеті мен тың идеялары төрткүл дүние жүзін таңқалдыруда.

Әрдайым балдырғандарымыздың арманы асқақ, ойы ұшқыр және болашағы баянды болғай.

Өскелең ұрпақ бейбіт аспан астында алаңсыз ғұмыр кеше берсін!

29/05/2026

«Кедергісіз келешек» партиялық жобасы аясында көзі көрмейтін және нашар көретін азаматтарға арналған облыстық арнайы кітапханасының ұжымы және оқырмандарымен кездесу өтті.

Іс-шараға «AMANAT» партиясы Павлодар облыстық филиалының төрағасы Асылбек Туғанбай, Павлодар қалалық филиалының атқарушы хатшысы Сүлеймен Сыздықов, Павлодар қалалық мәслихатының депутаты, «Кедергісіз келешек» партиялық жобасының амбассадоры Павел Горбачев қатысты.

Кездесу барысында қолжетімді орта қалыптастыру, ерекше қажеттілігі бар азаматтарды қолдау және инклюзивті бастамаларды дамыту мәселелері талқыланды. Сонымен қатар арнайы кітапхананың мәдениет, білім беру және әлеуметтік бейімдеу бағытындағы маңызды рөлі атап өтілді.

Тұрғындар тарапынан көтерілген барлық өтініштер мен ұсыныстар жұмысқа қабылданып, олардың орындалуы бақылауға алынды.

Қатысушылар қоғамда әр азаматқа тең мүмкіндік жасау жолындағы бірлескен жұмыстың маңыздылығын ерекше атап өтті.