ຄະນະ ໂຄສະນາ-ອົບຮົມ ເມືອງເມິງ

15/08/2026

15 ສິງຫາ ວັນປະກາດໃຊ້ລັດຖະທຳມະນູນ ແຫ່ງ ສປປ ລາວ​ 🇱🇦​ ຄົບຮອບ 35 ປີ (15 ສິງຫາ 1991-15 ສິງຫາ 2026)
ນັບແຕ່ມື້ສ້າງຕັ້ງມາ ລັດຖະທຳມະນູນ ແຫ່ງ ສປປ ລາວ​ ໄດ້ມີການປັບປຸງມາແລ້ວ 3 ຄັ້ງ​ ຄື: ປີ​ 2003,​ 2015 ແລະ​ 2025.

21/07/2026

ຂໍໃຫ້ແຕ່ລະຂະແໜງການຮີບຮ້ອນສົ່ງເປົ້າໝາຍໃນກົມກອງ, ຫ້ອງການຂອງຕົນ ເຂົາຮ່ວມຝຶກອົບຮົມຕາມແຈ້ງການນີ້ເດີ.
ສາມາດສົ່ງລາຍຊື່ຜ່ານ page ນີ້ໄດ້ເລີຍ ຫຼື ໂທ 02094490909, 02054399474 ຫຼື ເຂົ້າມາພົວພັນໂດຍກົງ ທີ່ສຳນັກງານອົງການພັກ ຄະນະໂຄສະນາອົບຮົມເມືອງ ໃນໂມງລັດຖະການ

17/07/2026

ພົນລະເມືອງທ່ານໜຶ່ງສະເໜີມາ: ຂໍອະນຸຍາດ ສະເໜີພາກສ່ວນກ່ຽວຂ້ອງ ແກ້ໄຂກອງດິນໜ້າ ປ້າຍຄຳຂວັນຂອງເມືອງໃຫ້ແດ່ ເຫັນແລ້ວມັນບໍ່ງາມຕາ, ຫຼື ວ່າຈະສື່ໃຫ້ເຫັນເຖິງພູມສັນຖານທີ່ເປັນພູເຂົາ ປ່າ ດອຍ ຂອງເມືອງເມິງບໍ.
ຂໍໃຫ້ຜູ້ໃຫຍ່ຜູ້ມີສິດ ອໍານາດ ຊີ້ນຳພາກສ່ວນກ່ຽວຂ້ອງ ແກ້ໄຂແດ່

16/07/2026

ບ້ານມີກົດບ້ານ ເມືອງມີກົດເມືອງ ປະເທດມີກົດໝາຍຂອງປະເທດ.
ເອກະສານນີ້ແມ່ນແຈ້ງການແນະນຳ ກ່ຽວກັບການຈັດງານບຸນປະເພນີ, ບຸນງານສັງຄົມ ແລະ ການຈັດກິດຈະກຳຕ່າງໆຢູ່ພາຍໃນເມືອງເມິງ.
ໂດຍເອກະສານນີ້ເປັນນິຕິກຳລຸ່ມກົດໝາຍ ເປັນຂໍ້ກຳນົດ, ຂໍ້ບັງຄັບໃຊ້ສະເພາະເມືອງເມິງ ໃຫ້ທຸກພາກສ່ວນໃນສັງຄົມພ້ອມພາກັນຈັດຕັ້ງປະຕິບັດໃຫ້ແຜ່ຫຼາຍ ແລະ ໃຫ້ຮັກສາເປັນປະເພນີອັນດີງາມຂອງຊາດໄວ້ໃຫ້ຍາວນານ, ປະເພນີ ຫຼື ວັດທະນະທຳທີ່ຊອດກະຈາ ຂັດກັບວັດທະນະທຳອັນດີງາມຂອງພວກເຮົາ ກໍ່ໃຫ້ພ້ອມພາກັນເຊົາ ບໍ່ໃຫ້ປະຕິບັດ, ໃຫ້ອຸ້ມຊູ ຊຸກຍູ້ວັດທະນະທຳອັນດີງາມຂອງຊາດເຮົາສືບຕໍ່ໄປ

01/06/2026

ແສງແດດຍາມແລງສ່ອງຜ່ານຕົ້ນໄມ້ ບັນຍາກາດງຽບສະຫງົບ ແຕ່ໃນໃຈຂອງ ທ.ຄຳ ຊ້ຳພັດວຸ້ນວາຍຄືກັບພາຍຸ. ເຂົານັ່ງເບິ່ງໜ້າຈໍໂທລະສັບ ທີ່ຄ້າງໜ້າຕ່າງແຊັດລະຫວ່າງເຂົາ ແລະ ນາງ ແຟນສາວທີ່ຄົບກັນມາຫຼາຍປີ.
ຍ້ອນຄືນໄປເມື່ອໜຶ່ງປີກ່ອນ... ຕອນນັ້ນທັງສອງຍັງນັ່ງລົມກັນຢູ່ຮ້ານກາເຟນ້ອຍໆແຫ່ງໜຶ່ງ.
"ອ້າຍບອກອີປໍອີແມ່ ມາຂໍນ້ອງລໍ" ນາງ ເວົ້າຂຶ້ນດ້ວຍຮອຍຍິ້ມອາຍໆ.
"ເອົາຄ່າດອງທໍ່ແນ່?" ຄຳ ຖາມຄືນ ໃຈໜຶ່ງກໍດີໃຈ ອີກໃຈໜຶ່ງກໍກັງວົນເລື່ອງເງິນຄຳ.
"ອີແມ່ວ່າ ຄຳສອງບາດ ເງິນ 30 ລ້ານ ກໍ່ພໍແລ້ວ ຖ້າຮັກແທ້ຄ່ອຍຊອກຄ່ອຍຫາຊ່ວຍກັນ."ເມື່ອໄດ້ຍິນແນວນັ້ນ ຄຳກໍຫາຍໃຈໄດ້ເຕັມປອດ ເພາະຄຳຍາມນັ້ນບາດໜຶ່ງພຽງແຕ່ 6 ລ້ານກວ່າກີບ. ເຂົາຈຶ່ງຕອບໄປດ້ວຍຄວາມໝັ້ນໃຈວ່າ:
"ໂດຍໆ ອ້າຍຂໍເກັບເງິນກ່ອນ ດຽວນີ້ມີກ້ອນໜຶ່ງແລ້ວ ແຕ່ຍັງບໍ່ພໍຊື້ຄຳ ໄດ້ແຕ່ຄ່າດອງ."
"ດ້ອຍຍຍ ສູ້ໆເນີອ້າຍ" ນາງ ສົ່ງຂໍ້ຄວາມໃຫ້ກຳລັງໃຈ ພ້ອມສະຕິກເກີໜ້າຮັກສົ່ງຄືນຫາຊາຍຄົນຮັກ.
ແຕ່ໃຜຈະຄິດວ່າ 1 ປີຜ່ານໄປ ມັນຈະໄວປານໂຄວິດ... ແລະ ສິ່ງທີ່ໄວຄືກັນແມ່ນ "ລາຄາຄຳ". ຈາກບາດລະ 6 ລ້ານກວ່າກີບ ພຸ່ງຂຶ້ນມາເປັນ 18 ລ້ານກວ່າກີບ! ເງິນກ້ອນທີ່ຄຳສະສົມໄວ້ ຫວັງຈະໄປຊື້ຄຳສອງບາດ ຕອນນີ້ຊື້ໄດ້ບໍ່ຮອດບາດຊ້ຳ.ຄຳ ຕັດສິນໃຈສົ່ງຂໍ້ຄວາມໄປຫານາງ ດ້ວຍມືທີ່ສັ່ນເລັກນ້ອຍ:
"ນ້ອງ ລາຄາຄຳຄືວ່າລາຄາຂື້ນສູງແທ້."ບໍ່ດົນ ນາງ ກໍຕອບກັບມາ:
"ນ້ອງວ່າແລ້ວ ຕອນນັ້ນໃຫ້ຮີບຊື້ໄວ້ ລະມາຂໍນ້ອງ ເຮັດແນວໃດຊັ້ນ?
"ຄຳນັ່ງມິດຢູ່ດົນເຕີບ... ເຂົາເບິ່ງຕົວເລກໃນບັນຊີທະນາຄານ ປຽບທຽບກັບລາຄາຄຳໃນປັດຈຸບັນ. ຄວາມຮັກຂອງພວກເຂົາບໍ່ໄດ້ຫຼຸດລົງເລີຍ ແຕ່ຄ່າຄອງຊີບ ແລະ ມູນຄ່າຂອງເງິນກີບກຳລັງທົດສອບພວກເຂົາຢ່າງໜັກໜ່ວງ.ເຂົາເລີ່ມພິມຂໍ້ຄວາມຕອບກັບ ດ້ວຍຄວາມຮູ້ສຶກທີ່ປະປົນກັນ ລະຫວ່າງຄວາມຫວັງ ແລະ ຄວາມຈິງ:
"ອ້າຍຂໍໂທດທີ່ຕອນນັ້ນຄິດຊ້າໄປ... ຕອນນີ້ເງິນທີ່ອ້າຍມີ ມັນອາດຈະຊື້ຄຳໄດ້ບໍ່ຄົບຕາມທີ່ແມ່ຂໍ ແຕ່ຄວາມຕັ້ງໃຈຂອງອ້າຍຍັງຄືເກົ່າ. ຄັນຄຳມັນແພງເກີນໄປ... ເຮົາລອງປ່ຽນມາສ້າງອະນາຄົດນຳກັນດ້ວຍວິທີອື່ນກ່ອນໄດ້ບໍ່? ຫຼື ນ້ອງຄິດວ່າແນວໃດ?"
ຄຳກົດສົ່ງຂໍ້ຄວາມ. ເຂົາວາງໂທລະສັບລົງ ຫັນໄປເບິ່ງທ້ອງຟ້າທີ່ກຳລັງຈະມຶດລົງ ພ້ອມກັບຄຳຖາມໃນໃຈວ່າ ຄຳຕອບຂອງ ນາງ ແລະ ຄອບຄົວຂອງລາວ ຈະເປັນແນວໃດ... ພວກເຂົາຈະເລືອກຍຶດໝັ້ນໃນຮີດຄອງເດີມ ຫຼື ຈະຮ່ວມກັນປັບຕົວໄປຕາມຍຸກສະໄໝ?

09/05/2026

ຄຳແນະນຳກ່ຽວກັບບ້ານ ແລະ ການຈັດຕັ້ງບ້ານ

25/02/2026

26/01/2026

ເພື່ອເປັນການສ້າງຂະບວນການອອກແຮງງານ ຂໍ່ານັບຮັບຕ້ອນ ການປ່ອນບັດເລືອກຕັ້ງສະພາແຫ່ງຊາດ ແລະ ສະພາປະຊາຊົນຂັ້ນແຂວງ ແລະ ເພື່ອເຮັດໃຫ້ຂອບເຂດທົ່ວເມືອງໃຫ້ມີຄວາມຈົບງາມ ແລະ ມີຄວາມສະຫງົບປອດໄພ.
ຫ້ອງວ່າການເມືອງເມິງ, ຂໍຖືເປັນກຽດຢ່າງສູງ ແຈ້ງມາຍັງທ່ານ ຊາບວ່າ: ວັນທີ 30 ມັງກອນ 2026 ໃຫ້ບັນດາທ່ານ ນໍາພາສະມາຊິກອ້າຍ, ເອື້ອຍ, ນ້ອງ ໃຕ້ຄວາມຮັບຜິດຊອບຂອງຕົນ ອອກແຮງງານລວມ ດັ່ງລາຍລະອຽດລຸ່ມນີ້:
1. ຕັດຫຍ້າ ແລະ ເກັບຂີ້ເຫຍື້ອຂອບເຂດຄວາມຮັບຜິດຊອບຂອງຕົນ.
2. ໃຫ້ປະຊາຊົນໃນເຂດເທດສະບານເມືອງ ແລະ ທຸກບ້ານໃນທົ່ວເມືອງພ້ອມພາກັນຕັດຫຍ້າແຄມທາງ, ດິນຈັບຈອງ ແລະ ເຮືອນຊານຂອງຕົນໃຫ້ເປັນລະບຽບ.
3. ມອບໃຫ້ແຕ່ລະຂົງເຂດແຕ່ງຕັ້ງການປ້ອງກັນເວນຍາມ ເພື່ອປ້ອງກັນບໍ່ໃຫ້ເກີດມີເຫດການທີ່ບໍ່ດີເກີດຂື້ນໃນຂອບເຂດທົ່ວເມືອງ, ຕ້ອງຮັບປະກັນໃຫ້ມີຄວາມສະຫງົບ 100%.
ສະນັ້ນ, ຈຶ່ງແຈ້ງມາຍັງບັນດາທ່ານ ແລະ ພາກສ່ວນທີ່ກ່ຽວຂ້ອງເພື່ອຊາບ ແລະ ພ້ອມກັນຈັດຕັ້ງປະຕິບັດຕາມແຈ້ງການສະບັບນີ້ໃຫ້ໄດ້ຮັບໝາກຜົນດ້ວຍ.

13/01/2026

ຄະນະກຳມະການເລືອກຕັ້ງຂັ້ນເມືອງ.
ອອກແຈ້ງການເຖິງຄະນະພັກຮາກຖານບ້ານ, ເລຂາໜ່ວຍພັກ, ນາຍບ້ານ ແລະ ຄະນະຮັບຜິດຊອບໜ່ວຍປ່ອນບັດ ເພື່ອລົງເກັບກຳສະຖິຕິຜູ້ມີສິດປ່ອນບັດເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ຢູ່ເມືອງເມິງ.

22/12/2025

ລາຍການອາຫານ ຂອງຮ້ານອາຫານແຫ່ງໜຶ່ງ ຂອງເມືອງເມິງ.
ເມື່ອ 5-6 ປີກ່ອນ ເຝີ, ເຂົ້າປຽກ, ເຂົ້າຊອຍ ແມ່ນ ເລິ່ມຕົ້ນ 10.000 ກີບ.
ລາບ, ແກງ ເລີ່ມຕົ້ນ 30.000 ກີບ.
ແຕ່ປັດຈຸບັນ ປີ 2025 ເຝີ, ເຂົ້າປຽກ, ເຂົ້າຊອຍ 35.000 ກີບ.
ແລະ ປີຕໍ່ໆໄປເດ ລາຄາຈະຫຼຸດລົງ ຫຼື ເພີ່ມຂື້ນແບບໃດຕື່ມ.