ທ່ອງທ່ຽວແຂວງຈຳປາສັກ

31/08/2026

#ພະແນກວັດທະນະທໍາແລະການທ່ອງທ່ຽວແຂວງຈໍາປາສັກ
------===+++===------
#ການມອບເຄື່ອງເພື່ອຍົກລະດັບ-ມາດຕະຖານຂອດການບໍລິການ ຂອງພະນັກງານນໍາທ່ຽວ(ໄກ ທ້ອງຖີ່ນ) ປະຈໍາບ້ານ ໜອງຫຼວງ ເມືອງປາກຊ່ອງ ແຂວງຈໍາປາສັກ.
ໃນວັນທີ 30 / 08 / 2026 : #ກິດຈະກໍາການລົງມອບເຄື່ອງໃຫ້ກັບພະນັກງານນໍາທ່ຽວທ້ອງຖີ່ນ (s) #ບ້ານໜອງຫຼວງ ເມືອງປາກຊ່ອງ.
#ພິທີມອບໂດຍ ທ່ານ ນາງ ເຕລະວັນ ແກ້ວພີລາວັນ ກຳມະການພັກແຂວງ ຫົວໜ້າພະແນກ ວັດທະນະທໍາ ແລະ ການທ່ອງທ່ຽວແຂວງ #ອຸປະຖໍາໂດຍ: ທ່ານ ອາລຸນໄຊ ສູນນະລາດ ເລຂາພັກແຂວງ ຈໍານວນ 50 ໂຕ, #ໃນນັ້ນມີຜູ້ເຂົ້າຮ່ວມ ມອບເຄື່ອງໃນຄັ້ງນີ້ ປະກອບມີ ທ່ານ ຄໍາສອນ ສຸວັນນະຄິລິ ຕ່າງໜ້າ ຄະນະກຸ່ມພະນັກງານນໍາທ່ຽວລະດັບແຂວງ ແລະ ທ່ານ ອຸຍ ວັດຈາຣີນຕຣາ (ຜູ້ອຸປະຖໍາຮ່ວມ ຈໍານວນ 50ໂຕ ) ໃນນາມຕ່າງໜ້າໃຫ້ຜູ້ປະກອບກອບການທ່ອງທ່ຽວປະຈໍາບ້ານໜອງຫຼວງ #ພິທີ ໄດ້ມອບ ມີເສື້ອແຂນສັ້ນ, ເຄື່ອງແບບ ຂອງພະນັກງານນໍໍາທ່ຽວ ໃຫ້ກັບການຈັດຕັ້ງບ້ານ ແລະ ພະນັກງານນໍາທ່ຽວພາຍໃນບ້ານ ຈໍານວນ 100 ໂຕ, ລວມເປັນມູນຄ່າ ຫຼາຍກວ່າ 15,000,000 ກີບ ເພື່ອໄດ້ນໍາໃຊ້ໃນການບໍລິການນັກທ່ອງທ່ຽວ ເວລາເດີນປ່າ ແລະ ນອນແຄມປີງ.
#ຈຸດປະສົງຫຼັກ : ເພື່ອຮັບປະກັນຄວາມເປັນລະບຽບຮຽບຮ້ອຍ,ຈົບງານ ແລະ ຖື້ກຕາມຫຼັກການຂອງພະນັກງານນໍາທ່ຽວຂັ້ນທ້ອງຖີ່ນ. #ໂອກາດນີ້ ທ່ານ ນາງ ເຕລະວັນ ແກ້ວພີລາວັນ ກຳມະການພັກແຂວງ ໄດ້ເນັນໃສ່ ແລະ ໃຫ້ຄໍາແນະນໍາເພີ່ມເຕີມກ່ຽວກັບ ຂອດການບໍລິການພາຍໃນບ້ານຄື: (1)ປະຕິບັດຕໍ່ກົດລະບຽບ : ເອົາໃຈໃສ່ ແລະ ເພີ່ມຄວາມເປັນລະບຽບ-ຮອຽບຮ້ອບ, ຄວາມສະຫງົບ-ປອດໄພ ພາຍໃນບ້ານ ແລະ ຕໍ່ກັບນັກທ່ອງທ່ຽວ, (2)ການບໍລິການທີ່ພັກແຮມ(ໂຮມສະເຕ): ແມ່ນໄດ້ເນັນໃສ່ ປະຕິບັດຕາມກົດລະບຽບ ແລະ ມາດຕະຖານຂອງການພັກແຮມ ກັບເຮືອນຂອງຊຸມຊົນ, ມີຄວາມສະອາດ, ມີອາຫານ ທີ່ເປັນເອັກກະລັກ ປະຈໍາທ້ອງຖີ່ນ,ຖືກຫຼັກອະນາໄມ້ ແລະ (3) ການມີສ່ວນຮ່ວມຂອງຊຸມຊົນ: ເນັນໃຫ້ປະຊາຊົນພາຍໃນບ້ານ ໄດ້ເປັນເຈົ້າການ, ເປັນຜູ້ຮັບຜິດຊອບ ແລະ ຈັດຕັ້ງປະຕິບັດ ເຮັດໜ້າທີ່ຂອງຕົນໃຫ້ສຳເລັດເຊັ່ນ: ເປັນພະນັກງານນໍາທ່ຽວ, ເປັນຜູ້ແຕ່ງກີນ ແລະ ເປັນຜູ້ດູແລ ນັກທ່ອງທ່ຽວ, ເປັນຜູ້ປົກປັກຮັກສາຄວາມສະອາດ,ຮັກສາສີ່ງແວດລ່ອມ ແລະ ການບໍລິການ ໃຫ້ມີຄວາມປະທັບໃຈ, ມີຄວາມປອດໄພ-ສະຫງົບສຸກ, ເພື່ອເຮັດໃຫ້ມີນັກທ່ອງທ່ຽວ ເຂົ້າມາທ່ຽວຫຼາຍຂື້ນກວ່າເກົ່າ ແລະ ໃຫ້ເກີດມີຄວາມຍືນຍົງຕະຫຼອດໄປ.
#ການທ່ອງທ່ຽວແຂວງຈໍາປາສັກ
#ການທ່ອງທ່ຽວລາວໃຕ້

See less

28/08/2026

#ກິດຈະກຳອະນາໄມສະຖານທີ່ແຫຼ່ງທ່ອງທ່ຽວພູສະເຫຼົ້າ "ເດືອນລະ 10 ຖົງ"
---===+++===---
#ໃນຕອນບ່າຍຂອງວັນທີ28/08/2026. ຢູ່ທີ່ສະຖານທີ່ແຫຼ່ງທ່ອງທ່ຽວພູສະເຫຼົ້າ ເມືອງໂພນທອງ ແຂວງຈຳປາສັກ.
# ພະແນກວັດທະນະທໍາ ແລະ ການທ່ອງທ່ຽວແຂວງຈໍາປາສັກ(ຂະແໜງທ່ອງທ່ຽວ)
ໄດ້ຮ່ວມກັບຫ້ອງການ ວທ ເມືອງໂພນທ່ອງ ແລະ ກຸ່ມພະນັກງານນໍາທ່ຽວ.
#ຮ່ວມກັນສ້າງຂະບວນການເພື່ອຕ້ອນຮັບວັນສຳຄັນຕ່າງໆຂອງພັກຂອງຊາດ,ພ້ອມທັງເຮັດໃຫ້ສະຖານທີ່ດັ່ງກ່າວໃຫ້ມີຄວາມສະອາດຈົບງາມ, ປົກປັກ ແລະ ຮັກສາສີ່ງແວດລ້ອມຂອງທຳມະຊາດ ໃຫ້ສວຍງາມ, ພ້ອມທັງ ເປັນການໂຄສະນາການທ່ອງທ່ຽວໃນຊວງລະດູຜົນ ໃຫ້ມີນັກທ່ອງທ່ຽວ ເຂົ້າມາທ່ຽວໃນພື້ນທີ່ດັ່ງກ່າວ ຫຼາຍຂື້ນກວ່າເກົ່າ.
#ການທ່ອງທ່ຽວແຂວງຈໍາປາສັກ
#ລາວທ່ຽວລາວ
#ທ່ອງທ່ຽວລາວໃຕ້
www.tourismlaos.org
www.tourismlaos.org

19/08/2026

#ກອງປະຊຸມສະຫຼຸບວຽກງານວັດທະນະທຳ ແລະ ການທ່ອງທ່ຽວ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2026.
​ໃນຕອນເຊົ້າຂອງວັນທີ 19 ສິງຫາ 2026, ພະແນກວັດທະນະທຳ ແລະ ການທອ່ງທ່ຽວແຂວງຈຳປາສັກ,ໄດ້ຈັດກອງປະຊຸມສະຫຼຸບວຽກງານວັດທະນະທຳ ແລະການທ່ອງທ່ຽວ 6 ເດືອນຕົ້ນປີ, ພ້ອມທັງວາງທິດທາງແຜນການເຄື່ອນໄຫວ 6 ເດືອນທ້າຍປີ 2026 ຢ່າງເປັນທາງການ.
ກອງປະຊຸມໄດ້ຈັດຂຶ້ນໂດຍໃຫ້ກຽດເປັນປະທານຂອງທ່ານ ນ.ເຕດາວັນ ແກ້ວພິລາວັນ,ກຳມະການພັກແຂວງ ເລຂາຄະນະພັກຮາກຖານ ຫົວໜ້າພະແນກວັດທະນະທຳ ແລະ ການທອ່ງທ່ຽວແຂວງຈຳປາສັກ, ເຂົ້າຮ່ວມມີບັນດາທ່ານຕ່າງໜ້າຈາກພະແນກການອອ້ມຂ້າງແຂວງ,ຫອ້ງການ ວທ ນະຄອນປາກເຊ ແລະ 9 ເມືອງ,ຕົວແທນຈາກພາກສ່ວນທຸລະກິດເຂົ້າຮ່ວມ.

ກອງປະຊຸມໃນຄັ້ງນີ້ແມ່ນເນັ້ນໃສ່ການສືບຕໍ່ອະນຸລັກ ແລະ ສົ່ງເສີມຄຸນຄ່າວັດທະນະທຳ, ພັດທະນາແຫຼ່ງທ່ອງທ່ຽວ, ຍົກສູງຄຸນນະພາບການບໍລິການ, ເພີ່ມການໂຄສະນາປະຊາສຳພັນຜ່ານສື່ດິຈິຕອນ, ສົ່ງເສີມ Green Season ແລະ ການທ່ອງທ່ຽວຊຸມຊົນ ໃຫ້ມີຄວາມຍືນຍົງ.
ກອງປະຊຸມໄດ້ຮັບຟັງຄໍາຄິດເຫັນບົດລາຍງານຈາກບັນດາພາກສ່ວນແລະແລກປ່ຽນບົດຮຽນຈາກການເຄື່ອນໄຫວວຽກງານໃນ 6 ເດືອນຜ່ານມາ,ພອ້ມທັງຊີ້ໃຫ້ເຫັນເຖີງບັນຫາ,ຂໍ້ຈຳກັດ ແລະ ສີ່ງທີ່ຕ້ອງຮັບແກ້ໄຂໃນໄລຍະຕໍ່ໄປ.
ໃນຕອນທ້າຍຂອງກອງປະຊຸມໂດຍໄດ້ຮັບກຽດຈາກທ່ານ ປອ ສຸກສະຫວັນ ວິໄລວົງ, ປະທານຄະນະກຳມະການປົກຄອງແຂວງຈຳປາສັກ,ໄດ້ໃຫ້ທິດຊີ້ນໍາໃຫ້ບັນດາພາກສ່ວນທີ່ເຂົ້າຮ່ວມໄດ້ສືບຕໍ່ຍົກສູງຈິດສໍານຶກຄວາມຮັບຜິດຊອບ,ປະສານງານຢ່າງໄກ້ຊິດແລະເລັ່ງລັດແຜນງານທີ່ວາງໄວ້ເພື່ອໃຫ້ວຽກງານວັດທະນະທຳ ແລະການທອ່ງທ່ຽວໃນ 6 ເດືອນທ້າຍປີ 2026 ບັນລຸໃດ້ຕາມຄາດໜາຍ,ສ້າງຜົນງານໃໜ່ແລະ ປະກອບສວ່ນຕໍ່ການພັດທະນາເສດຖະກິດ-ສັງຄົມຂອງແຂວງໃຫ້ນັບມື້ເຕີບໂຕ.
#ທອ່ງທ່ຽວແຂວງຈໍາປາສັກ

culture and Tourism Department
Tourism information
*ຂ່າວ:ນ. ວຽງພອນ

15/08/2026

season
#ທອ່ງທ່ຽວລະດູຝົນ-ສຳຜັດຄວາມຂຽວສົດຊົມສາຍນໍ້າແລະຄວາມງາມຂອງທຳມະຊາດ.
ພາບບັນຍາກາດ ນັກທ່ອງທ່ຽວໄດ້ຮ່ວມກັນເດີນທາງສຳຫຼວດພື້ນທີ່ທຳມະຊາດ ຜ່ານເສັ້ນທາງທີ່ລາຍລ້ອມດ້ວຍປ່າໄມ້ສີຂຽວ ແລະ ໄດ້ຊົມຄວາມງາມຂອງສາຍນ້ຳ ແລະ ນ້ຳຕົກທີ່ໄຫຼລົງຕາມຊັ້ນຫີນ ສ້າງເປັນທິວທັດທີ່ສວຍງາມ ແລະ ເໝາະແກ່ການພັກຜ່ອນ ພ້ອມທັງສຳຜັດບັນຍາກາດອັນສົດຊື່ນຈາກທຳມະຊາດ.

ລະດູຝົນຖືເປັນອີກໜຶ່ງຊ່ວງເວລາທີ່ແຫຼ່ງທ່ອງທ່ຽວທຳມະຊາດມີຄວາມງາມໂດດເດັ່ນ ເນື່ອງຈາກປ່າໄມ້ ແລະ ພືດພັນຕ່າງໆມີຄວາມຂຽວສົດ ຂະນະທີ່ສາຍນ້ຳ ແລະ ນ້ຳຕົກມີຄວາມອຸດົມສົມບູນຫຼາຍຂຶ້ນ.
#ລາວທ່ຽວລາວ

Culture and Tourism
Tourism information
*ຂ່າວ:ນາງ ວຽງພອນ

14/08/2026

#ກະກຽມຄວາມພ້ອມເປັນເຈົ້າພາບ ຈັດງານສະເຫຼີມສະຫຼອງສາຍພົວພັນການທູດ ລາວ-ກຳປູເຈຍ ຄົບຮອບ 70 ປີ.

#ໃນວັນທີ14 ສິງຫາ 2026ພະແນກວັດທະນະທຳ ແລະ ການທອ່ງທ່ຽວ,ໄດ້ຈັດກອງປະຊຸມປຶກສາຫາລື ກ່ຽວກັບການກະກຽມຄວາມພ້ອມເພື່ອເປັນເຈົ້າພາບຈັດງານສະເຫຼີມສະຫຼອງສາຍພົວພັນການທູດ ລາວ-ກຳປູເຈຍ ຄົບຮອບ 70 ປີ ,ໄຫ້ກຽດເຂົ້າຮວ່ມເປັນປະທານໂດຍ:ທ່ານ ນ. ພອນມະນີ ອິນທະພົມ ຫົວໜ້າກົມພັດທະນະນາການທອ່ງທ່ຽວ ກະຊວງວັດທະນະທໍາ ແລະ ການທອ່ງທ່ຽວ ,ພ້ອມດ້ວຍບັນດາຕາງໜ້າຈາກພະແນກການຂະແໜງການທີ່ກ່ຽວຂອ້ງ,ຕະຫລອດຮອດພາກສວ່ນທຸລະກິດການທອ່ງທ່ຽວເຂົ້າຮ່ວມ.

ການປະຊຸມຄັ້ງນີ້ ມີຈຸດປະສົງເພື່ອປຶກສາຫາລື, ກຳນົດແຜນງານ ແລະ ກະກຽມຄວາມພ້ອມໃນດ້ານຕ່າງໆ ສຳລັບການຈັດງານໃຫ້ມີຄວາມສົມກຽດ, ເໝາະສົມ ແລະ ສະແດງເຖິງມິດຕະພາບອັນດີງາມລະຫວ່າງ ສປປ ລາວ ແລະ ລາຊະອານາຈັກກຳປູເຈຍ ທີ່ມີມາຢ່າງຍາວນານ.

ພາຍໃນກອງປະຊຸມ ບັນດາຜູ້ເຂົ້າຮ່ວມໄດ້ຮ່ວມກັນປຶກສາຫາລື ແລະ ກຳນົດແນວທາງການກະກຽມງານ ໂດຍເນັ້ນໃສ່ຫຼາຍດ້ານ ເຊັ່ນ: ແຜນການຈັດງານ, ສະຖານທີ່, ພິທີການ, ການຕ້ອນຮັບແຂກ, ການປະຊາສຳພັນ ແລະ ເຜີຍແຜ່ຂ່າວສານ, ການຕົກແຕ່ງສະຖານທີ່ ຕະຫຼອດຮອດການປະສານງານລະຫວ່າງພາກສ່ວນຕ່າງໆ.

ນອກຈາກນັ້ນ, ທີ່ປະຊຸມຍັງໄດ້ເນັ້ນໃຫ້ບັນດາພາກສ່ວນກ່ຽວຂ້ອງ ຮ່ວມມືກັນຢ່າງໃກ້ຊິດ, ກະກຽມວຽກງານຕາມໜ້າທີ່ຮັບຜິດຊອບ ແລະ ເລັ່ງດຳເນີນວຽກງານທີ່ຈຳເປັນໃຫ້ສຳເລັດຕາມກຳນົດເວລາ ເພື່ອໃຫ້ງານຄົບຮອບ 70 ປີ ດຳເນີນໄປດ້ວຍຄວາມຮຽບຮ້ອຍ, ປະທັບໃຈ ແລະ ສົມກຽດ.

ການຈັດງານສະເຫຼີມສະຫຼອງຄົບຮອບ 70 ປີ ສາຍພົວພັນການທູດ ລາວ-ກຳປູເຈຍ ຖືເປັນກິດຈະກຳສຳຄັນ ເພື່ອຮ່ວມລະນຶກເຖິງສາຍພົວພັນ ແລະ ມິດຕະພາບອັນດີງາມຂອງສອງປະເທດ ພ້ອມທັງສົ່ງເສີມການຮ່ວມມືໃນຂົງເຂດຕ່າງໆ ໃຫ້ນັບມື້ແໜ້ນແຟ້ນ ແລະ ເຕີບໂຕຍິ່ງຂຶ້ນ.
#ລາວທ່ຽວລາວ

Culture and tourism
Tourism information
*ຂ່າວ:ນາງ ວຽງພອນ

14/08/2026

14/08/2026

#ພິທີປິດຊຸດຝຶກອົບຮົມພະນັກງານນຳທ່ຽວຂັ້ນແຂວງຊຸດທີ IV.ປະຈຳປີ 2026
------------+++++----------

#ໃນວັນທີ14 ສິງຫາ 2026,ພະແນກວັດທະນະທຳ ແລະ ການທອ່ງທ່ຽວແຂວງ, ໄດ້ຈັດພິທີປິດຊຸດຝຶກອົບຮົມພະນັກງານນຳທ່ຽວຂັ້ນແຂວງ,ຊຸດທີIVປະຈຳປີ 2026, ໄຫ້ກຽດເຂົ້າຮວ່ມເປັນປະທານໂດຍ: ທ່ານ ນ. ເຕດາວັນ ແກ້ວພິລາວັນ ກຳມະການພັກແຂວງ ,ເລຂາຄະນະພັກຮາກຖານ ຫົວໜ້າພະແນກວັດທະນະທຳ ແລະ ການທ່ອງທ່ຽວ, ມີບັນດາຈາກພາກສ່ວນກຸ່ມພະນັກງານນໍາທ່ຽວ,ສະມາຄົມທຸລະກິດທ່ອງທ່ຽວ,ສະມາຄົມໂຮງແຮມ ແລະ ຮ້ານອາຫານ,ຜູ້ອຳອວຍການບໍລິສັດທ່ອງທ່ຽວ,ນັກວິທະຍາກອນ ແລະ ສໍາມະນາກອນ ເຂົ້າຮ່ວມ.

ການຝຶກອົບຮົມໃນຄັ້ງນີ້ ມີຈຸດປະສົງເພື່ອສ້າງ ແລະ ພັດທະນາຄວາມຮູ້, ທັກສະ ແລະ ຄວາມສາມາດໃຫ້ແກ່ພະນັກງານນຳທ່ຽວຂັ້ນແຂວງ ໃຫ້ມີຄວາມຮູ້ຄວາມເຂົ້າໃຈດ້ານວຽກງານນຳທ່ຽວ, ການໃຫ້ຂໍ້ມູນແກ່ນັກທ່ອງທ່ຽວ, ການບໍລິການ, ຈັນຍາບັນຂອງວິຊາອາຊີບ ແລະ ການສື່ສານກັບນັກທ່ອງທ່ຽວຢ່າງເໝາະສົມ.

ຕະຫຼອດໄລຍະການຝຶກອົບຮົມ 15 ວັນ ຜູ້ເຂົ້າຝຶກອົບຮົມໄດ້ຮັບການຖ່າຍທອດຄວາມຮູ້ຈາກວິທະຍາກອນຜູ້ຊ່ຽວຊານ ພ້ອມທັງມີການສົນທະນາ, ແລກປ່ຽນບົດຮຽນ, ຝຶກປະຕິບັດ ແລະ ລົງສຳຫຼວດພາກສະໜາມ ເພື່ອນຳຄວາມຮູ້ໄປປະຍຸກໃຊ້ໃນວຽກງານຕົວຈິງ.

ໃນພິທີປິດ ໄດ້ມີການກ່າວສະຫຼຸບຜົນການຝຶກອົບຮົມ, ມອບໃບຢັ້ງຢືນໃຫ້ແກ່ຜູ້ຜ່ານການຝຶກອົບຮົມ ແລະ ກ່າວປິດການຝຶກອົບຮົມ. ພ້ອມນີ້ ຄະນະປະທານໄດ້ຊົມເຊີຍຜົນງານ ແລະ ຊຸກຍູ້ໃຫ້ຜູ້ຜ່ານການຝຶກອົບຮົມນຳເອົາຄວາມຮູ້ ແລະ ປະສົບການທີ່ໄດ້ຮັບໄປນຳໃຊ້ໃນການປະຕິບັດວຽກງານ ໃຫ້ມີຄຸນນະພາບ, ມີຄວາມເປັນມືອາຊີບ ແລະ ສາມາດສ້າງຄວາມປະທັບໃຈໃຫ້ແກ່ນັກທ່ອງທ່ຽວ.

ການຈັດຝຶກອົບຮົມໃນຄັ້ງນີ້ ຖືເປັນອີກກ້າວສຳຄັນໃນການຍົກລະດັບບຸກຄະລາກອນດ້ານການທ່ອງທ່ຽວ, ສ້າງພະນັກງານນຳທ່ຽວໃຫ້ມີຄວາມຮູ້ ແລະ ຄວາມສາມາດ, ພ້ອມຮອງຮັບການຂະຫຍາຍຕົວຂອງຂະແໜງການທ່ອງທ່ຽວ ແລະ ຮ່ວມສ້າງພາບພົດອັນດີໃຫ້ແກ່ການທ່ອງທ່ຽວຂອງແຂວງໃນອະນາຄົດ.
#ລາວທ່ຽວລາວ

Culture and Tourism
Tourism information
*ຂ່າວ: ນາງ ວຽງພອນ

13/08/2026

#ຝຶກອົບຮົມການທ່ອງທ່ຽວແບບປະຊາຊົນມີສ່ວນຮ່ວມ ແລະ ການບໍລິການອາຫານສະອາດ ແລະ ປອດໄພ .

#ໃນລະຫວ່າງຕົ້ນເດືອນ ສິງຫາ 2026, ສະຖາບັນ ວັດທະນະທຳ ແລະ ການທ່ອງທ່ຽວ ກະຊວງວັດທະນະທຳ ແລະ ການທ່ອງທ່ຽວ ໄດ້ຈັດຊຸດອົບຮົມໃຫ້ແກ່ຊາວບ້ານ ແລະ ທຸລະກິດທີ່ການບໍລິການທ່ອງທ່ຽວ ຢູ່ເມືອງປາກຊ່ອງ ແລະ ເມືອງຈຳປາສັກ, ທີ່ເມືອງປາກຊ່ອງຝຶກອົບຮົມໃນຫົວຂໍ້ ການທ່ອງທ່ຽວແບບປະຊາຊົນມີສ່ວນຮ່ວມ ແລະ ການບໍລິການອາຫານສະອາດ ແລະ ປອດໄພ, ສ່ວນຢູ່ເມືອງຈຳປາສັກ ຝຶກອົບຮົມໃນຫົວຂໍ້ຍົກລະດັບຄຸນນະພາບການບໍລິການ ແລະ ການເອົາໃຈໃສ່ລູກຄ້າ.

ການຝຶກອົບຮົມຄັ້ງນີ້ ຈັດຂຶ້ນເພື່ອສ້າງຄວາມຮູ້ ແລະ ຄວາມເຂົ້າໃຈໃຫ້ແກ່ປະຊາຊົນ ແລະ ຊຸມຊົນ ໃນການເຂົ້າມາມີສ່ວນຮ່ວມພັດທະນາກິດຈະກຳທ່ອງທ່ຽວ ໃຫ້ສາມາດນຳໃຊ້ທ່າແຮງດ້ານທຳມະຊາດ, ວິຖີຊີວິດ, ຂະນົມທຳນຽມ, ປະເພນີ ແລະ ອາຫານທ້ອງຖິ່ນ ມາສ້າງເປັນຈຸດຂາຍດ້ານການທ່ອງທ່ຽວ.

ເນື້ອໃນການຝຶກອົບຮົມ ເນັ້ນໃສ່ຫຼັກການທ່ອງທ່ຽວໂດຍຊຸມຊົນ, ບົດບາດຂອງປະຊາຊົນໃນການຈັດການແຫຼ່ງທ່ອງທ່ຽວ, ການຕ້ອນຮັບນັກທ່ອງທ່ຽວ, ການຮັກສາສິ່ງແວດລ້ອມ, ການອະນຸລັກວັດທະນະທຳ ແລະ ການສ້າງລາຍຮັບໃຫ້ແກ່ຊຸມຊົນຢ່າງຍືນຍົງ.

ສຳລັບການບໍລິການອາຫານ ໄດ້ເນັ້ນໃສ່ຫຼັກການ “ສະອາດ ແລະ ປອດໄພ” ໂດຍໃຫ້ຄວາມຮູ້ກ່ຽວກັບການເລືອກວັດຖຸດິບ, ການລ້າງ ແລະ ຈັດກຽມອາຫານ, ການປຸງແຕ່ງທີ່ຖືກສຸຂະອະນາໄມ, ການເກັບຮັກສາອາຫານ, ການຮັກສາພາຊະນະ ແລະ ອຸປະກອນໃຫ້ສະອາດ ຕະຫຼອດເຖິງການຮັກສາຄວາມສະອາດບໍລິເວນຮ້ານ ແລະ ຈຸດໃຫ້ບໍລິການ.

ນອກຈາກນັ້ນ ຍັງໄດ້ເນັ້ນໃຫ້ຊຸມຊົນເອົາໃຈໃສ່ດ້ານມາລະຍາດການບໍລິການ, ການຕ້ອນຮັບດ້ວຍມິດໄມຕີ, ການສື່ສານກັບນັກທ່ອງທ່ຽວ ແລະ ການສ້າງປະສົບການທີ່ດີ ເພື່ອໃຫ້ໜອງຫຼວງສາມາດຮອງຮັບນັກທ່ອງທ່ຽວໄດ້ຢ່າງມີຄຸນນະພາບ.

ການຝຶກອົບຮົມຄັ້ງນີ້ ຍັງເປັນເວທີໃຫ້ຜູ້ເຂົ້າຮ່ວມໄດ້ແລກປ່ຽນຄວາມຮູ້, ບົດຮຽນ, ບັນຫາ ແລະ ຂໍ້ສະເໜີຕ່າງໆ ເພື່ອຮ່ວມກັນກຳນົດແນວທາງພັດທະນາໜອງຫຼວງໃຫ້ເປັນແຫຼ່ງທ່ອງທ່ຽວຊຸມຊົນທີ່ສະອາດ, ປອດໄພ, ມີຄຸນນະພາບ ແລະ ສາມາດສ້າງລາຍຮັບໃຫ້ແກ່ປະຊາຊົນ.

ທັງນີ້ ການສ້າງການທ່ອງທ່ຽວໂດຍປະຊາຊົນມີສ່ວນຮ່ວມ ຄວບຄູ່ກັບການບໍລິການອາຫານທີ່ສະອາດ ແລະ ປອດໄພ ຈະເປັນປັດໄຈສຳຄັນໃນການຍົກສູງພາບພົດ, ຄຸນນະພາບການບໍລິການ ແລະ ຄວາມປະທັບໃຈຂອງນັກທ່ອງທ່ຽວ ພ້ອມທັງຊ່ວຍຜັກດັນການທ່ອງທ່ຽວຂອງເມືອງປາກຊ່ອງ ແລະ ເມືອງຈຳປາສັກ ໃຫ້ເຕີບໂຕຢ່າງຍືນຍົງ.
#ລາວທ່ຽວລາວ

culture and tourism
Tourism information
*ຂ່າວ:ນາງ ວຽງພອນ

11/08/2026

#ກອງປະຊຸມປຶກສາຫາລືທິດຊີ້ນຳຂອງສະຫາຍເລຂາພັກແຂວງ ກ່ຽວກັບການຍົກລະດັບວຽກງານທ່ອງທ່ຽວແບບຍືນຍົງ ບ້ານໜອງຫຼວງ ເມືອງປາກຊ່ອງ.
-----------------
ຕອນເຊົ້າວັນທີ 11 ສີງຫາ 2026 ພະແນກວັດທະນະທຳ ແລະ ການທອ່ງທ່ຽວແຂວງຈຳປາສັກ ໄດ້ຈັດກອງປະຊຸມປຶກສາຫາລືກ່ຽວກັບທິດຊີ້ນຳຂອງສະຫາຍເລຂາພັກແຂວງ ໃນການຍົກລະດັບວຽກງານທ່ອງທ່ຽວແບບຍືນຍົງຂອງບ້ານໜອງຫຼວງ ເມືອງປາກຊ່ອງ ໃຫ້ກ້າວສູ່ການເປັນແຫຼ່ງທ່ອງທ່ຽວທີ່ສາມາດຮອງຮັບນັກທ່ອງທ່ຽວໄດ້ຕະຫຼອດປີ ແລະ ສາມາດທ່ອງທ່ຽວໄດ້ທັງ 2 ລະດູ.

ກອງປະຊຸມໃຫ້ກຽດເຂົ້າຮ່ວມເປັນປະທ່ານ: ນ.ເຕດາລັນ ແກ້ວພິລາວັນ ກຳມະພັກແຂວງ,ເລຂາຄະນະພັກຮາກຖານ ຫົວໜ້າວັດທະນະທຳ ແລະ ການທອ່ງທ່ຽວແຂວງ ,ປະກອບມີຫົວໜ້າຂະແໜງທອ່ງທ່ຽວ,ພະນັກງານວິຊາການ,ຕາງໜ້າຈາກພະແນກການອອ້ມຂ້າງ, ຫົວໜ້າຫ້ອງການ ວທ ເມືອງປາກຊ່ອງ, ພາກສ່ວນປະທານກຸ່ມບ້ານໜອງຫຼວງ, ປະທານບ້ານທົ່ງກະຕ່າຍ ຕົວແທນຊຸມຊົນບ້ານໜອງຫຼວງ ແລະ ກຸ່ມບໍລິສັດທອ່ງທ່ຽວເຂົ້າຮວ່ມ.

ກອງປະຊຸມໄດ້ຮັບຟັງການລາຍງານສະພາບລວມຂອງບ້ານໜອງຫຼວງ, ທ່າແຮງດ້ານການທ່ອງທ່ຽວ, ຊັບພະຍາກອນທຳມະຊາດ, ວິຖີຊີວິດ, ວັດທະນະທຳ ແລະ ຜະລິດຕະພັນຊຸມຊົນ ພ້ອມທັງຜົນການດຳເນີນງານດ້ານການທ່ອງທ່ຽວຜ່ານມາ. ພ້ອມນີ້ ຍັງໄດ້ພິຈາລະນາເຖິງບັນຫາ, ຂໍ້ຈຳກັດ ແລະ ສິ່ງທ້າທາຍຕ່າງໆ ທີ່ຈະຕ້ອງຮ່ວມກັນແກ້ໄຂ ເພື່ອຍົກລະດັບບ້ານໜອງຫຼວງໃຫ້ມີຄວາມພ້ອມຮອງຮັບນັກທ່ອງທ່ຽວ.

ໃນກອງປະຊຸມ, ບັນດາຜູ້ເຂົ້າຮ່ວມໄດ້ຮ່ວມກັນປຶກສາຫາລື ແລະ ສະເໜີທິດທາງສຳຄັນໃນການພັດທະນາບ້ານໜອງຫຼວງໃຫ້ເປັນແຫຼ່ງທ່ອງທ່ຽວແບບຍືນຍົງ ໂດຍເນັ້ນການນຳໃຊ້ທ່າແຮງທີ່ມີຢູ່ໃນທ້ອງຖິ່ນໃຫ້ເກີດປະໂຫຍດສູງສຸດ, ຄວບຄູ່ກັບການອະນຸລັກທຳມະຊາດ, ຮັກສາສິ່ງແວດລ້ອມ, ສືບສານວັດທະນະທຳ ແລະ ສ້າງລາຍຮັບໃຫ້ແກ່ປະຊາຊົນ.

ສຳລັບທິດທາງການພັດທະນາໃນຕໍ່ໜ້າ ຈະເນັ້ນໃສ່ການສ້າງຈຸດທ່ອງທ່ຽວ ແລະ ກິດຈະກຳໃຫ້ມີຄວາມຫຼາກຫຼາຍ ສາມາດດຶງດູດນັກທ່ອງທ່ຽວໃນລະດູຝົນ ແລະ ລະດູແລ້ງ. ພ້ອມທັງພັດທະນາເສັ້ນທາງທ່ອງທ່ຽວ, ປັບປຸງສິ່ງອຳນວຍຄວາມສະດວກ, ພັດທະນາທີ່ພັກແຮມ, ຫອ້ງນໍ້າແລະ ການບໍລິການ, ສ້າງກິດຈະກຳທ່ອງທ່ຽວຕາມລະດູການ ພ້ອມທັງນຳໃຊ້ສື່ດິຈິຕອນ ແລະ ສື່ອອນລາຍ ເຂົ້າໃນການໂຄສະນາປະຊາສຳພັນ.

ທັງນີ້, ການພັດທະນາບ້ານໜອງຫຼວງໃຫ້ເປັນແຫຼ່ງທ່ອງທ່ຽວ 2 ລະດູ ຈະເນັ້ນການສ້າງ “ຈຸດເດັ່ນຕ່າງກັນຕາມລະດູ” ເພື່ອໃຫ້ນັກທ່ອງທ່ຽວສາມາດມາຢ້ຽມຢາມໄດ້ຕະຫຼອດປີ. ໂດຍລະດູຝົນ ເນັ້ນການທ່ອງທ່ຽວສຳຜັດທຳມະຊາດ, ຄວາມຂຽວສົດ, ນ້ຳຕົກ, ປ່າໄມ້ ແລະ ກິດຈະກຳກະສິກຳ; ສ່ວນລະດູແລ້ງ ເນັ້ນການທ່ອງທ່ຽວຊົມວິວ, ສຳຜັດອາກາດ, ສຶກສາວິຖີຊີວິດຊຸມຊົນ, ຊິມອາຫານທອ້ງຖິ່ນ ແລະ ຊື້ສິນຄ້າຊຸມຊົນ.

ສະຫາຍເລຂາພັກແຂວງ ໄດ້ເນັ້ນໃຫ້ບັນດາພາກສ່ວນກ່ຽວຂ້ອງ ສືບຕໍ່ຮ່ວມມືກັນວາງແຜນ, ກຳນົດທິດທາງ ແລະ ຈັດລຽງບຸລິມະສິດໃນການພັດທະນາຢ່າງເປັນລະບົບ, ໂດຍໃຫ້ຊຸມຊົນເປັນໃຈກາງ ແລະ ໃຫ້ປະຊາຊົນມີສ່ວນຮ່ວມໃນທຸກຂັ້ນຕອນ. ພ້ອມທັງກຳນົດແນວທາງສ້າງລາຍຮັບ, ສ້າງອາຊີບ ແລະ ຍົກສູງຄຸນນະພາບຊີວິດໃຫ້ແກ່ປະຊາຊົນ ຄຽງຄູ່ກັບການອະນຸລັກຊັບພະຍາກອນ.

ກອງປະຊຸມຄັ້ງນີ້ ນັບເປັນອີກກ້າວສຳຄັນໃນການວາງທິດທາງພັດທະນາບ້ານໜອງຫຼວງໃຫ້ເປັນແຫຼ່ງທ່ອງທ່ຽວຕົວແບບດ້ານຄວາມຍືນຍົງ, ມີສະເໜ່, ມີກິດຈະກຳຫຼາກຫຼາຍ ແລະ ສາມາດຮອງຮັບນັກທ່ອງທ່ຽວໄດ້ທັງ 2 ລະດູຕະຫຼອດປີ, ອັນຈະເປັນການສ້າງໂອກາດໃໝ່ໃນການພັດທະນາການທ່ອງທ່ຽວ, ກະຈາຍລາຍຮັບສູ່ຊຸມຊົນ ແລະ ສົ່ງເສີມພາກສ່ວນຕ່າງໆໃຫ້ມີສ່ວນຮ່ວມໃນການພັດທະນາຢ່າງຍືນຍົງ.
#ທອ່ງທ່ຽວແຂວງຈໍາປາສັກ

culture and tourism
Tourism information
#ລາວທ່ຽວລາວ
*ຂ່າວ:ນ.ວຽງພອນ