ສຳນັກງານ ແຂວງຄຳມ່ວນ

ສຳນັກງານ ແຂວງຄຳມ່ວນ ສຳນັກງານແຂວງ ຄຳມ່ວນ ສຳນັກງານແຂວງຄຳມ່ວນ

#ບໍລິສັດໂຈ້ບຸນມີກຼຸບ ປະກອບສ່ວນຊ່ວຍເຫຼືອແຂວງຄໍາມ່ວນ ມູນຄ່າ 200 ລ້ານກີບ___________________ ໃນວັນທີ 28 ສິງຫາ 2026, ຢູ່...
28/08/2026

#ບໍລິສັດໂຈ້ບຸນມີກຼຸບ ປະກອບສ່ວນຊ່ວຍເຫຼືອແຂວງຄໍາມ່ວນ ມູນຄ່າ 200 ລ້ານກີບ
___________________
ໃນວັນທີ 28 ສິງຫາ 2026, ຢູ່ທີ່ຫ້ອງວ່າການແຂວງຄໍາມ່ວນ ບໍລິສັດ ໂຈ້ ບຸນມີກຼຸບ ຂົນສົ່ງສິນຄ້າສາກົນ ໄອຊີດີ ຈໍາກັດ ຜູ້ດຽວ ໄດ້ມອບເງິນ 200 ລ້ານກີບ ໃຫ້ແຂວງຄໍາມ່ວນ. ໃນນີ້ ປະກອບສ່ວນຊ່ວຍເຫຼືອຜູ້ປະສົບໄພນໍ້າຖ້ວມ ຈໍານວນ 100 ລ້ານກີບ ແລະ ປະກອບສ່ວນພັດທະນາແຂວງຄໍາມ່ວນ 100 ລ້ານກີບ. ຊຶ່ງມອບໂດຍທ່ານ ແກ້ວມີໄຊ ນິລັດໄຊ ປະທານບໍລິສັດ ແລະ ກ່າວຮັບໂດຍທ່ານ ໄຊຊະນະ ໂຄດພູທອນ ເລຂາພັກແຂວງ, ປະທານສະພາປະຊາຊົນແຂວງຄໍາມ່ວນ ໂດຍມີຄະນະຫ້ອງວ່າການແຂວງ, ຄະນະກຳມະການຄຸ້ມຄອງໄພພິບັດຂັ້ນແຂວງ ແລະ ພາກສ່ວນບໍລິສັດເຂົ້າຮ່ວມ.
ໂອກາດດັ່ງກ່າວ, ທ່ານ ໄຊຊະນະ ໂຄດພູທອນ ໄດ້ມອບໃບຍ້ອງຍໍໃຫ້ແກ່ບໍລິສັດ ພ້ອມທັງຕາງໃຫ້ການນໍາຂອງແຂວງ ສະແດງຄວາມຂອບໃຈ ແລະ ຍ້ອງຍໍຊົມເຊີຍຕໍ່ບໍລິສັດ ທີ່ໄດ້ໃຫ້ຄວາມສຳຄັນ ແລະ ເປັນຫ່ວງເປັນໄຍຕໍ່ສັງຄົມ ໂດຍສະເພາະແມ່ນການປະກອບສ່ວນຊ່ວຍເຫຼືອປະຊາຊົນໃນຍາມທີ່ປະສົບຄວາມຫຍຸ້ງຍາກ ເຊິ່ງສະແດງໃຫ້ເຫັນເຖິງຄວາມມີນໍ້າໃຈ ແລະ ຄວາມຮັບຜິດຊອບຕໍ່ສັງຄົມ ຂອງພາກທຸລະກິດ. ຊຶ່ງປັດໄຈດັ່ງກ່າວ ແມ່ນຈະໄດ້ນໍາໃຊ້ເຂົ້າໃນການຊ່ວຍເຫຼືອພໍ່ແມ່ປະຊາຊົນຜູ້ທີ່ໄດ້ຮັບຜົນກະທົບ ເພື່ອບັນເທົາຄວາມຫຍຸ້ງຍາກ ແລະ ຟື້ນຟູຊີວິດການເປັນຢູ່ຂອງປະຊາຊົນ ແລະ ນໍາໃຊ້ເຂົ້າໃນການສ້າງສາພັດທະນາແຂວງຄໍາມ່ວນ ໃຫ້ມີຄວາມສີວິໄລ.

News

ຄະນະປະຈໍາສະພາປະຊາຊົນແຂວງຄໍາມ່ວນ ຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດວຽກງານ ຢູ່ເມືອງນາກາຍ........................... ...
28/08/2026

ຄະນະປະຈໍາສະພາປະຊາຊົນແຂວງຄໍາມ່ວນ ຕິດຕາມກວດກາ
ແລະ ຊຸກຍູ້ການຈັດຕັ້ງປະຕິບັດວຽກງານ ຢູ່ເມືອງນາກາຍ...........................
ໂດຍປະຕິບັດຕາມພາລະບົດບາດ, ສິດ ແລະ ໜ້າທີ່ ທີ່ກໍານົດໄວ້ໃນກົດໝາຍວ່າດ້ວຍສະພາປະຊາຊົນຂັ້ນແຂວງ, ກົດໝາຍວ່າດ້ວຍການຕິດຕາມກວດກາຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ, ໃນວັນທີ 27 ສິງຫາ 2026, ທີ່ສະໂມສອນເມືອງນາກາຍ ທ່ານ ນິລະພົນ ສຸວັນນະລາດ ຄະນະປະຈໍາສະພາປະຊາຊົນແຂວງຄໍາມ່ວນ, ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ, ກົດໝາຍ ແລະ ຍຸຕິທໍາ ພ້ອມດ້ວຍຄະນະ ໄດ້ເຄື່ອນໄຫວຕິດຕາມກວດກາ ແລະ ຊຸກຍູ້ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ຕິດພັນກັບການແກ້ໄຂຄໍາຮ້ອງທຸກຂອງປະຊາຊົນ ໂດຍການເຂົ້າຮ່ວມຂອງ ທ່ານ ນາງ ບົວກາ ແກ້ວມະນີ ກໍາມະການພັກແຂວງ, ເລຂາຄະນະບໍລິຫານງານພັກເມືອງ, ຫົວໜ້າຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງນາກາຍ, ພ້ອມດ້ວຍບັນດາທ່ານສະມາຊິກສະພາປະຊາຊົນແຂວງ ປະຈໍາເຂດເລຶອກຕັ້ງເມືອງ, ຄະນະກໍາມະການປົກຄອງເມືອງ, ຫົວໜ້າ-ຮອງຫົວໜ້າຫ້ອງການທີ່ກ່ຽວຂ້ອງ ແລະ ຕະຫຼອດຮອດແຂກຖຶກເຊີນເຂົ້າຮ່ວມ.

ຈຸດປະສົງໃນການເຄື່ອນໄຫວຕິດຕາມກວດກາຄັ້ງນີ້ ເພື່ອເປັນການຕິດຕາມກວດກາການຈັດຕັ້ງປະຕິບັດມະຕິກອງປະຊຸມສະໄໝສາມັນ ເທື່ອທີ 10 ຂອງສະພາປະຊາຊົນແຂວງຄໍາມ່ວນຊຸດທີ IV, ເພື່ອຕິດຕາມກວດກາການຈັດຕັ້ງປະຕິບັດວຽກງານການແກ້ໄຂຄໍາຮ້ອງ-ຄໍາສະເໜີ ຂອງປະຊາຊົນລາວບັນດາເຜົ່າໃນກອງປະຊຸມສາມັນເທື່ອທີ 10 ຂອງສະພາປະຊາຊົນແຂວງຊຸດທີ IV ແລະ ກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງຄໍາມ່ວນ ຊຸດທີ V, ພ້ອມທັງເປັນຂໍ້ມູນໃຫ້ແກ່ຄະນະປະຈໍາສະພາປະຊາຊົນແຂວງ ເພື່ອລາຍງານຕໍ່ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນແຂວງຄໍາມ່ວນຊຸດທີ V.

ໃນກອງປະຊຸມ, ຄະນະໄດ້ຮັບຟັງການລາຍງານໂດຍຫຍໍ້ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ປະຈໍາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2026 ຂອງເມືອງ ຈາກທ່ານປະທານຄະນະກໍາມະການປົກຄອງເມືອງ. ຈາກນັ້ນ, ບັນດາທ່ານສະມາຊິກສະພາປະຊາຊົນແຂວງ ແລະ ຄະນະກໍາມະການ ໄດ້ແລກປ່ຽນຄໍາເຫັນເຈາະຈີ້ມບາງບັນຫາ ໃນການຈັດຕັ້ງປະຕິບັດວຽກງານໃນ 3 ຂົງເຂດຄື: ຂົງເຂດປ້ອງກັນຊາດ, ປ້ອງກັນຄວາມສະຫງົບ, ກົດໝາຍ ແລະ ຍຸຕິທໍາ; ຂົງເຂດວັດທະນະທໍາ-ສັງຄົມ ແລະ ຊົນເຜົ່າ, ຂົງເຂດເສດຖະກິດ ແລະ ການເງີນ. ຫຼັງຈາກນັ້ນ, ບັນດາທ່ານທີ່ເຂົ້າຮ່ວມກອງປະຊຸມກໍ່ໄດ້ຜັດປ່ຽນກັນປະກອບຄໍາຄິດຄໍາເຫັນ ແລະ ຕອບຄໍາຊັກຖາມຢ່າງກົງໄປກົງມາ ເພື່ອໃຫ້ການຈັດຕັ້ງປະຕິບັດວຽກງານໃນຕໍ່ໜ້າມີປະສິດທະພາບສູງຂື້ນ. ພິເສດໃນໂອກາດລົງເຄື່ອນໄຫວຕິດຕາມກວດກາໃນຄັ້ງນີ້ ສະພາປະຊາຊົນແຂວງຄໍາມ່ວນ ກໍ່ໄດ້ມອບງົບປະມານຊຸກຍູ້ການເຄື່ອນໄຫວວຽກງານຂອງຄະນະສະມາຊິກສະພາປະຊາຊົນຂັ້ນແຂວງ ປະຈໍາເຂດເລືອກຕັ້ງເມືອງນາກາຍ ມູນຄ່າ 50.000.000 ກີບ, ພ້ອມລົງຢ້ຽມຢາມຫ້ອງການຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ ແລະ ຄ້າຍຄຸມຂັງດັດສ້າງເມືອງນາກາຍອິກດ້ວຍ.
#ສະພາປະຊາຊົນແຂວງຄຳມ່ວນ

#ບໍລິສັດໂຈ້ບຸນມີກຼຸບ ປະກອບສ່ວນຊ່ວຍເຫຼືອແຂວງຄໍາມ່ວນ ມູນຄ່າ 200 ລ້ານກີບ.___________________ ໃນວັນທີ 28 ສິງຫາ 2026, ຢູ...
28/08/2026

#ບໍລິສັດໂຈ້ບຸນມີກຼຸບ ປະກອບສ່ວນຊ່ວຍເຫຼືອແຂວງຄໍາມ່ວນ ມູນຄ່າ 200 ລ້ານກີບ.
___________________
ໃນວັນທີ 28 ສິງຫາ 2026, ຢູ່ທີ່ຫ້ອງວ່າການແຂວງຄໍາມ່ວນ ບໍລິສັດ ໂຈ້ ບຸນມີກຼຸບ ຂົນສົ່ງສິນຄ້າສາກົນ ໄອຊີດີ ຈໍາກັດ ຜູ້ດຽວ ໄດ້ມອບເງິນ 200 ລ້ານກີບ ໃຫ້ແຂວງຄໍາມ່ວນ. ໃນນີ້ ປະກອບສ່ວນຊ່ວຍເຫຼືອຜູ້ປະສົບໄພນໍ້າຖ້ວມ ຈໍານວນ 100 ລ້ານກີບ ແລະ ປະກອບສ່ວນພັດທະນາແຂວງຄໍາມ່ວນ 100 ລ້ານກີບ. ຊຶ່ງມອບໂດຍທ່ານ ແກ້ວມີໄຊ ນິລັດໄຊ ປະທານບໍລິສັດ ແລະ ກ່າວຮັບໂດຍທ່ານ ໄຊຊະນະ ໂຄດພູທອນ ເລຂາພັກແຂວງ, ປະທານສະພາປະຊາຊົນແຂວງຄໍາມ່ວນ ໂດຍມີຄະນະຫ້ອງວ່າການແຂວງ, ຄະນະກຳມະການຄຸ້ມຄອງໄພພິບັດຂັ້ນແຂວງ ແລະ ພາກສ່ວນບໍລິສັດເຂົ້າຮ່ວມ.
ໂອກາດດັ່ງກ່າວ, ທ່ານ ໄຊຊະນະ ໂຄດພູທອນ ໄດ້ມອບໃບຍ້ອງຍໍໃຫ້ແກ່ບໍລິສັດ ພ້ອມທັງຕາງໃຫ້ການນໍາຂອງແຂວງ ສະແດງຄວາມຂອບໃຈ ແລະ ຍ້ອງຍໍຊົມເຊີຍຕໍ່ບໍລິສັດ ທີ່ໄດ້ໃຫ້ຄວາມສຳຄັນ ແລະ ເປັນຫ່ວງເປັນໄຍຕໍ່ສັງຄົມ ໂດຍສະເພາະແມ່ນການປະກອບສ່ວນຊ່ວຍເຫຼືອປະຊາຊົນໃນຍາມທີ່ປະສົບຄວາມຫຍຸ້ງຍາກ ເຊິ່ງສະແດງໃຫ້ເຫັນເຖິງຄວາມມີນໍ້າໃຈ ແລະ ຄວາມຮັບຜິດຊອບຕໍ່ສັງຄົມ ຂອງພາກທຸລະກິດ. ຊຶ່ງປັດໄຈດັ່ງກ່າວ ແມ່ນຈະໄດ້ນໍາໃຊ້ເຂົ້າໃນການຊ່ວຍເຫຼືອພໍ່ແມ່ປະຊາຊົນຜູ້ທີ່ໄດ້ຮັບຜົນກະທົບ ເພື່ອບັນເທົາຄວາມຫຍຸ້ງຍາກ ແລະ ຟື້ນຟູຊີວິດການເປັນຢູ່ຂອງປະຊາຊົນ ແລະ ນໍາໃຊ້ເຂົ້າໃນການສ້າງສາພັດທະນາແຂວງຄໍາມ່ວນ ໃຫ້ມີຄວາມສີວິໄລ.
New

#ບໍລິສັດ MCS ແລະ EDL-T ປະກອບສ່ວນຊ່ວຍເຫຼືອໄພນໍ້າຖ້ວມຢູ່ແຂວງຄໍາມ່ວນ___________________ ໃນວັນທີ 27 ສິງຫາ 2026, ຢູ່ທີ່ຫ...
28/08/2026

#ບໍລິສັດ MCS ແລະ EDL-T ປະກອບສ່ວນຊ່ວຍເຫຼືອໄພນໍ້າຖ້ວມຢູ່ແຂວງຄໍາມ່ວນ
___________________
ໃນວັນທີ 27 ສິງຫາ 2026, ຢູ່ທີ່ຫ້ອງວ່າການແຂວງຄໍາມ່ວນ ບໍລິສັດ ເອັມຊີເອັສ ມາຍນິ້ງ ອິນດັສທຣີລາວ ຈໍາກັດ (MCS) ໄດ້ປະກອບສ່ວນ 100 ລ້ານກີບ ແລະ ບໍລິສັດ ສາຍສົ່ງໄຟຟ້າ ແຫ່ງຊາດລາວ (EDL-T) ປະກອບສ່ວນ 150 ລ້ານກີບ ຊ່ວຍເຫຼືອຜູ້ປະສົບໄພນໍ້າຖ້ວມຢູ່ແຂວງຄໍາມ່ວນ, ໂດຍການກ່າວຮັບຂອງທ່ານ ປອ ສົມສະອາດ ອຸ່ນສີດາ ປະທານຄະນະກຳມະການປົກຄອງແຂວງຄໍາມ່ວນ, ພ້ອມດ້ວຍບັນດາພະແນກການ ແລະ ຄະນະກຳມະການຄຸ້ມຄອງໄພພິບັດຂັ້ນແຂວງເຂົ້າຮ່ວມ.
ໂອກາດດັ່ງກ່າວ, ທ່ານ ປອ ສົມສະອາດ ອຸ່ນສີດາ ໄດ້ມອບໃຍຍ້ອງຍໍໃຫ້ແກ່ 2 ບໍລິສັດ ພ້ອມທັງຕາງໜ້າໃຫ້ອົງການປົກຄອງແຂວງ ແລະ ປະຊາຊົນຜູ້ປະສົບໄພນໍ້າຖ້ວມໃນທົ່ວແຂວງຄໍາມ່ວນ ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍຕໍ່ 2 ບໍລິສັດ ທີ່ໄດ້ໃຫ້ຄວາມສຳຄັນ ແລະ ເປັນຫ່ວງເປັນໄຍຕໍ່ສັງຄົມ ໂດຍສະເພາະແມ່ນການ ປະກອບສ່ວນຊ່ວຍເຫຼືອປະຊາຊົນໃນຍາມທີ່ປະສົບຄວາມຫຍຸ້ງຍາກ ຊຶ່ງສະແດງໃຫ້ເຫັນເຖິງຄວາມມີນໍ້າໃຈ ແລະ ຄວາມຮັບຜິດຊອບຕໍ່ສັງຄົມ ຂອງພາກທຸລະກິດ. ຊຶ່ງວັດຖຸ ປັດໄຈ ດັ່ງກ່າວ ແມ່ນຈະໄດ້ນໍາໃຊ້ເຂົ້າໃນການຊ່ວຍເຫຼືອພໍ່ແມ່ປະຊາຊົນຜູ້ທີ່ໄດ້ຮັບຜົນກະທົບ ເພື່ອບັນເທົາຄວາມຫຍຸ້ງຍາກ ແລະ ຟື້ນຟູຊີວິດການເປັນຢູ່ຂອງປະຊາຊົນ ໃຫ້ກັບສູ່ສະພາບປົກກະຕິໂດຍໄວ.
News

#ເລຂາພັກແຂວງຄຳມ່ວນ ເຄື່ອນໄຫວຢ້ຽມຢາມ ແລະ ມອບເຄື່ອງຊ່ວຍເຫຼືອ ໄພພິບັດນໍ້າຖ້ວມໃຫ້ເມືອງໄຊບົວທອງ ແລະ ເມືອງ ມະຫາໄຊ—————— ...
28/08/2026

#ເລຂາພັກແຂວງຄຳມ່ວນ ເຄື່ອນໄຫວຢ້ຽມຢາມ ແລະ ມອບເຄື່ອງຊ່ວຍເຫຼືອ ໄພພິບັດນໍ້າຖ້ວມໃຫ້ເມືອງໄຊບົວທອງ ແລະ ເມືອງ ມະຫາໄຊ
——————
ວັນທີ 26 ສິງຫາ 2026, ທ່ານ ໄຊຊະນະ ໂຄດພູທອນ ເລຂາພັກແຂວງ, ປະທານສະພາປະຊາຊົນ ແຂວງຄຳມ່ວນ ພ້ອມດ້ວຍການນຳຂອງແຂວງ ໄດ້ເຄື່ອນໄຫວມອບເຄື່ອງຊ່ວຍເຫຼືອ ບັນເທົາທຸກ ໃຫ້ປະຊາຊົນຜູ້ທີ່ໄດ້ຮັບຜົນກະທົບ ຈາກໄພພິບັດທາງທຳມະຊາດ ນໍ້າຖ້ວມ ຢູ່ 2 ເມືອງຄື: ເມືອງໄຊບົວທອງ ແລະ ເມືອງມະຫາໄຊ ໂດຍການຕ້ອນຮັບຂອງທ່ານ ປອ ສິນນະສອນ ແສງຈັນທະວົງ ເລຂາພັກເມືອງໄຊບົວທອງ ພ້ອມດ້ວຍການນຳຂອງເມືອງເຂົ້າຮ່ວມຕ້ອນຮັບ. ເຄື່ອງທີ່ນຳມາມອບໃຫ້ເມືອງໄຊບົວທອງ ປະກອບມີ : ເຂົ້າສານ, ໝີ່ສຳເລັດຮູບ, ປາກະປ໋ອງ , ນ້ຳດື່ມ ແລະ ເງິນສົດຈຳນວນໜຶ່ງ ເພື່ອເປັນການປະກອບສ່ວນ ຊຸກຍູ້ວຽກງານໄພພິບັດຂອງເມືອງ .
ຈາກນັ້ນກໍ່ໄດ້ສືບຕໍ່ເຄື່ອນໄຫວຢ້ຽມຢາມ ແລະ ມອບເຄື່ອງ ອຸປະໂພກ-ບໍລິໂພກ ແລະ ເງິນສົດຈຳນວນໜຶ່ງ ໃຫ້ແກ່ບ້ານໂພວາ ແລະ ບ້ານ ມະຫາໄຊ ພ້ອມນີ້ກໍ່ໄດ້ມອບເງິນຈຳນວນໜຶ່ງ ໃຫ້ເມືອງມະຫາໄຊ ຮັບໂດຍ ທ່ານ ອິນທະວົງ ພົມມະຈັນ ເລຂາພັກເມືອງມະຫາໄຊ ເພື່ອນຳໃຊ້ເຂົ້າໃນວຽກງານໄພພິບັດຂັ້ນເມືອງ.
ການລົງຢ້ຽມຢາມ ແລະ ມອບເຄື່ອງຊ່ວຍເຫຼືອໃນຄັ້ງນີ້ ສະແດງເຖິງຄວາມເອົາໃຈໃສ່ຂອງຄະນະນຳແຂວງຄຳມ່ວນ ຕໍ່ວຽກງານປ້ອງກັນ, ຮັບມື ແລະ ບັນເທົາຜົນກະທົບຈາກໄພພິບັດ ທາງທຳມະຊາດ ພ້ອມທັງເປັນການໃຫ້ກຳລັງໃຈແກ່ປະຊາຊົນໃນພື້ນທີ່ ທີ່ໄດ້ຮັບຜົນກະທົບໃນຄັ້ງນີ້ໃຫ້ສາມາດຜ່ານພົ້ນຊ່ວງເວລາຫຍຸ້ງຍາກໄປໄດ້ດ້ວຍດີ.
News

#ຫລາຍພາກສ່ວນສືບຕໍ່ ມອບເຄື່ອງຊ່ວຍເຫຼືອຜູ້ປະສົບໄພພິບັດນໍ້າຖ້ວມຢູ່ ແຂວງຄຳມ່ວນ------------- ໃນວັນທີ 26 ສິງຫາ 2026, ຢູ່ທີ...
28/08/2026

#ຫລາຍພາກສ່ວນສືບຕໍ່ ມອບເຄື່ອງຊ່ວຍເຫຼືອ
ຜູ້ປະສົບໄພພິບັດນໍ້າຖ້ວມຢູ່ ແຂວງຄຳມ່ວນ
-------------
ໃນວັນທີ 26 ສິງຫາ 2026, ຢູ່ທີ່ຫ້ອງວ່າການແຂວງຄໍາມ່ວນ ບັນດາພາກສ່ວນຕ່າງໆໄດ້ສືບຕໍ່ ນໍາເອົາວັດຖຸ ປັດໄຈ ມາມອບໃຫ້ແຂວງຄໍາມ່ວນ ເພື່ອນໍາໄປມອບຕໍ່ໃຫ້ແກ່ຜູ້ທີ່ໄດ້ຮັບຜົນກະທົບໄພພິບັດນໍ້າຖ້ວມ ຢູ່ບັນດາເມືອງຕ່າງໆ, ໃນນີ້ປະກອບມີ: ຄະນະກຳມະການຄຸ້ມຄອງໄພພິບັດຂັ້ນສູນກາງ ໄດ້ມອບເງິນສົດ 100,000,000 ກີບ ເພື່ອດຸ່ນດ່ຽງເຂົ້າກອງທຶນຄຸ້ມຄອງໄພພິບັດຂັ້ນແຂວງ ພ້ອມທັງມອບເຄື່ອງອຸປະໂພກ-ບໍລິໂພກ ມູນຄ່າ 358,500,0000 ກີບ(ລວມທັງໝົດ 458,500,000 ກີບ), ຊຶ່ງກ່າວມອບໂດຍທ່ານ ປອ ໂພໄຊ ໄຊຍະສອນ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ນອກນີ້ຍັງມີ ບໍລິສັດ ພະນົມພອນກຼຸບ ຈຳກັດ ມອບເຄື່ອງອຸປະໂພກ-ບໍລິໂພກ ລວມມູນຄ່າ 135,000,000 ກີບ, ບໍລິສັດ ວົງວາລິນ ກຼຸບ ຈຳກັດ ມອບເຄື່ອງອຸປະໂພກ-ບໍລິໂພກ ມູນຄ່າ 110,000,000 ກີບ, ບໍລິສັດ ເບຍລາວ ຈໍາກັດ ມອບປະເພດເຄື່ອງດື່ມ ລວມມູນຄ່າ 90,727,000 ກີບ ແລະ ບໍລິສັດ ດີແອວຈະເລີນຊັບ ບໍ່ແຮ່ ແລະ ກໍ່ສ້າງ ຄົບວົງຈອນຈໍາກັດ 13,800,000 ກີບ. ເປັນກຽດກ່າວຮັບໂດຍ ທ່ານ ປອ ສົມສະອາດ ອຸ່ນສີດາ ປະທານຄະນະກຳມະການປົກຄອງແຂວງຄຳມ່ວນ, ພ້ອມດ້ວຍຄະນະກຳມະການຄຸ້ມຄອງໄພພິບັດຂັ້ນແຂວງເຂົ້າຮ່ວມ.
News

#ເລຂາພັກແຂວງຄໍາມ່ວນ ຕ້ອນຮັບ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ__________________​ ໃນວັນທີ 27 ສິງຫາ ...
27/08/2026

#ເລຂາພັກແຂວງຄໍາມ່ວນ ຕ້ອນຮັບ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ
__________________
​ ໃນວັນທີ 27 ສິງຫາ 2026, ທ່ານ ທອງລີ ສີສຸລິດ ກຳມະການສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ ພ້ອມດ້ວຍຄະນະ ໄດ້ເຂົ້າພົບປະ ແລະ ເຮັດວຽກຮ່ວມກັບ ທ່ານ ໄຊຊະນະ ໂຄດພູທອນ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງຄໍາມ່ວນ ໃນໂອກາດລົງເຄື່ອນໄຫວຊຸກຍູ້ ແລະ ຊີ້ນຳວຽກງານຊາວໜຸ່ມ-ເຍົາວະຊົນ ຢູ່ທີ່ແຂວງຄໍາມ່ວນ.
​ ທ່ານ ໄຊຊະນະ ໂຄດພູທອນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການລົງມາເຄື່ອນໄຫວຊຸກຍູ້ວຽກງານຢູ່ທ້ອງຖິ່ນຂອງຄະນະສູນກາງຊາວໜຸ່ມ ປະຊາຊົນ ປະຕິວັດລາວ ຊຶ່ງເປັນການເອົາໃຈໃສ່ຊີ້ນຳ-ນຳພາໂດຍກົງຕໍ່ຂະບວນການຊາວໜຸ່ມໃນແຂວງຄໍາມ່ວນ ໃຫ້ມີບາດກ້າວຂະຫຍາຍຕົວຢ່າງຕໍ່ເນື່ອງ.
ໂອກາດນີ້, ສູນກາງຊາວໜຸ່ມປະຊາຊົນ ປະຕິວັດລາວ ຍັງໄດ້ນໍາເຄື່ອງ ອຸປະໂພກ-ບໍລິໂພກ ລວມມູຄ່າ 365 ລ້ານກີບ ມອບໃຫ້ແກ່ແຂວງຄໍາມ່ວນ ເພື່ອຊ່ວຍເຫຼືອຜູ້ປະສົບໄພນໍ້າຖ້ວມ ພາຍໃຕ້ຫົວຂໍ້ "ຊາວໜຸ່ມຕະລຸມບອນ ຮ່ວມໃຈ ຊ່ວຍເຫຼືອຜູ້ປະສົບໄພນໍ້າຖ້ວມ".

News

ຄະນະປະຈໍາສະພາປະຊາຊົນແຂວງຄໍາມ່ວນ ຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດວຽກງານ ຢູ່ເມືອງຄູນຄໍາ........................... ...
27/08/2026

ຄະນະປະຈໍາສະພາປະຊາຊົນແຂວງຄໍາມ່ວນ ຕິດຕາມກວດກາ
ແລະ ຊຸກຍູ້ການຈັດຕັ້ງປະຕິບັດວຽກງານ ຢູ່ເມືອງຄູນຄໍາ...........................
ໂດຍປະຕິບັດຕາມພາລະບົດບາດ, ສິດ ແລະ ໜ້າທີ່ ທີ່ກໍານົດໄວ້ໃນກົດໝາຍວ່າດ້ວຍສະພາປະຊາຊົນຂັ້ນແຂວງ, ກົດໝາຍ ວ່າດ້ວຍການຕິດຕາມກວດກາຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ, ໃນວັນທີ 26 ສິງຫາ 2026, ທີ່ສະໂມສອນເມືອງຄູນຄໍາ ທ່ານ ປອ ແກ້ວອຸດອນ ບຸດສິວງຂອນ ກໍາມະການປະຈໍາພັກແຂວງ, ຮອງປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ12, ຮອງປະທານຄະນະປະຈໍາສະພາປະຊາຊົນແຂວງຄໍາມ່ວນ (ຜູ້ປະຈໍາການ) ພ້ອມດ້ວຍຄະນະ ໄດ້ເຄື່ອນໄຫວຕິດຕາມກວດກາ ແລະ ຊຸກຍູ້ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ຕິດພັນກັບການແກ້ໄຂຄໍາຮ້ອງທຸກຂອງປະຊາຊົນ ໂດຍການເຂົ້າຮ່ວມຂອງ ທ່ານ ຄໍາປ່ຽນ ມະນີຄໍາ ກໍາມະການພັກແຂວງ, ເລຂາຄະນະບໍລິຫານງານພັກເມືອງ, ຫົວໜ້າຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງຄູນຄໍາ, ພ້ອມດ້ວຍບັນດາທ່ານສະມາຊິກສະພາປະຊາຊົນແຂວງ ປະຈໍາເຂດເລຶອກຕັ້ງເມືອງ, ຄະນະກໍາມະການປົກຄອງເມືອງ, ຫົວໜ້າ-ຮອງຫົວໜ້າຫ້ອງການທີ່ກ່ຽວຂ້ອງ ແລະ ຕະຫຼອດຮອດແຂກຖຶກເຊີນເຂົ້າຮ່ວມ.

ຈຸດປະສົງໃນການເຄື່ອນໄຫວຕິດຕາມກວດກາຄັ້ງນີ້ ເພື່ອເປັນການຕິດຕາມກວດກາການຈັດຕັ້ງປະຕິບັດມະຕິກອງປະຊຸມສະໄໝສາມັນ ເທື່ອທີ 10 ຂອງສະພາປະຊາຊົນແຂວງຄໍາມ່ວນຊຸດທີ IV, ເພື່ອຕິດຕາມກວດກາການຈັດຕັ້ງປະຕິບັດວຽກງານການແກ້ໄຂຄໍາຮ້ອງ-ຄໍາສະເໜີ ຂອງປະຊາຊົນລາວບັນດາເຜົ່າໃນກອງປະຊຸມສາມັນເທື່ອທີ 10 ຂອງສະພາປະຊາຊົນແຂວງຊຸດທີ IV ແລະ ກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງຄໍາມ່ວນ ຊຸດທີ V, ພ້ອມທັງເປັນຂໍ້ມູນໃຫ້ແກ່ຄະນະປະຈໍາສະພາປະຊາຊົນແຂວງ ເພື່ອລາຍງານຕໍ່ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນແຂວງຄໍາມ່ວນຊຸດທີ V.

ໃນກອງປະຊຸມ, ຄະນະໄດ້ຮັບຟັງການລາຍງານໂດຍຫຍໍ້ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ປະຈໍາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2026 ຂອງເມືອງ ຈາກທ່ານຮອງປະທານຄະນະກໍາມະການປົກຄອງເມືອງ. ຈາກນັ້ນ, ບັນດາທ່ານສະມາຊິກສະພາປະຊາຊົນແຂວງ ແລະ ຄະນະກໍາມະການ ໄດ້ແລກປ່ຽນຄໍາເຫັນເຈາະຈີ້ມບາງບັນຫາ ໃນການຈັດຕັ້ງປະຕິບັດວຽກງານໃນ 3 ຂົງເຂດຄື: ຂົງເຂດປ້ອງກັນຊາດ, ປ້ອງກັນຄວາມສະຫງົບ, ກົດໝາຍ ແລະ ຍຸຕິທໍາ; ຂົງເຂດວັດທະນະທໍາ-ສັງຄົມ ແລະ ຊົນເຜົ່າ, ຂົງເຂດເສດຖະກິດ ແລະ ການເງີນ. ຫຼັງຈາກນັ້ນ, ບັນດາທ່ານທີ່ເຂົ້າຮ່ວມກອງປະຊຸມກໍ່ໄດ້ຜັດປ່ຽນກັນປະກອບຄໍາຄິດຄໍາເຫັນ ແລະ ຕອບຄໍາຊັກຖາມຢ່າງກົງໄປກົງມາ ເພື່ອໃຫ້ການຈັດຕັ້ງປະຕິບັດວຽກງານໃນຕໍ່ໜ້າມີປະສິດທະພາບສູງຂື້ນ. ພິເສດໃນໂອກາດລົງເຄື່ອນໄຫວຕິດຕາມກວດກາໃນຄັ້ງນີ້ ສະພາປະຊາຊົນແຂວງຄໍາມ່ວນ ກໍ່ໄດ້ມອບງົບປະມານຊຸກຍູ້ການເຄື່ອນໄຫວວຽກງານຂອງຄະນະສະມາຊິກສະພາປະຊາຊົນຂັ້ນແຂວງ ປະຈໍາເຂດເລືອກຕັ້ງເມືອງຄູນຄໍາ ມູນຄ່າ 50.000.000 ກີບ, ພ້ອມລົງຢ້ຽມຢາມຫ້ອງການຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ ແລະ ຄ້າຍຄຸມຂັງດັດສ້າງເມືອງຄູນຄໍາອິກດ້ວຍ.
#ສະພາປະຊາຊົນແຂວງຄຳມ່ວນ

#ງານສະແດງສີລະປະວັດທະນະທຳ ເພື່ອເສີມຂະຫຍາຍ ການພົວພັນແບບພິເສດ ລາວ-ຫວຽດນາມ ແລະ ຫວຽດນາມ-ລາວ._____________________​ ບັນ...
26/08/2026

#ງານສະແດງສີລະປະວັດທະນະທຳ ເພື່ອເສີມຂະຫຍາຍ ການພົວພັນແບບພິເສດ ລາວ-ຫວຽດນາມ ແລະ ຫວຽດນາມ-ລາວ.
_____________________
​ ບັນຍາກາດແຫ່ງມິດຕະພາບອັນເປັນມູນເຊື້ອ ແລະ ການພົວພັນແບບພິເສດ ລາວ-ຫວຽດນາມ ໄດ້ຮັບການ ສືບຕໍ່ຮັດແໜ້ນຂຶ້ນຕື່ມອີກ ໂດຍໃນຕອນແລງຂອງວັນທີ 25 ສິງຫາ 2026 ທີ່ສະໂມສອນໃຫຍ່ (ຫຼັກ 4 ) ເມືອງທ່າແຂກ ແຂວງຄໍາມ່ວນ, ໄດ້ມີການຈັດງານສະແດງສີລະປະວັດທະນະທຳຂຶ້ນ ເພື່ອສະເຫຼີມສະຫຼອງວັນຊາດ ສສ ຫວຽດນາມ ຄົບຮອບ 81 ປີ (2 ກັນຍາ 1945 - 2 ກັນຍາ 2026). ທັງເປັນການເສີມຂະຫຍາຍ ບັນດາກິດຈະກຳວັດທະນະທໍາ ແລະ ສິລະປະ ຂອງ ສສ ຫວຽດນາມ.
ການຈັດງານໃນຄັ້ງນີ້ ຈັດຂຶ້ນໂດຍ ກະຊວງວັດທະນະທຳ, ກິລາ ແລະ ທ່ອງທ່ຽວ ສສ ຫວຽດນາມ ຮ່ວມກັບ ອົງການປົກຄອງແຂວງຄໍາມ່ວນ ເພື່ອເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ.
​ແຂວງຄໍາມ່ວນ ເປັນແຂວງໜຶ່ງທີ່ມີຄວາມໝາຍປະຫວັດສາດເລິກເຊິ່ງ ເຊິ່ງມີອະນຸສອນສະຖານ ປະທານ ໂຮ່ ຈິມິນ ຜູ້ເປັນວິລະຊົນ ປະທານຜູ້ຍິ່ງໃຫຍ່ຂອງປະຊາຊົນຫວຽດນາມ. ທາງກະຊວງວັດທະນະທຳ, ກິລາ ແລະ ທ່ອງທ່ຽວ ສສ ຫວຽດນາມ ຈຶ່ງໄດ້ສົ່ງຄະນະນັກສີລະປະ ແລະ ໂຮງລະຄອນຊື່ດັງຈາກນະຄອນຫຼວງຮ່າໂນ້ຍ ມາເປີດການສະແດງສີລະປະໃຫ້ຊາວແຂວງຄໍາມ່ວນໄດ້ຮັບຊົມໂດຍບໍ່ເສຍຄ່າ.
ເຂົ້າຮ່ວມໃນງານຄັ້ງນີ້ມີທ່ານ ເດດສັກດາ ມະນີຄໍາ ຮອງປະທານຄະນະກຳມະການປົກຄອງແຂວງຄໍາມ່ວນ, ທ່ານ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ, ພ້ອມດ້ວຍ ບັນດາການນຳຈາກພະແນກການ, ອົງການທຽບເທົ່າ, ພະນັກງານວິຊາການ, ພີ່ນ້ອງເຊື້ອສາຍຊາວຫວຽດນາມ ທີ່ດຳລົງຊີວິດຢູ່ແຂວງຄໍາມ່ວນ ແລະ ມວນຊົນຊາວເມືອງທ່າແຂກ ທີ່ໃຫ້ຄວາມສົນໃຈເຂົ້າຮ່ວມຊົມຢ່າງຫຼວງຫຼາຍ.
ພາຍໃນງານ, ມວນຊົນທີ່ເຂົ້າຮ່ວມໄດ້ຮັບຊົມລາຍການສະແດງສີລະປະ, ຟ້ອນລຳ ແລະ ເພງທີ່ສື່ເຖິງມິດຕະພາບ ລາວ-ຫວຽດນາມ, ຄວາມຮັກແພງບ້ານເກີດເມືອງນອນ ແລະ ຜົນງານການປະຕິວັດອັນສະຫງ່າລາສີຂອງປະທານ ໂຮ່ ຈິມິນ, ການສະແດງແຕ່ລະຊຸດລ້ວນແຕ່ສ້າງຄວາມປະທັບໃຈ ແລະ ຄວາມເບີກບານມ່ວນຊື່ນໃຫ້ແກ່ມວນຊົນທີ່ມາຮ່ວມງານ.
News

#ປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງຄຳມ່ວນລົງ ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງນາກາຍ——————————————- ...
26/08/2026

#ປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງຄຳມ່ວນລົງ ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງນາກາຍ
——————————————-
ໃນວັນທີ 25 ສິງຫາ 2026, ທ່ານ ໄຊຊະນະ ໂຄດພູທອນ, ກຳມະການສູນກາງພັກ, ເລຂາຄະນະບໍລິຫານງານພັກແຂວງ,ປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງຄຳມ່ວນ, ພ້ອມດ້ວຍການນຳຂັ້ນແຂວງ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງນາກາຍ, ໂດຍມີທ່ານ ນາງ ບົວກາ ແກ້ວມະນີ, ກຳມະການພັກແຂວງ, ເລຂາຄະນະບໍລິຫານງານພັກເມືອງນາກາຍ, ພ້ອມດ້ວຍການນຳເມືອງ ແລະ ຄະນະກອງບັນຊາການທະຫານເມືອງ ໃຫ້ການຕ້ອນຮັບຢ່າງອົບອຸ່ນ.
ໃນໂອກາດນີ້, ຄະນະກອງບັນຊາການທະຫານເມືອງນາກາຍ ໄດ້ລາຍງານເຖິງສະພາບການຈັດຕັ້ງ, ກຳລັງພົນ ແລະ ຜົນງານການປະຕິບັດໜ້າທີ່ໃນໄລຍະຜ່ານມາ. ກອງບັນຊາການທະຫານເມືອງນາກາຍ ປະກອບມີ 5 ພະແນກການ ແລະ 1 ກອງຮ້ອຍຂຶ້ນກັບ, ມີ 28 ຂະແໜງການ, 4 ໝວດ ແລະ 11 ໝູ່.ດ້ານວຽກງານຊາຍແດນ, ເມືອງນາກາຍມີຫຼັກໝາຍຊາຍແດນຈຳນວນ 38 ຫຼັກໝາຍ, ມີເຂດຮັບຜິດຊອບຍາວ 92 ກິໂລແມັດ, ໂດຍມີກອງຮ້ອຍຊາຍແດນ 311 ເປັນກໍາລັງຮັບຜິດຊອບ. ສະພາບຊາຍແດນລະດັບຊາດ, ໂດຍສະເພາະຊາຍແດນລາວ-ຫວຽດນາມ, ປະຊາຊົນສອງຝ່າຍຍັງມີການໄປມາຫາສູ່ກັນຕາມປົກກະຕິ.ພ້ອມກັນນັ້ນ,ກອງບັນຊາການ ຍັງໄດ້ລາຍງານເຖິງຜົນງານອັນພົ້ນເດັ່ນໃນການປະຕິບັດໜ້າທີ່ຜ່ານມາ, ທັງວຽກງານໂຄສະນາ-ສຶກສາອົບຮົມ, ການກຽມພ້ອມສູ້ຮົບ ແລະ ການຮັກສາຄວາມສະຫງົບຕາມແນວຊາຍແດນ. ພິເສດ, ໄດ້ເອົາໃຈໃສ່ສະກັດກັ້ນກຸ່ມຄົນບໍ່ດີ, ພ້ອມທັງສະກັດກັ້ນການລັກລອບຕັດໄມ້ ແລະ ການເກັບຂອງປ່າ. ໃນການລົງເຄື່ອນໄຫວຄັ້ງນີ້, ທ່ານ ໄຊຊະນະ ໂຄດພູທອນ ໄດ້ຮັບຟັງລາຍງານຈາກຄະນະກອງບັນຊາການທະຫານເມືອງນາກາຍ ແລະ ໄດ້ໃຫ້ທິດຊີ້ນຳທີ່ສຳຄັນໃນການສືບຕໍ່ພັດທະນາວຽກງານໃນຕໍ່ໜ້າ.ເອົາໃຈໃສ່ວຽກງານສຶກສາອົບຮົມກຳລັງພົນຢ່າງເປັນປົກກະຕິ, ພ້ອມນີ້ໃຫ້ສຸມໃສ່ການເຕົ້າໂຮມຄວາມສາມັກຄີພາຍໃນກຳລັງ, ສ້າງຄວາມເປັນປຶກແຜ່ນແໜ້ນໜາຂອງກົມກອງ, ບໍ່ໃຫ້ເກີດມີປະກົດການຫຍໍ້ທໍ້ຕ່າງໆໃນຂົງເຂດກຳລັງ. ໃນຖານະທີ່ເປັນກຳລັງຂອງປະຊາຊົນ, ທະຫານຕ້ອງຢືນຄຽງຂ້າງປະຊາຊົນ, ໃກ້ຊິດປະຊາຊົນ, ຮັບຟັງຄວາມທຸກສຸກ ແລະ ຮ່ວມກັນແກ້ໄຂບັນຫາຕ່າງໆຂອງປະຊາຊົນ.ອີກດ້ານໜຶ່ງ, ທ່ານຍັງໄດ້ເນັ້ນໃຫ້ກອງບັນຊາການເອົາໃຈໃສ່ດູແລ ແລະ ພັດທະນາຊີວິດການເປັນຢູ່ຂອງກຳລັງ ແລະ ຄອບຄົວໃຫ້ດີຂຶ້ນ, ໃຫ້ສາມາດກຸ້ມກິນ, ການລົງເຄື່ອນໄຫວຄັ້ງນີ້ ນັບເປັນອີກໜຶ່ງໂອກາດສຳຄັນ ໃນການຕິດຕາມ, ຮັບຟັງສະພາບຕົວຈິງ.
ໃນການເຄື່ອນໃຫ້ຄັ້ງນີ້ ທ່ານ ພ້ອມດ້ວຍການນຳຂັ້ນແຂວງ, ຍັງໄດ້ນຳເອົາເຄື່ອງບໍລິໂພກ - ອຸປະໂພກ, ອຸປະກອນກິລາ ແລະ ເງີນຈຳນວນໜື່ງ ພ້ອມດ້ວຍລົດ CA ຈຳນວນ 1 ຄັນ, ມາມອບໃຫ້ ກອງບັນຊາການທະຫານເມືອງນາກາຍເຂົ້າໃນການເຄື່ອນໄຫວວຽກງານວິຊາສະເພາະໃຫ້ຮັບຜົນສຳເລັດ.
News

Address

Laos PDR, Khammouane Province, Thakhek District, Phonesanam Village
Thakhek
12000

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

+856 (051) 212088

Website

Alerts

Be the first to know and let us send you an email when ສຳນັກງານ ແຂວງຄຳມ່ວນ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category