ກົມສ່ວຍສາອາກອນ

26/08/2026

26/08/2026

ມາຮູ້ຈັກ E-Tax Invoice ລະບົບໃໝ່ທີ່ຊ່ວຍໃຫ້ທຸລະກິດຂອງທ່ານເປັນເລື່ອງງ່າຍ
————————————————————-
ທ່ານຮູ້ບໍ່ວ່າ ? ທຸກຄັ້ງທີ່ເຮົາຊື້ສີນຄ້າ ແລະ ການບໍລິການຕ່າງໆ... ເງິນສ່ວນໜຶ່ງຂອງເຮົາສາມາດກາຍເປັນທຶນມາພັດທະນາປະເທດຊາດໄດ້ ພຽງແຕ່ເຮົາເຮັດສິ່ງນີ້! ນັ້ນຄືການຮຽກເອົາ ໃບບິນເອເລັກໂຕຣນິກ ຫຼື e-Tax Invoice ລະບົບໃໝ່ທີ່ກະຊວງການເງິນ ເພິ່ນຮັບຮອງໃຫ້ນຳໃຊ້ ເພື່ອຍົກລະດັບເສດຖະກິດດິຈິຕອນຂອງລາວໃຫ້ມີຄວາມທັນສະໄໝ, ສະດວກ, ສະບາຍ ແລະ ໂປ່ງໃສ!
ລະບົບນີ້ ພາກລັດໃຫ້ການສະໜັບສະໜູນ ຜູ້ປະກອບການ ແລະ ຮ້ານຄ້າໃຫ້ໄດ້ນຳໃຊ້ ເພື່ອເປັນການປະກອບສ່ວນຊ່ວຍພາກລັດ ຢ່າງເຕັມຮູບແບບ :
• ມີອຸປະກອນ ແລະ ລະບົບ e-Tax Invoice ໃຫ້ໃຊ້ໂດຍບໍ່ເສຍຄ່າ.
• ບໍ່ມີຄ່າທຳນຽມໃນການນຳໃຊ້.
• ບໍ່ມີຄ່າບໍລິການໃນການຕິດຕັ້ງລະບົບ.
• ໃຊ້ງານງ່າຍ, ສະດວກ, ຫຼຸດຜ່ອນການໃຊ້ເຈ້ຍ ແລະ ໄດ້ຮັບການອະນຸຍາດຢ່າງຖືກຕ້ອງຈາກກົມສ່ວຍສາອາກອນ.
ສະນັ້ນ, ພວກເຮົາທຸກຄົນມາຮ່ວມໃຈກັນປ່ຽນແປງສັງຄົມເຮົາ! ໄປອຸດໜູນ ແລະ ເລືອກໃຊ້ບໍລິການກັບຮ້ານຄ້າທີ່ເຂົ້າຮ່ວມລະບົບ e-Tax Invoice ແລະ ຮຽກເອົາໃບບິນທຸກຄັ້ງ ເພື່ອຄວາມໂປ່ງໃສ!"
ເພາະທຸກໃບບິນທີ່ໂປ່ງໃສ ຄືການຮ່ວມແຮງຮ່ວມໃຈ ສ້າງສາພັດທະນາປະເທດຊາດ
ມາຮ່ວມກັນປຸກລະດົມ ເລືອກອຸດໜູນ ແລະ ເຂົ້າໃຊ້ບໍລິການກັບຮ້ານຄ້າທີ່ເຂົ້າຮ່ວມລະບົບ e-Tax Invoice ເພື່ອສ້າງຄ່ານິຍົມໃນການເຮັດທຸລະກິດທີ່ຖືກຕ້ອງ.
ມາຮ່ວມເປັນສ່ວນໜຶ່ງໃນການສ້າງສັງຄົມທີ່ໂປ່ງໃສ... "ຊື້ສິນຄ້າທຸກຄັ້ງ, ໃຫ້ຮຽກເອົາໃບບິນ e-Tax Invoice ທຸກເທື່ອ!
ປັດຈຸບັນໄດ້ເລີ່ມຈັດຕັ້ງປະຕິບັດຢູ່ 3 ແຂວງຄື : ນະຄອນຫຼວງວຽງຈັນ, ຫຼວງພະບາງ ແລະ ແຂວງວຽງຈັນ ຊຶ່ງຈະມີການຜັນຂະຫຍາຍໃຫ້ນຳໃຊ້ໃນຂອບເຂດທົ່ວປະເທດໄວໆນີ້…….
ຂໍ້ມູນເພີ່ມເຕີມ 1466
#ກົມສ່ວຍສາອາກອນ #ໃບບິນເອເລັກໂຕຣນິກ #ເພື່ອຄວາມໂປ່ງໃສ #ພັດທະນາປະເທດຊາດ #ຜູ້ບໍລິໂພກຍຸກໃໝ່

26/08/2026