ສູນກາງ ສະຫະພັນແມ່ຍິງລາວ Lao Women's Union

03/09/2026

ກອງປະຊຸມຜັນຂະຫຍາຍ ແລະ ເຜີຍແຜ່ເນື້ອໃນສຳຄັນຂອງກອງປະຊຸມວຽກງານກວດກາ ທົ່ວປະເທດ ຄັ້ງທີ V.....................................................

ຕອນເຊົ້າວັນທີ 03 ກັນຍາ 2026 ສູນກາງສະຫະພັນແມ່ຍິງລາວ ຈັດກອງປະຊຸມຜັນຂະຫຍາຍ ແລະ ເຜີຍແຜ່ເນື້ອໃນສຳຄັນຂອງກອງປະຊຸມວຽກງານກວດກາ ທົ່ວປະເທດ ຄັ້ງທີ V ເປັນປະທານກອງປະຊຸມໂດຍ ສະຫາຍ ນາງ ຜາສຸກ ວົງວິຈິດ ກຳະການພັກ, ຮອງປະທານຄະນະບໍລິຫານງານ ສສຍລ, ປະທານກວດການພັກ-ລັດ; ມີຮອງເລຂາຄະນະພັກ, ຮອງປະທານຄະນະບໍລິຫານງານ ສສຍລ, ຄະນະພັກ, ຄະນະໜ່ວຍພັກຫ້ອງການ, ກົມ, ສູນ, ສະຖາບັນການເງິນຈຸລະພາກທີ່ຮັບເງິນຝາກເພື່ອພັດທະນາແມ່ຍິງ ແລະ ຄອບຄົວ ພ້ອມດ້ວຍສະມາຊິກພັກເຂົ້າຮ່ວມ.
ໃນກອງປະຊຸມ ຜູ້ເຂົ້າຮ່ວມໄດ້ຮັບຟັງເນື້ອໃນຜົນກອງປະຊຸມວຽກງານກວດກາທົ່ວປະເທດ ຄັ້ງທີ V, ເຜີຍແຜ່ບາງເນື້ອໃນບົດສະຫຼຸບຕີລາຄາວຽກງານກວດກາທົ່ວປະເທດ 5 ປີຜ່ານມາ (2021-2025) ແລະ ທິດທາງແຜນການໃນຕໍ່ໜ້າ; ເຜີຍແຜ່ບາງເນື້ອໃນບົດລາຍງານການຈັດຕັ້ງປະຕິບັດແຜນ ພັດທະນາວຽກງານກວດກາ 2021-2025 ແລະ ທິດທາງແຜນພັດທະນາ 2026-2030, ສະຫຼຸບຕີລາຄາການເຄື່ອນໄຫວວຽກງານກວດກາ ຂອງ ສສຍລ ໄລຍະ 5 ປີຜ່ານມາ ແລະ ທິດທາງແຜນການໃນ 5 ປີ ຕໍ່ໜ້າ; ເຜີຍແຜ່ບົດແນະນໍາ ວ່າດ້ວຍການຈັດຕັ້ງປະຕິບັດກົດລະບຽບຂອງພັກ ສະໄໝທີ XII ກ່ຽວກັບວຽກງານຕິດຕາມ, ກວດກາ ຂອງພັກ ສະບັບເລກທີ 377/ຄກສພ, ລົງວັນທີ 18 ສິງຫາ 2026 ແລະ ເຜີຍແຜ່ມະຕິ ວ່າດ້ວຍການເພີ່ມທະວີສະກັດກັ້ນ, ຕ້ານ ແລະ ແກ້ໄຂພະຍາດອາດຍາສິດ, ການສໍ້ລາດບັງຫຼວງ, ປະກົດການຫຍໍ້ທໍ້, ການຟູມເຟືອຍ ໃນກົງຈັກການຈັດຕັ້ງພັກ-ລັດ ແລະ ສັງຄົມ ສະບັບເລກທີ 67/ຄບສພ, ລົງວັນທີ 20 ສິງຫາ 2026 ແລະ ບົດໂອ້ລົມຂອງສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງສປປລາວ ຕໍ່ກອງປະຊຸມວຽກງານກວດກາທົ່ວປະເທດ ຄັ້ງທີ V.
ການຈັດກອງປະຊຸມເຜີຍແຜ່ໃນຄັ້ງນີ້ ເພື່ອເຮັດໃຫ້ຜູ້ເຂົ້າຮ່ວມໄດ້ຮັບຮູ້ເຂົ້າໃຈຢ່າງຖືກຕ້ອງ, ເລິກເຊິ່ງ ແລະ ເປັນເອກະພາບກ່ຽວກັບຄວາມສຳຄັນຂອງວຽກງານກວດກາພັກ, ກວດກາລັດ ແລະ ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ, ສ້າງຄວາມເປັນເອກະພາບທາງດ້ານແນວຄິດ, ການກະທຳ ແລະ ຍົກສູງຄວາມຮັບຜິດຊອບຂອງຄະນະກວດກາແຕ່ລະຂັ້ນໃຫ້ມີການປ່ຽນແປງໄປສູ່ຄຸນນະພາບໃໝ່, ຍົກສູງປະສິດທິພາບວຽກງານກວດກາໃຫ້ເດັດຂາດ, ເຂັ້ມງວດ ໃນການແກ້ໄຂການລະເມີດວິໄນຂອງພັກ, ກົດໝາຍ ແລະ ລະບຽບການຂອງລັດໃນຖັນແຖວສະມາຊິກພັກ, ພະນັກງານ-ລັດຖະກອນ, ທະຫານ, ຕຳຫຼວດ ທຸກຂັ້ນ ແລະ ທຸກລະດັບ ເພື່ອປັບປຸງລະບອບລະບຽບການເຮັດວຽກແຕ່ລະຂັ້ນໃຫ້ມີຄວາມເຂັ້ມແຂງ, ທັນສະໄໝ, ມີປະສິດທິພາບ ແລະ ປະສິດທິຜົນສູງຂຶ້ນກວ່າເກົ່າ.

02/09/2026

ກອງປະຊຸມນຳສະເໜີປຶ້ມຄູ່ມືແນະນຳການສັງເກດທີ່ມີຄວາມເປັນພິການ ພາຍໃຕ້ແຜນງານ "ຮັກລູກໃຫ້ໃສ່ໃຈ"
…………………………………………

ວັນທີ 31 ສິງຫາ 2026 ກົມພັດທະນາ ແລະ ຂະບວນການ ສູນກາງສະຫະພັນແມ່ຍິງລາວ ຮ່ວມກັບ ອົງການອຸຍນິເຊັບ ປະຈຳ ສປປ ລາວ ຈັດກອງປະຊຸມນຳສະເໜີ ປຶ້ມຄູ່ມືແນະນຳການສັງເກດທີ່ມີຄວາມເປັນພິການ ພາຍໃຕ້ແຜນງານ "ຮັກລູກໃຫ້ໃສ່ໃຈ" ໂດຍການເປັນປະທານຮ່ວມ ແລະ ກ່າວເປີດຂອງ ທ່ານ ນາງ ຜາສຸກ ວົງວິຈິດ ຮອງປະທານ ຄະນະບໍລິຫານງານ ສູນກາງສະຫະພັນແມ່ຍິງລາວ ແລະ ທ່ານ ນາງ ທີນາດິນ ບອມ ຫົວໜ້າພະແນກນະໂຍບາຍສັງຄົມ ອົງການ ອົງການອຸຍນິເຊັບ; ມີຕາງໜ້າຈາກກະຊວງສຶກສາທິການ ແລະ ກິລາ, ກະຊວງສາທາລະນະສຸກ, ກະຊວງປ້ອງກັນຄວາມສະຫງົບ, ກະຊວງແຮງງານ ແລະ ສະຫວັດດີການສັງຄົມ, ສູນກາງແນວລາວສ້າງຊາດ, ສະມາຄົມຄົນພິການແຫ່ງຊາດລາວ ພ້ອມດ້ວຍທີມງານຈາກອົງການ ອຸຍນີເຊັບ ປະຈຳ ສປປ ລາວ ແລະ ພາກສ່ວນກ່ຽວຂ້ອງຂອງ ສູນກາງສະຫະພັນແມ່ຍິງລາວ ເຂົ້າຮ່ວມທັງໝົດ 26 ທ່ານ, ຍິງ 22 ທ່ານ, ຊາຍ 04 ທ່ານ.
ທ່ານ ນາງ ຜາສຸກ ວົງວິຈິດ ໄດ້ມີຄຳເຫັນບາງຕອນວ່າ: “ຄວາມພິການ ບໍ່ແມ່ນວຽກງານທີ່ແຍກອອກຈາກແຜນງານຂອງພວກເຮົາ, ແຕ່ແມ່ນສ່ວນໜຶ່ງທີ່ຈະເຮັດໃຫ້ແຜນງານ "ຮັກລູກໃຫ້ໃສ່ໃຈ" ເຂົ້າເຖິງເດັກທຸກຄົນຢ່າງແທ້ຈິງ. ຄູ່ມືທີ່ພວກເຮົາຈະນຳໃຊ້ໃນມື້ນີ້ ໄດ້ຮັບການຮຽບຮຽງໂດຍອົງການ ຢູນິເຊັບ ຜ່ານການປຶກສາຫາລືທາງດ້ານວິຊາການຢ່າງກວ້າງຂວາງກັບຄູ່ຮ່ວມງານພາກລັດ, ອີງໃສ່ກຸ່ມຄຳຖາມມາດຕະຖານສາກົນ ຈາກ Washington Group/Child Functioning Module ແລະ ໄດ້ຮັບການຮັບຮອງຄວາມຖືກຕ້ອງໂດຍສະມາຄົມຄົນພິການແຫ່ງຊາດລາວ ເຊິ່ງໃນໄລຍະຜ່ານມາພວກເຮົາໄດ້ຈັດກອງປະຊຸມຜ່ານເນື້ອໃນການນຳໃຊ້ເຄື່ອງມືນີ້ມາແລ້ວ ໂດຍມີຜູ້ເຂົ້າຮ່ວມທີ່ເປັນຄູຝຶກຂັ້ນສູນກາງ, 06 ແຂວງ ເປົ້າໝາຍ; ຄູ່ມືສະບັບນີ້ ບໍ່ໄດ້ສ້າງຂຶ້ນເພື່ອວິນິດໄສ ຫຼື ບົ່ງມະຕິຄວາມເປັນພິການໃສ່ເດັກຄົນໃດຄົນໜຶ່ງ ແຕ່ແມ່ນເພື່ອຊ່ວຍໃຫ້ສະມາຊິກແຜນງານຂອງພວກເຮົາ ມີຄວາມຮູ້ ແລະ ທັກສະໃນການສັງເກດ, ຮັບຟັງ, ບັນທຶກ ແລະ ໃຫ້ຄຳແນະນຳເບື້ອງຕົ້ນແກ່ຄອບຄົວຢ່າງເໝາະສົມ, ພ້ອມທັງຮູ້ວິທີສົ່ງຕໍ່ໃຫ້ຜູ້ຊ່ຽວຊານເມື່ອມີຄວາມຈຳເປັນ. ນີ້ຄືການເຮັດໃຫ້ "ຈາກຂໍ້ມູນ ສູ່ການຊ່ວຍເຫຼືອ" ກາຍເປັນຈິງຢູ່ໃນລະດັບຊຸມຊົນ ຈະເປັນຄູຝຶກຂັ້ນສູນກາງຂອງສູນກາງສະຫະພັນແມ່ຍິງລາວ ຜູ້ທີ່ຈະນຳເອົາຄວາມຮູ້ ແລະ ທັກສະທີ່ໄດ້ຮັບຈາກກອງປະຊຸມໃນຄັ້ງນີ້ ໄປຂະຫຍາຍຜົນຕໍ່ໃຫ້ທີມງານຂັ້ນແຂວງ, ຂັ້ນເມືອງ ແລະ ຂັ້ນບ້ານ ຈະເປັນຂົວຕໍ່ລະຫວ່າງຄູ່ມືສະບັບນີ້ ກັບຄອບຄົວທີ່ຢູ່ໃນຊຸມຊົນຢ່າງແທ້ຈິງ”.
ການຈັດກອງປະຊຸມໃນຄັ້ງນີ້ ກໍເພື່ອສົ່ງເສີມຄວາມສາມາດ ຂອງບັນດາຄູຝຶກແຜນງານ “ຮັກລູກໃຫ້ໃສ່ໃຈ”ໃນການຮູ້ວິທີການສັງເກດ ແລະ ສະໜອງການສະໜັບສະໜູນໃຫ້ແກ່ເດັກທີ່ມີຄວາມເປັນພິການທີ່ເປົ້າໝາຍຂອງແຜນງານ “ຮັກລູກໃຫ້ໃສ່ໃຈ”. ນອກຈາກນີ້, ກອງປະຊຸມຄັ້ງນີ້ຍັງເປັນໂອກາດໃຫ້ບັນດາຄູຝຶກສາມາດປະກອບຄຳຄິດຄຳເຫັນ ແລະ ຝຶກປະຕິບັດໃນການນຳໃຊ້ເຄື່ອງມືທີ່ເປັນປະໂຫຍດ ແລະ ສາມາດເຜີຍແຜ່ໃຫ້ກຸ່ມເປົ້າໝາຍໄດ້ຢ່າງມີປະສິດທິຜົນ.

02/09/2026

ຝຶກອົບຮົມວຽກງານໂຄສະນາ-ປາຖະກະຖາໃຫ້ສະຫະພັນແມ່ຍິງ 6 ແຂວງພາກໃຕ້
…………….
ໃນວັນທີ 2 ກັນຍາ 2026, ກົມໂຄສະນາ ແລະ ວັດທະນະທຳ ສູນກາງສະຫະພັນແມ່ຍິງລາວ ຈັດຝຶກອົບຮົມວຽກງານໂຄສະນາ-ປາຖະກາຖາໃຫ້ສະຫະພັນແມ່ຍິງ 6 ແຂວງພາກໃຕ້ ທີ່ແຂວງຈຳປາສັກ ຄື: ແຂວງອັດຕະປື, ເຊກອງ, ສາລະວັນ, ຈໍາປາສັກ,ສະຫວັນນະເຂດ ແລະ ແຂວງຄໍາມ່ວນ; ໂດຍການເປັນປະທານຮ່ວມຂອງ ທ່ານ ນາງ ສິນທະມາລາ ລານາວັນ ຄະນະບໍລິຫານງານ ສູນກາງສະຫະພັນແມ່ຍິງລາວ ຫົວໜ້າກົມໂຄສະນາ ແລະ ວັດທະນະທໍາ ແລະ ທ່ານ ນາງ ນີຈັນ ແຈ່ມດາສັກ ຮອງປະທານສະຫະພັນແມ່ຍິງແຂວງຈຳປາສັກ; ເຂົ້າຮ່ວມມີຕາງໜ້າສະຫະພັນແມ່ຍິງ 6 ແຂວງ ພ້ອມດ້ວຍພາກສ່ວນທີ່ກ່ຽວຂ້ອງ.
ທ່ານ ນາງ ສິນທະມາລາ ລານາວັນ ໄດ້ກ່າວເປີດພິທີ ເຊິ່ງບາງຕອນໄດ້ກ່າວວ່າ: ການຈັດຝຶກອົບຮົມຄັ້ງນີ້ເປັນການສ້າງຄວາມເຂັ້ມແຂງໃຫ້ພະນັກງານສະຫະພັນ ທີ່ເຮັດວຽກງານໂຄສະນາປາຖະກະຖາ ຊຶ່ງແມ່ນວຽກງານ ໜຶ່ງທີ່ສໍາຄັນ ແລະຈຳເປັນ ຂອງສະຫະພັນແມ່ຍິງ ແລະ ກໍແມ່ນການປະຕິບັດຕາມ ແຜນການເຄື່ອນໄຫວວຽກງານ ຂອງກົມໂຄສະນາ ແລະວັດທະນະທຳ ສູນກາງສະຫະພັນ ແມ່ຍິງລາວ ໂດຍສະເພາະວຽກງານ ທີ່ນອນໃນແຜນພັດທະນາແມ່ຍິງລາວສະໄໝທີ IX, ຊຶ່ງລວມມີ 9ເປົ້າໝາຍ 31ແຜນວຽກຈຸດສຸມ 144ວຽກຈຸດສຸມ ໂດຍສະເພາະໃນເປົ້າໝາຍ ທີ 1: ແຜນວຽກຈຸດສຸມທີ 1: ໂຄສະນາ, ສຶກສາອົບຮົມການເມືອງ-ແນວຄິດ, ມູນເຊື້ອວັດທະນະທຳອັນດີງາມຂອງຊາດ, ຂອງແມ່ຍິງລາວ ແລະ ແຜນວຽກ 2: ຈຸດສຸມທີ 2: ສົ່ງເສີມການເຂົ້າເຖິງຂໍ້ມູນຂ່າວສານ ແລະ ພັດທະນາສື່ ສະຫະພັນແມ່ຍິງລາວ.
ຊຸດຝຶກອົບຮົມຄັ້ງນີ້ ຈະໄດ້ຮັບຟັງການນໍາສະເໜີ 5 ຫົວຂໍ້ຫຼັກຄື: ວຽກງານ ໂຄສະນາ-ປາຖະກະຖາ, ແນວຄິດໄກສອນ ພົມວິຫານກ່ຽວກັບວຽກງານ ແມ່ຍິງ, ພື້ນຖານການຂຽນບົດ-ຂຽນຂ່າວ, ເຕັກນິກການສໍາພາດ, ການຖ່າຍພາບອອກຂ່າວ ແລະ ວຽກງານ ທີ່ປິ່ນອ້ອມໃນຂົງເຂດໂຄສະນາ ແລະ ຂ່າວສານ. ການຝຶກອົບຮົມຄັ້ງນີ້ແມ່ນດຳເນີນເປັນເວລາ 2 ວັນ.

02/09/2026

ພົບກັບຫຼາກຫຼາຍກິດຈະກຳ ໃນນິເທດສະການ “ຄຸນຄ່າ ພູມປັນຍາລາວ 2026”

ພາຍໃນງານ ນິເທດສະການ ຄຸນຄ່າ ພູມປັນຍາລາວ ນີ້ຈະມີການວາງສະແດງຜົນງານຈາກພູມປັນຍາລາວ ແລະ ຜົນງານຊັ້ນສູງ, ການສາທິດຝີມືຈາກຊ່າງຜູ້ຊຳນານ, Workshop ໃຫ້ຜູ້ສົນໃຈໄດ້ລອງເຮັດດ້ວຍຕົນເອງ, ເວທີເສວະນາແລກປ່ຽນຄວາມຮູ້ ແລະ ປະສົບການ, ການສະແດງດົນຕີ, Fashion Show ແລະ ກິດຈະກຳສ້າງສັນຕ່າງໆ.
ນອກຈາກນີ້ ຍັງຈະມີອາຫານ, ກາເຟ, ຊາ, ເຂົ້າໜົມ, ສະໝຸນໄພ ແລະ ປະສົບການດ້ານສຸຂະພາບແບບລາວ ພ້ອມທັງພື້ນທີ່ໃຫ້ຜູ້ຜະລິດ, SMEs, ຜູ້ຊື້ ແລະ ນັກທຸລະກິດ ໄດ້ພົບປະ ແລະ ສ້າງເຄືອຂ່າຍຮ່ວມກັນ.
ຕະຫຼອດ 5 ວັນຂອງງານ ທຸກທ່ານຈະໄດ້ສຳຜັດພູມປັນຍາລາວໃນຫຼາຍມິຕິ ທັງການຊົມ, ການຮຽນຮູ້, ການລົງມືເຮັດ, ການຊິມ, ການຟັງ ແລະ ການແລກປ່ຽນ.
ງານນີ້ຈຶ່ງບໍ່ແມ່ນພຽງການ “ມາເບິ່ງ” ແຕ່ເປັນການ ມາສຳຜັດ, ມາຮຽນຮູ້, ມາລົງມືເຮັດ, ມາຟັງ, ມາຊິມ, ມາຊື້ ແລະ ມາຮ່ວມຄົ້ນພົບຄຸນຄ່າຂອງພູມປັນຍາລາວດ້ວຍຕົນເອງ.
ຊວນຄອບຄົວ ຊວນໝູ່ເພື່ອນ ມາໃຊ້ເວລາຮ່ວມກັນ ແລະ ມາຄົ້ນພົບວ່າ “ພູມປັນຍາລາວ” ມີຫຼາຍກວ່າທີ່ເຮົາເຄີຍເຫັນ.
ວັນທີ 9–13 ກັນຍາ 2026
ເວລາ 10:00 - 20:00
ທີ່ ສູນວາງສະແດງສິນຄ້າ ລາວ–ໄອເຕັກ (ຕຶກເກົ່າ)
ຕິດຕໍ່ສອບຖາມ 020 2222 6588
#ຄຸນຄ່າພູມປັນຍາລາວ

01/09/2026

ປະທານ ສູນກາງສະຫະພັນແມ່ຍິງລາວ ຕ້ອນຮັບການເຂົ້າຢ້ຽມຂໍ່ານັບຂອງ ຫົວໜ້າຫ້ອງການ ອົງການສາກົນເພື່ອການຍ້າຍຖິ່ນຖານ (IOM) ປະຈຳ ສປປ ລາວ......................................................

ວັນທີ 01 ກັນຍາ 2026, ທ່ານ ນາງ ອາລີ ວົງໜໍ່ບຸນທຳ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ທັນຈາ ປາສິຟີໂກ ຫົວໜ້າຫ້ອງການ ອົງການສາກົນເພື່ອການຍ້າຍຖິ່ນຖານ (IOM) ປະຈຳ ສປປ ລາວ ພ້ອມດ້ວຍຄະນະ. ໂອກາດດັ່ງກ່າວນີ້ ທ່ານ ປະທານ ສສຍລ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ໄດ້ນໍາສະເໜີໂດຍຫຍໍ້ກ່ຽວກັບພາລະບົດບາດ, ສິດ ແລະ ໜ້າທີ່ຂອງສູນກາງສະຫະພັນແມ່ຍິງລາວ ພ້ອມທັງຕີລາຄາສູງຕໍ່ການຮ່ວມມືໃນໄລຍະຜ່ານມາ ທີ່ໄດ້ຮັບການສະໜັບສະໜູນກ່ຽວກັບການສະໜອງທຶນໃນການຈັດກິດຈະກຳ ເປັນຕົ້ນ: ຝຶກອົບຮົມການກຳນົດຕົວ, ການປົກປ້ອງຊ່ວຍເຫຼືອ ແລະ ການສົ່ງຕໍ່ຜູ້ຖືກເຄາະຮ້າຍຈາກການຄ້າມະນຸດ; ຝຶກອົບຮົມການກຳນົດຕົວຜູ້ຖືກເຄາະຮ້າຍຈາກການຄ້າມະນຸດໃຫ້ແກ່ສະຫະພັນແມ່ຍິງ ແລະ ພາກສ່ວນທີ່ກ່ຽວຂ້ອງ (ແຂວງ ເຊກອງ); ກອງປະຊຸມປັບປຸງກົດໝາຍພັດທະນາ ແລະ ປົກປ້ອງແມ່ຍິງ; ຮັບຮອງປຶ້ມຄູ່ມືການຊ່ວຍເຫຼືອ, ປົກປ້ອງຜູ້ຖືກເຄາະຮ້າຍຈາກການຄ້າມະນຸດກັບຄືນສູ່ຄອບຄົວ ແລະ ສັງຄົມ; ສະໜັບສະໜູນງົບປະມານອັດຕາກິນຢູ່ພັກເຊົາໃຫ້ຜູ້ຖືກເຄາະຮ້າຍຈາກການຄ້າມະນຸດ; ການສະໜັບສະໜູນແຮງງານເຄື່ອນຍ້າຍຖິ່ນຖານ, ການຟື້ນຟູພັດທະນາກັບຄືນສູ່ຄອບຄົວ ແລະ ຊຸມຊົນ, ການເຊື່ອມໂຍງຄວາມປອດໄພ ແລະ ການປົກປ້ອງຜູ້ອົບພະຍົບທີ່ມີຄວາມສ່ຽງ. ພ້ອມນີ້ ທັງສອງຝ່າຍໄດ້ປຶກສາຫາລື ກ່ຽວກັບການຊຸກຍູ້ສະໜັບສະໜູນການຮ່ວມມືກັນໃນຕໍ່ໜ້າ ເປັນຕົ້ນ ສືບຕໍ່ກ່ຽວກັບວຽກໂຄສະນາປູກຈິດສຳນຶກໃນສັງຄົມ ເພື່ອຊ່ວຍກັຍປ້ອງກັນແຮງງານເຄື່ອນຍ້າຍຜິດກົດໝາຍ; ສືບຕໍ່ຈັດຕັ້ງປະຕິບັດບັນດາໂຄງການທີ່ຢູ່ແລ້ວ; ສ້າງຄວາມເຂັ້ມແຂງໃນຂົງເຂດວຽກງານການຕ້ານການຄ້າມະນຸດ ແລະ ສົ່ງເສີມບົດບາດຍີງ-ຊາຍ; ການຈັດສັນງົບປະມານທີ່ເຫັນວ່າມີຄວາມຈຳເປັນໃນການຟື້ນຟູພັດທະນາຜູ້ຖືກເຄາະຮ້າຍຄືນສູ່ສັງຄົມ; ຊ່ວຍເຫຼືອທາງດ້ານເຕັກນິກວິຊາການທີ່ກ່ຽວຂ້ອງກັບແຮງງານເຄື່ອນຍ້າຍ; ເກັບກຳຂໍ້ມູນເພດຍິງກ່ຽວກັບຫົວຂໍ້ທີ່ພົວພັນກັບບັນຫາແຮງງານ. ພ້ອມທັງສະເໜີສືບຕໍ່ການຮ່ວມມື MOU ວຽກແມ່ຍິງ ເພື່ອເກັບກໍາຂໍ້ມູນກ່ຽວກັບແຮງງານເພດຍິງຢູ່ ສປປ ລາວ ແລະ ສືບຕໍ່ຈັດກອງປະຊຸມເຜີຍແຜ່ຄູ່ມືການຊ່ວຍເຫຼືອຜູ້ຖືກເຄາະຮ້າຍຈາກການຄ້າມະນຸດກັບຄືນສູ່ຄອບຄົວ ແລະ ສັງຄົມ ໃຫ້ແກ່ພາກສ່ວນທີ່ກ່ຽວຂ້ອງ 07 ແຂວງ ພາກເໜືອ ແຂວງຫົວພັນ, ຜົ້ງສາລີ, ບໍ່ແກ້ວ, ຫຼວງນ້ຳທາ, ຫຼວງພະບາງ, ອຸດົມໄຊ ແລະ ໄຊຍະບູລີ ແລະ ອື່ນໆຕື່ມອີກ.

01/09/2026

✨ **ຂໍເຊີນທຸກທ່ານຮ່ວມສຳຜັດ “ຄຸນຄ່າ ພູມປັນຍາລາວ”** ✨

**ພູມປັນຍາລາວ** ບໍ່ແມ່ນພຽງວັດຖຸເກົ່າແກ່ ຫຼືສິ່ງທີ່ສືບທອດມາຈາກອະດີດເທົ່ານັ້ນ ແຕ່ແມ່ນອົງຄວາມຮູ້, ທັກສະ, ປະສົບການ ແລະວິຖີຄິດທີ່ຄົນລາວໄດ້ສັ່ງສົມ, ທົດລອງ ແລະ ສົ່ງຕໍ່ກັນມາຫຼາຍຊົ່ວຄົນ.

ພູມປັນຍາເຫຼົ່ານີ້ປາກົດຢູ່ໃນການຕ່ຳຜ້າ, ການຍ້ອມສີທຳມະຊາດ, ການຈັກສານ, ການແກະສະຫຼັກ, ການເຮັດເຄື່ອງເງິນ–ຄຳ, ການປັ້ນດິນ, ການປຸງອາຫານ, ການນຳໃຊ້ສະໝຸນໄພ, ດົນຕີ, ການຟ້ອນ, ພິທີກຳ, ພາສາ, ວັນນະຄະດີ ແລະການດຳລົງຊີວິດທີ່ສອດຄ່ອງກັບທຳມະຊາດ.

ທຸກລວດລາຍ, ທຸກຝີມື ແລະ ທຸກຂັ້ນຕອນການສ້າງສັນ ລ້ວນບັນຈຸເລື່ອງລາວ, ຄວາມເຊື່ອ, ອັດຕະລັກ ແລະຈິດວິນຍານຂອງຊຸມຊົນ, ພູມປັນຍາຈຶ່ງເປັນທັງ **ມໍລະດົກທາງວັດທະນະທຳ, ທຶນທາງປັນຍາ, ແຫຼ່ງສ້າງອາຊີບ ແລະພະລັງທາງເສດຖະກິດ** ທີ່ສາມາດນຳມາພັດທະນາຕໍ່ຍອດໃຫ້ເຂົ້າກັບຍຸກສະໄໝໄດ້.

ນິເທດສະການ **“ຄຸນຄ່າ ພູມປັນຍາລາວ”** ຈຶ່ງບໍ່ແມ່ນພຽງງານວາງສະແດງ ຫຼື ງານຂາຍສິນຄ້າ ແຕ່ແມ່ນເວທີເຊື່ອມຕໍ່ອະດີດກັບປັດຈຸບັນ, ເຊື່ອມຊ່າງຝີມືກັບຜູ້ບໍລິໂພກ, ເຊື່ອມຊຸມຊົນກັບຕະຫຼາດ ແລະ ເຊື່ອມພູມປັນຍາດັ້ງເດີມກັບເຕັກໂນໂລຊີ ແລະການອອກແບບສະໄໝໃໝ່.

ພາຍໃນງານ ທ່ານຈະໄດ້ພົບກັບ

- ເລືອກຊື້ຜະລິດຕະພັນພູມປັນຍາຈາກຊ່າງ ແລະຊຸມຊົນໂດຍກົງ
-ຊົມຜົນງານ Masterpiece ແລະມໍລະດົກຊັ້ນສູງ
- ຮຽນຮູ້ ແລະລົງມືເຮັດ Workshop ຮ່ວມກັບຊ່າງຝີມື
- ຊົມການສະແດງ, ແຟຊັ່ນ, ດົນຕີ ແລະສິລະປະລາວ
- ຊິມອາຫານ, ກາເຟ, ຊາ, ສະໝຸນໄພ ແລະສຳຜັດການຜ່ອນຄາຍແບບລາວ
- ເຊື່ອມຕໍ່ນັກທຸລະກິດ, ຜູ້ຊື້ ແລະຜູ້ຜະລິດຜ່ານ Business Matching

**ວັນທີ 9–13 ກັນຍາ 2026**
**ສູນວາງສະແດງສິນຄ້າ ລາວ–ໄອເຕັກ ຕຶກເກົ່າ**
**ເຂົ້າຊົມຟຣີ**

ຂໍເຊີນຊວນທຸກຄອບຄົວ, ຊາວໜຸ່ມ, ນັກຮຽນ–ນັກສຶກສາ, ນັກທຸລະກິດ, ນັກອອກແບບ, ນັກທ່ອງທ່ຽວ ແລະຜູ້ຮັກຄວາມເປັນລາວ ມາຮ່ວມຄົ້ນພົບ, ຮຽນຮູ້, ຊື້, ຊິມ, ສຳຜັດ ແລະ ຮ່ວມກັນສົ່ງຕໍ່ພູມປັນຍາລາວໃຫ້ກ້າວໄປສູ່ອະນາຄົດ.

📞 020 2222 6588
📧 Email: [email protected]

**ຈາກພູມປັນຍາ ສູ່ມູນຄ່າ — From Wisdom to Wealth**

✨ **We warmly invite everyone to experience “The Value of Lao Wisdom”** ✨

**Lao wisdom** is not merely a collection of ancient objects or traditions inherited from the past. It represents the knowledge, skills, experience and ways of thinking that Lao people have accumulated, refined and passed down through generations.

This wisdom can be found in handweaving, natural dyeing, basketry, woodcarving, silver and gold craftsmanship, pottery, traditional cuisine, herbal knowledge, music, dance, rituals, language, literature and ways of living in harmony with nature.

Every motif, every skill and every step of the creative process carries a story, a belief, an identity and the spirit of its community. Lao wisdom is therefore not only **cultural heritage**, but also **intellectual capital, a source of livelihoods and a powerful economic asset** that can be creatively developed for the modern world.

The exhibition **“The Value of Lao Wisdom”** is more than an exhibition or marketplace. It is a platform connecting the past with the present, artisans with consumers, communities with markets, and traditional knowledge with modern technology, design and innovation.

Visitors will be able to explore

-Purchase authentic Lao wisdom products directly from artisans and communities
- Discover masterpieces and outstanding heritage works
- Learn and participate in hands-on workshops with skilled artisans
- Enjoy Lao performances, fashion, music and traditional arts
- Taste Lao food, coffee and tea, explore herbal products and experience Lao-style wellness
- Connect with entrepreneurs, buyers and producers through Business Matching

**9–13 September 2026**
**Lao-ITEC Exhibition Hall, Old Building**
**Free admission**

We warmly invite families, young people, students, entrepreneurs, designers, tourists and everyone who appreciates Lao identity and creativity to come and discover, learn, shop, taste and experience the richness of Lao wisdom.

Let us work together to preserve, promote and pass Lao wisdom on to future generations—while transforming it into meaningful value and sustainable opportunities.

📞 020 2222 6588
📧 Email: [email protected]

**From Wisdom to Wealth**

01/09/2026

ໃນລະຫວ່າງວັນທີ 26-28 ສິງຫາ 2026, ສູນອົບຮົມແມ່ຍິງລາວ ສູນກາງສະຫະພັນແມ່ຍິງລາວ ນຳໂດຍ ທ່ານ ນາງ ຈັນສະໝອນ ແສງຫາລາດ ຮອງຫົວໜ້າສູນອົບຮົມແມ່ຍິງລາວ ພ້ອມຄະນະ ໄດ້ລົງຕິດຕາມການຈັດຕັ້ງປະຕິບັດວຽກງານຝຶກອົບຮົມຢູ່ສູນພັດທະນາ-ວິຊາຊີບທີ່ ສະຫະພັນແມ່ຍິງແຂວງສາລະວັນ, ເຊກອງ ແລະ ອັດຕະປື. ວຽກງານຝຶກອົບຮົມວິຊາຊີບ ປະກອບດ້ວຍຂະແໜງຕັດຫຍິບ, ເສີມສວຍ ແລະ ປຸງແຕ່ງອາຫານ ເຊິ່ງໄລຍະຜ່ານມາ ເອື້ອຍນ້ອງແມ່ຍິງໄດ້ເອົາໃຈໃສ່ຮໍ່າຮຽນທາງດ້ານທິດສະດີ ແລະ ປະຕິບັດຕົວຈິງ ຈົນສາມາດສ້າງລາຍຮັບໃຫ້ຕົນເອງ ແລະ ຄອບຄົວໄດ້.

31/08/2026

✨ ຊວນທ່ານມາສຳຜັດ "ມົນສະເໜ່ ແລະ ຄຸນຄ່າພູມປັນຍາລາວ" ✨

ຂໍເຊີນຊວນທຸກທ່ານມາຮ່ວມງານ ທີ່ບໍ່ພຽງແຕ່ໃຫ້ທ່ານໄດ້ເປີດຕາຊື່ນຊົມຄວາມງົດງາມຂອງຜົນງານລາວ ແຕ່ຍັງເປັນການເປີດໃຈເພື່ອເຂົ້າເຖິງ "ຈິດວິນຍານ", ຄວາມຮູ້, ຝີມືອັນປານີດ, ຄວາມເຊື່ອ ແລະ ເລື່ອງລາວອັນຊົງຄຸນຄ່າ ທີ່ແຝງຢູ່ໃນຜົນງານທຸກໆຊິ້ນ.

ມາພົບປະໂອ້ລົມກັບຊ່າງຝີມືໂຕຈິງ, ມາຮຽນຮູ້, ທົດລອງລົງມືປະຕິບັດດ້ວຍຕົວທ່ານເອງ, ພ້ອມທັງເລືອກຊື້ຜະລິດຕະພັນອັນຊົງຄຸນຄ່າເພື່ອເປັນຂອງຕ້ອນຂອງຝາກ. ມາເປັນສ່ວນໜຶ່ງໃນການຮ່ວມກັນຍົກລະດັບ "ພູມປັນຍາລາວ" ຈາກມໍລະດົກຂອງຊາດ ໃຫ້ກາຍເປັນມູນຄ່າທີ່ຈັບຕ້ອງໄດ້ ແລະ ກ້າວສູ່ອະນາຄົດທີ່ໝັ້ນຄົງຍືນຍົງ!

📌 ລາຍລະອຽດຂອງງານ:

📅 ວັນທີ: 9 – 13 ກັນຍາ 2026

📍 ສະຖານທີ່: ສູນວາງສະແດງສິນຄ້າລາວ–ໄອເຕັກ (ຕຶກເກົ່າ)

🎟️ ປີ້ເຂົ້າຊົມ: ເຂົ້າຊົມຟຣີ! (ບໍ່ມີຄ່າໃຊ້ຈ່າຍ)

"ມາຮ່ວມສຳຜັດກິ່ນອາຍແຫ່ງພູມປັນຍາລາວນຳກັນ ເພາະທຸກໆການຮັບຮູ້, ທຸກໆການຮຽນຮູ້ ແລະ ທຸກໆການສະໜັບສະໜູນຂອງທ່ານ ຄື ພະລັງອັນຍິ່ງໃຫຍ່ ທີ່ຈະຕໍ່ລົມຫາຍໃຈໃຫ້ພູມປັນຍາຂອງຊາດລາວ ໄດ້ສືບສານ ແລະ ເບັ່ງບານຕະຫຼອດໄປ."

31/08/2026

31/08/2026

ຮ່ວມສົ່ງເສີມມໍລະດົກລາວ ແລະສ້າງພະລັງໃຫ້ຊຸມຊົນ!

ພວກເຮົາຮູ້ສຶກເປັນກຽດຢ່າງຍິ່ງ ທີ່ນິເທດສະການ “ຄຸນຄ່າ ພູມປັນຍາລາວ 2026” ໄດ້ຮັບການ ສະໜັບສະໜູນຢ່າງເປັນທາງການຈາກ ສູນກາງ ສະຫະພັນແມ່ຍິງລາວ.

ການສະໜັບສະໜູນອັນມີຄຸນຄ່ານີ້ ເປັນພະລັງສຳຄັນໃນການຮັກສາ ແລະສົ່ງເສີມມໍລະດົກລາວ, ຍົກສູງບົດບາດ ແລະຄວາມສ້າງສັນຂອງແມ່ຍິງ ແລະຊຸມຊົນ ພ້ອມທັງນຳຄຸນຄ່າຂອງອັດຕະລັກລາວໄປສູ່ການຮັບຮູ້ໃນວົງກວ້າງ.

ຮ່ວມກັນຍົກຍ້ອງຜູ້ຄົນ, ປະເພນີ ແລະພູມປັນຍາທີ່ຍັງມີຊີວິດ ແລະສືບຕໍ່ສ້າງອັດຕະລັກຂອງລາວ.

[ ENGLISH ]

CELEBRATING LAO HERITAGE & EMPOWERING COMMUNITIES!

We are deeply honored to receive the Official Support of the Lao Women’s Union for Value of Lao Wisdom 2026 Exhibition.

Their valued support strengthens our commitment to preserving and promoting Lao heritage, highlighting the knowledge and creativity of women and communities, and bringing the richness of Lao identity to wider audiences.

Together, we celebrate the people, traditions and living wisdom that continue to shape the cultural identity of Laos.

#ຄຸນຄ່າພູມປັນຍາລາວ #ສູນກາງສະຫະພັນແມ່ຍິງລາວ