29/05/2026
ງານແຂ່ງຂັນທັກສະວິຊາຊີບ ເຄືອຂ່າຍ 8 ແຂວງພາກເໜືອ ຄັ້ງທີ VI ໃນວັນທີ 28 ພຶດສະພາ 2026 ທີ່ໂຮງຮຽນເຕັກນິກ-ວິຊາຊີບແບບປະສົມ ແຂວງຫຼວງນ້ຳທາ
ໃນຕອນເຊົ້າ ວັນທີ 28 ພຶດສະພາ 2026 ທີ່ໂຮງຮຽນເຕັກນິກ-ວິຊາຊີບແບບປະສົມ ແຂວງຫຼວງນໍ້າທາ ໄດ້ມີງານແຂ່ງຂັນທັກສະວິຊາຊີບ ເຄືອຂ່າຍ 8 ແຂວງພາກເໜືອ ຄັ້ງທີ VI, ພາຍໃຕ້ການເປັນປະທານຂອງທ່ານ ວິໄລພອນ ພົມມະຫາໄຊ ຄະນະປະຈໍາພັກກະຊວງ ຫົວໜ້າກົມອາຊີວະສຶກສາ, ກະຊວງສຶກສາທິການ ແລະ ກິລາ, ເປັນກຽດເຂົ້າຮ່ວມໂດຍ, ທ່ານ ສຸພັດ ຄ່າຍຄໍາ ປະທານ ເຄືອຂ່າຍ 8 ແຂວງພາກເໜືອ, ທ່ານ ປັນຍາ ຈັນທະວົງ ຄະນະພັກກະຊວງ ຫົວໜ້າກົມປະກັນຄຸນນະພາບການສືກສາ ກະຊວງສຶກສາທິການ ແລະ ກິລາ, ທ່ານ ທອງພິດ ແກ້ວປະເສີດ ຮອງຫົວໜ້າພະແນກສຶກສາທິການ ແລະ ກິລາແຂວງ, ຮອງປະທານສະພາທີປຶກສາ, ທ່ານ ປອ ຈັບ ວົງທະວີ ຜູ້ອຳນວຍການໂຮງຮຽນ ທັງເປັນຮອງປະທານ ສະພາທີປຶກສາ ໂຮງຮຽນເຕັກນິກ-ວິຊາຊີບແບບປະສົມແຂວງຫຼວງນໍ້າທາ, ມີບັນດາທ່ານ ຫົວໜ້າພະແນກ, ຮອງຫົວໜັາພະແນກ ແລະ ພະນັກງານວິຊາການ ກົມອາຊີວະສຶກສາ, ຜູ້ອຳນວຍການ, ຮອງຜູ້ອຳນວຍການ, ຕ່າງໜ້າໂຄງການ, ອຳນາດການປົກຄອງບ້ານ, ປະທານນັກທຸລະກິດໜຸ່ມ, ສະພາການຄ້າແຂວງ, ຜູ້ປະກອບການພາກລັດ ແລະ ເອກະຊົນ, ຜູ້ອຳນວຍການວິທະຍາໄລຄູ, ສະຖານອາຊີວະສຶກສາ 8 ແຂວງ 9 ສະຖານການສຶກສາພາກເໜືອ,ຜູ້ອຳນວຍການ ໂຮງຮຽນມັດທະຍົມສົມບຸນ, ຫົວໜ້າພາກ, ພະແນກວິຊາການ ແລະ ພະນັກງານຄູອາຈານພ້ອມດ້ວຍນັກສຶກສາ ກໍ່ເປັນກຽດເຂົ້າຮວ່ມຢ່າງພ້ອມພຽງ
ໃນພິທີດັ່ງກ່າວ ທ່ານ ວິໄລພອນ ພົມມະຫາໄຊ ຄະນະປະຈໍາພັກກະຊວງ ຫົວໜ້າກົມອາຊີວະສຶກສາ, ກະຊວງສຶກສາທິການ ແລະ ກິລາ ໂດຍຕາງໜ້າຄະນະພັກກະຊວງ ກໍໄດ້ມອບປຶ້ມແບບຮຽນຊັ້ນມັດທະຍົມ, ປຶ້ມຂຽນ, ບິກ ແລະ ສໍ ໃຫ້ພະແນກສຶກສາທິການ ແລະ ກິລາແຂວງ ແລະ ໂຮງຮຽນເຕັກນິກ-ວິຊາຊີບແບບປະສົມແຂວງຫຼວງນໍ້າທາ, ຮັບໂດຍ ທ່ານ ທອງພິດ ແກ້ວປະເສີດ ຮອງຫົວໜ້າພະແນກສຶກສາທິການ ແລະ ກິລາແຂວງ, ຮອງປະທານສະພາທີປຶກສາ, ທ່ານ ປອ ຈັບ ວົງທະວີ ຜູ້ອຳນວຍການໂຮງຮຽນ ທັງເປັນຮອງປະທານ ສະພາທີປຶກສາ ໂຮງຮຽນເຕັກນິກ-ວິຊາຊີບແບບປະສົມແຂວງຫຼວງນໍ້າທາ.
