NPP Kahatowita

19/07/2026

*முடிவுக்கு வந்தது ஸ்மார்ட் சிட்டி சர்ச்சை..*.
ஸ்மார்ட் சிட்டி பெயர்ப் பலகை தொடர்பாக கடந்த 6 மாத காலமாக நிலவி வந்த சர்ச்சை முடிவுக்கு வந்துள்ளது.

யல்கொடதெனிய என்ற பெயர் இப் பாதைக்கு இருந்து வந்ததாக ஒரு சிலர் முன் வைத்த வாதத்தையடுத்து அத்தனகலை பிரதேச சபையில் மொட்டு உறுப்பினரொருவர் ஸ்மார்ட் சிட்டி என்ற பெயர் வைக்கப்பட்டிருப்பதை எதிர்த்துப் பேசியிருந்தார். இதனால் உரிய பூரண தஸ்தாவேஜுகள் கையளிக்கப்பட்டிருந்தாலும் ஸ்மார்ட் சிட்டி என்ற பெயரை வைப்பதற்கு சபையின் அங்கீகாரம் கிடைக்கப் பெறவில்லை.பல தடவைகள் முயற்சிகள் முன்னெடுக்கப்பட்ட போதிலும் அத்தனையும் தோல்வியிலேயே முடிந்தது.

இந்த நிலையில் கடந்த 17 ஆம் திகதி வெள்ளிக்கிழமை அத்தனகலை பிரதேச சபை உப தலைவர் சந்திமால் விஜேசிங்கவுடன் ஒரு சந்திப்பினை ஸ்மார்ட் சிட்டி நிர்வாகத்தினர் எமது அமைப்பின் உப தலைவர் ருஷான் வீட்டில் ஏற்பாடு செய்திருந்தனர். சுமுகமான முறையில் இடம்பெற்ற இச் சந்திப்பின் போது ஸ்மார்ட் சிட்டி பெயர் வைப்பதில் இருந்து வந்த சர்ச்சைகள் குறித்து பேசப்பட்டது. இதன்போது பிரதேச சபை உப தலைவர் சந்திமால் விஜேசிங்க யல்கொடதெனிய என்ற பெயரை மேலே போட்டு ஸ்மார்ட் சிட்டி என்ற பெயரை கீழே ஓரளவு பெரிதாகப் போட்டு பெயர்ப் பலகையைத் தயார் செய்வது குறித்த தமது கருத்தை முன்வைத்தார்.

இந்த நிலையில் கஹட்டோவிட்ட 369 வட்டார சபைத் தலைவர் ஜவாத் இது தொடர்பான மாதிரி வரைபொன்றினை முன்வைத்தார்.அதற்கு இணக்கம் தெரிவித்த உப தலைவர் சந்திமால் ஸ்மார்ட் சிட்டி என்ற பெயர்ப் பலகைக்கான தனது அங்கீகாரத்தை வழங்கினார்.

பிரதேச சபை உறுப்பினர் இன்சாப், வட்டார சபைத் தலைவர் முஹம்மத் ஜவாத், ஸ்மார்ட் சிட்டி அமைப்பின் தலைவர் ஷாஜஹான்,உப தலைவர் எம்.எஸ்.எம்.ருஷான்,பொருளாலர் சட்டத்தரணி எம்.எச்.எம்.அஸ்லம்,உப செயலாளர் எம்.டி.எம்.நுஸ்ரத் ஆசிரியர் ஆகியோர் தமது சம்மதத்தினைத் தெரிவித்தனர்.

இச் சந்தர்ப்பத்தில் இப் பெயர்ப்பலகை விடயத்தில் ஒத்துழைப்பு வழங்கி சர்ச்சையை முடிவுக்குக் கொண்டு வர ஒத்துழைப்பு வழங்கிய அனைவருக்கும் ஸ்மார்ட் சிட்டி அமைப்பின் சார்பில் நன்றிகளைத் தெரிவித்துக் கொள்கிறோம்.
-சிராஜ் எம் ஷாஜஹான்-

17/07/2026

🧭பிரதியமைச்சர் முனீர் முழப்பர், பாராளுமன்ற உறுப்பினர் ருவன் மாபளகம உள்ளிட்ட அதிதிகள் முன்னிலையில் கஹட்டோவிட்ட ஹிஜ்ரா மாவத்தை திறப்பு.

கஹட்டோவிட்ட பிரதேச மக்களின் 15 ஆண்டுகால நீண்டகாலக் கனவாக இருந்த ஹிஜ்ரா மாவத்தை பாதை முழுமையாகக் கொன்கிறீட் இடப்பட்டு, இன்று (17) மக்கள் பாவனைக்காக உத்தியோகபூர்வமாகத் திறந்து வைக்கப்பட்டது.

​சுமார் ஒன்றரை தசாப்த காலமாக இப்பாதையைச் செப்பனிடுவதற்குப் பல்வேறு முயற்சிகள் மேற்கொள்ளப்பட்ட போதிலும், அவை கைகூடாமல் இருந்து வந்தன. இந்நிலையில், தற்போதைய தேசிய மக்கள் சக்தி அரசாங்கத்தின் கீழுள்ள அத்தனகல்ல பிரதேச சபையின் நிதியொதுக்கீட்டின் கீழ், இப்பாதை மிகவும் தரமான முறையிலும் நேர்த்தியாகவும் கொன்கிறீட் இடப்பட்டு புனரமைக்கப்பட்டுள்ளது.

​கடந்த தேர்தல்களின் போது மக்களுக்கு வழங்கிய வாக்குறுதியை நிறைவேற்றும் வகையில், கஹட்டோவிட்ட வட்டார சபையின் உப தலைவரும், மக்கள் விடுதலை முன்னணியின் மூத்த உறுப்பினருமான அல் ஹாஜ் ஹிசாம் அவர்களின் நேரடி முயற்சியில் இப்பணி முன்னெடுக்கப்பட்டது.

​இப்பாதைப் புனரமைப்புப் பணியானது, கஹட்டோவிட்ட அபிவிருத்தி குழுவின் தலைவர் மொஹம்மத் ஜவாத் அவர்களின் ஒருங்கிணைப்பிலும், அத்தனகல்ல பிரதேச சபை உறுப்பினர் மொஹம்மத் இன்சாப் அவர்களின் வேண்டுகோளின் பேரிலும் ஆரம்பிக்கப்பட்டது. சமய விவகாரங்களுக்கான பிரதியமைச்சர் முனீர் முழப்பர் அவர்களின் வழிகாட்டல், அத்தனகல்ல அபிவிருத்தி குழு தலைவரும் பாராளுமன்ற உறுப்பினருமான ருவன் மாபளகம அவர்களின் ஆலோசனை, அத்தனகல்ல தொகுதி என்.பி.பி அமைப்பாளர் புபுது கபுருகேவின் ஒத்துழைப்பு மற்றும் அத்தனகல்ல பிரதேச சபை தலைவர் தர்ஷன விஜேசிங்க அவர்களின் நிதியொதுக்கீடு ஆகியவற்றின் மூலம் இந்த அபிவிருத்தித் திட்டம் மிகச் சிறப்பாகச் செய்து முடிக்கப்பட்டுள்ளது.

​இன்று நடைபெற்ற இப்பாதையின் உத்தியோகபூர்வ திறப்பு விழாவில் சமய விவகாரங்களுக்கான பிரதியமைச்சர் முனீர் முழப்பர், பாராளுமன்ற உறுப்பினர் ருவன் மாபளகம, தொகுதி அமைப்பாளர் புபுது கபுருகே, பிரதேச சபைத்தலைவர் தர்ஷன விஜேசிங்க, பிரதேச சபை உறுப்பினர் மொஹம்மத் இன்சாப், வட்டார சபைத்தலைவர் மொஹம்மத் ஜவாத் மற்றும் உப தலைவர் அல் ஹாஜ் ஹிசாம் உள்ளிட்ட கட்சியின் முக்கிய உறுப்பினர்களும், ஊர்ப் பிரமுகர்களும், ஹிஜ்ரா மாவத்தை பொதுமக்களும் திரளாகக் கலந்துகொண்டு சிறப்பித்தனர்.

​நீண்ட காலமாகப் போக்குவரத்து சிரமங்களை எதிர்கொண்டு வந்த தமக்கு, இப்பாதையை அழகிய முறையில் புனரமைத்துக் கொடுத்தமைக்காக பிரதேச சபை உறுப்பினர் மொஹம்மத் இன்சாப், பிரதேச சபைத்தலைவர் தர்சன விஜேசிங்க மற்றும் அரச அதிகாரிகளுக்கும், அத்தனகல்ல பிரதேச சபைக்கும் கஹட்டோவிட்ட மற்றும் ஹிஜ்ரா மாவத்தை வாழ் பொதுமக்கள் சார்பாக மனமார்ந்த நன்றிகள் தெரிவிக்கப்பட்டுள்ளன.

​செய்தித் தொகுப்பு: எம். ஆர். லுதுபுள்ளாஹ்

14/07/2026

06/07/2026

கஹட்டோவிட்ட அல் பத்திரியாவின் பாடசாலை விஞ்ஞான கூடம் அபிவிருத்திக்கு 20 இலட்சம் ரூபா நிதி ஒதுக்கீடு.

பாடசாலையின் அடிப்படைத் தேவைகளில் காணப்படும் குறைபாடுகளை நிவர்த்தி செய்யும் நோக்குடன் இந்த நிதி வழங்கப்பட்டுள்ளது.
இதனைத் தொடர்ந்து, மேலும பல கட்டிடப் புனரமைப்பு வேலைகள் மேற்கொள்ளப்படவுள்ளதாக பிரதேச சபை உறுப்பினர் இன்ஷாப் சகோதரர் தெரிவித்தார்.
இந்த அபிவிருத்திப் பணிகள் மற்றும் எதிர்காலத் திட்டங்கள் குறித்துக் கலந்தாலோசனை செய்வதற்காகப் பிரத்தியேகக் கூட்டம் ஒன்று அண்மையில் நடைபெற்றது. இக்கூட்டத்தில் அத்தனகல்ல அபிவிருத்திக்குழு தலைவர் பாராளுமன்ற உறுப்பினர் ருவன் மாபல்லகம , பிரதேச சபை உறுப்பினர் இன்ஷாப், வட்டார சபை தலைவர் ஜவாத் ஆகியோர் கலந்துகொண்டனர். அவர்கள் பாடசாலை அதிபர் மற்றும் பாடசாலை நிர்வாகக் குழுவினருடன் கலந்துரையாடினர்.

இந்த நிதி ஒதுக்கீடு மற்றும் அபிவிருத்தித் திட்டங்கள் கஹட்டோவிற்ற அல் பத்திரியா பாடசாலை மாணவர்களின் கல்விச் சூழலை மேம்படுத்துவதில் முக்கியப் பங்கு வகிக்கும் என்பது குறிப்பிடத்தக்கது.

*ஏற்கனவே, வாசிகசாலை மறுசீரமைப்புக்காக 20 இலட்சம் நிதி ஒதுக்கப்பட்டு பணிகள் நிறைவடைந்துள்ளமையும் இங்கு குறிப்பிடத்தக்கது.

02/07/2026

01/07/2026

கஹட்டோவிட்ட ஹிஜ்ரா மாவத்தை பாதை புனரமைப்பு பணிகள் ஆரம்பம்.

மிகவும் நீண்டகாலமாக கேட்பார் பார்ப்பார் இன்றி காணப்பட்ட கஹட்டோவிட்ட குரவலான ஹிஜ்ரா மாவத்தைக்கு செல்லும் பாதை செப்பனிட ல் மற்றும் கொன்கிறீட் இட்டு புனரமைக்கும் பணிகளின் ஆரம்ப கட்ட வேலைகள் நேற்றைய தினம் அத்தனகல்ல பிரதேச சபை உறுப்பினர் மொஹம்மத் இன்சாப் அவர்களின் தலைமையில் ஆரம்பமானது.

தமது தேர்தல் வாக்குறுதிகளில் ஒன்றாக குறிப்பிட்ட மேற்படி பாதை திருத்தப்பணிகள் நேற்று 30/6/2026 அத்தனகல்ல பிரதைச சபை உதவியுடன் JCB இயந்திரம் கொண்டு இதன் சுத்தப்படுத்தல் மற்றும் செப்பனிடும் பணிகள் ஆரம்பிக்கப்பட்டுள்ளதையும் வட்டார சபை அங்கத்தவர்களும் கட்சியின் , கஹட்டோவிட்ட வட்டார அபிவிருத்தி சபையின் தலைவர் ஜவாத் அவர்களும், உப தலைவர் அல் ஹாஜ் ஹிசாம் அவர்களும் இந்த நிகழ்வின் போது இணைந்திருப்பதையும் வேலைகள் நடைபெறுவதையும் படங்களில் காணலாம்.

-Kahatowita news page official-

19/06/2026

27/04/2026

ஆட்சி கதிரை என்பது வெறும் இருக்கை அல்ல, அது(சிங்கள) மக்களின் நம்பிக்கை!💪

அநுரவை சிங்கள மக்கள் விரும்பி விட்டார்கள்😍

இந்த நாட்டில் பெரும்பான்மை மக்களே யாரை ஆட்சியில் அமர்த்த வேண்டும் ஆட்சி கதிரையில் இருந்து யாரை இறக்க வேண்டும் என விரும்புகிறார்கள்.

எதிர்கட்சி கூப்பாடு போடுவது போல இந்த ஆட்சி அவ்வளவு இலகுவில் வீடு போகாது அது அவர்களின் பகல் கனவே!

கடந்த தேர்தல்களில் மக்கள் வழங்கிய ஆணை மிகவும் தெளிவானது.

தற்போதைய கணிப்புகளின்படி (2026 ஏப்ரல்), அரசின் மீதான மக்களின் நன்மதிப்பு 65% வரை உயர்ந்துள்ளது. குறிப்பாக ஊழல் ஒழிப்பு மற்றும் போதைப்பொருள் தடுப்பு நடவடிக்கைகளில் அரசு காட்டும் வேகம் மக்களிடையே பெரும் வரவேற்பைப் பெற்றுள்ளது.

சிஸ்டம் மாற்றம் (System Change) என்பது ஒரே நாளில் நடந்துவிடாது. ஆனால், மக்கள் விரும்பிய மாற்றம் மெல்ல மெல்ல வேரூன்றி வருகிறது. எதிர்க்கட்சிகள் வீதிக்கு வந்து போராடுவதால் மட்டும் ஓர் ஆட்சி கவிழ்ந்துவிடாது. மக்களின் இதயங்களில் இருந்து அந்த ஆட்சி வீழும் வரை அது நிலைத்தே இருக்கும்.

பழைய அரசியல் கலாச்சாரம் மாறி, சட்டத்தின் ஆட்சி நிலைநாட்டப்படும் ஒரு புதிய சகாப்தம் வேண்டும். அடுத்த தலைமுறைக்காக இப்போதே சிந்தித்துச் செயல்படுவோம்.