07/10/2026
🏠️ දිට්වා සුළි කුණාටුව හේතුවෙන් අවතැන් වූ සොරණාතොට ප්‍රාදේශීය ලේකම් කොට්ඨාශයේ පවුල් 25ක් වෙනුවෙන් නව නිවාස ව්‍යාපෘතියට මුල්ගල් තැබේ! 🏠
---------------------------------------------------------------------------
පසුගියදා ඇති වූ 'දිට්වා' ආපදාව හේතුවෙන් පූර්ණ හානියට පත්ව අවතැන් වූ වතු ජනතාව වෙනුවෙන් නව නිවාස ඉදිකිරීමේ ව්‍යාපෘතිය අද (2026.10.07) සුබ මොහොතින් ආරම්භ කෙරිණි.
වැවිලි ප්‍රජා වතු යටිතල පහසුකම් පිළිබඳ අමාත්‍ය සමන්ත විද්‍යාරත්න මහතාගේ ප්‍රධානත්වයෙන් සොරණාතොට සාර්නියා වත්ත, මහතැන්න ඉඩමේදී මෙම මුල්ගල් තැබීමේ උත්සවය පැවැත්විණි. මෙම නිවාස ව්‍යාපෘතිය අදියර කිහිපයක් යටතේ ක්‍රියාත්මක කිරීමට නියමිත අතර, එහි පළමු අදියරේ ඉදිකිරීම් කටයුතු මෙලෙස ආරම්භ විය.
ඊට අමතරව දිට්වා ආපදාවෙන් පූර්ණ හානි සිදු වූ පවුල් 3ක්, අර්ධ හානි සිදු වූ පවුල් 17ක් හා ව්‍යාපාර හානි 10 ක් සදහා චෙක්පත් පිරිනැමීම ද මෙහිදී සිදු කරන ලදී.
මෙම අවස්ථාව සඳහා තරුණ කටයුතු නියෝජ්‍ය අමාත්‍ය දිනිඳු සමන් හෙන්නායක මහතා, සොරණාතොට ප්‍රාදේශීය සභාවේ සභාපති අශෝක කීර්ති ජයලත් මහතා ඇතුළු ප්‍රාදේශීය සභා මන්ත්‍රීවරුන්, බදුල්ල දිස්ත්‍රික් ලේකම් සුනිල් ගලගම මහතා, සොරණාතොට ප්‍රාදේශීය ලේකම්තුමිය ඇතුළු රාජ්‍ය නිලධාරීන් සහ ප්‍රදේශවාසීන් රැසක් එක්ව සිටියහ.
ස්වර්ණසර මාධ්‍ය ඒකකය
